«آهات الشام»
«بحرالطويل»
~~~~
خويه ياخويه احضرنــه ابهالمسيّه
خويه ياخويـه شوف اشصارابرقيّه
لمّن شافت الراس انگطعت منها الأنفاس
خويه ياخويــــه

▪︎▪︎▪︎
يوم الشام يبن امّــــــــي اشدمن كربلــــه اعلينه
ريت الموت اخذنه اوياك اولاهالد يره طبّينـــــه
اشدمن ديرت الكوفــــــه بيها الذلــّــــــه حسّينه
خلص دمع النظـريحسين ابداله ادموم هلـّينــــه

خويه ياخويـــــه ابهالديره ولونــــــه
خويه ياخويـــــه اوبيها استوحدونـه
طفله ابسوط الأرجاس انگطعت منها الأنفاس
خويه ياخويــــه


شسولفلك يبــو السجـّاد الخرا به الزوّدت همّـــي
اعيالك والأطفا ل اتنوح الحالتهم كثرهضمـــــي
والي مابگـــــــــــه عندي من جورالعده يحمــــي
اورقيــــّه يالأخو اتريدك هدمت حيلي يبن امـّي

خويه ياخويــه الــــها اجيبك امنين
خويه ياخويـه گلبي انفجع يحسين
فرجه صرنه للنا س انگطعت منها الأنفاس
خويه ياخويــــه


ابعويل اتنادي هالطفلـه اريدن والدي هاليــــــوم
عليـّـــــه هيّجت احزان اولچمة گلبــــــي المالوم
مدري الطفلـــه اسكـّتها لواسكـّن اليـّــه اهمـــوم
لئن ساعه شفـت راسك عليه شفت الرزايه اتحوم

خويه ياخويـه عليك اشبحت عيني
خويه ياخويـه اوناديت ابحنينــــــي
بتـّك وحگ عبّا س انگطعت منها الأنفاس
خويه ياخويــــه


گمت ابهمـّـــــــــي اتعثـّر راسك من تلگـّيتـــــــــه
اجيت اتشـــــوف لعيالك هله يالوالي ناديتــــــه
شنهوالغيّبك عنــــــــــــّي ابروح الخوّه حاچيتــه
فوگ الطشت ويّـه الروح گلبي اوظهري احنيتـه

خويه ياخويـــــه يالحزّو وريدك
خويه ياخويـــــه يتيمتكم تريدك
بامنه الزهره تنقاس انگطعت منها الأنفاس
خويه ياخويــــه


ياراس الأخـــو من جيت اوبتـّك من دنت يمّـــه
بيديـــــها شبگتك ياراس ابلهفه اتحبّه وتشمـّـه
ونـّتها تفتّ الـــــــــــروح تسمعها يبواليمّـــــــــه
تگلـّك ارد اروح اويــــاك يابويه اليتم زحمــــــه

خويه ياخويـــــه تشرحلك وضعها
خويه ياخويـــــه ويتگاطردمعـــها
طفله اوتحمل احساس انگطعت منها الأ نفاس
خويه ياخويــــه

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«ايّام اليتم»
«بحرالطويل»
~~~
يبـويـه اشلون لشّام ودّ ونــي
ابهظم واشجون وابسوط مشّوني
گضت ايّا م قهروآلا م
يبـويـــــه اشلون لشّام ودّ ونـــــــي

▪︎▪︎▪︎
رقيــّه اتسولف الحالــه اوعلــه افراگ الأبوتعتب
گلبهااتعصره باللوعــــه عله خدها الدمع يسچب
مشت والسوط يحديها ولـــــــي ماظل اله تندب
تحشّم راس ابواليمــــّه تشوفه ابدمــّه متخضّب

علــــه العسـّــال اوداج مگطوعـــه
شدهلـــــي البال والروح مفجوعـه
ابدليلي اسهام قهر وآلام
يبـويــــــه اشلون لشّام ودّ ونــــــــي


گبل ماامشي مچتوفـــه اگصدت جسمك اودعنه
لگيته مچفـــــي عالغبره اگعدت يمّه اجر ونـّــــه
صدگ هاذه جسم عودي گمت بيد ي اگلبنـّـــــــه
حظنته اود معي اتفايض حرگ جفنـــي احسنـّه

الودا عك جيت واحچيلك مصايب
اليتــــم حسّيت اوعمّاتـــي غرايب
ولت ايتا م قهر وآلا م
يبـويـــــه اشلون لشّام ودّ ونـــــــي


اجيت ابدمعي احشمنّك واخبرك عالحرم شجره
عفتها ضا ربه الهيمــــه ابخيمهاالنار متـــــوجره
واحس هالنار بضلوعـي اجيتك واسچب العبره
يبويه اولوعتـــي زادت لگيت اضلوعك امطشره

اوتشـب نيـــران بالروح حرگتــها
چثيــره احـــزان هالروح جرعتها
لهيب اخيام قهر آلام
يبـويــــه اشلون لشّام ودّ ونـــــــي


عفت جسمك عله الغبره طريح اودامي المنحر
يبويــــه من شفت حالك احسّن چن دلیلي انطر
رحت واحزان احملـــــها جبال المنـــــــها تـتفسّر
نكبني البين بأيّامــــــــه شملنه ابكربلــــه اتطشّر

اودهرنه اشراد موكافــي ملـّينــه
حـرم وايتـــام بلا والي ظلـّينـــه
ابيسر ظلام قهر وآلام
يبـويــــه اشلون لشّام ودّونـــــــي


رحت للكوفـــه يا بويه عليـّـــــــــه الناس تتفرّج
انه بتمن يعرفونــــــــي الكرامـــــــــه بينه تتّوّج
انه جدّي النبــي الهادي اوعلي بيده سقات الحج
انه بتّ الگظــه ضامـــي عله الغبره ابدمه امضرّج

الجســم عفنـــاه والرا س ويّانــــه
سهم فـرگـــــــاه بالضيم خـلانـــــه
ابسفرنه الدا م قهر وآلا م
يبـويــــه اشلون لشّام ودّ ونـــــــي


يبويـــــه ريـت ويـّاكم متت والعين مگفـوفـــــه
ولا هاذه الجره اعليـّـه يبويه ابديرة الكوفـــــــه
ابشماته الناس تنظرني وانه بالعزّه معروفـــــــــه
بچيت اوعمـّي حشّمته حسافه امگطـّعه اچفوفـه

لــــون مـوجــود ويشوف حالتنــه
الولـــــي مفگود لفراگـــه دمعتنــه
گصدنه الشام قهر وآلام
يبـويــــه اشلون لشّام ودّ ونـــــــي

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«لوعة رقيــّــه»
«دارمي»
~~~
من ودّعتني يبويـــــه حيّرتنــي
لمّن عفتنـي يبويـــــه حيّرتنــي
مظلومه مظلومه من زغري مظلومه

▪︎▪︎▪︎
اگـعد يبويـــــــه احسين وانظرالحالـــــــي
عالغبره طاح اويــــــــاك عزّي اودلالـــــــي
حرگت اخيامــــي الگوم وينك يوالــــــــي
راح امشي لرض الشــام منهويبرالــــــــــي

هالغاضريـّــه يبويـه مرمرتنـــي
هاي الرزيـّـه يبويــه مرمرتنـــي
مالومــه مالومــه بمصابي مالومـــه


يـابويــــــــــه احشّم بيك آنه رقيـّـــــــــــه
حاطتنــــــي خيل اعداك لحّگ عليـّـــــــــه
عينـك اشلـون اتـنـــــــام بالغاضريـّـــــــــه
عالخدرآنـــــــــــــه ادريك كلّك حميــّـــــــه

ونسلب خدري يبويـه من عفتني
ضيّعت عمري يبويــه من عفتني
محرومه محرومـــــه من خدري محرومه


عــالرمـــــــــح راسـك حين بآلامي شفتـــــه
الطم علـــــــــــــــه الخدّين جسمك گصدتــه
غارگ ابفيض ادمــــــــــــاه امگطـّع نظرتـــــه
ابلهفــــــــــه اوگلب مجمور جسمك حظنتــه

نحرك اشمّه يبويــــه ماشفتني
الصدري اضمّه يبويه ماشفتني
بالحومـه بالحومـه اتمدّدت بالحومــه


بالحومـه گلبي ايحــــــوم ويناشد الـــروح
هاذه الجســـــــــم لحسين عالغبره مطروح
مــــــــــــــاصدّگــت للعيـن تنظرلــه مذبوح
من نحره دمّـــــــــه ايفيض وآلاف الجـروح

صدرك المهشوم يبويه صوّبتني
اوغارگ بالدموم يبويه صوّبتني
من يومه من يومه اتيتّمت من يومه


عنـّك رحت والشــــــوف الصــــوبك اديره
محسبت هاذه اليـــــــوم اوگـــــــع ابحيره
ماأگدرابگــــــــــه اويــاك امشــــــي يسيره
وليتنــــــــي ناس اجلاف ماعدهــــــا غيره

ابديرة الغربه يبويـــه يتّمتني
ماگلت صعبه يبويــــه يتّمتني
مهظومه مهظومه ودّعتك مهظومه


راح اگصدارض الشــــــام والدمـــــع جاري
لمصابك ابگـــــــــه ابنوح ليلــــــي اونهاري
والكربلــــــــــه مــاعــــود عندك اخبــــــاري
بالغربه موتــــــــي ايصير اوتنخمد نـــــاري

نارالمصايب يبويـــــه صاحبتني
كل النوايب يبويــــــه صاحبتني
مسگومه مسگومه من طفّك مسگـومه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«مناجات العيد»
«تجليبه»
~~~•
يمهدي اهلال هذا العيد هل بينـــــــه
اولهلالك چثيره اعوام تانينــــــــــــــه

💧💧💧
اجانــــــــــه العيد يالمهدي گبل عيدك
اشحلا تــه العيد لوصبحه نحب ايدك
امام النه ابصلاة العيد نــــــــه انريدك
من لطفك يمهدي اتنفـّس اعلينــــــــه


اشكثر مرّت علينه مظلمـــــــه الأعياد
ولاعيد الدعينـــه وبـــي نحصّل امراد
دعينه الله بالسر اوعلــــــــه الأشهــاد
من كثر الدعـــــــــه والنوح ملـّينـــــه


يالمهدي انـــــــــه موبيدي هاي الروح
تجربيّه اوتگلـّي يلـّه خلــــــــي انروح
حطـّت ايدها ابأيدي وتعتنــــي ابنوح
تگللي امشي ندّور وين والينـــــــــــــه


منـّــــي الروح راحت مدري وين اتريد
تگللــــــــي اسرع دربنه يالتريده ابعيد
گبل طـــــرت الفجر بلچن نصل للحيد
نوصـل للحبيب البيـــــــــــه جنـّينــــه


فطور العيد بمضيفــــــــه لون يحصل
اشعملنــه من عمل والينــــــه يتقبّــل
العيد العيد وجــــــــه انشوفه يتهلهل
نور الله وارسولـــــــــــه ابنور مهدينه


يبو صالح ابحبّك هايمـــه النـه اگلوب
اليوم انريد منـّك رحمــــــه يامحبوب
يمن حبك قداسه يمحي النــه اذنوب
هذا البي نزل قرآن بارينــــــــــــــــــه


يالمهدي نطرنـــــــه اهلالك من ازمان
اوبدموع الندم دگينـــــــــه الك بيبان
اصيح ابصــــوت منك نطلب الغفران
اذنوب العدنـه للهامات غطـّينــــــــــه


اجينالك اوجبنــــــــه البيــــه نتوسل
علـــــــي الي بي كل اعمالنـــــه تقبل
دخيلك عنــّـــــــه يالمحبـوب لاتزعل
لوعنـّه ازعلت للنــــــار تالينــــــــــــه


نعرفنـّك كريم اومــــــــــــاترد الضيف
نمشي اعليك نحر البي توضّـه السيف
علينـــــــــــــه مريالغايب لون بالطيف
ابحسرة شوفتك لالاتخلـّينــــــــــــــــه


نمشــــي اعليك يالغايب مصاب الباب
ادري هالقسم منـّــــــــــــه دليلك ذاب
ابجاه امّك يمهدي حن علــى الأحباب
ابلطفك عالصراط العدل تهدينــــــــه


عدنـــــــه اگلوب عالفطره تره تهواك
اوعدنـــه ارواح تفرح لويمـر طرواك
شيفيد العمر لوينگضـــــــــــي ابليّاك
مثل الزاد مابي ملح حسّينــــــــــــه


لـــــواسمّك يمركل الجـــروح اتطيب
اوكل آلام البجسمـــــي احسها اتغيب
اوكل آمال بالدنيــــه ابوجودك طيب
واحس بيك الأمل ماتنگضـي اسنينه


اهلالك لـــويهل عالروح يأنســـــــــها
وبيها بذرة الأيمــــــــــــان يغرســــها
اشوكت ايــــــّامك الحلــوه نطالسـها
گبل ماهالأجل بضعونه يحد ينـــــــه


اعيشن يوم اشوفك اصبحت احـلام
عمري هالگضه مابي بگت ايّــــــــــام
والگبري اروح اوتنبريلـي اعضـــــــام
نتانيك ابلحدنه اجنود تلگينـــــــــــــه


وحگك لوگضه عمري وخمد ونـّــــي
حسراتي عليك اجذب يشيعنـّـــــــي
واحس يالمهدي لوعاتي يچفننـّـــــي
وحس اوياك ارد والكربله امشينــــه


لونمنه ابلحدنه يالولـــــــــــــي نتنـاك
تاج الشرف نلبس لوطلعنـــــــه اوياك
واتتحنن علينــــــــــــه ابهاي نترجّاك
وابهذا الأمل للگبر طبّينــــــــــــــــــه


بالدنيـــــــــــه لـــــــون ماندرك ايّامك
بالرجعــــــــــه يمهدي انقبـّل اجدامك
ويتحقق املنــــــــــــــه انصير خدّامك
اليوم البــــــــــي تواعدنه احنه ردّينه


نرد ويـــــــــاك بالدنيـــــه عهد معهود
هذا البـــــــــــــي جدّك واعده المعبود
دينه اعله الرعيه ابكل ارضها ايســود
الله ابدولتك بشر الهادينــــــــــــــــــه

💧💧💧💧💧💧💧💧💧💧💧💧
تمّت
الشاعرفالح العامری

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

يمهدي اهلال هذه العيد هل بينه




للشاعر//فالح العامري
للخادم//ياسر الزيادي

احنه غير حسين ماعدنه وسيله
https://t.me/alalladafaeei

احنه غير حسين ماعدنه وسيله
https://t.me/alalladafaeei