«شهادة المحسن»
«نص الشيعتي+ مجزه الموشح »
~~~~
اشصاربيها علي گـــوم ليها علي
لمن تگنطـــرعالثره محسن
زلزل العالم منظره محسن
گـــــوم ليها علي

▪︎▪︎▪︎
امصيبتك يابااحسن هاي اشد امصيبــه
يوم ابوالزهره رحل اوحيد انته ابطيبه
الگــــوم بانت للغدر خذلتك يالهيبــــــه
هاي بقواله نبـــــينه اهل شك اوريبــــه

اعليك علنت علي حرب شنت علي
قررت اول تغدره محسن
زلزل العالم منظره محسن
گـــــوم ليها علي


علــي يافارس مظر فاطمــــــــه اتولوها
اتنادي بسمك ياعلـي الگــــوم ماحشموها
الضلــع منعده انكسر للحمل سگطــــــوها
طــــح محسن عالثره الزهره من عصروها

الها انغرعلــي انته حيدرعلــــي
عينك يحيدرتنظره محسن
زلزل العالم منظره محسن
گـــــوم ليها علي


عله الغبره من وگـع بالدمه امخضبينـه
امصابه گلبك المـــه انتـه ياوالينــــــــه
ايعينك الله عالجـره امصاب ماناسينــه
طفل ماشــــم الهوه اومافتحها العينــه

ابرحم امه علي اهدرودمه علــي
مثله مصاب الماجره محسن
زلزل العالم منظره محسن
گـــــوم ليها علي


اشحال محسن من وگع اوفاطمه ابياحاله
من تگنطــــــــــرعالترب گلي منهوالشالـــه
ياعلــــــــــــي ماحشمك من وگفت اگبالــه
منظرالروحك فجــــــــع اودمعتك همالــــه

حامي جارك علي تسري نارك علي
بابك عليه اموجره محسن
زلزل العالم منظره محسن
گـــــوم ليها علي


ياعلـــــي اشلون اصبرت اوبابك ايحــرگوها
امصـــــــاب زلزل للعرش فاطمه ايصطروها
حتى املاك السمـــــــــــه نزلو اينصــــــروها
تنتظــــــــــــــــرمنك امر لـــــــلارض يفـوها

وانته صابرعلي الهم تكابرعلي
التربان ابنك عفـره محسن
زلزل العالم منظره محسن
گـــــوم ليها علي


ايعيش ابنك مارضـــــه الدنيـــه ماتوفيله
محسن الأمــــــــه عرف بس ظلم تجريلــه
هاي لومنـــــــــــها سلم كربلـــــه اتانيلــــه
راد امـه فاطمـــــــــــه ابلحده اتناغيلـــــه

ايدفنه رايد علي اوموته شاهد علي
سرهاذه محد فسره محسن
زلزل العالم منظره محسن
گـــــوم ليها علي

▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«شيعتك يازهراء»
« نص شيعتي+ مجزه الموشح »
~~
الفاطمه والضلع دوم نجري الدمع
نحــــي ذكراها ومـــانيسنــاها
دوم نجري الدمع

▪︎▪︎▪︎
احنه شيعه الفاطمـــــه نفتخربالقابنـــــــــــه
عن دربــها مـــــــــانزل يبگه هذا اجوابنـــــه
الها من نتبـــــــع شرف نفتخربحسابنـــــــــه
حبـــــها بــاچــربالحشر باليمين اكتابنــــــــه

نفتخر بالحشر شيعه من ننحشر
بضعتــه الطاها ومـــانيسنــاها
دوم نجري الدمع


امنــــــه دنيـه اوآخره هالفخريكفينـــــــــــه
النـــه ترعه ام الحسن بالرحم حسينــــــــــه
اوچنه من نرضـع لبن هيــــــه التناغينــــــه
امنه اقصد فاطمـــــــه تبگـه خيمه اعلينــه
رحمه ام الحسن بالشدد والمحن
كلنـــه بحماها ومـــانيسنــاها
دوم نجري الدمع


فاطمــــــه الكل البشر رحمــــــــة الله اعليها
حتـــــــه املاك السمه تفخـــراتـــواليــــــــها
اشلون ابن النابغـــــــه ابسوطـــــــه متوليها
علـه الحايط من عصر علـــم الله البيــــــــها

صاب منها الصدر نهتف ابكل عصر
انحارب اعداها ومـــانيسنــاها
دوم نجري الدمع


والله نعلنــــــها حرايب عللــــــــي حرگودارها
مانســـــــــــــاوم للعده الظالمـــــــه ابافكارها
نبگـــــه شيعه اونفتخر الفاطمـــــه وانصارها
اوهاي صرختنــــه تظل بالدهـــرتذكـــــــــارها

صوتنه انردده رغم انف العده
نحمل الواهـــا ومـــانيسنــاها
دوم نجري الدمع


ننصب الــــها بالگلب مــــآتم المظلومـــــــــــه
نلطم الكسر الضلــــع مانسينه يومـــــــــــــــه
ابلوعـــه نجري للدمع ابروحنــــــــه المالومــه
انواسي ابوالحمله علي اوزينب المهظومــــــــه

اليله ليلة حزن بتها زينب تون
واعله فرگــاها ومـــانيسنــاها
دوم نجري الدمع


الزهره شيعها علـــــــي بالشجون اليلــــــــــــــه
گعـــــد حيــدرعـــالگبر للنبـــــــي يشچيلــــــــه
لبن عمــــــــــــه بالدمع عالجره يحچيلـــــــــــه
علـــه افراگ ام الحسن علــــــــــي اتهدم حيله

علي ينعه ابأسه فگد خير النسه
ابلوعــه وابآها ومـــانيسنــاها
دوم نجري الدمع

▪︎▪︎▪︎▪︎▪︎▪︎▪︎▪︎▪︎
الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«كسرالضلع»
«تجليبه»
~~~
نبگه نجري الدمــــــع يازهراء
عله كسر الضلــــــــع يازهراء
لامانسينـــــــه البضعة نبينـــه
يازهراء

▪︎▪︎▪︎
ماننسه اشجره عالبضعه خلف الباب
من هجمته عليها الي تگول اصحاب
محسنها وگع والصدر منها انصـــاب
ياكسر الضلـــع منعدها اشد اصواب

هــــــــالكسـرمنجبـــر يازهراء
ذكــــــــره ظل بالدهر يازهراء
من دم بچينـه البضعة نبينـــه
يازهراء


عله امصاب الضلع نبچــي العمركله
اومآتم فاطمه بگلوبنـــــــــــه اتجله
خل يسمع عدونـــــه المارضه انگله
لومن دم دمعنــه الفاطمـــه انهلــــه

انصيــــح طول الزمن يازهراء
آه يـــــــــــــــم الحسن يازهراء
الشيعي بأنينه البضعة نبينـــه
يازهراء


قسم نقســـم واحگ الزهره وادماها
جيل الجيل نبگـه احنــــــــــه وياها
وانردد بسمـها اونحـــــــــــي ذكراها
نلعن من غصبـها حگــــــها وآذاهــــا

ذكره ماينســــــــــــــه يازهراء
امصاب خيرالنســـــه يازهراء
حگها علينـــه البضعة نبينـــه
يازهراء


حگ ام الحسن خل نرفـــــــع الواها
موبس بالشعــارات الــــــرفعنـــــاها
اونطلب ثـار الها انحــــــارب اعداها
اونخـــدم كلمن ابهالدنيـــــه والاهــا

هالشعـــــــــــاير تظل يازهراء
النـــــــــــه بيها الأمل يازهراء
بيها اهتدينـــه البضعة نبينـــه
يازهراء


اهتدينه ابفاطمه واحيت ضمايرنــه
وبزود اوفخـر تهتف حناجرنـــــــــه
لوما فاطمـه بالدنيه ماصرنـــــــــــه
دنيـه اوآخره تجبر خواطرنـــــــــــه

هاذي صرخـــــه محب يازهراء
تعتلـــــــــي من الگلب يازهراء
من عاشرينــه البضعة نبينـــه
يازهراء


منذور العمرمن عدنـــــــــــه للزهره
اشما نذكرمصايبها الدمـــــــع يجره
خنواسي ابدمعنـــــــه زينب الكبره
گلب ام الحزن نيرانــــــــه مستعره

تندب منــــــالزغـــــر يازهراء
ابظيم اگضـــــي العمر يازهراء
ابگه حزينـــه البضعة نبينـــه
يازهراء
▪︎▪︎▪︎▪︎▪︎▪︎▪︎▪︎▪︎

تمّت

الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«الذكرى الداميه»
«موشح»
~~~~
والله ماننسه الضلع یازهراء
نهل لمصابــه الدمع یازهراء

▪︎▪︎▪︎
عله باب الوحــــی الظالم من هجم
نـارحقده علــــــــه بـــاب الله ضرم
کل اصول الدین وافروعـــــــه هدم
چم ضلـــع من صدرچ الطاهر هشم

چبد حیدر منصدع یازهراء
نهل لمصابه الدمع یازهراء


شیعتچ یافاطمـــــــــــه اوهاچ العهد
انتی عدنــــــــــه من اصول المعتقد
علــــــــه امصـابچ مانجامل کل احد
یضل کل شیعـــــــــی اباحزانـه نشد

لیش خدچ ینصفع یازهراء
نهل لمصابه الدمع یازهراء


لیش یم الحسن وجهـــــچ ینسطــر
ومنچ اشیــردون ضلعــــــچ ینکسـر
وماوصـــــل عشرین منعندچ عمـــر
علیـــــچ لیش اتکالبت جیش الکفـر

انتــــی للهادی فرع یازهراء
نهل لمصابه الدمع یازهراء


علینه یم احسین هذا اعظم مصاب
من سمعنه هجمت علیـچ الاصحاب
مارعوا حرمــــــه الچ ذولـــه الذئاب
وابحقد عصرو علـــــی صدرچ الباب

وطاح محسن منصرع یازهراء
نهل لمصابه الدمع یازهراء


انتـی موخيـــرة نســـــــاء العالمین
اوبضعة المختــــــار سيد المرسلين
فجعــوا ابچتلــــچ جمیـع المؤمنین
والحسن واحسین ویلــــی امیتمین

وگلب زینب منگطع یازهراء
نهل لمصابه الدمع یازهراء


گضه عمرچ فاطمـــــــه مثل الحلم
واشکثر بعد النبـــــی شفتـــی ظلم
وجرعوچ اصحابـــه ویلات وهضم
باچر الموعود منهــــــــــم ینتقـــــم

وینه محـی للشرع یازهراء
نهل لمصابه الدمع یازهراء

▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«الرحمه الكبره»
«ثلاث ارباع الشيعتي»
~
رحمة الله الواسعه ام الحسين
للخلايق شافعـــه ام الحسين
صرح المختار هاي ام الاطهار
ام الحسين

▪︎▪︎▪︎
هاي ام احسين بارينـــــــه ارتضاها
من جميع النسه بالعصمه اصطفاها
اونورهاي الدنيـه تضوي من سناها
اوعالخلگ ربنــه فرض حبها اوّلاها

ام ابيها اوكوثره ام الحسين
للولايـــه ناصره ام الحسين
نصرت الكرّار هاي ام الاطهار
ام الحسين


فاطم اللي اذهب الله الرجس عنها
والنعم والخير كلـــــه هذا منــــــها
ليش هاي الامـــــه ماعرفتها چنـها
اعليها حرگــو دارها وادمو جفـنـها

وانهشم منها الضلـــع ام الحسين
اعليه خل نجري الدمع ام الحسين
ما الها انصا ر هاي ام الاطهار
ام الحسين


اتيتمت فاطمه من فگدت ابـــــوها
والتگول اصحاب ويلـــــي روعوها
فزعو اعلــه الداربحقاد احرگــــوها
لاقداسه الها لاحرمــــــــــــه رعوها

هاذي روح المصطفــه ام الحسين
الدنيه بيها امشرفـــــه ام الحسين
للبا ري انوا ر هاي ام الاطهار
ام الحسين


ليش هاي الامــــــــه ماعرفت قدرها
هاي ذو القربــــــه االسأل الله اجرها
الظالم اعله الحايط ابرجلــه عصرها
وانرجن عرش الله بيده من صطرها

طاحت اودمها جره ام الحسين
عليها نار اموجره ام الحسين
اتولتها الاشرا ر هاي ام الاطهار
ام الحسين


انولت اوتنـادي يبو الحملــــه يحيدر
اشلون تصبربـــــابك اعليـها توجــــر
السـامري عالزهره جدامك تجاســـــر
واللي مثلك ياعلــــــــــــــي لا ماتعذر

نادتك وانتـــه اسمعت ام الحسين
عنـــــها ليش اتاخرت ام الحسين
طاحت بالاخطا ر هاي ام الاطهار
ام الحسين


دارام حسين ايـات الرسالــــــــــــــه
لسه بيها عطر من وحــــــي الجلاله
ليش الها اتنكرت اهل الجهالــــــــــه
جمعت اعليها حطب روس الظلالــه

بالحقد الها اعتنو ام الحسين
هاذي بتمن مانسوه ام الحسين
يازمرة العــا ر هاي ام الاطهار
ام الحسين


ياصحابه لو رسول الله سالكـــــــم
ياعذر بالمحشر اتقدمونــــــه عدكم
ياعصابه الحاقده اشسوه حقدكـــم
افجعتو شيعة فاطمــه ابهذا فعلكم

آه يابت الرســـــول ام الحسين
هالحزن لا مـايزول ام الحسين
تحملها الآفكار هاي ام الاطهار
ام الحسين

▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«اعظم مصاب»
«تجليبه»
~~~
ياكرّا ر ياحيدر لزهراء ماتنغــر
من ولـــــــوها روعوها
للزهراء ماتنغر

▪︎▪︎▪︎
من يـــــوم احرگو دار الوحـي بالنار
ومن يوم انكرو بيعة علــــــي الكرّار
علينـــه طايفيـــــــــه جلبت الأشرار
هالأمه تحفها گامت الأخطــــــــــــار
ام حسين هاليله للمعبود تشچيله

من لفوهـــــــا روعوها
للزهراء ماتنغر


لون هالناس تجهل فاطمــــــه چانت
آنه ام الحسن سمعـــوها من صاحت
اوخلف البــــــــاب رادت للستر لاذت
اعصروها والضلع مكسورمن طاحت

واويلاه عالزهره منها اضلوع متكسره
استــــوحدوها روعوها
للزهراء ماتنغر


عالغبـــره هوت ام الحسن واحسين
اوعله سيفك يبو الحمله تدير العين
عفاك اشلون صابر ياعلــــــي للحين
گــــــوم اوعيد ياحيد ر بد ر وحنين

يالمعروف بتارك زيح الگوم عن دارك
حاربوها روعوها
للزهراء ماتنغر


علي يالـي حسامك شيد الأســــلام
يمن طه ابوجــــــودك هدم الأصنام
ياكرّا ر انتـه ابكل حرب ضــــــرغام
گلـــي اشلون يمك فاطمــــه تنضام

هذا الصار منعرفه ايظل اسرار منكشفه
اشلـون اجوها روعوها
للزهراء ماتنغر


عفــــه صبرك يحيدر انتـه يامظلوم
ام حسين جدامك ولتها الگـــــــــوم
امن اسياط العده گامت تگع واتگوم
وعليــك الصبر يابا الحسن محتــوم

اصعب يوم من عمرك الزهره اتنوح وتنظرك
ام ابـــــــــوها روعوها
للزهراء ماتنغر


يالعندك وديعـــــــــــه فاطمه الزهره
تردها اشلون منها اضلـــوع متكسره
ياويلــي ابوجــــها اشسوّت الصطره
لعد ساعة اجلـها عينــــــــــــها حمره

والأجال حفتها عز اعليك فرگتها
صوبوها روعوها
للزهراء ماتنغر

▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«بضعت نبينه»
«چعب هجري»
~~
ام الحسين بضعة نبيه
دمعة العين الها جرينه
واويلاه واويلاه

▪︎▪︎▪︎
اليله ليلة نايبــــــــــــه للأرواح امعذبـــــــــه
والماتم ناصبـــــــــــــه للمدامع ساچبــــــــــه

اوحامي الجار يجذب ونينـه
حرگو ابنــــار زهرة سنينـه
واويلاه واويلاه


حيدرالوالی انفجـــــــع ابنه من شافه انصرع
دامي عالغبره وگـــــــع منظرالگلبــــــه صدع

علــــــي الكرار الله يعينه
عالجره اوصار صابر ولينه
واويلاه واويلاه


ابحیدر الهم ینجلــــــی ایشوف فاطم تنـــولی
اتنادی گامت یالولــــــی بسمه صاحت یاعلــی

