«اطيب التهانــــي»
«دارمي»
~~
جينــــــه انهنّيك ياحيدر
مبــــروك اعليـك ياحيدر
ياراعي الولايــه ياشمس الهدايـه
🌹🌹🌹
ارض الغديـــــــرالخير والشـــرف نــالت
هالأرض للأمــــــــــلاك مسجدها صارت
عطرالولايـــــــــه اليوم من عدهـا فاحت
دين النبـــــــي المختـار اركانــــــه قامت

اتثبـّت بيـــــــــك ياحيدر
الـديــن ايحيــــك ياحيد ر
ياراعي الولايــه ياشمس الهدايـه


ياآيـــــــة التبليـــــــــــغ نــــوّرت الدروب
بيهاولي اعلــــــــه الناس اتنصّب المحبوب
ماحضرت منّـــــه اجساد حضرتلــه الگلوب
اولبّينــه بالأصـــــــــــلاب وي داحـي البوب

نبگـــــه انواليك ياحيدر
قبلــــــه انخلـّيك ياحيدر
ياراعي الولايــه ياشمس الهدايـه


فضلك جميـــــــــع الناس حيدرتعرفـــــــه
چم آيــــــــــــــــه بالقرآن شخصك توصفه
خلـّيها اهل الزيـــــــــــــغ دربك تخلفـــــــه
كل شيعــــــــي مدّابشوگ للبيعه چفـّــــــــه

بالــدم نفــديـك ياحيدر
الشيعه اتنـاديك ياحيد ر
ياراعي الولايــه ياشمس الهدايـه


هالبيعــــــــــــــــه يا كرّار موتوها عدنـــه
بدمانه هيـّـــــــــــه اتسير اوحتـّه ابمهدنه
اولأخرنفس ويـّــــــــــــاك يبگه عهدنــــــه
اوماهمنـــــــــــه كلّ الناس تنگلب ضدنــــه

همنــــه نرضيك ياحيدر
والحـــگ نوفيك ياحيدر
ياراعي الولايــه ياشمس الهدايـه


واشنوفـــــي يابواحسين حگكّ علينـــه
فضلك علينــــــــه اهـواي نعترف جينــه
لــــــــــــــونفدي هالأرواح لاماوفينـــــــه
بس بگت عدنـــــــــه آمال حبّك ولينـــــه

ابحبنـه انـّاجيـك ياحيدر
ارحـــــــم راجيك ياحيدر
ياراعي الولايــه ياشمس الهدايـه

♡♡♡♡♡♡♡♡♡♡♡♡♡♡♡♡
تمّت
الشاعر فالح العامري
قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«يوم الله»
«فايزي»
~~~~~~
هذا العيد هذا العيد بسمك حيدر هذاالعيد
تتجلـّه امجــــــــادك
ياعلـــــــــــي بعيادك
♡♡♡
الدين الرسول وامّتـــــــــه هذا اكبر اعيـــاد
فــروع واصـــــول المعتقد شيّد للعبـــــــــاد

بالأجيال بالأجيال خالد یبگه للأجیال
انعاید الأحفــــــادك
يا علـــــــــي بعيادك


ابساعـــــــات هالعيد الأغـر مبتهجـه الأرواح
وايمرعلـــــــه اعداك ابحزن والشيعـه بفراح

بالأفراح بالأفراح الليله احبابك بالأفراح
واتردّد انشـــــــادك
ياعلـــــــــي بعيادك


عيد الغديراتقدّســــــــــــــه مجموع الأديان
واكمال دين المصطفـــــــى ونعمة الرحمـان

هذا الدين هذا الدين بيك اتتوّج هذا الدين
چاید نـــه حسّادك
يا علـــــــي بعيادك


ابهالفرحــــــه ناس العادتك الهم نچــــــــاید
نرفعها صرخـــه ابکل عصر الشخصك نعاهد

خلهااتموت خلهااتموت اهل الرده خلهااتموت
تنظــرالـــــــروّادك
ياعلـــــي بعيادك


نعقد حفلتك يا علــــــــــــي ابها ي المسيـّـــه
نوفـــــــــي ابعهدنــــه للنبـي سيد البريـّــــــه

ماشفناه ماشفناه يوم البيعه ماشفناه
بايعنـــــــه اولادك
يا علــــــي بعيادك


اجمل تهانـــــــــــي ابهالمسه الشخصك نزفها
يــــا لبيك بيت الله صبـــــح بقعـــة نجفــــها

للأرواح للأرواح ارضك جنّه للأرواح
متنعمه من زادك
ياعلــــي بعيادك


عونــــــه اليطوف ابحضرتك بارض النجف ذاك
وگلبه یحطـّه اعلــــــــه الگبر وابلهفــــــــه ناجاك

ياكرّار يـاكرّار يمته انزورك ياكرّار
واتعنّه وفــّـادك
ياعلـــي بعيادك

♡♡♡♡♡♡♡♡♡♡♡♡♡♡
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«البیعه الی الله »
«مجرشه»
~~~
با یعنـــاك ياحيدر
والينـــــاك يا حيدر
يابيرغ عزنه العالي ماعدنه غيرك والي
♡♡♡
ياحيد رانتــه ابكل عصر بيرغ هدايـــــه اواصلاح
الطاعـــــه لعد غيرك كفر وصّانـــــــه باري الارواح
نبگــه اعلی حبّك هالعمر انجد ّد عهد كل مصبــاح
وظلمات هالدنيــــه التمر نعلگ محبتك مصبـــــاح

احلى انوار ياحيد ر
بــــــالأدوار ياحيد ر
بدروب الخيراتلالي ماعدنه غيرك والي


مدحتك آيــــــــــات وسور جاوزت ربـــــــع القرآن
ابهالمدح يـــــــــاهواليعتبر ويتعامل ويـّــه الرحمن
ابهاي التجــــــــاره ماخسر ارباحـــــه صكّ الغفران
واشما عليــــــــه جارالدهر مايمس گلبــه الشیطان

للایمــان یاحیدر
والعرفان یاحیدر
الشخصك حلت ياغالي ما عدنه غيرك والي


يــــاهوالمثل شخصك وصل بالدنيـــــه طه الآخاه
وهذااللقب خيــــــــــرالعمل الغرك ابدمسمعنـ.ـــاه
واسمك بــــــــالاذان انجعل يــاهوالتبصّرمعنــــاه
عن ابــــــوالزهره ما انفصل هالأسم متعلـــي اوياه

يامحلاه ياحيدر
ماعفنـاه ياحيدر
يمّك اولنه وتالــــــــــي ماعدنــــــه غيرك والي


گـبـل الغدیـــــــــرامنصّبــك عدنــه الأدلـّه واخبار
للا مـّـــــــــه قــــــائد عيّنك اول دعوتـــه المختار
يـــــــــوم الغد يــــرالبيعتك اكمــال حجــه وانذار
حجـّــــــــه على كل من نكر م.ــاعدهابـا چراعذار

والمعبــار یاحیدر
یمّك صار ياحيدر
يالحبّك بي آمالي ماعدنه غيرك والي


بالگلب اسمك لافتــــــــــــه ويوم الغد يرامعيدين
وعيد الرســــــول الامّتـــــه من اكتمل هذا الديـن
نعلنها صرخــــه البيعتـــــه ابحبّ الوصي متاخـّين
انحارب الناس العادتــــــــه لواحنه شيعه امضحّين

ما ننساك ياحيدر
نتفــــدّاك ياحيدر
للموت ابدمنبالــــــــــي ماعدنــــــه غيرك والي

♡♡♡♡♡♡♡♡♡♡♡♡♡♡♡
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«اسماء والألقاب المولا»
«بحرالطویل»
~~~~
فايزيا من اتوالـــــي علي عالي اعله كل عالي

♡♡♡
علي كلّ الأنس والجان مــــــاواحد عرف نوره
صورة طـــــــه بالأيمان جلــّه ابأحسن الصوره
هاذي قــــــدرةالـرحمـن البيهادحـــــه المعموره
هوّه الأوّل وتالــــــي علي عالي اعله كل عالي



حيدر يوصف النفســـــه واسمع يالموالي اشگال
للباري حجب قدســـــــه الچـــــان ابعالم الأمثال
امرایة علمه ایعکســــــه نـــــوره الضـوّه للأبدال
عالجنـّه ضوه ایلالـــي علي عالي اعله کل عالـي



من عنده انـــــــوجدعالم منهو اليوصل الوصفــه
ومن صـــــــارابصلب آدم سجد تله الملك لهفــــه
وجبريل انحنــــــه وسلـّم خاضع يطلب العطفـه
ابولائك صاير آمالـــــي علي عالي اعله كل عالي



كل مرسل حمل هالنــــــور جبـــريل اليحف كتره
حارس صـــــــاراله وناطور من صلب الصلب يبره
يبراله ويحامـــــــــي ادهور لن يعرف عظم قدره
مثل قدرالنبي غالـــي علي عالي اعله كل عالـي



حيدرنــــــــه الرفع لدريس وغذ ّه الخضربعلومــه
واتناوش عــــــرش بلقيس عند الخلگ معلومـــه
وعن یوسف دفـــــع ابلیس راد ایعلی مفهومـــــه
خلاه ابمصروالــــــي علي عالي اعله کل عالي



حیدرعلـّمــــــــه الداوود واصبح وارث الحکمـــــه
والصالـــــــح نصروالهود والموسی النبی ایکلمـــه
ولیـّوب المریض ایعـــود ایقوّي اعله المرض عزمه
ایگلـّه ردّد اقوالـــــي علي عالي اعله کل عالي



اسمـــــــــه اختلف واتعدّد بالواح وصحف واذکار
(آري) بالزبــــــــــــوراوجد اســــم المرتضی الکرّار
ابکل دین الوصـــي اتخلـّد وتاج الدعــوة المختار
روحه انطاها میبالي علي عالي اعله کل عالي



حیدرنـــــــه النجه ذالنون عد اهـــــل الهند(کبکر)
عدضئره الوصي (میمون) وبکتاب الفرس (جبتر)
ابدین الــــروم اظن تدرون (بطریس) اسمه المشکر
معناه للحزن جالـــــــي علي عالي اعله کل عالي



اسمــــه النزل بالأ نجیل (ایلیــــــا) والد السبطین
وبالتوراة اجـــه ابتأویل (بریئ) منّ الیعادي الدین
وعداهل التــرك كل جيل (بثير)الينجــــي الموالين
وابكل لهجه يحلالــــي علي عالي اعله كل عالي



وعداهـل الكهن معـروف (بؤيه) وبا لحبش بشريك
وبلســــــان الزنج مألوف (حيتــــر)ها للقب يعنيك
اويه امّه حيدره موصوف (فـــرق) الأرمن امسمّيك
وآنه العايش ابّالـــــــي علي عالي اعله كل عالي



وعدعــوده (ظهير)الچان و(علي) عدّالعرب اسمـه
و(صادق) لقـّبــــــه القرآن وبي نزلت اتــــه وعمـّه
حیدرصــــــــــاحب الاذان ماواحد وصل علمــــــه
یعلم شنهوبخیالــــــي علي عالي اعله کل عالي



(ذاکر) والصهـــــــرحيدر للجــــــن والأنس یهدي
المنــــــــــــــّه آدم اتصوّر ومنـــــه المنقذ المهدي
الحیدر یالتوالـــــي افخر اوظل ابها لأسـم احدي
ومن غیره الگلب خالي علي عالي اعله کل عالي



هاي اسمائــــــــه والألقاب ظلـّت بالدهراســــــرار
عد شبلـــــه العجید الغاب یطلــــع بیها یوم الثار
بیها اینادي للأصحـــــــاب من کل دین الـــه نغـّار
ینادي جدّي یبرالـــــي علي عالي اعله کل عالي

♡♡♡♡♡♡♡♡♡♡♡♡♡♡♡
تمت
الشاعرفالح العامری

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«النعمه الكبرى»
«عجزهجري+عجزدارمي»
~~~~
علي علي حقا ًولي
الله من اعلينـــه بيك ياوالينـــــه
علي علي حقا ًولي
♡♡♡
احنه نفخرعالأمــــــــــم ابهاي الرسالــه
بيها تتعلــّـــــــــــه القيم تحمل اصالــــه
خيـــــــــروالعدل انرسم بيد الجـــلالـــه

نعم نعـم الله الرسم
لوحه تختم دينـه بيك ياوالينـــــه
علي علي حقا ًولي


الدين للنــــــــاس اكتمل هاي المسيـّــــه
بيك يـــاخيــــــــر العمل عزّ البريــّـــــــه
والله للمـــــــؤمن جعــل حبّك هويـّـــــه

شرف شرف حبنه انعرف
رافضه امسمّينـه بيك ياوالينـــــه
علي علي حقا ًولي


ياعلـــــــــي يوم الغدير احــــلاها الأيـّام
بــــــــــي تقرير المصير تحقيق الأحــلام
صــرت ياحيدرامـيــــــر واتعاله الأسلام

علم علم بأعله القمم
عالأمم رفـّينــــه بيك ياوالينـــــه
علي علي حقا ًولي


علــــــــــي منـّك هالفخر والعز اخذنـــــــاه
شيعــــــــه والچفّ الدهر نتـــــــلاوه ويّاه
اوكلمن الحگــّك نكــــــــر لامـــــــا تبعنـــاه

فرض فرض عدنه الرفض
کلمن ايعادينــه بيك ياوالينـــــه
علي علي حقا ًولي


علي نبگـــــــــــه شيعتك نفديك الأعمــار
نعتقد بـــــــــــــــــولايتك ياحامـــي الجار
النبــــــــــــي گال العادتك مثواهــــــم النار

خسر خسر الواله عمر
والنجاة الگينـــه بيك ياوالينـــــه
علي علي حقا ًولي


يــــااميـــــــــــر المؤمنين تهواك الگلـــوب
يامــــــــــلاذ الخــــــائفين والرايده اتـّوب
يادليل الحـــــــــــــائـــرين وامنـورالدروب

ضخر ضخر يوم الحشر
والأمل خلـّينــــه بيك ياوالينـــــه
علي علي حقا ًولي

♡♡♡♡♡♡♡♡♡♡♡♡♡♡♡♡
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«اعیا د الشیعه»
«چعب دارمي»
~~~
شيعه وامعيد ین والعلــــــي امهنّين
ارواحنه با يعت واچفوفنه صافحت
والعلی امهنّین
🌹🌹🌹
اللیله یاشیعــــــــه لیلة البیعـــــــه
للـّـــه ونبیـّـــه
خل نصیح ابصوت وي علـي للموت
یــــاجعفریــّـــه
حیدر ولینـــــه غیره مرضینـــه
اگلوبنــه من هوت اچفوفنه صافحت
والعلي امهنّین


یظــل وي حیــــــدر هـــــالعشگ یکبر
حبّ الهدایـــــه
یسري اویه دمنــــــه غـا مرگلبنـــــــــه
عشگ الولایـــه
بیها اعتقـدنــــــــــه من انوجدنـــــــه
ابدربه ناس المشت اچفوفنـه صافحت
والعلي ا مهنّین


علـــــــي خیرالناس حبّه چالا نفــــاس
لـــووگفت انموت
یاعلـــــــــي ابحبّك نبگـ.ــه اعله دربك
عالنايبــه انفوت
حبـّـك يحيــدر عــــــالملك نفخـر
الــك مـن ا تبعــت اچفوفنــه صافحت
والعلي امهنّین


بیعتـــه رحمـــــــــــه وعزّه للا مّــــ.ـــــه
زین اعرفــــوها
عالا نس والجـــــــان نصّبــ.ـــه الرحمان
لیش اخلفـــــوها
الخالف البیعـــــــه امره منطیعـــــــــه
والتي حبـّـه احملت اچفوفنــه صافحت
والعلي امهنّین


اولایـــــــــــــة الکرّار تــوّجت افکــــــــار
دعـــــــوة محمّد
واکتمل هـــــــــالدین بیك يــــا بواحسين
المــــــــؤمن تعبّد
وانبنـــــــه الاسلام وابجـــهادك قام
فكــــره كلمن دعت اچفوفنه صافحت
والعلي امهنّین


للحشرویــــّـــــــــاك نلهـــــج ابذكراك
ياحامي الجـــار
والــــــــــــــذي والاك تتركــــــه حاشاك
ساعة الاخطـــار
ياعلي اعذرنــــــه ابحضرتك لذنـــــه
ابعيدك العيـّـدت اچفوفنــه صافحت
والعلي امهنّین


بعد هالدنیـــــــــــــه انرید تحضرنـــــــه
یوم القیا مــــــه
البا ري لـــونـــــــــاده یجمـــــــــــع عباده
کلمن واما مـــه
وانتـــــــه بالمحشر ما لك الكــــــــوثر
والجنــــــا ن ازلفت اچفوفنـه صا فحت
والعلي امهنّین
♡♡♡♡♡♡♡♡♡♡♡♡♡♡♡
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«الثبا ت علی الولایه»
«اعگیلي مذیـّل»
~~~~
صوت الهادي دوم اینادي
یاحیدر یاحیدر
من کنت مولاه الله علــــــــی مولاه
یاحیدر یاحیدر
♡♡♡
ایلـــــــــوگ الحید ر هذا المنصب یــــاها لنـّـا س
بعلومــــــــه وتقوا ه وعلمــــــــــه رفعــــــت راس
التوحید البا ري واحکـــــا مـــــــه دگّ الســـــاس
القرآ ن ابآ یا تـــــــــــ.ــــه امطهره امن الأرجـاس

ربنـــــه الوضّح طه الصرّح
یاحیدر یاحیدر
والي من والاه الله عادي من عاداه
یاحیدر یاحیدر


والینــــــــــــه الحید ر واتبعنــــــه عـــــا لتنزیـل
نبگــــــــه ابها ي البیعه وحبنــــــه جیل الجیــل
ونتبع احکا مـــــــه ومنها جــــــــه عــــــــالتأویل
وهــــاذاالــــــــود عن گلب العا شگ لامیــــزیــــل

ابدمها الشیعه تنطي البیعه
یاحیدر یاحیدر
عید الولا یه الله رمز الهدایــــه
یاحیدر یاحیدر


هذا العید وهــــــــاي الفرحــــــــه کل امچـــــان
عید ك يـــا حيد ر تشهد لـــــــــــه هالأديــــــــان
وكل مخلـوق الليلـــــــــه استبشر بالايمـــــــــان
والحــــــور واملا ك الجنـّــــــــــــه وسبــع اكوان

كــلمن حبـّـــك یمشي ابدربك
ياحيدر ياحيدر
حبّك عباده الله اكبرسعـــاده
ياحيدر ياحيدر


هذا اكبــــــرعيد ابد نيـــــا نـــــــه يــا بواحسين
كل حزن اليـــــــــوم اتنا سينــــــه وا معيـد يــن
مبروك اعليك ابــــــــها لليلــــــــــه تـــا ج الد ين
يا حيدر لزيـــــــــــــــارة گبـــــــرك مشتـــــا گین

انعیّد ردنــــه ابصحنك ودنه
ياحيدر ياحيدر
منهواليرد نه الله عنّك بعدنـــه
يا حيد ر يا حيد ر


اتمنّينـــــــــه ابها لليلـــــه انزورك يـــــــــامهيوب
يللــــــــــــــي من زا رك مغفـــوره منـّـــــه اذنوب
توگفلــــــــه ابســــاعــا ت الشد ّه تجلـــي اکروب
ردنــــــــــه ابصحنك نوگـف ندعي للمحجـــــوب

لیــــــه نتوسبل بیك ونسأل
ياحيدر ياحيدر
غايب ولينه الله يمته يجينــه
ياحيدر ياحيدر


بس طلبه اللــــــي ظلـّت عد نــــه نترجّــــــــــاك
يــــــا حيد ر وابيــــــــوم المحشر ردنـ.ـــه اوياك
بيك آمنـّــــــه ابهــــا ي الد نيـــــه مــــاشفنـــــاك
وعدنــــــــه ايما ن ابذ يچ الدنیــه نتلگـّـــــــــــاك

ساقـي الكوثر يوم المحشر
ياحيدر ياحيدر
يوم القيامه الله كلمن وامامه
ياحيدر ياحيدر

♡♡♡♡♡♡♡♡♡♡♡♡♡♡♡♡
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«اخبا رالغد ير»
«موشّح»
~~~~~~~
هالمسه برض الغدیرالطیّبــه
عالم العلوي المحمّد خـاطبــه
♡♡♡
عالم العلوي یخـــــــاطب للرســـــول
انتـــــــه بس هالعام عمرك مایطول
انچــــــــــان راید هاذه دینك مایزول
علـــي من بعد ك خلیفه نصّبـــــــــه


لــــــــــــورد ت یالهادي تکمل دعوتك
بلـّغ اواحچـــــــــي ابصراحـه الأمّتك
سلـّم ابچف ابـــوالحملــــــــــه رایتك
هــاذا چف اللـوه عمر اومرحبـــــــــه


لبـواحسین الیــــوم سلــم الـــــواها
یبــوالــزهـره النـاس لا تخـشــــــاها
اجهرابصوتـــــــــه النبـــي اونا داها
علـــي اعليکم الله هوّه امنصّبــــــه


هاذامومنعندي آمرنــي العلـــــــــــي
الیــوم واجب تاخذ البیعه العلـــــي
والمثل حید رشرف الكم ولــــــــــي
کل نبي حیدرنصیره اوصا حبـــــــه


اعلیکم اشهد حین آخذبیعتـــــــــــه
اشفـــــــع ابیــوم الحشرللــوالتــــه
اوما تشم ریحة الجنّه العادتـــــــــــه
الله امیــرالمؤمنین املقـّبـــــــــــــــه


گبلـــــــــه ماواحد حمل هــاذا اللقب
هاللقب بسّ العلـــــــي اوغیره چذب
بـيــــــــــــــه کلمن ینتحل لله غضب
اوبالقیامه اعليـــــه ربنه ایحا سبـــه

♡♡♡♡♡♡♡♡♡♡♡♡♡♡♡♡
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«الولايه التكوینيّه»
جيت يهل الهوه + عجزدارمي
~~~~
اعلینه اصبح ولي والنعم من علــــي
سیّد الأ وصیـــاء افضل الا تقیــــاء
♡♡♡
نعلن البیعتــــــــــــــه ونحمل الرا یتـــــــــه
مــــــــــولجل شهره
عن بصیــره وعلـــــم ابدربــــــــه من نلتزم
نـــــاخذ العبـــــــــره
حضنه بي یعتلـي والنعم من علــي
سیّد الأوصیــــاء افضل الا تقیــا ء


لا ابدمـــــــــــــــــانذل والجدم مــــــــــایزل
عنّ الصمیــــــــــده
ثـــــــــــــابت المعتقــد مــــــانخـــــون العهد
نحمــل عقیـــــــــده
همنه بیه ینجلـــي والنعم من علـي
سیّد الأوصیـــاء افضل الا تقیاء


یاعلـــــــــــــــي هالبشر منـّـك اخـذت عبـــــر
نــــــــورالهدايـــــه
علمك ابكــــل زمـــــــن اشموعــــــه ماينطفن
معجزه وآيـــــــــــه
نورمنّ العلـــــي والنعم من علــي
سیّد الأوصیـــاء افضل الا تقیــاء


ياعلـــــــــــــي طالعت مثلـك ومــــــاشفـت
جـــامـــع الاضداد
تبچـــــــــي لیلك چنت ابکل حرب مـــاخفت
صانـــــــع الامجـاد
سیف ما ینولـــي والنعم من علــي
سیّد الأوصیـــاء افضل الا تقیــاء


البـــایعت بـــالغدیــــر کلـــــــها شهدت امیر
حامــــــــــي الحمیّه
صرّح المصطفــــــــــی راد منهم وفـــــــــــــه
بعد المنیـّــــــــــــــه
ابفرقه ما تبتلـــــي والنعم من علــــي
سیّد الأوصیـــــاء افضل الا تقیـــاء
♡♡♡♡♡♡♡♡♡♡♡♡♡♡♡
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«محيّر العقول»
«صدر دارمي +دارمي»
~~~~~
حیّرت الا فکـــــــــا ر حیــد ر یوا لینـــــــــه
بالکعبه الله اختــــا رك من ذاته صاغ انوارك
حیدر یوالینه
♡♡♡
وصفك يدا حــــي الباب ما تد ركــــه الالبـــــــاب
واهل الفصــــــا حـــــــه
اهل العلـــــــــم يــروون انتــــه الصرت للكـــون
نــــــــوره وصبــاحــــــه
يـــــــاسرّالا سرار ياوجــــه بارينـــــه
يا لنوّرت دنيانــــــه انته العدل عنوانـه
حیدر یوالینه


گلب المحب نـــــــــاداك يابوالعدل حيــّـــــــــــاك
هـــــا ي المسيـّـــــــــــه
واسمك علـــــــــه الآذان يالخـــــالص الايمــــــان
للــّــــــــه ونبيـّــــــــــــه
كل معنـــــــــى الايثار بطباعك الگینـــــــــــه
واحنــه یحید رشیعــه فکرك عقيده انذيعـــه
حیدر یوالینه


طبعك علــــــــــي معروف ماتعرف ابداً خــــــوف
صــــــــــــــا حب مرا جل
بيش اوصــــــــــف الكرّار لــويغضب الفقـــّــــــار
يحــــــــــــــــــدث زلازل
تبگــــــــــــه بالادوار غنوة محاچینـــــــــه
منّ المهد والينــــــــه الشخصك علي حبّينه
حیدر یوالینه


حبّك علـــــــــــــــي للروح عطرابجذ رها ايفـــوح
من اطيب ازهــــــــــــــا ر
يالبالشد د تنخـــــــــــــــاك كل لحظـــه ما تنســاك
تلهــــــــج يكــــــــــــــرّار
يا حامي الجـــــــــــار الدارك تعنّينـــــــــــــه
كل شيعتك مشتاگــــه بذاك الصحن تتلاگــه
حیدر یوالینه


برضك گضینــــــه اسنین واربینـــــه یابوحسین
عشنـــــــــــــــــه ابجوارك
فتّشنــــــــــــــه بيها العين ابتربتــــــها متعلگیــن
وتلمنـــــــــــــــــــــه دارك
مشبوحه الا نظـــــــار للنجف ضلّينـــــــــه
لرض النجف مشبوحه عين الموالي وروحه
حیدر یوالین


الگـبــرك نحن مـــــــولاي عالفرگــــــه ما ظل رای
ذابت مهجنــــــــــــــــــه
الدیرتك يمتــــه انعـــــود يـــابوالكرم والجــــــود
شـــــوگك يهزنــــــــــــه
منذوره الا عمــــــار لوالك رد ّينـــــــــــــه
نحـــــي حفل ميلادك ونتعايد اويه احفادك
حیدر یوالینه
♡♡♡♡♡♡♡♡♡♡♡♡♡♡♡♡
تمت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111