《دفن الزهراء》
نعي
《مجاريد》
~~

اليله حيدره شيع الزهره
حيدر عالنعش دمعه ينثره

▪︎▪︎▪︎
بعد ماغسل ابليل الزچیــــــــــــه
گعد يمها يون ونه شجيــــــــــــه
يگلها فرگتچ تصعب عليـــــــــــه


شيعها علــــــــــــــي ابهدون اليل
وسدها ابلحدها اودمعــــه ايسيل
اوبچفوف الصبر لترابـــــــه ايهيل


وسدها ابلحده اورجــــــــــــع للدار
گعد بالباب یعتب علـــــــــه البسمار
اويتذكر اهنانـــــــــــــه التهبت النار


اولگه زينب علــــــــــى العتبه تتاني
منظر هاليتيمــــــــــــه العلي ايبچي
يبويه البيت گلــــي اشلون اطب بي


يبويه خالـــــــي امچان امي الحنينه
واشوفن دارنه وحشـــــــــه اوحزينه
راحت فاطمــــــــــــــــــــه ماترد لينه


يابويــــــــــــــــه تنيتك ردت انشدك
چـــــــاليش راجعت للبيت وحــــدك
وين امـــــــــــــــي الأمانه هيه عندك


يبويه وین امـــــــــــــــــــي الشيعتها
اوبياي كتر يابويــــــــــــــــــه ادفنتها
الضلــــــــــــــــع خو مالجم من نزلتها


يبويــــــــــه اوياك اخذني اندل گبرها
اريد الوالده اشتـــــــــــــــــــم عطرها
واريد انشدهــــا عن حالت صـــــدرها


عندي اعتـــــــــــاب وياها ام الحسين
عافتنــــــــــــــي وحيده الغدرت البين
اروح الكربلـــــــــــــــــه ماعندي امعين

▪︎▪︎▪︎▪︎▪︎▪︎▪︎▪︎▪︎▪︎▪︎
تمت
✍الشاعر فالح العامري

https://t.me/falehalameri

تشيع الزهراء
تجليبه
~~~
يشيال النعش ريض اشويه
تدري بالنعش امي الزچیـــه

▪︎▪︎▪︎
ريض بالنعش لاتبعده عنـــــــــــــي
اريد امي الحنينه تسمـــــــــع الوني
بعدنــــــــي انه زغيره ليش عافتني
گلبــــــــــــــــي ازغير مايحمل رزيه


وين اتروح عنــــــــي فاطمه الزهره
كسر گلبـــــــــي بعدها ياهي اتجبره
واريد ابعينها الحالــــــــــــي اتنظره
اوترد الدارها امي الوفيـــــــــــــــــه


اريد اوياها اسولف خلي تسمعنـــــي
وسفـــــــه عن حضنها الدهر فارگني
عگبها يظل بس الدمــــــــــع رافگني
اونيران الهجر بيـــــــــــــــــــه سريه


ريض خل اودعـــــها الحنينــــــــــــه
خلي تسمع الگلبـــــــــي ونينــــــــــه
اگلـــــها راح اظل بعدچ حزينـــــــــه
يريت اویاچ تاخذنــــــــــــي المنيـــه


اريد الوالده انظــــــــر ضلعــــــــــــها
واشوفن عينـــــــه وامســـــح دمعها
واگلها امصــــــــابچ الچبدي صدعها
يريت ابهالنعش احنه سويـــــــــــــه


اخذینــــــــي ييمـــــــــه للگبر ویاچ
وسديني ییمــــــــــــه فاطمه يمناچ
اشلون انــــه اعيش ابدنيتي بعداچ
واروح اويه الاخو للغاظريـــــــــــــه


نار الباب يايمه أحرگت روحـــــــــــي
وامشي الكربله واني احمل اجروحي
وانتي بالگبر لمصيبتــــــــــــي نوحي
ييمه انه راح امشــــــــي سبيــــــــــه


اروح امچتفـــــــــه يحبيبــــــــه لشام
تلوذ ابكتري من الخـــــــوف الأيتــــام
علي تصبح ليالــــــــــــــــي ذيج الأيام
وسياط العده اشگف بديــــــــــــــــــــه

▪︎▪︎▪︎▪︎▪︎▪︎▪︎▪︎▪︎¤
تمت
الشاعر فالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

يشيال النعش ريض اشويه





فالح العامري

«شكوه ونخده للزهراه»
«تجليبه»
~
اريد انخاچ يالزهره اسمعينـــي
عندي اهموم بس انتي تنجينـي

▪︎▪︎▪︎
يم احسين جارت دنيتــــي اعليــه
اجالب للحزن والهظم يوميــــــــــه
اذاني الوگت حاظره اوماضيـــــــه
اوصارت دمعتي هيـــــــه التسليني


چم سهم ابسهم صوب دليلي اليوم
اوياي المصايب يالزچيــــــــه اتگوم
اودنياي ابنويبــــــــــــه عليه اتحوم
بعد ماشوف دربي انتي دلينــــــــــي


دخيل الله اودخيلچ فاطمــه الزهره
يــم احسين اجيتك واسچب العبره
دليلـي من الهظم نيرانـــــه مستعره
ياخيرة نساء الكون ارحمينـــــــــــي


يم احسين اجيت اتعثرابهمــــــــــي
بس النوح صار ابدنيتي سهمــــــــي
يارحمة الباري الحالتي ارحمـــــــــي
من جورالدهر يالزهره ادركينــــــــي


يارحمة الباري انتـــــــي يم احسين
عگبچ وين انـه انطي الـوجه لاوين
ناصر لابگالي اولابگالـــــــــي امعين
بس انتي نجاتي الصرتـــــي تأويني


اجيت انــــــه احلفچ بالضلع والباب
ببوالسجّاد احلفچ هذا اشدامصــاب
وابدمعة رقيـــه اعليچ اشد اصواب
اريد اليوم يافاطمه اتحضرينـــــــي


تعالي اوخلي انـــــه اوياچ نتعنـــــه
لعد وادي الطفوف اونجذب الونــــه
عن زينب ابواليمــــــــه انشدنـــــــه
انه الزم اضلوعج انتــــــــــي وديني


يم احسين اجيت اوداخلــــه عندج
هذا اليـــــــوم اريد امراد من عندج
اريدن بنتـــــــــي اتشافيها من يدج
امشي اعليج ابو اليمه تبشرينـــــــي

▪︎▪︎▪︎▪︎▪︎▪︎▪︎▪︎▪︎

تمّت
الشاعر فالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«انين الفراق»
«فائزي »
~~
من امي داري هالمســـــــه وحشه اوخليه
اعليهه اذرف ادموع الأسى ابونه شجيــــه

▪︎▪︎▪︎
ابگه انه اجالب للهظــــم والدمـــــع يجري
عشت المصايب من زغر ياعظـــــم صبري
والحيل احسنــــه انهدم منك يدهــــــــري
امصاب جدي اوفاطمـــه انصبن عليـــــــه


داري عليــــــــــه هالمسه صارت مظلمـــــه
خليتي بگليبـــــــي جرح فگدچ ييمّـــــــــه
وين الوجه انطــــــي بعد ام الأيمـــــــــــــه
هالليلــــــــــه نامت بالحد وانه ابرزيــــــــه


راحت الچانت سلوتــــــي ضمتـــــها تربـان
هاذي الزچيــــــه الطاهره خيرة النســـــوان
راحت ضلعها منهشـــــــم والگلب خلصـــان
وعليها ظل يبچي دمـــــه حامـــــي الحميه


هالليلـــه من عندي اختفت امّي الحنينـــــه
محرابهه خالـــــــــي انظره ابعين الحزينـــه
من بعد نـــــــور ام الحسن ظلمه المدينـــــه
لمصابها ابگبره بچــــــــــه سيد البريــــــــــه


راحت اوخلت بــــــــالگلب نيران المصــــاب
تزداد هيــــــــــــه اوتلتهب من انظـــــرالباب
الله ياكسرالضلـــــــــــــــع منـــه الكلب ذاب
والنوب اشوفن چم ضلع بالغاضريـــــــــــه


منهوبگالي ابدنيتـــــــــــي بعد الحبيبــــــــه
راحت اوخلت بـــــــالگلب ناري لهيبــــــــــه
ياريت وياهـــــــــــا رحت اولاظل غريبــــه
بالعمرشلّـــــــــــي من بعد امــــي الزچيــــــه


من عندي راحت فاطمـــه زهرة حياتــــــــــي
خلتني بس اجري الدمــع واطلب مماتــــــــي
للگبر ويـــــــــــــاها خذت كل امنياتــــــــــــي
بعد امـــــــــي آنه بالمحن منهو اليـــــــــــــــه

▪︎▪︎▪︎▪︎▪︎▪︎▪︎▪︎
تمت

الشاعر فالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri