ايثار ام البنين
تجليله
~~~~
ام عباس شوف ايثــارها الحره
تضحي اشبولها اتواسي الزهره

▪︎▪︎▪︎
ظلت كربلــــــــــــه لم الگمر تشهد
ذكراها بگــــــه وي حسين يتجدد
اوبگـــــــــه ايثارها بالزمن يتخلد
وي عبــاس اسمها الطاهر انذكره


ظل خالد اسمها فاطمه ابكل دور
ابتاريخ التشيــــع هالأسم من نور
اوظل حبه ابدمانــه للمنيه ايدور
كل شيعـــي الحبها حامله بفکره


صنعت فاطمـــــــه تاريخ للأجيال
وي احسين وكفت وكفت الأبطال
والنعمين منــــــــها نجبت الإبطال
تعبها ابكربله ام الوفــــــــه اتنذره


ام عباس هاذي صانعــــــــه الأيثار
وفت للزچیــــــــــــــه اوفت الكرار
صارت بالمعاجز والكـــــــــرم تذكار
كل شيعي شفيعــــــــه باچر‌ ابگبره


حيدر من خطبـــــــــها عالم ابسرها
علي اول ليلــــــــــــــه بالخبر سرها
بولاد اربعــــــــــــــــه اسباع اخبرها
شبله احسين يوم النايبــــه اتنصره


من باب الحوائج صارت الوسعــــه
لحسين وخدمته دوم اهي تسعـــه
عله عرش الوفه فاطمه متربعـــــه
ولاچنها تگول الفاطمــــــــــه ضره


تصيح احسين ابني اوياعماد البيت
احس امقصره اباولادي مـــــاوفيت
شگل الفاطمــــــه امقصره شنطيت
اوگف بالقيامـــــــــــــه الها معتذره

▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابوذيات🔹نــــــــعـــني🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر
لاتنسون الاشتراك
يسعدنا انضمامكم
https://t.me/falehalameri

«قدوتنا»
«تجليبه»
~
من حیدرخذت هالتضحیـه اوایثــار
اوظــل خالد اسمها ویّـــه ابوالأحرار

▪︎▪︎▪︎
طبع اللي تضحـّـي عن وعي اوایمان
فکرهاایظل یغذّي الامـّــــه بالأحسان
اوتظل شمعة قداســـه اتنوّرالوجدان
نعمین اوکفـومن والده الأطهـــــــــار


ظلـّت کل عصرکل جیل قدوتنــــــــه
اوعله الطیبات نکسب منهـا همّتنــــه
اوتظل امّ البنین اهداف غایتنـــــــــه
لواحنـه حقیقــــه شیعـــــــــــة الکرّار


لوشیعة علـــــي من عدهـــا نتعـــلـّم
معنی التضحیه والعزّه نتفــــــــــــهّم
اولصلاح البشرلوردنـــــــه نتقـــــــدّم
وانخلـّـــــــــي ابحچینه للقـیم معیـار


هذی امّ البنین اترید یا شیعــــــــــــه
وین الحگ نشوفـــه واجب انطیعـــه
اوفکراحسین کون ابتضحیه انذیعــه
وانخلـّـي المنابرصرخـــــــــه بالأدوار


هیّه الأسست بالدم منابرنـــــــــــــــه
انطت اربعه اتـــــــحرّرضمایرنــــــــه
بسمهم للأبد تهتــــف حناجرنـــــــــه
عبّاس اواخوتــــــه قدوه للثــــــــوّار


خلــّي انشوف منهـا شنهومیّزنــــــــه
تبعنه اهل المذلــّـــه لواهل عزنـــــــه
اومن ظلم النفس والمعصیه اوجزنه
اومن عدهـا کسبنــــه طیّبــه الأفکار

▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«مواسات الزهرا ء»
«ميمر»
~~~~
تواسيها تواسيها للزهره تــــــــواسيها
بمصايبها ونوايبها

▪︎▪︎▪︎
تواسي امّ الحسن عن معرفه وايمان
ظلـّت لليضحـّي بالزمن عنـــــــــوان
من عدهااكتسب يالرايد العرفــــــان
عرفت هالولايـه موحچــــــي بلسان

توافيها توافيهــا اشبول انطت توافيها
بمصايبها ونوايبها


هذي امّ الوفه حيدرنـه ربّاهـــــــــــه
عملت بالولايه وخلد مسعاهــــــــــه
وكرامه الحصّلت بالشدّه ننخاهـــــه
وبـاچربالحشرتحضرنه نرجاهــــــــه

نحيّـیـها نحيّیـهـا بالمحشــرنحيّیهـــا
بمصايبها ونوايبها


يـامحله اسمهــــا والـــــــده الطيبين
حازت عــالسعاده وعـــــــزّة الدارين
وظــل الها ذكرومخلده اويه احسين
وآلاف التوالـــــــــــــي اِلها وامحبّين

تعزّيها تعزّيهـا بالدمعـــــــه تعز ّيها
بمصايبها ونوايبها


تعزّيها ابدمـــوع التجري والحسرات
لونلطم علــــهٰ الراس ودمت هاما ت
ولونگضي عمرنـــه نبچي عالوجنات
مانوفـــــي عشرمن حگهـا بالدمعات

نخلـّيـها نخلـّيهـا قدوتنــــه نخلـّيها
بمصايبها ونوايبها

يمن لمّ البنين اتوالــي بــــــالأدوار
مواقـف خالده الها بگت تذكــــــــار
اخذ منـها العبرواستلــــهم الأفكـــار
خلـّيها ابحيــاتك قدوه بــــــــالأيثار

الشرف بيها الشرف بيها هالسيره الشرف بيها
بمصایبها ونوایبها

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«امانة الزهراءِ»
«میمر»
~
امکـم آنه اتعیفونـي منهو الینشف اعیوني
بالضعن للطف ترحون
خد رالعقـیلـه اتبا رون

▪︎▪︎▪︎
یامن گصـــدتو للضعن تبـرولـــــــه
للـّبن وارباي الکـم اتجازولـــــــــــه
اوذاك التعب ويـّاكم اتـــردّولـــــــه
عزّالعقيله بالدمه اتحـــــــامولـــــه

امخدّرة حمّــاي الجار تحموهــامنّ الأخطار
یشبـول حیــدرتوفـون
خد رالعقیلـــه اتبارون


عدکم امانــــــــه بالدرب تحمـوهــا
بچفوفکم لورادت اتنــــــزلوهـــــــا
اوخیمتهاگبل اخیامکـــــم نصبوها
واشرایده یمخدّره اتنشدوهــــــــــا

مــحـتـاره لتخلـّوهــــا یـــولادي لتفجعـوهـا
حـــــگّ الکفاله اتأدّون
خد رالعقیلـــه اتبارون


زینب ود یعه من علــــــي والزهره
من شجرة الهادي اوعقيلـــه العتره
مرّت علیها ایـّام صعبـــــــــه ومرّه
من نارذ یچ البـــــاب بــهــا الجمره

الله یـــــانــــار البــــاب بــالچبد ضلـّـت عطــّاب
گلب الحزن لتلچمــون
خدرالعقیلـــــه اتبارون


ماطاح بیدي الکربلـــــه اتعنـــّــــــه
واخدم الزینب بــــالدرب اتمنـــّــــه
اخت الحسن وحسین ساده الجنــّه
الفرگاهاامسي واصبح اعله الونـّـــه

ویـّــاها افـــارگ عبّاس واحسین خیرت هالناس
وصّیـت عبدالله وعــون
خدرالعقیلـــــــه اتبارون


الها ذي ومثلهاحیدره ذاخــرکــــــم
اوبالضعن عبّاس التکفــّل عنکـــــم
وایحامي عن امخد ّرة والد کــــــم
عالد رب اگعد بالد مع انطرکــــــــم

واشلون لــوهل عاشور ینهدم من زینب سور
دون الخیـــم تنذبحون
خدر العقیلـــه اتبارون


ربّیت الکم والربــــــــــــــه اتـــنطـّر
بالحشروگفت کربلــه بیهــــــا افخر
چفـّین تحمل فاطـمـــه بــــالمحشر
آنه السمعتــــــه هالخبــــرمن حیدر

عبــّاس من یـوم الصار ابهالخبرسرني الکرّار
ذاك التعب متضيـعون
خدرالعقیلـــه اتبارون

▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«فراق الأحبّه»
«تجليبه»
~
ودِّعَت ضعن الحزين فـــــــاطمه امّ البنين
اتنادي يبنــي ياحسين
اوياك اخذني ياحسين

▪︎▪︎▪︎
شوصّف حال ام اتفا رگ الوليـــــــــان
تودّعهم يويلي والگلب خلصـــــــــــان
تزفهم بالمناحه والد مـع جــــــــــروان
وتجرونـّتها من وســــط الچبد نيـــران

تستعر نــــار الفراگ والبعد ارض العراگ
ابهذا ونـّـــــي ياحسين
اوياك اخذني ياحسين


لوراحوتــروح اويـــــاهم الهــــا الروح
ويظل لفراگ خلـّتـــــها الگلب مجروح
ويظل فوگ الوجه منها الدمع مسفوح
وطبع الفاجده تغفــــــه وتفزبـــــالنوح

والگلب منها ابمرار وعالچبديطفح شرار
اشيگضي حزني ياحسين
اوياك اخذنـــــي ياحسين


ساروبالضعن والهم تبـــــــــاري العين
نادتهم يويـــلادي الضـــــــــعن لاوين
اظنكم للعرا ق وكربلــــــــــه نـــاوين
تعودولـــي بعد ماظن اشوف احسين

ماردت بعده الحيــاة اشمحله بوجوده المماة
وترضه عنـّي ياحسين
اوياك اخذني ياحسين


بگت خلف الضعن بـالمدمــــع اتنــادي
عفتونـــــي وحيـــده اندب يويـــلادي
ابروحتكم حزينـــــــه ديـــــرة الهادي
واظل اتنطـّرالعـــــــــاشور ميعــــــادي

خایفه منّ الزمــــان یاخذ البیهم امــــان
الظهري تحنــي ياحسين
اوياك اخذنــــي ياحسين


آلام البعد منهـواليـــــحس بيـــــــــــها
بس المنچوي دلالـــــه يدريـــــــــــــها
مابين الجــــروح الگلب ترويـــــــــــها
الموت اتگول اشوه ارويحتي اعليـــها

ولاتعيش ابهالمصاب وتبگه حصّتها العذاب
من يسرنـــــي ياحسين
اوياك اخذنــي ياحسين


ريت الموت ياخذنــــي گبل حينـــــه
ولاهذا الـفــراگ اتحمّل اسنينـــــــــه
واتنطـّرخبرمن طفّـــــــه يلفينــــــــه
طول افراگ ابوالسجــّـاد ياذينـــــــه

يمته يلفينــي الحنين ابشوفته تنسرلي عين
وتبره ضعنــي ياحسين
اوياك اخذنـي ياحسين

▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«امّ الكرامات»
«تجليبه»
~
ام عبّاس اگصدها اگصدها
ام عبّاس ناشدهـا ناشدهـا
ابســاعة الشدّات امّ الكرامــــات

▪︎▪︎▪︎
لوضاگت عليك الدنيه هالوسعـــــــه
الغيراهل الكرم لاتعتني اوتسعـــــــه
لم عبّاس اگصد صـاحبـــه الــرفعــه
كل همّ العليك اوضنـّك اتــرفعـــــــه

يالمهموم انخاها انخاها
يالمهموم تلگاها تلگاها
تگضي الحاجات امّ الكرامــــات


هاي امّ الكرامـــه والنعــم منــــــــها
كلمن طاح بـالشدّه گصــد الـــــــــها
الليله ابحاجتك يالشيعــي اگصدها
ابگلب مكســور ام عبـّاس اسألـــها

بيت الجود ربّاها ربّاها
بيت الجود غذّاها غذّاها
جامعــه الطيبات امّ الكرامــــات


حب احسين حملت معتقــد بايمـــان
والهاذي الولايــــــــــه قدّمت الشبـّـان
صـدقـت بالعهد واتعالــــــه الها الشان
اوصارت للحوائــــج مگصد اوعنــوان

حب احسين بدماها بدماها
حب احسين خلاها خلاها
متقدســه الذات امّ الكرامــــات


اهل البيت كلها اتقـد ّس ام عبـّـــاس
امّ الأربعـــــه قدوه اصبحت للنــــاس
بالطاعه اووفــــه والتضحيــه تنقاس
بسم احسين تلهج لآخر الأنفــــــــاس

عالمظلوم مبچاها مبچاها
عالمظلوم عيناهـا عيناها
تهمل الدمعــات امّ الكرامــــات


وين احسين مايحضر يـــودّعـــــــها
اوبيده الطـاهره اينشـّف المدمعــــها
افراگه والبواچي اعليـــــــه صارعها
ام عبـّاس حگها اعليـــــه يشيّعـــــها

والويلاد ساعتها ساعتها
والويلاد رادتهـا رادتـها
اتشيّعها ابآهـات امّ الكرامــــات


ربّت للبنين اوهاذي سـاعتــــــــــــــها
ابساعات الأجل تسمـــــــع اوصيّتــها
ماتت فاطمه عالولد حسرتـــــــــــــها
ولاواحد حضر يحمل اجنازتــــــــــها

واويـلاه صرختها صرختها
واويـلاه لـوعتـها لــوعتـها
ماننسـه هيهـات امّ الكرامــــات

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعر فالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«الديارالخاليه»
«هجري»
~~
اولادي يالهــادي مشت والـدارمنعدهــــم خلت

▪︎▪︎▪︎▪︎▪︎
يبوالـــزهره اگصدت گبرك والگلب مشتعل نـــار
الكربله راحو بنينـــــــــــي بالجره عندك اخبـــار
راح ابواليمّه واخوتــــــــه خالیــــــــه منهم الدار
الليله يالهادي مظلمــــــــه چانت اتشـــــع بالأنوار

دنياه بعيونـــــي اظلمت اولادي يالهـــادي مشت


ظلمه بعيوني المدينــــــه بعد دربــــــي مااشوف
راح نورالشوف منـّــــــــي يبوالزهره للطفـــــوف
جيت الك اشچي مصابـي گبرك ابلوعــــه اطوف
بلچن ابجاهك الحالـــــــي يرحمــه الربّ الرؤوف

ايردلي بنينـــــــي الغرّبت اولادي يالهادي مشت


جيت ادعي الله البنينـــي يبــــوالزهره ابحرمتك
عالگبــــــــــراگعد وانوحن ابدمعـــي اسگي تربتك
واظل طــــول العمر اندب بالمناحــــــــــه عترتك
لمن ظعن احسين يرجـــع بأهل بيتــــــه الدیرتك

بأحزان روحــــي اتمرمرت اولادي يالهــادي مشت


سارلرض الغاضريـّــــــــــه گمرهاشـــــــــم بالظعن
اخذ گلبـــــحي وي ظعونه الگطــــــع انياطه الزمن
من مشو اندب وراهــــــم اعليــــه هاذه الليل جن
خاليه اديار الأحبـّـــــــــــه الــــــــــي ترجع مااظن

اوداع المنيـّــــــــه ودّعت اولادي يالهـــادي مشت


دار ابواليمـّه خليـّــــــــــه اودارسبـــــــــع الگنطره
يالنبــــــــي ياهي الأطبها ابهالمصيبـــــــــه حايره
ظهري يم گبرك حنيتـــــه والدمـــــــع عالخد جره
يالنبي ابهاي المصيبـــــــه علــــــــــــي الله ياجره

للمــــــــوت اولاده مضت اولادي يالهـــادي مشت


ستــــــــه اولاد الصميده للذبــــــــــح راحو سوه
للهظم عافونــــــي وحدي اووين حاديهــــــم نوه
اشلون اظل آنــــه بعدهم عدلــــــــه واشتمّ الهوه
خلـّواجروح ابدليلـــــــــي الها مايحصـــــــــل دوه

ابهالحال بيـّــــــــه مادرت اولادي يالهـــادي مشت

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«الصوت الحنين»
«مجرشه»
~
امّ البنين اتنادي الحسين
ولدي اخذها الكربله

▪︎▪︎▪︎
امّ الوفــــــــه منّ الأزل ذايبــــــه ابحبّ العتره
خدمت احسين ابمعرفه توفــي الديون الزهره
عالظلم من ثــار السبط حملت اهداف الثــوره
العبّاس ابنـــــها اتكلـّفـه يــوگف ابهاي النصره

ابــروح الفداء رفعت نــداء
ترجـه الحسين اوتسأله


يحسين يبني اومهجتي اويـــــــااعز كل اولادي
ابروحي اونحور الأربعه افديك يبن الهــــــــادي
عبّاس ضخري اومنيتي ابضعنك اقبلــه الحادي
شنطيك آنه ابد نيتــــي بالفضل انتــــــه البادي

تطلبنــــي دين بنت الأمين
اوفيها انتــــــــــــــه اتقبّله


يلـّي عزمت الكربلــــــه عالمــــــوت عازم ادري
يحسين ياسبـط النبــي يابعد ولدي اوعمـــري
جيتك يبواليمـّه ابطلب والدمـــع عالخد يجري
خلـّيني اواسي فاطمــه اوبالحشرارفــــع گدري

يبن الـرسول يبني اشتگول
ارحم دموعي الهاملــــــــه


ربّيــت الهــــــــم وتعبت مـــــاگـصّرت بربـاهـم
اربع اشبول الغانمــــــــه اطيب لبـن غذّاهـــــم
خليت يبن المرتضــــــی حبّك سره بدماهـــــم
وبعيني همـّه اشما حلـو النصرتـك اتفدّاهـــــــم

كلهــــــم فداك حملو لواك
من علي كسبومرجلـــــــه


اربـــــــــع ليوث الكبّرت الهم نذرت اسنينـــــي
كـل اجرمنهـــــم ماردت اوذاك التعب يوفونــي
كل تعبي انذره النصرتك وابهاذي ميخيبونـــــي
دمهــــم گبـل دمّك ردت بيهم تگرالعيونـــــــــي

وابكربــــــلاء ارض البلاء
تحرس اخيام العايلـــــــــه


للطف اخذهـــم بالظعن والزينب ايحرســـوها
هاذي عقيلــــه امخدّره بت فاطمـــه ايعرفوها
العبّاس اوصي واخوته منّ الخطريحمــــــوها
لوتحس زينب بالعطش ماي النظر يسگــــوها

انطوعهود ارواح التجود
وتحامي بت عقد الولـــه


ماروح آنه الكربلـــــــــه يحسين تعـــرف گصدي
خافن ييمـّه ابخدمتـــي تنشغل عنـّـــــــك ولدي
نار الفــــــــراگ اتحمّلت اوتلهب تظـــــل ابچبدي
شيطيبه جرح امصيبتك اليــوم الأجل ظل يدّي
لاماتروح ابگلبي جروح
لوردّت همّــــــــــي اتذلـّله

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«صانعة الأيثار»
«صدردارمي»
~~~
مفتخـــــــــره بولادي انصرت النبي الهادي
علوالـــــــــي امجادي واتحقـق امـــــــرادي
واسيت انـــه الزهره

▪︎▪︎▪︎
اربع اشبــــول انطيت وانصــرت اهل البيت
صــــوت العدل عليت اوراعي العلم وصيت
لحسين يوفي النصره


انذرت الگمــــــرعبّاس ابعوده علــــي ينقاس
هبيتــــي اوتاج الراس عن معرفه واحساس
ابنـــــي ربيب العتره


جعفرنذرتــــــه اوعون اليـــــــه نور اعيون
واعـرفت ميرجعــــون عالغبــره يتوسدون
اوعبدالله ينحزنحره


اليــــوث الحرب ابطال لمهم ثمردلــــــــلال
الزينب حمل لــــــومال تحظرالـــه بالحال
ايلبون صوت الحره


عن زينب ايحامــــــون اولادي ميگصـــرون
والدرتــــــــــــي يوفون والفاطمه اينصرون
طف المنايه اتحظره


اولادي ذولـــــــه اسباع منهــم تخاف الگاع
الحيدرتحمل اطبــــــاع بيها الربــــه ماضاع
وفـــــواولادي الدره


عنهــــــــم سمعت اخبار كلهم وفــــه اويثار
بالطف مشـــوعالنـــــــار واتحدّو الأخطــــار
بيهم اظل مفتخره


من طبـّـــــــــــــوالميدان اوياهــم گمرعدنان
بالحومــــــــــه چالبركان يشبه علي من چان
والعسكرحار ابأمره

▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri