«رحمة الخدمه»
«تجليبه»
~~
ابدفتر خدمتك يحسين سجلنــــــــه
لعد اخرنفس عالخدمــــه ثبتنــــــــه
▪︎▪︎▪︎
يبــو السجاد منك هاذي طلبتنــــــــه
علـــــــه هالخدمه يابو العتره ثبتنـــه
اوخلـــــــي ابخدمتك تقوه عقيدتنــه
بيك ايمان عدنـــــــــــــــه ماتخيبنــه


ياشبل الصيمده اللي نجه ذالنّــــــون
كريم انتـه اونعرفك ماتخيب اضنون
اقبلنـــــــه خدم يامن قبلت الجـــون
لتخلي هواها الدنيه يجرفنـــــــــــــه


علينــــــــه اتحنن ابلطفك يوالينـــــه
سفن هاي الخدامـــــــــه خل تنجينـه
لوما رحمتك يحسين ذلينــــــــــــــــه
نريد ابخدمتك هالعزه تشملنـــــــــــه


شرف النـــه خدامتكم يبو اليمّـــــــــه
اوفاز ابدفترك من سجلت اسمـــــــــه
اوجبريل القبلنــــــه افتخر بالخدمـــه
يحسين الخدمتك الله خالقنـــــــــــــه


خالقنـــــــه الجليل الخدمتك يحسين
علـه هاي الخدامـه احنه فتحنه العين
شرف النـــــه اوسعاده اوكرم بالدارين
لون خدام خدام الك تحسبنــــــــــــــه


يبو السجـــــــــاد هاي الخدمـه نهواها
اونحب لاخر نفس نتعاهد اويــــــــاها
وابدم المناحر احنــــــــــــــــــه نفداها
ابجاه امك الزهره اوحيدر اقبلنـــــــــه


اقبلنــــــــــه يبو اليمـــــــــه الك خدام
اوخلينـــه ابخدمتك نگضــــي هالايام
دنيـــه اواخره النــــــه الخدامه اوسام
وابهاذه الوسام احنــــــــــــــه تشرفنه

نمشــــــي اعليك اخوك الغالي العبّاس
ارزقنه الخدامــــــه البيـها رفعت راس
اوخلينه اعلـــــــه حبها تخمد الانفاس
وامك فاطمه بالگبر تحضرنـــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«لبيك ياحسين»
«چلمه اونص»
~~~
حسينا حسينا سيد شباب الجنـــه
▪︎▪︎▪︎
حبك عالروح اتربـــــــع اوسط الگلوب اليرتـع
كلمن بالدنيه اتشيــــــع صوته ابأيراد اليرفـــع
حسينا حسينا الگطع النحرماعفنه


والحبك يسري ابدمــه من عندك ماخذ عزمـه
ايردد ابشوگ الچلمـــه لبيك يابــــو اليمـــــــه
حسينا حسينا حبك حبك جننـــــــه


عالفطره انحبك بايمان ويتغازل بيك الوجدان
ياحجة الله الرحمــــان يا اكمل واعظم انسان
حسينا حسينا من زوارك اكتبنـــه


لوتكتبنـــــــه من الزوار نقتبس منك انــــــوار
من عندك يابـــوالاحرار صك البراءه من النــار
حسينا حسينا يوم الحشرتحضرنه


عــابس من جن ابحبك هالثائرچـــــان ابقربك
روحه قدمـــــها ابركبك احنه عشگنــه الدربك
حسينا حسينا والغيرك لامعشگنـه


همتنــــه من انصـــارك نحمل نظل افكــــــارك
يوم الاجتنـــــه اخبارك اتحشدنـه نحمي دارك
حسينا حسينا عالظالم اتوحّدنــــه


اتوحّدنه ونتـــــه القايد مثلك يحسين انجـاهد
ابوجــه الغشــوم الحاقد واعلينه انتــــه الشاهد
حسينا حسينا ماننطي الغيرك دمنه


لــــــــــونفدي دم المنحر مو اغلــــــه من الاكبر
جدامك طــــــــاح اموذر گطعت جسمه العسكر
حسينا حسينا امصاب الأكبرشيبنه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«فخرخدمة الحسين عليه السلام»
«فائزي»
~~~~
محلاها هالخدمــــــــه بسمك يبواليمــــه
خدام احنــه اونفتخــر بسمك يبواليمـــه

▪︎▪︎▪︎
هالخدمــه جاري منحرك اسس بنـــــــاها
يحسين بوجـــــوه الظلم عالـــــي صداها
اوخلدها سبــــع الگنطره رافـــــــــع لواها
كل جيل منعدنـــــه يجي عاشــــگ ولاها

بدمانـــــــــــــه نفديها برواح نحميــــــها
عشاگ نلهج كل عصر بسمك يبواليمــــه


من النحرصوت اعتلـــــه من فجرونـــــــه
هيهات عنــــــــــها مانزل لوگطعونـــــــــه
عن خدمتك يـــــــاسيدي مايمنعونـــــــــه
ابهاي المأتم كل سنـــــــه يتعرضونـــــــــه

هالزمره وهمانـــــــــه هالحرب ويانـــه
ماتدري نلهج من زغر بسمك يبواليمــه


من چنه احـــــنـــه بالمهد حبـــــها بالگلوب
بارينه هالحب غارســــــه ابخدمتــه انذوب
وشلون عنــــــــــه ياخلگ تردونـــــه انتوب
لحسين حبه اوخدمـتـــــه غفران الذنــــوب

لاوالله منعوفــــــــــــــــه اولاترجع الكوفه
انحارب افلـول اهل الغدر بسمك يبواليمه


نفتخر حگنـــــــه نفتخر بالخدمـــه يحسين
لين بيــــها عزه والشرف الكـــــــل المسلمين
اونلتمس منعدها الوفــه والهــــــــا مضحين
بچفوفنه رايــــــــه ترف وســــــط الميـادين

بيها تمسكنــــــــــــــه هالخدمه مبدأنـه
هالرايــه رفت بالنصر بسمك يبواليمـه


يحسين والله خــــد متك تاج الكرامــــــــــه
هاذي سفينــــه اللي تصل شاطي السلامــــه
بالد نيــــــه مفتـاح الفرج اويوم القيامـــــــه
مستبشره اوجـــوه الخدم باجرالخدامــــــــه

حيدر شفيـــــــــع الها هاي الخدم كلها
صك الشفاعــه تنتظر بسمك يبواليمــه


يابخت حضــــــه من خدم شبل الزچيــــــــه
لحسين وصـــــــه ابخدمته سيد البريـــــــــه
هالشرف مابعده شــــــــرف للجعفريـــــــــــه
لوننكتب احنــــــــــــه خدم الوالد رقيـــــــه

هيهات ينسانـــــــــــه كل شده ويانــــــه
منذور منعدنــــه العمر بسمك يبواليمــــه


نفداها بنفوس اودمــــــــــه نحــــــي الشعـاير
لحسين تهتف كل عصـــــــر هاي الحنــــــاجـر
كل جيل بالحگ يعتلـــــــــي صوت المنــــــابر
من هالخدامـــــــــه الطاهره جتنـــــــه البشاير

للخدم هالبشــــــــــره من علي والزهره
كل شيعي ذنبـه ينغفر بسمك يبواليمــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

#كلمات_الشاعر_فالح_العامري

#اداء_الرادود_الحسيني_الموفق
🎤🎤🎤🎤🎤🎤🎤🎤🎤🎤
#ملا_علي__الفرطوسي

للاشتراك في الدعم @fatma93

«الحب الى الحسين عليه السلام»
«شيعتي»
~~~
لك حبــــــي ياحسين وولائـــــــي عن يقين
ولك ابقـــــــا نصيـــر انتـــــه ياسبط البشير
▪︎▪︎▪︎
صرخـه من باطن ضميري ترتفـع يحسين احبــك
السانــــــي ليل انهار يلهج ياشفيع الأمـــه بأسمك
واحلـــــه من الشهد عندي موتي لوصار اعله دربك
واشحلاتـــــــه العمر هاذه ينختــم يحسيــن يمك

عندي احلــه الأمنيات في ولاك هالحيـــــات
يامن احييت الضميــر انتـــــه ياسبط البشير


علم عندك يبواليمـــــه اشگد الك شوگي اوحنيني
بيش اوصف الك حبـي يعجز اويثكل لسـانـــــــي
ياحبيبـــــي والله اشعر انته مالك كل كيانـــــــــي
هذا گلبي من اسئلــــــه ايگلي بحسين الأمانـــــي

فــي هواك القلب ذاب ذاب من عظم المصاب
مثل يـــــومك لايصير انتـــــه ياسبط البشير


بــالگلب مغـروس حبـك ويسري ويه الدم احسـه
من لبن امــــــي رضعته وبوسط روحي اغرســـه
علـــه افروع الدين كلها حبك الطاهــر اقدســــه
صايرالروحــي اودليلـي انس وشمحلــه اونســــه

ياانيسن للقلــــــــوب حبك يمحو الذنــوب
ياوجيهاً للقديــــــــــر انتـــــه ياسبط البشير


ياذبيح الغاضريـــــــــــه انتـــــه ياكعبــــة وجودي
يامن الذاتــــي اصلحتها اوحررتنــــــي من قيودي
اشلون اعوفن آنـه دربك ابدمـــي اوفيلك عهودي
منك اطلب للشفاعـــــــه واطمــــع ابيت الخلودي

ياسبيلا.ً للنجــــــــــــاة في الحياة والممـــات
حبــــــــــوك فوزا كبيـر انتــــه ياسبط البشير


كـل عمــل من دون حبك الباري ابدا مـايقبلــــــــه
اوكلمن الشخصـك يعـادي عيشتـه عيشت مذلــــه
وين صارت ال اميـــــــه جانت الشخصك تجهله
انـــــــــه ابگـه بيك الهج وللحشـرحبك احملـــــه

انــــا احمل خيــــرزاد نافعن يـــــوم المعياد
شخصك خيــرا مجير انتـــــه ياسبط البشير


كل عمل يتجلــــــه باچر صوره يصبح بالقيامــــه
كل شخص طائره ابعنقـه ينحشرهوه وامامــــــــه
وانه متعلگه ابرگبتـــــــي بالحشرحب الخدامـــــه
فايزالصارابجبينـــــــــــه خدمة احسين العلامــــه

هذا في الحشروســـام وهواعلا كل مقــــــام
عنده معبـــــــودا قدير انتـــــه ياسبط البشير

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«مصاب الحسين ع»
«تجيليبه»
~~
انــــــوح اعليك كل عمري يبواليمـــــه
اوشيبك مانسيتـــــــه امخضب ابدمـه
▪︎▪︎▪︎
ماانســـــــــــــــه مصابك اذكره كل يوم
يبوالسجــــــــــاد من دارت عليك الگوم
مـــــــــاتگدربعد من الجروح اتگـــــــوم
والمثلث يصيبك ناگـــــع ابسمـــــــــــــه


سهم النايبــــــــــــه ياويلــــي من صابك
طحت من المهـــرمن شدت اصـــــــوابك
كلها امجزره فـــــــــــــوگ الثره اصحابك
كل واحد تشوف الأجل حل يمــــــــــــــه


ماانســـــــــــــاك انته من الگفــــه مذبوح
مسلوب الجســـــــم فـــوگ الثره مطروح
اظل اعليك انـــــوحن والگلب مجــــروح
يمحزوز النحرواضلــــــــــــــــوع المهشمه


يحسين النحــــــــرگطعوالك ضامــــــــــي
من كثـــــــرالمصــايب گلبك الدامــــــــــي
عليك ابگـــــــــــه ابحزن وابماتم ايامــــي
لمن جسمــــــــــــــــــي الگبربترابه ايضمه


مذبوح اوعلــــــــــــه صدرك تدوس الخيل
يبوالسجـــــــــــــــــاد يالخـادم الك جبريل
والله لودمـــــــــــــه منــــي الدموع اتسيل
علــــــــــــــــه اخيمك البيها النارملتهمـــــه


نــــــــــــــايم عالثره اوبــــــالخيم تلهب نار
اوتحشم بيك زينب يبن حامــــــــــي الجار
علــــــــــــــه راس الرمح راسك عليها اندار
زينب بالدمـــــــــــــوع الراسك اتكلمـــــــــه


تصيــــــح ابصــوت ياراس الغريب احسين
من فـــــــــــــــــوگ الرمح وتصدالي بالعين
يخويـــــــــه اتشوف فزعت هالعده صوبين
هــــــــــــــاي الناس ماعدها ابد رحمــــــــه


يبوالغيره علــــــــــه اخيمي افزعت هالناس
يخويــــــــــــــــه بلچن اتحشم الأخوعبّاس
گلـــــــــــــــــــه اختك ولتها زمرت الأرجاس
حلف كافلـــــــــــــــــي اعليــــــــه ابلبن امه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«مصرع الحسين ع»
«تجليبه»
~~~~
صعب يحسين لواصف گطــــــع نحرك
الشمرجالس يبواليمــــــه علـــه صدرك
▪︎▪︎▪︎
ساعة من طحت فـــــوگ الثره يحسين
عليك اتكــــــــــالبت اهل الغدرصــوبين
انتـــــــــــــه ابلايـه ناصربس تديرالعين
من راح الگمرانتــــــــــــــه انكسر ظهرك


علـــــــــــه صدرك اشلون الشمــريتربـــع
عرش الباري گلـــــــــــي اشلون متزعزع
اوعلـــــــــــــــي الكرارمن الگبرمايطلـــع
وجدك ماسمــــــــــــــع وبكربله ايحظرك


عجيبـــــــه الگاع ماساخت بهلها اشلون
انته ابن الزچيـه والنجـــــــــــــه ذالنون
واشرارالبريــــــــــــــــه ابنحرك ايحزون
يبوالسجــــــــــــاد مووالله عجيب امرك


يــــاسيد شباب الجنــــــــــــــه والأكوان
نحرك ينگطــــــــــع ياسيدي عطشـــــان
تغطيك السيــــــــوف اوفــارش التـربان
والمثلث طلــــــــــع يحسين من ظهــرك

يريت المصطفــــــــــى يحظرابهالساعــه
يشوف احسين من مد للأجل باعـــــــــه
غارگ بالدمه اوامهشمـــــه اضلاعـــــــــه
من حزووريــدك جـــدك اينظــــــــــــــرك


الشمرساعــــة الحزراسك يبواليمــــــــــه
علــــــه اعيالك يوالـــي صارت الهجمـــه
ويصيح الشمرحرگـــــــوها لخيمـــــــــــه
يبوالسجـــــــــــاد الله ايعظـــــــم الأجرك


اجت زينب علـــه التل تخبرك بالصـــــــار
تگلك يبن ابــــــوي الخيـــــــم شبت نـــار
گــــــــــــوم اوشوف حالتنــــه يبوالأحرار
اجت خويــــــــــــــه حرمكم لايذه ابكترك

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«الخدامه الشريفه»
«ثلاث ترباع الشيعتي»
~~
احنــــــه خدام لبواليمـــــــــه
نحـــي كل عام ذكراسمـــــــه
مجلسه واحزانه للمنيه اويانـــه
احنــــــه خدام لبواليمــــــــــه
▪︎▪︎▪︎
راية الخدمـــــــــــه لبواليمــــــــــه رفعنه
اوراعي هاي الخدمـــــه هوه اللي جمعنه
اومن اجلــــــــها ارواح وآموال الدفعنـــه
لعد گطــــــــــــع النحرعنها مارجعنــــــــه

نرخص ادموم من اجلــــــــها
نظـــل لــــدوم احنــــــه اهلها
احسين ماينسانه للمنيه اويانـــه
احنــــــه خدام لبواليمــــــــــه


احنه بالخدمـــــــــــــه تغذينه اوربينـــــه
هالخدامـــــــــه كل عصرخيمه علينــــــه
بيهـــــــــا كل الخيروالرحمه لگينـــــــــــه
خل يجـــــــي الماقبل ويصدگ حچينـــه

نـــــورالأسلام والهدايــــــــــه
طــــــول الأيام النه رايـــــــــه
شامخه ابدنيانه للمنيه اويانـــه
احنــــــه خدام لبواليمــــــــــه


هالخدامه هيــــــــــه عزتنــــــه اوشرفنـه
تفتخربيها طوايفنــــــــه اوسلفنــــــــــــه
والهويه المذهب الشيعــــــــــه انعرفنــــه
لون ماهالخدمـــــــه عالباطل جرفنـــــــه

منهج اصــلاح بيها شفنــــــــه
اتغـــذي ارواح هيه النـــــــــه
اصلحت دنيانه للمنيه اويانـــه
احنــــــه خدام لبواليمــــــــــه


درس للأخلاق والعفـــــــــــــــه المجالس
دم ابوالسجـــــــــــاد اســــس هالمدارس
خرجت منعدها چم عالـــــــــم اوفــارس
علـــــــــه اهداف الدين والأسلام حارس

صنعت ابطــال اهل همـــــــــه
ربت اجيـــــال حمه الأمــــــــه
جاهدت لحمانه للمنيه اويانـــه
احنــــــه خدام لبواليمــــــــــه


هالخدامـــــــه لبواليمــــــــــــه موجديده
چــــــــان جبرائيل واحــــــــد من عبيده
هالخدامـــــــــــه عدنـــــــه بيها هالعقيده
والگبلنـــــــــه اللــــــــي خدم قدم وريده

انطـــواچفوف الگبلنـــــــــــه
شالوالخـــوف من نفسنـــــــه
هالعشگ بدمانه للمنيه اويانـــه
احنــــــه خدام لبواليمـــــــــه


احنــــــه من اسلافنه احملنـــــه الخدامه
لين بيها نوصـــل الشاطــــــي السلامــــه
واليحب احسين هالخدمــــــه علامـــــــه
والنـــــــــه هيه الناجيه يوم القيامــــــــه

ام الحسيــــــن بيهااملنــــــه
ابدمعـت العين تشفع النـــــــه
فازمن نادانـــه للمنيه اويانـــه
احنــــــه خدام لبواليمــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri