«رقيّه وأيّام اليسر»
«نعي»
~~~
گوم منّ الغري ياوالي الأيتام
رقيـّـه اتحشّمك ودّوها للشـام

▪︎▪︎▪︎
خذوها مچتّفــــــه من وادي الطفوف
عليـــــــــها اموجّها شفرات الأسيوف
اوتلگـّتها آل اميــــــــه ادگ بالدفوف
دهــــرها اشلون ذبها بين ظــــــــلام


ابوها الفگدتـــــــــــه بالغاضريـّــــــــه
اولأرض الشـــــــــــام ودّوها سبيــّــه
تحشمك بالدمــــــــــع هاي المسيـّـــه
هاي امدللّــه من گال تنضـــــــــــــــام


يهون اعليك بتـّك من ولــــــــــــــوها
رقيـّـــــــــــــــــه بالخرابـــــه اينزّلوها
يحيدر خارجيــّـــــــــــــــه ايلقّبـــوها
نسو جدهامحمّد راعــــــــــي الأسلام


يحامـــــــــــــــي الجار عالعز علـّموها
اوطاحت باليسرمن بعد ابــــــــــــوها
طفلـــــه اوبالسيــــــــــاط ايلوّعــوها
تلولي الها البواچــــــــــــــي لمّن اتنام


وينك ياعلــي ياحامـــــــــــي الدخيل
رقيـّـه اتحشّمك والمدمـــــــــع اتسيل
اگصد للخرابـــــــــــــــه ابهدوت الليل واشهرذوالفقارابوجــــــــــــه الأصنـام


هالليله الرقيـّـــــــــــــــه ادرك يالعميد
من زينب ابوها هالمســـــــــــــه اتريد
يويلـــــــــــــي والخبرمن وصل ليزيد
حمل راس الشهيد الرحل الكـــــــــرام


يريتك هالمســــــــــــه حـــاضر يكرّار
الرقيّه من لفـــــــــــه راس ابوالأحرار
هوت فوگــــــــــــه واگلبها يلتهب نار
هاي اعليـــــــــــها اشد كل جورالأيّام


تنادي وين يابويـــــــه عفتنـــــــــــــي
ريت اوياك بالطف ادفنتنـــــــــــــــــي
يبويه الســـــــوط مافارگ المتنـــــــي
بديّه اشگف يبويـــــــه اسياط الجرام


هالطفله يويلـــــــــــــي شبگت الراس
عله نحره الدامـــــــي فاضت انفــاس
مطبـــــــوع ابجسمهااسياط الأرجاس
العمريصعب عليها ابيتـــــــــــم لودام

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

كوم من الغرى

مسلم المطيري نعي

كوم من الغري ياوالي الايتام
رقيه اتحشمك ودوها للشام


كلمات الشاعر/ فالح العامري

«طلب المراد من رقيه»
«تجليبه»
~~~~
سفرة رقيـــــه هاي المسيـــه
جمعتنه عالميعاد
هاي الأبيـــــه بت الزچيـــــه
منعدها اخذ امراد
ويتذكرسبيها مچتوفـه ايديها
منعدها اخذ امراد

▪︎▪︎▪︎
هــاذي سفرت المظلومه انظرها
رقيه ابكربله عطشانــــه اذكرها
عله شاطي النهرمشبوح ناظرها
ازينب عالضمـــه اوناره تصبرها

واعدها عمــها ايرد الخيمــها
الها يجيب المـــاي
اتانـي ابهظمها اتنادي ابألمها
ادركنــي يارجواي
مايدري بيــها مچتوفه ايديها
منعدها اخذ امراد


اطلب حاجتك واجري دمع عينك
خل باب الحوائـــــج تدك چفينك
اويم سفرة رقيــه اجذب اونينك
وابخدمة رقيه گضــــــي اسنينك

بت الشفيعـــــه حبها وديعــــه
والرحمــه بالدارين
عطرالشريعــه رحمه الوسيعه
تشبه ابوها احسين
وسفه عليـــها مچتوفـه ايديها
منعدها اخذ امراد


ابگلب مكسورهالي الليله اكصدها
كل حاجه التريد اطلبـها من عدها
بيت الجود هـــــــاذي مثل والدها
ناس التعتينها ابحاجــــــه متردها

بت الأمامـــــه كلها كرامـــــــه
الها الكرم مشهود
الها علامــــــه اليوم القيامــــه
الها الگلب مشدود
الفگدت وليـها مچتوفـه ايديها
منعدها اخذ امراد


اذكركربلــــه وذكرمصــايبـــــــــــها
اوعله محنت رقيه الدمعه اسچبها
من راحت يسيره الشمريضربـــــها
الهاحاجتك بالدمعـــــــــــــه اكتبها

هاي الغريبـــــه الراحت سليبـــه
للكوفه وأرض الشام
ابگلب الحبيبـــه ناراللهيبـــــــــه
من وليت الظــــــلام
المدمع حجيها مچتوفـه ايديها
منعدها اخذ امراد


كل الناس هالطفلــــــــــه تقدسـها
خل نذكرسبيها اونقره مجلســـــها
منهوالراح لأرض الشام يحرســــها
لوچان الشمرمن تبچـــــي يرفسها

فگدت حمــاها الظالم ولاهـــا
تنطي الوجه لاوين
حامل لــــواها ماظن نســـاها
منــه اگطعوچفين
اتنخت يجيـها مچتوفـه ايديها
منعدها اخذ امراد


اذكرللخرابه اليـــــوم واتصـــور
راح ايعزعليك اويصعب المنضر
من شافت رقيــه ابعينها المنحر
صاحت صوت منه الگلب يتفسر

صاحت يبويـه جابوك اليـــــه
يابويــه اهلن بيك
ابيتك سبيـــــه ابديرت اميــه
ادريها صعبه اعليك
ماترتضيها مچتوفـه ايديها
منعدها اخذ امراد

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri