«اسعد الأيّام»
«حدي مذيـّل»
~~~
هالليله فرحتنــــه وشمحله سهرتنـــه
ابميـــلادك يعبّاس ابميلادك يعبـــّاس

ياگمرهاشـــــــم شيعتك ننثرازهـــــار الجيّتك
سهرانين
هاليله نحــــــي فرحتك بدمانـه تسري امحبّتك
فرحانين

نعلن محبّتنــــــــــه انجدّد البيعتنـــــــــه
ابميلا د ك يعبّا س ابميلادك يعبّــــــاس


ياهله ابميلاد الكــــــــرم عبّاس ياراعـــي العلم
والغيــره
اسمك تخلـّد بـالأمـــــــم حبّك بالگلوب انرســم
تصـويره

هالحب هويّتنــــــه انقوّي عقيدتنــــه
ابميلا د ك يعبّا س ابميلادك يعبـّاس


عبـــــــــّاس حبّك معتقد برواحنــه اليوم انوجد
والوجدان
بــــــــاب الحوائج بالمهد تنگصد بإيـّـــــام الشدد
ياریسان

اگصدناك طلبتنـــــه تقبل الخدمتنــــــه
ابميــــــلادك يعبّاس ابميلاد ك يعبـّاس


خدّامك احنه نفتخـــــر بالدنيه وبيوم الحشر
تكفينـــــه
ياشبل حيدر ياضخــــر ابيــوم الشدد ماتعتذر
تنجينـــــه

تسمع الصرختنــــه وبهاذي جمعتنـــــه
ابميـــلاد ك يعبّاس ابميــلادك يعبـّاس

يهتف ابأسمك هالجمع اوحبّه اوحنانه تستمــع
ياعبـّــا س
الشيعي النهجك يتـّبع واتذوب بدروبك شمـــع
هاي الناس

الحفلتك جيّتنـــه تگضيها حاجتنـــــــه
ابميلاد ك يعبّا س ابميـــــلادك يعبـّاس


اگصدنه مضيفك يانفل معروف انتـــه بالفضل
للخطـّار
تكرم گبل ما تنســــــأل اوللجود كعبـــه تنجعل
بــالأدوار

ابكل زمن منيتنــــه اوكعبة قداستنــه
ابميــــــلادك يعبّاس ابميلادك يعبـّاس
▪︎▪︎▪︎▪︎▪︎▪︎▪︎▪︎
تمت
الشاعر فالح العامري

قناة هلاهل الأشعار
قناة الشاعر فالح العامري

تحتوي القناة علــــــــــ.ـــــــى قصايد مواليد

الأبوذيات الدارميات الموالات

غير مبري الذمه لكل من يحذف اسم الشاعر

وينسب القصيده الـــــــــــــــه

نتشكر بكل من انضمه الينا
https://t.me/falehalameri111