ابفعل الاشرار واهل الضغینه
الحامی الجا ر چتفوا یمینــــه
واويلاه واويلاه


الحزن صوته يرتفـــع بت محمد تنصفــــــع
اوينكسر منها الضلـــع اودمها سال اويالدمع

هالحزن دام ابروح الحزينه
طول الأيــام هالحرگه بينه
واويلاه واويلاه


ارواح تبگه هايمـــــــه اگلوب تتگاطر دمـــه
والنفوس امالمــــــــــه عله امصایب فاطمه

ليل وانهار الها بچینه
لم الاطهار لا ما وفينه
واويلاه واويلاه


آه من هذا الجــــــــره عالزچیــــــــــه الطاهره
امن العصابــــه الجايره مارعوا سيد الــــــــوره

ابد والله لامانسينه
نجذب الاه ويه علينه
واويلاه واويلاه


تمّت
▪︎▪︎▪︎▪︎▪︎▪︎▪︎▪︎▪︎

الشاعر فالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«ذكريات الداميه»
«موشح»
علــــــــــه مرالسنين يظل گلبي حزين
من اشوفن نار اذكر فاطمـــــــــــه اوحرگت الباب
احس دمـــع العين يجري من عظم هذا المصاب

▪︎▪︎▪︎
امصاب ام احسين حيلـــــي هدمـــه
واحس دمـع العين يتگاطر دمــــــــه
حين اذكر من ولوها الفاطمـــــــــــــه
اوعله الزهره باب طبگت مضرمــــــه
اوچني احس الحالها اتنوح السمـــــه
واسمــع اتحشم يحماي الحمـــــــــــه

علي حامـــي الدخيل تصوب بالدليل
واشكثر من هالعصابــــــه حمل انــــــواع العذاب
احس دمـــع العين يجري من عظم هذا المصاب


فاطمــــــه كوثر الهادي اومهجتــــــه
من الصحابه اشكثر ضيم الشافتــــه
مارعوحرمتــها بعده امّتـــــــــــــــــه
فدك منعدها اغصبـوها نحلتـــــــــــه
اوبعد اشد من هذا واكثـرعملتــــــــه
مارضوتبچـــــي اعله ابوها الفگدتـــه

شصورها شگــــول ظليمتها البتول
فاطمه مثل الفريسه اوطايحـــــــــــه بين الذياب
احس دمـــع العين يجري من عظم هذا المصاب


آه واويـــــــــــــــلاه من ذاك الفــــزع
عالحقد والغد ر رايه المجتمــــــــــــع
راد يطفــــــي نور بارينه اليشـــــــــع
وانفجنــــــــــــــه من كسر ذاك الضلع
لســـه صوت الحزن لجلــــــــه مرتفع
لســـــه شيعة حيدره تجري الدمـــــع

جرم ذيــــــــــج اللآم غصب حگ الأمام
انشد اصحاب الجريمــــــــه ياهو ينطيني جواب
احس دمـــع العين يجري من عظم هذا المصاب


احملنـــــــه كل هاي النوايب والآخطار
بالمدينـــــــــــــــه شبو اعله الزهره نار
اعلينـــــه من ذاك الوكت حكمت اشرار
بگت دمعتنـــــــــــــه تهل ليل اونــــهار
من السقيفه اعلينــــه كل الجره اوصار
وانغصب حگ الوصي حاــــــمــي الجار

عهد يوم الغدير علي هوه الأمير
اتنكرت عهد الولايه وارگضت خلف الســــــــراب
احس دمـــع العين يجري من عظم هذا المصاب


امصاب ام احسين ابد ماينســــــــــــه
اعليه نبگــــــه نذرف ادمـــــوع الأسه
فاطمـــــه اشرف واجل كل النســـــــه
فاطمه اللي محور اصحاب الكســـــــه
هاي بارينـــــه اسمها امقدســــــــــــــه
اتلـوج بفراش الأجـــل هذا المســــــــه

اعتله منها الونين الضلعها والجنين
اعليها مفجوعه الشريعه اوتنحب آيــــات الكتاب
احس دمـــع العين يجري من عظم هذا المصاب


آه بينـــــــــه الدهرهالنـــــــوب اشعمل
عالوديعــــــــه ايحوم هاليلـــــه الأجل
ابحرگه وابلوعــــــــــه يودعوها الأهل
والحسن واحسين يبچــــون ابــــوجل
اوزينب اتناشد علــــــــــــي خير العمل
اتگلـه ترجـــــع امــــــــــي لواگطع آمل

تكلمـــــه بالدموع گلب حيدر يلوع
علي من شاف العقيلــــــــــــــــه الحالهادلاله ذاب
احس دمـــع العين يجري من عظم هذا المصاب


فاطمــــه عدهم وديعـــــه من الرسول
واظن سمعو بضعتـــــــــي گال البتول
اوگال حبها فرع دينــــــــــي والآصول
الحاربتها باچر الطـــــــــه اشتگــــــول
احسابهم يــــــوم الحشركلش يطـــول
اشد يوم المنـــــــه مذهولــــــه العقول

حكم رب السماء ابحزن يعله النداء
تجي الزهره ابين اديها المحسن ابدمه خضاب
احس دمـــع العين يجري من عظم هذا المصاب

▪︎▪︎▪︎▪︎▪︎▪︎▪︎▪︎▪︎▪︎
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«خيانة الصحابه»
«ثلاثة ارباع الشيعتي»
~~
بضعتك يالهادي تدري بيــــــها
يالنبـــي بغيابك خانتك اصحابك
تدري بيــــــــها

▪︎▪︎▪︎
بس غفت عيناك ياسيد البريـــــه
ردت الأصحاب بعدك جاهليـــــــه
عترتك طاحت بالف محنه اورزيه
هجمت الزمره علی دار الزچيـــــه

اتحشمك ايسمعـوها يا نبيـــــها
اصحابك اتولوهـا ابابها عصروها
تدري بيــــــــها


الفگد ك ام الحسن يتجاره د معـها
عمر من البچـــــي لمصابك منعهــا
هاي بتك حالـها اوهــذا وضعـــــها
النوب حرگـو بابها اوكسـرو ضلعها

ودارها حرگوها وللي بيها
الفزع صال اعليها اومحد ايحاميها
تدري بيــــــــها


مصيبتك بالزهره هاي اعظم مصيبـه
فاطمه الچانت الك مهجـــه اوحبيبه
بين امتك اصبحت چنــها غريبـــــــه
حل عليها امصاب من بعد ك عجيبـه

بالسياط اعداها املوعيها
وره الباب الزهره طاحت اعله الغبره
تدري بيها


فاطمه اصحابك يبوها مارعـــوها
بتك العدهم وديعــــــــه ضيعوها
لوشفتها اشلون بالبـاب اعصروها
كسّرو منها ضلعــــــها اوسگطوها

بالصدر ياويلي امصوبيها
عالوجه صطروها والله ماحشموها
تدري بيــــــــها


لون سامـع يارسول الله الوديعـــه
من تحشم بيك ياراعي الشريعــــه
ساعة الطاحت عله الغبره صريعـه
عله العتره اشراح تجري يافجيعـه

الزهره توصيابحيدر ياوليها
زينب ايربيــها ابكربله ايوصيها
تدري بيــــــــها


وصّي زينب من تصل للغاظريـــــــه
من تشب بخيامها نار ال اميـــــــــه
من تشوف احسين نايم عالوطيـــه
هناك خلي تذكر امصاب الزچيــــــه

عالهزل للكوفــــــــــه امسلبيها
هذا حال ايتامي اتورثت آلا مي
تدري بيــــــــها

▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«شجون العقيله»
«ثلاثة ارباع الشيعتي»
~~~
زينب تجري دمعتـــها واويلاه
تبدي الليله محنتـــــها واويلاه

▪︎▪︎▪︎
آيهلنه ريضّوا نعش الحزينـــــــــــه
خلـّـي تسمع گلبي آهاته اووحنينه
للمصايب امي عافتني رهينــــــــه
ارد اعاتب دهري يآيمه الحنينـــــه

إتفسر الصخر حالتـها واويلاه
يمـّه يمـّه صرختهـــا واويلاه


آرد اسولف آنه وي امي الزچيـــــه
وارد احلفها ابهظم حامـي الحميـه
بلچي ترجع امي الحبيبه إليــــــــه
حته اداوي جرح البصدرچ بيد يـه

اتهز الكون حسرتـــها واويلاه
امصيبة امها ورثتــها واويلاه


امي لعتابي اوونيني خل تسمعـــــه
الچانت البيتي ضوه والعمري شمعه
مر هجر امي يويلي اشلون اجرعــه
وي نعشها گلبي المگطع اشيعــــــــه

آخر شوفه شافتـــــــها واويلاه
ابلهفهالحره حظنتـــها واويلاه


يمه يحبيبه الحنينه اويادلالــــــــــي
اخلافچ المن اعتني اواشكيلـه حالي
لوعلي ايغدرونه ابگه ابلايه والـــــي
اوتصبح ايامي ييمــــه بس ليالـــــي

زينب صعبه شد تـــها واويلاه
عالتل يوم وگفتــــــها واويلاه


موقف الطف هل مسيه صرت اشوفه
عالگمر عبّاس گلبــــــــــي صار خوفه
من اجل خدري يگطـّعوها الچفوفـــه
يمّه مااگدر أظل واشلون اعــوفــــــه

العيله اتحشم اخوتــها واويلاه
شعلوا نار خيمتــــــــها واويلاه


گابلت زينب مصايبها ابصبـــــــرها
من علي اخذت درسها الكل عمرها
عالمه معصومـه زينب من زغرهـــا
للقيامه باقـــــــــــــي هالحره اثرها

عزة امها عزتــــــــها واويلاه
هيبته علي هيبتـــها واويلاه

▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«دموع المصائب»
«تجليبه»
~~
يمّه يايمّه تلهب نار احزاني
مني الگلب دامي ماتخلص آلامي
تلهب نار احزاني

▪︎▪︎▪︎
ييمــــــــه لاتروحين اوتخلينــــــي
بعد عينچ زمانـــــــي والله يوليني
اوچثيره اهموم يالزهره يراوينــي
ييمـه للحد وياچ ودينــــــــــــــــي

يمّه يايمّه عمر آهات ماريده
والحزن جدامي ماتخلص آلامي
تلهب نار احزاني


ييمـــه اشلون عينـــي اتشاهد البسمار
هم ساعـــه تمر انســـــه مصاب الصار
يريت الموت اخذنـــي اولا اظل بالدار
ولا اسمع بواچــــــــــــــي والدي الكرّار

يمّه يايمّه اجري اوياه دمعاتي
اشماطالت ايّامي ماتخلص آلامي
تلهب نار احزاني


يم احسين اظلن اجذب الــــــونـــــات
عليچ االي شجره ماينســـــه هيهـــات
من كســــر الضلع والسطره اجرآهــات
نيران الگلب ماتطفـــــــــــي بالدمعات

يمّه يايمّه اعيوني اعليچ اعميهن
يالخذتي احلامي ماتخلص آلامي
تلهب نار احزاني


راح اوياچكل حلمـــــــــــــي يمحبوبه
راح افگد حنانچ بيش مطلوبـــــــــــه
من زغري دموع اعيوني مسچوبــــــه
علي هاي المصايب چنها مكتوبــــــــه

يمّه يايمّه ابنار الباب يالزهره
تتوجر اخيامي ماتخلص آلامي
تلهب نار احزاني


نـــار الباب شفت اوبعد اشوفن نــار
بعدچ راح اشوف امصـاب ابدماصار
اشوف اضلوع اخـوي ابكربله طشار
اروح اميسره والظعني تحدي اشرار

يمّه يايمّه عالتربان وليانـــــــي
محتاره بأيتامي ماتخلص آلامي
تلهب نار احزاني


نادتهـــــــــــــــا يزينب خلصت دنياي
الجدج راح اروح اودمعتـــي ابعيناي
واشچيله عليه اللـي جره امن اعداي
واخذ للرسول ادمــوعچ ابيمنـــــــاي

يمّه يايمّه اشچيالحالللهادي
محد الي ايحامي ماتخلص آلامي
تلهب نار احزاني

▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«شکوی وعتاب»
«تجلیبه»
~~~
شچّایه الچ یــــالزهره سمعینه
ابگلب مکسوریم بابچ تعنـّینـــه

▪︎▪︎▪︎
اصوات الشیعه الچ یالزهره مرفوعــه
عله اضیاع الگبرشیعتـچ مفجوعـــــه
شایبها اوطفلها یذرف ادموعـــــــــــه
ابهاي النایبـه منهـــــوالیواسینـــــــــه


یم احسین اسمعي اللیلــــه طلبتنــــه
گبل ماتنگضي یالبضعـه دنیتنــــــــــه
نرید ازیارتچ بالدنیـــــه منیتنــــــــــه
اوهاي امعلـّگه بــــظهورمهدینـــــــــه


نرید التربتچ یــافاطمــــه انشمهـــــــا
اوحرزوسط الگلب لویحصل انظمـهـا
اونتمنـّه التزورچ ساعـــــــه نخدمهــا
اولوحصلت شکرللبـاري صلـّینــــــــــه


نطوف اعلــــــه الگبرمرّه ابعمرنه انرید
اسنین احنه اعله هالطلبه لوینـه الجید
اومشبوح النظرلمـن ولینـــــــــه ایعیـد
عله گبرچ ابوصـــــالح یدلـّینــــــــــــــه


یم احسین ظلـّینه نعیش احــــــــــلام
وي شبلچ بعد تجمعنــــــــــه هالأیــّــام
اونشچیلــــه اشجــره من زمرة الظـلام
اوچم نارابغیابــــــــه اللـــي تچوّینـــــه


صبرنـــه والصبریــــالزهـــره فت ارواح
وانتانــــي الفرج مهدینـــــه کل مصباح
یم احسیـن فجــــره بـــــالافـــق مالاح
لعد کلمـن صبرصبـــــــره تعد ّینـــــــــه


نطرنه الیوم جیتــــه الیاخــــــذ ابثارچ
اویحرگ بـاب داره اللــــــي حرگ دارچ
اوبلچن ننحسب وي طلعتـــــه انصارچ
اونگرعینچ ابوگفتنــــــــــه اونگرعینــه


اشوکت گبرچ یشیده المهدي وانشوفــه
اومن کل فج نگصده ابلهفه وانطوفــــه
اویه المهدي ننادي ابصوت منعوفـــــــه
اوبدموع التصب عالوجنه ناجینـــــــــه


اناجـــي ابحضرتـچ یمّ الحسن واحسین
نریـــدچ بالقیامـــــــــه الشیعتچ تحمیـن
ما عدنه عمل وابحگـّـــــــــــچ امگصرین
غیرامحبّتچ ماعدنــــــــــــــه قبلینــــــــه


قبلینــه اونگـــلـّچ مــــا ذخرنـــــه اعمــــال
غیـرامحبّتـــــچ مــــا عدنـــــه کل آمـــــال
یم احسیــن احضــــري ابساعــــــة الاجال
املنـــه ابلیلــــة الوحشـــــه تحضرینـــــــه


احضرینـه ابگبرنـــــــه اوساعــــة المحشر
اوعلیـچ آمـــال معگــــوده وحگ حـیــــدر
اومن چفـّــــچ نریــــد الشربة الکـــــــــوثر
وابچـــــفّ الوفـــــه یالزهـــــره تروینـــــه

▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«الفجيعه الكبری»
«موشّح»
~~
دارك ابنــــار اموجّره
ياحيدره ياحيدره
ياعظم المصاب الجره
ياحيدره ياحيدره

▪︎▪︎▪︎
جينه ننشد ياعلي عن فاطمـــــه
اسمعنه غدرتها العصابه المجرمه
اسمعنه منعدها الضلوع امهشـّمه
اسمعنه تنعه الزهره املاك السمـه

منها الضلوع امكسّره
ياحيدره ياحيدره
ياعظم المصاب الجره
ياحيدره ياحيدره


جينــــــه من ابعيد والمد مع يهل
شفنـــــــه يابالحسن دارك تشتعل
شفنـــه عالأعتــــاب متوسّد طفل
اوشفنه عالتربـان بت سيد الرسل

منهـا الرسوم امغيـّره
ياحيدره ياحيدره
ياعظم المصاب الجره
ياحيدره ياحيدره


احچي ياكرّار خلــّــــــــي نستمع
اشلون عالزهره هجـم ذاك الفزع
وانته شفت ابعينك الكسر الضلع
اوشفت ابنك عله الغبره ينصرع

وابكتره امـّـه الطاهره
ياحيدره ياحيدر
ياعظم المصاب الجره
ياحيدره ياحيدره


من هوت عالغبره امّ المكرمــات
عجب ماطاحت اوياها الكاينات
بعد امّ الحسن ماتســوه الحيات
اوياها اخذت فاطمـــه للأمنيات

هاذه المسه تحت الثره
ياحيدره ياحيدره
ياعظم المصاب الجره
ياحيدره ياحيدره


شيّعتها يـاعلـي ابروح الأســـــــه
اوباللحد من نزّلت سيده النســـه
جبل منّ الهم عله گلبك رســــــه
اومن بعدها الدار وحشه هالمسه

الهجران چبـدك فسّره
ياحيدره ياحيدره
ياعظم المصاب الجره
ياحيدره ياحيدره

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«ضیاع قبرالطاهره»
«بحر الطويل»
~~~
وین گبــرچ وینـــــــــه یازهراء یازهراء
دوّرنــه وملگینـــــــــه یازهراء یازهراء
لهفانه الروح ملیانه اجروح

****************
یــــــوم الفتـّشنــــه العین هــا لأ لام عشنــــاهـا
الگبـــــرالزهره امضیعین والمــحــســن ویـّـاهـا
ننشد بضعــــة یــــا سین حیــد ر وین وا راهـــا
گـــــــالــــووصّت مخفین عنّ العین مثـــوا هـــا

هالحرگـه اتظل بینــــه یازهراء یازهراء
واتعزدوم اعلینـــــــــه یازهراء یازهراء
لهفانه الروح ملیانه اجروح


کل یــــوم ایمربینـــــــــــه باللـوعـات والحسره
یــالرحتــــي امن ا دینــــه آیحبیبــه یــالــزهره
زا د الهــم اعلینـــــــــــــــه والمفجوع شیصبره
مــــا یهجــع ا ونینــــــــــه بــالآهــــات والعبـره

بـسّ الله الیعینــــــــــه یا زهراء یازهراء
بــونینـــه وحنینــــــــه یازهراء یازهراء
لهفانه الروح ملیانه اجروح


نصبرعا لفرگـــــــه اشلون بـالاحـزان ظلـّینـــــــه
ملیانـــــــه الروح اشجون والهجرا ن یاذ ینــــــه
ابلیـل النعـش ایشیعــــون لاهـیـهــات منسینــه
ابهد وة لیـل اید فنــــــون گبرچ ضـــــاع ملگینه
لاماندري وینـــــــــــه یازهراء یازهراء
ننشد بــالمدینـــــــــه یازهراء یازهراء
لهفانه الروح ملیانه اجروح


ننشد عالگبـــــرابنــــــوح والأروا ح مضطربـــــه
چــم نــار ابــوسط الروح یــمّ احسین ملتهبــــه
ما تنعد بینــــــه اجـــروح جرح البــا ب شیطیبه
بینــــــــــــه یسعرمـیروح منــّـــه اگلوب متعذبـه

اشگـد نصبـرملـّینــــــه یازهراء یازهراء
عُمرابهـم گضّینـــــــــه یازهراء یازهراء
لهفانه الروح ملیانه اجروح


یصعب فگــد الاحبـــــاب ماتنطــا ق ایـّا مــــــه
هذا اصعب کل امصــا ب اتظل با لروح آلامـــــه
نـــورچ یالزهره غــــا ب عن هالدین واحکا مــه
واسفـــه ایضمّچ اتـــرا ب والحسنین ایتـــا مـــه

اتظل زینب حــزینـــــه یازهراء یازهراء
وحیـدرتجـری عینـــــه یازهراء یازهراء
لهفانه الروح ملیانه اجروح


المن همنـــه نشچـــــــــــي یـــا زهراء اسمعینــه
التــا یــــه من ید لــــــــــي غاب اویـاچ مهد ینه
صوت الشیعــه اسمعـــــــي انرید ایعــود والینه
ابـــها لمصـــــــــــاب انعـزّي بالد معــــا ت نادینه

الجیت ابنچ تــنینـــــــه یازهراء یازهراء
لحظــه مــا نسینـــــــه یا زهراءیازهراء
لهفانه الروح ملیانه اجروح


وین المهدی المــــــوعـود انتانـی اسنین ماجانـه
ها لغا یب یمتــه ایعـــــود ایجیـم النـــوح ویـّانه
یلفــي ابرایــــــات الســود یطوي ایـّـام احزا نــه
یروي ابجیتــــــه الچبـــود من ا زمان عطشـانــه

نشچیلـچ اجیـنــــــــــه یازهراء یازهراء
من غیبـة ولینــــــــــه یازهراء یازهراء
لهفانه الروح ملیانه اجروح

▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«حب عن عقيده»
«هجري»
~~~~
شيعه نبگــه للمنيّـه نهتف ا بحبّ الزچيّه
الها خدّام الها خدّام

▪︎▪︎▪︎
قسم بالباري وكتــابـــــه والأذكــــار الأربعــــــــه
قسم بالهادي اودعوتــــه لــلأديـــان الجامعـــــه
قسم نقسم ببواليمـّــــــه اودمه نحره اومصرعـه
وحگ چفـّين الكفالـــــــه الهون فــوگ المشرعــه
بيعه للزهره ابعنقنــــــــه وابدمانــــه اموقـّعـــــه
للعقد احقـرسقيفــــــــــه لاابــد منبــا يعــــــــــه

نلعن احفاد آل اميّه نهتف ابحبّ الزچيّه
الها خدّام الها خدّام


تبگــــــه صرختنه تدوّي ابكل زمـان اوبالعصــور
شيعه لمّ احسين احنـــه اگلوبنــه ابحبها تنـــور
ابد مانهجــر فكــرهــــــا عهد حد گطــع النحــور
خلــّـــي العدوان تسمــع صرخة الشيعي الفخـور
فخرللزهره تبعنـــــــــــه اوحبها بدمانــــــه يدور
وابفضلها نبگــــــه نلهج خلـّــــــي دنيانـــه تجور

مانغيّر هالهويـّــــه نهتف ابحبّ الزچيّه
الها خدّام الها خدّام


الحبنه والهاذه عهدنــــــه هالمجـالس شــــــاهده
رادو ايمنعونـــــــــه منها بالأفكــــــار الحــــاقـده
كل عصر حاكــم يجينـــه الــــــه اعوان اتساعده
واحنـــــه اعوان الزچيـّـه ابحبها صفنــه انوحّده
امصابها والضلـــــع كسره نبگــــــــه نذكر مورده
ابهــاذه مانعرف تقيـّـــــه اومانســـــــــاوم للعده

معتقد موطائفيـّـه نهتف ابحبّ الزچيّه
الها خدّام الها خدّام


بضعــة الهادي نحبـــــهـا سره حبــــها بالدمـــــه
امن الــــولاده للمنيــّــــه ارواح بيها هايمـــــــــه
فاطمــه حبهــــــا عقيده وابدمانــــه انترجمــــه
هالشعار احنـــه نرفعـــه اعدانه خلــّــــــي تفهمه
المــوت والله مايهمنـــه احنـــــه شيعـه الفاطمـه
انعادي كلمن الــــها عاده واليحبها نخدمــــــــــه

هاي صرخه جعفريّه نهتف ابحبّ الزچيّه
الها خدّام الها خدّام


والأرهاب امن السقيفــــه مـوجـد يــد ابهالزمـن
حرب شنـّو علـــه اتباعچ اوزرعوا ابصفنـه الفتن
حقـد عدهــم عالمجــالس ابدمهم الحقـد انعجن
اعليهم امن السيف امضه اعيونـّــه اعليچ البچن
انــّادي يـــــازهراء ابشري اجنــــود الچ يمّالحسن
نبگه شيعه ماتهمنـــــــــه اجسامنـــه اليتگطـّعن

ارواحنه انقدم هديّه نهتف ابحبّ الزچيّه
الها خدّام الها خدّام


انقدّم ارواح اودمانــــــه الفاطمــــــه هاذه قليل
هاي للمختــار بضعــــــه اووجـــه للباري الجليل
قـــام هالدين ابـولاهـــا الكل عمل حبــــها سبيل
كل صفــات البـاري بيها من صدرهــا الدم يسيل
الله يلعن من ظلمــــــها اوظلم حمـّـــاي الدخيل
والنصـب الهــــم عداوه الجنـّـه يدخل مستحيل

كلنه بالمحشرسويّه نهتف ابحبّ الزچيّه
الها خدّام الها خدّام

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

كلمات الشاعر فالح العامري
🎵🎵🎵🎵🎵🎵🎵🎵🎵🎵
الرادود سيد فاضل الحسيني

حب الزهراء
بحر السريع
~~~~
ابحب ام الحسن صاير ولعنـــــــــه
اتبره من الظلمها انـــــــــــــه والعنه
🔳🔳🔳
اريد اســــــال سوال واطلب اجواب
من اللــــــــــي عصره اوهجم عالباب
ليش ام الحسن طاحت عالعتـــــــاب
من عدها الدمـــــــــه والدمع سجاب
والعن كلمن ايفرق جمعنـــــــــــــــــه


الحارب فاطمــــه واليحجي عالناس
ذوله اثنين عندي فرد مقيـــــــــــاس
من طينه خبيثـــــــه اونسل ارجاس
ماعدهم شرف لاغيره اوحســــــاس
يتبره الشعر والخدمه منــــــــــــــــه


عجيبه هالبشر تتدعـــــــــــــي خدام
عالغيبــــــه اوتهم تغفـــــــــــه اوتنام
بدروب الخدم اتخلــــــــــــــــي الغام
هاذي الـــــــــــي اتبعت زمرة الأجرام
هاذي مثل گنفذ لوحسبنـــــــــــــــــــه


تحجـــــــــــــي عالخدم الزهره وابنها
من تنشدها گالت انــــــــــــــــــه منها
خل نتحاسب اوياهـــــــــــــه اونگلها
ام احسين لونسالها عنــــــــــــــــــــها
المنافق والكذب گالت ظلمنـــــــــــــه


انه العامري اتبره اموالــي ام الحسين
والعن كل شخص الحجــــــي وجهين
وايريد ايخـــــــــــرب الناس المحبين
عندي هذا يحمل فكـــــــــــــر طاغين
الظلمو فاطمه واحنــــــــــــه انهظمنه


وينه الگال من شيعته انــــــــــــــــــه
مو بس بالحجـــــــــــــي يعمل اويانه
خلي ايحارب افكار الخيانــــــــــــــــه
يعـــــــوف القال والقيل ابورانــــــــــه
اويعوف التفرقـــــه اتشتت شملنــــــه


راح احجــــــــي الحقيقه وعلن النوب
ماعندي انــــــــــــــه الصبر يعقـــــوب
خل اهل النذاله تصحــــــــــــه واتوب
اوتنزع للنفاق اودخش هالثـــــــــــوب
لواعلن ابأسمـــــــــه انــــــــه عنـــــــه


ام الحسن مارادت اليحجــــــــــــــون
بين الخدم والخدمــــــــــــــه يفرقون
اومارادت جذب اعليـــــــــــها يبجون
رادت جمع شيعتــــــــــــــــــــه يلمون
مارادت خدم منها تعبنــــــــــــــــــــه
🔳🔳🔳🔳🔳🔳🔳🔳🔳
تمت
الشاعر فالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri