«الصرخة الصادقه»
«مجرشه»
~~~~
صرخة عشّا گ. مهدي
ودمعة اشواگ. مهدي
نبعثها واماني. الشخصك هالتهاني
🌹🌹🌹
هالصرخــــــــه منّ المعتقد يالمهدي ابدمــا تنزال
ويّانـــــــــه اجت منّ المهد مطبوعـه وسط الدلال
هاذي الاصوات. مهدي
من وسط الذات مهدي
من گلبي ولساني الشخصك هالتهاني


ميــــــــلادك ابهالمجتمـــــع ينفح كرامــه وايمان
وبگلب کل شیعي انطبــــع حبـّك يــروح القـــرآن
ابحبّك غنّيـــت مهدي
وليك اشتاگیت مهدي
یالحبّك هدانـــي الشخصك هالتهاني


حبّك ابوجدانــــــــي انزرع وبالروح يبعث آمـــال
ابكل گطره وي دمّـــي سره ماعوفه لوصیراوصال
هیهات انساك مهدي
ابگه ابذكراك مهدي
يا شمعة زماني الشخصك هالتهاني


ابعثلك احلــــــه التهنيـــــه يابوالوفـــه ابميـلادك
باقـــــي العمر شوباش الك جيت انثره ابأعيــادك
هذه اكبــــرعيد مهدي
لوالنـــــــه اتعيد مهدي
هاك اسمع حناني الشخصك هالتهاني


حنّيت الــك يــــــاسيـّـــدي حنّ الرضيــع الامـــّـــه
واشواگـــــي تتسابگ غدت واجدامي تسعي ابهمّه
یا یوم الگــاك مهدي
واحضر ويـّاك مهدي
بكل جمعه اتاني الشخصك هالتهاني


منذوره روحـــي الجيّتك يالجيتك اغله امن الروح
آمــــــال عشت الشوفتك يالشوفتك تشفي اجروح
روحي ابكل يوم مهدي
الملگاك اتحــــوم مهدي
ولاطيفك اجانــي الشخصك هالتهاني
🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«شكوة محب»
«مجرشه»
~~~~
الله یـــــــــاشبـل الحسن الیاوکت ینزف دمنـــه
کلمن یجــي ابهاذه الوکت وابخنجره یگصبنـــه
😭😭😭
نتنطـّراحنـــــــــه الجيّتك يبن الحسن ليل انـهــار
الياوكت تبگــــــــه غيبتك اجیـــال مــرّت واد وار
شیعتك خلصت بـالذبـــح ماألــــــها غيرك نغـّــــار
اعذرنـــــــه لونبدي العتب من شد ّت امصا يبنـــه


امصايبنـــــه ابدما تنحسب بس انتـــــه تعلم بيها
من يــــــــوم عالدار اهجمو دمعتنــــه دم نجريها
اوحالتنــــــــه يبن العسكري متورّج انتــــه اعليها
ماحاجه نحچي اللـــي جره عندك علم صاحبنـــه


من طــــــــــاح جدّك حيدره ابمحرابه دمّه اتفجـّر
من بعد حمّـــاي الحمـــــــــه ازيـد شملنـه اتطشـّر
كل واحد الصــــــــــــار اببلد وبظهره نـابت خنجر
للموت واحدنـــــــــــــه يحب هاذا العمر اتعبنــــه


اتشتّت شملنــــــــــه ومــابعد غيرك يوالي ايلمّــه
دنيانــــــــــــه عجّت بــا لفتن الحجاج عاد ابحكمه
یشوون من عدنــــــــه الطفل وكـّلـومن لحمـه امّه
هاذه علینه اللــــــــــــي سده ادفعنه ضریبة حبنه


من دمنــــــــــه یبن العسکري أرض العراق اتـــروّه
یومیــّــــــــــه تحصل مجزره بینه الأرهاب اشسوّه
وببــــــــــلادي لوگلنــه الحکم حفنت دخن مایسوه
لونحچــــــــــــي بالحگ نبتلي مـاواحد الیقبلنــه


کلمن لعد بیتـــــــــــه حمــــــه والأقربون الیمـّــــه
وعافوالأرهابـــــــــــــي ایعبث ایهدم بیوت الیمّه
مایــــوم هاجت غیرتــــــــــــه اودینه یحرّگ دمّـه
مـــــــــــايحس بالحــــروالبرد اومايشعــراتذ بحنه


حكــّام اجتنـه اوتدّعـــــــــي عنّ الشعوب اتحامي
بس تحچي بصلاح الوضـــع واتعس وضعها ايّامي
اتصوم وتصلـّــــــــــي چذب ظاهرهابس اسـلامي
اللّـــــــــــــــه يبن العسكــري من هالوضع شيّبنــه


الأرهاب اجانــــــــــه من كتر من كـتـر اهل الدولار
واهل الكراسي الطامعــــــــه بدمانـه صارت تجّار
مافكـّرت بينــــــــــــــــه ابد واعلينه ماهمها شصار
بس راســـــــــــها سالم يظل خل ننذبــح كل احنـه


سيفك ابغمده اليــــــــاوكـت يبن الزچيــّـه الزهره
اشوكت گلـّـــــــــــــي تشهره للظلـــم تگطع جذره
اوتحرگ عجل هالسامــــــري اوللثاني تنبش گبره
عالشجره يمته تصلبـــــــــــه هاليوم يامه انطرنه


كل صبح جمعــــــــــه ننتظر ركب الفرج يلفينــــه
وانگول مهدينـــــــــــــه اجه وابدولتـه ينجينـــــه
اويگطـع اچفـــــــوف الغادره المتسلطه زور اعلينه
لاعدها رحمــــــــــه اولاشرف ناس الذي تحكمنـه
🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«مولد الرحمه»
«صدردارمي»
~~
مهدينه هل اعلينــــه صلـّوعلـــــی نبينـــه
🌹🌹🌹🌹
ميـّــــة هله ابشعبـــان اعياده بالأزمـــــــــان
للشيعه يجلـــي احزان حان الــوعد هالحـان
نوره سطع ولينـــــــــه صلـّوعلـــــــی نبينـــه


هاذه ابن داحــي الباب اشرق علـــــه الألباب
شيعه الـــــه واصحاب من چنـّـــه بالأصلاب
لبن الحسن هوينـــــــه صلـّوعلـــــی نبينـــه


هالمولد احضرنــــــــــاه اوللمهدي بايعنـــــاه
والينــــــــــــــه ماعفنـاه اربطنه المصير اوياه
ابدربه ورد طشـّينــــــــه صلوعلی نبينــــــــه


انطش ابطريجــــه اعمار وانزيّن الكــــــل دار
لوتلفي النــــــــــــه اخبار والينه گــالــــو ثـــار
من غيبته يلفينــــــــــــه صلـّوعلــــی نبينـــه


يـــــــوم الولاده اويـــوم بالدنيـه ثوره ايقوم
حكم العدالـــــــــه ايدوم اومايبگـه ابد مظلوم
منّ ا لظلم ينجينـــــــــــه صلـّوعلـــــی نبينـــه


عيد الله تانينـــــــــــــــــاه مهدينـه نتلگــّــــاه
من مكـّــــــــــــه رف الواه هالعيد يامحـــــلاه
انهنّــــيــــــــه وايهنّينــــــه صلـّوعلــــی نبينـــه

🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«مولد الخير»
«مجزء الموشح»
~~~~
سيّدي سيّدي ياهله ابمولدك
سيّدي سيّدي ننتظـــر طلعتك
عيد من تلفينــــــــــه يامهدي
حن يوالي اعلينــــــه يامهدي
🌹🌹🌹🌹
هالمــه سامرّه زفـّت الها البشره
ابنور شبل الزهره
من زمن تنتظره للبقيــــه اوبدره
احتظنتــه بالعبره
اتلگـّته ا تلگـّتـه هالمسيّه داره
اتلگـّتـه ا تلگـّتـه عالمه بسراره
الشرع محي اودينـه يامهدي
حن يوالي اعلينـــــه يامهدي


نرگس انحييّـها هالمسـه انهنـّيها
دوم نفخـــر بيها
انجبت مهديـها هالشرف يكفيـــها
الملك صلـّه اعليها
يافضل يافضل نرگس النالته
يافضل يافضل المنتظرنجبته
وابعشگ نادينـــــــه يامهدي
حن يوالي اعلينـــــه يامهدي


ياهله بالوالـــــــي ياحبيبي الغالـــــي
يانبض دلالـــــي
ياكهف آمالـــــــي يالوانه العالــــــــي
يرف بالأجيالــي
رايتك رايتـك يـاوكت تنتشر
رايتك رايتـك الها دوم النصر
اعدانه شمتت بينــه يامهدي
حن يوالي اعلينـــــه يامهدي


ياحبيب اگلوبنـــه اوبالشدد مندوبنه
ندري يامحبوبنـه
مانصل محسوبنه من فعال اذنوبنـه
رحمتك مطلوبنـه
هالمسه هالمسه نطلب الرحمتك
هالمسه هالمسه ارحم ا لشيعتك
ابغيبتك ذلـّينـــــــــه يامهدي
حن يوالي اعلينـــــه يامهدي


يابقيــــــة السلف اوياحليف الشرف
بسمك اللـي هتف
دم وريده نــــزف والظلم هالزحـــف
الكربلــه والنجف
العجل العجل انشــرالرا يتك
العجل العجل اسرج المهرتك
ابعسر لتخلـّينــــــــه يامهدي
حن يوالي اعلينـــــه يامهدي


لوبدينه اعتابنـــــه من عظيم امصابنه
ابغيبتك ماصابنــه
دمه صاراخضابنــه ابيوم حرگت بابنـه
هالحزن جلبابنــــه
للفرج للفرج بالصبر ننتظر
للفرج للفرج ياأميرالعصر
عالجمر تانينـــــــــــه يامهدي
حن يوالي اعلينـــــه يامهدي

🌹🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«انتظارالفرج»
«عجزهجري+مجزء الموشّح»
~~~~
بنتظار بنتظار شيعتك بالأنتظار
سيّدي تدرينـــــه عالجمرتانينــــه
🌼🌼🌼🌼
يبن فاطمـــــــــــة الطهر يابقيت الـهــــــادي
الجيتك احنـــــــه ننتظر كل عمرنـــــه انّادي
نشري شـــوفك بــالعمــر الك تحلـــه انشادي
للعصور للعصور ياأميرا ًللعصور
الشوفتك حنّينـــه عالجمرتانينــــه


يـــــاأميرالكل زمـــــــــان اوعالأعمال الشاهد
وين يالبيك الأمـــــــــــان یالأمـــــــــام القائد
الطلعتك زادالحنــــــــــان اوياك ردنـه انجاهد
هالغیاب هالغیاب اعلینه طوّل هالغیاب
الجيّتك مهدينــــه عالجمرتانينــــه


اشـــوكت ننظـــــرطلعتك هاذي احلـه ايّامنه
يـــــــــــــــوم تنشر رايتك اتحقـّق الأحلامنـه
حين نسمـــــــــع صرختك تعتلي بسلامنـــه
ياحبیب یاحبیب للگلب انته الحبیب
الدولتك راوينــــه عالجمرتانينــــه


احنـــــــــــــه نعلم دولتك العدل سايد بيــها
مثـل جــد ّك رحمتــــــــك للبشر تهد يــــها
احنـــــــــه ردنــه شوفتك بالعمرنشريـــــــها
بالسّنین بالسّنین نندبك مرّالسّنین
وين ياوالينــــــه عالجمرتانينــــه


كـل گلب بـــالحب عرج حفلتك نحيـيــــها
اوننطر ابلهفــــــــه الفرج جيتك انتانيــــــها
الك نفــديها المهـــــــــج الدولتك نبنيــــهـا
بالارواح بالارواح فدوه الك هاي الرواح
الليله حن اعلينــــــه عالجمرتانينــــه

🌼🌼🌼🌼🌼🌼🌼🌼🌼🌼🌼🌼
تمّت
الشاعر فالح العامري
قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

« الدعاء»
«هجري»
~~~
ياالهـــــي ياغفــور ننتظـريـــوم السرور
ياالاهي يا الاهي عجّل اعلينــه الظهور
🌹🌹🌹🌹
ياالــــــــه الكــــون يمتـــه ترحم النـــه وتستجیب
اعلينـــــــه هالفرحه تتمها اعيونه اتشوف الحبيب
مرّت اعوام ودهـــــــور انعيش ظلمه ابلايه نور
ياالاهي ياالاهي عجّل اعلينـــــه الظهور


الدعــوة المظلــوم تسمـــع هذاماگــــــــال البشیر
واحنه بالدنیه انظلمنـــــــه وغایب اعلینه المصیر
ضایگه منــّــــــه الصدور من حکم اهل الفجور
یاالاهی یاالاهی عجّل اعلینه الظهـور


یااله النـــورردنــــــــــــــه ایمزّگ اثيـــاب الظلام
والعدل یصبـح حقیقـــــه من نصدبدرالتمــــــــام
بدرابوصالح ینـــــــــور عالأرض ینثرزهور
یاالاهی یاالاهی عجّل اعلینه الظهور


اگلوبنــــــه اغیابـــه یفتها والفـرح من عدهــا راح
هالفرج یا مانطرنــــــــــــه واخلصت منـّــه الأرواح
مرّت ایــّــــام وشهـــور ننتظروالدم یفــــور
یاالاهی یاالاهی عجّل اعلینه الظهور


ندعي بدمـــــوع المحبـّـــه ومنـك انريد الخلاص
اننشدك ابعيد الولايــــــــه اتعجّل ابسيف القصاص
الحاملــــه چفّ الغیور یاخذ ابثــــــارالبدور
یاالاهی یاالاهی عجّل اعلینه الظهور

🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري
قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«سبیل الله»
«ميمر»
~~~~
اللیله انولد مهدینـــــــــه الله الله
آخروصــــي الهادینـــــــه الله الله
بسمه الشیعـــــــه تعلن بیعـــــــــه
🌼🌼🌼🌼
بارینــــــــــه اکمل حجّتـــــــــــه بــــالموعـــود
وبالدنیـــــــــه ناس العرفتـــــــه بــــا لموعـــود
ویقبل اعمــــــــــال العبدتــــــــه بــــا لموعـــود
وخلـّـــــــــه السبیل الجنّتـــــــــه بــــا لموعـــود
هلّ السبیل اعلینــــــــــه الله الله
عن معرفــــــــه والینــــه الله الله
بسمه الشیعـــــــه تعلن بیعـــــــــه


یـــــــــامولد منســوج انــــــواره منّ الــــــــذات
والظـــــــــــــاهـرعنده واســراره منّ الــــــذ ا ت
والعالم هالدنیـــــــــــه ابشــــاره منّ الــــــذ ا ت
خیعون الیسمــــــــع اخبـــــــاره منّ الــــــذ ا ت
نسمــــــــع اله اتمنّینــــــه الله الله
والشوفتـــــــــه اشتاگینـه الله الله
بسمه الشیعـــــــه تعلن بیعـــــــــه


حبّك يبــوصــــــــالح سمــــــــــه بـــــــا لاروا ح
يــــــوسف علينـــــــه وفاطمـــــه بــــــــــالارواح
ضل يسري وي مسره الدمـــــــــه بـــــــا لاروا ح
نقسم وحــــــــــگ ربّ السمـــــــه بـــــــا لاروا ح
حبّ الــــــــولي خلـّینـــه الله الله
والجیّتـــــــــه تانینـــــــه الله الله
بسمه الشیعـــــــه تعلن بیعـــــــــه


هــــــالحب حملنــــــه امن الأزل للمهــــــــــدي
ونبگه نوالـــــــــــــي لـــــــلأ جل للمهــــــــــد ي
بلچن یحـــــــــالفنـــــــــه الوصل للمهــــــــــد ي
عشنـــــــــه ونمـــــوت ابــهالأمل للمهــــــــــد ي
ابهذاالأمل ظلـّینـــــــــــه الله الله
كل يــــــــوم یکبربینـــــه الله الله
بسمه الشیعـــــــه تعلن بیعـــــــــه


نلهج اباسمك يــــــــالولــــــــــــي بالأجيـــــــــال
يـــــالبيك عزنـــــــه معتلــــــــــي بالأجيـــــــــال
واقبلنـــــــــــــــه لجلك نبتلــــــي بالأجيـــــــــال
انتــــــــه البقيـّــــــه من علـــــــي بالأجيـــــــــال
احسن بقيـّـــــه الگینـــــــه الله الله
بــــــــي عالأ مم باهینـــــه الله الله
بسمه الشیعـــــــه تعلن بیعـــــــــه


یبن الســــلالـــــــــه الطـــــــاهره والينـــــــــــــاك
يبن النجـــــــــــــوم الزاهــــــــره والينـــــــــــــاك
يبن الأدلـّــــــــــــــه الظـــــــاهره والينـــــــــــــاك
تكفينـــــــــــه عـــزّه ومفخـــــره والينـــــــــــــاك
وللينكرك عادينــــــــــــه الله الله
وللشايعك صافينـــــــــه الله الله
بسمه الشیعـــــــه تعلن بیعـــــــــه


الحبـّـــــــــك نحـب يبــن الحســن وانعــــــــادي
ونبغض البغضك بـــــــــــــــــالزمن وانعـــــــــادي
وانحـــارب اصحــــــــــــــاب الفتن وانعـــــــــادي
ونتبــرّه من ثانــــــــــــــــــــي وثن وانعـــــــــادي
ابهذاالبغض وصّينـــــــــــه الله الله
بنت وابن ربّينــــــــــــــــه الله الله
بسمه الشیعـــــــه تعلن بیعـــــــــه
🌼🌼🌼🌼🌼🌼🌼🌼🌼🌼🌼🌼🌼🌼

تمّت
الشاعر فالح العامري
قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«السلام»
«صدردارمي+ احسیناوي»
~~~~
یالمهدي سلامــــي ابعث واحترامــــي
یـــــا ســرّالأســرار یا نسل الأطـهــــار
🌹🌹🌹🌹
ميلادك ابهاليـــــــــــوم ياآيــــــــــــــــة القيـّـوم
واسرارالولايــه
مخلوقـــــــــه هالاكوان يالمهدي والأديـــــــــــان
من نورك بدايـه
يالبيك اعتقــــــادي من گلبـــي انادي
للبـــــــاري انــوار یا نسل الأطــهـــار


ولهانـــــــــــه هالأرواح واتجدّد الأفــــــــــــــراح
بانوارالهدایــه
تتنطـّرالمــــوعـــــــــود راعـي الكرم والجـــــــــود
اليحكمها ابعنايه
یاوارث علینــــــــه یمته اتهل علینــه
واتنـــادي للثـــــــار یانسل الأطــهــار


الثارك نتانـــــــــي اسنين الطلعتـــك متـــــــأملين
عالدنيه شمسنـه
يالقــــــــائدانشــــــــوفك وانقبّل اچفـــــــــــوفـك
هالحسره ابنفسنه
مسروره هالگلـوب بوجودك يمحبــوب
مأمونــــــه الأدیار یا نسل الأطــهـــار


یامعدن الأیمـــــــــــــان ياحـــــــــــــافــظ القرآن
يالبيك العدالـــه
تنشرها بالأقطـــــــــاثر سنـة النبـــــــــي المختار
واحکام الرسالــه
بافکــــــاره الأصیله بالحجّه ودلیلــــــــه
وارث الكــــــــــــرّار یا نسل الأطــهـــــار


نتنطــّــرك كـــــــل دور يمته علينــــــــــــه اتنور
بنوار الزهیـّـــــه
ســــل سيفــك ابچفــّك يــــالصـــــاحب انحلفك
بضلوع الزچیـّــه
نطلب هالمسیــّـــــــه من چفـّك هديـّـــــه
اتعجّـــل يمغــــــــوار يا نسل الأطــهـــار


رايتك يالوالـــــــــــــــــــي الها الحكــم تالـــــــــي
واتقود الرعيـّــــه
كل ظـــــالماتزيلـــــــــــــه والطـايــــــــح اتشيلـــه
بچفوف الوفیـّــــه
والشخصك هوينـــــه وابدربك مشينـــــه
منذوره الأعمــــــــــار يا نسل الأطــهـــار

🌹🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري
قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«مناجات العيد»
«تجليبه»
~~~
يمهدي اهلال هذا العيد هل بينــــــــــه
اولهلالك چثيره اعوام تانينــــــــــــــه
🌹🌹🌹🌹
اجانــــــــــه العيد يالمهدي گبل عيدــك
اشحلاتــــــه العيد لوصبحه نحب ايدك
امام النه ابصلاة العيدنـــــــــــه انريدك
من لطفك يمهدي اتنفـّس اعلينــــــــــه


اشكثر مرّت علينه مظلمـــــــــه الأعياد
ولاعيد الدعينـــه وبـــــي نحصّل امراد
دعينه الله بالسر اوعلــــــــــه الأشهــاد
من كثر الدعــــــــــــه والنوح ملـّينـــــه


يالمهدي انـــــــــــه موبيدي هاي الروح
تجربيّه اوتگلـّي يلـّه خلــــــــــي انروح
حطـّت ايدها ابأيدي وتعتنــــــي ابنوح
تگللي امشي ندّور وين والينــــــــــــــه


منـّــــــي الروح راحت مدري وين اتريد
تگللــــــــــي اسرع دربنه يالتريده ابعيد
گبل طـــــــرت الفجر بلچن نصل للحيد
نوصـل للحبيب البيـــــــــــــه جنـّينــــه


فطور العيد بمضيفــــــــــــه لون يحصل
اشعملنـــــــه من عمل والينــــــه يتقبّــل
العيد العيد وجـــــــــــــه انشوفه يتهلهل
نور الله وارسولــــــــــــــــه ابنور مهدينه


يبو صالح ابحبّك هايمـــــــه النـه اگلوب
اليوم انريد منـّك رحمـــــــــــه يامحبوب
يمن حبك قداسه اويمحـــي النـه اذنوب
هذا البي نزل قرآن بارينـــــــــــــــــــــــه


يالمهدي نطرنـــــــــــه اهلالك من ازمان
اوبدموع الندم دگينـــــــــــــه الك بيبان
اصيح ابصـــــــــوت منك نطلب الغفران
اذنوب العدنـه للهامات غطـّينـــــــــــــــه


اجينالك اوجبنـــــــــــــه البيــــه نتوسل
علــــــــــــي الي بي كل اعمالنـــــه تقبل
دخيلك عنــّـــــــــــــه يالمحبـوب لاتزعل
لوعنـّه ازعلت للنــــــار تالينــــــــــــــــــه


نعرفنـّك كريم اومـــــــــــــــاترد الضيف
نمشي اعليك نحر البـــي توضّـه السيف
علينــــــــــــــــه مريالغايب لون بالطيف
ابحسرة شوفتك لالاتخلـّينـــــــــــــــــــه


نمشــــــــي اعليك يالغايب مصاب الباب
ادري هالقسم منـّــــــــــــــــه دليلك ذاب
ابجاه امّك يمهدي حن علــــــى الأحباب
ابلطفك عالصراط العدل تهدينـــــــــــــه


عدنــــــــــــه اگلوب عالفطره تره تهواك
اوعدنـــــــــه ارواح تفرح لويمـر طرواك
شيفيد العمر لوينگضــــــــــــــــي ابليّاك
مثل الزاد مابي ملح حسّينــــــــــــــــــه


لـــــــــواسمّك يمركل الجـــروح اتطيب
اوكل آلام البجسمــــــــي احسها اتغيب
اوكل آمال بالدنيــــــــه ابوجودك طيب
واحس بيك الأمل ماتنگضــــي اسنينه


اهلالك لـــويهل عالروح يأنســــــــــــها
وبيها بذرة الأيمــــــــــــان يغرســـــــها
اشوكت ايــــــّامك الحلــوه نطالســــها
گبل ماهالأجل بضعونه يحد ينــــــــــه


اعيشن يوم اشوفك اصبحت احــــلام
عمري هالگضه مابي بگت ايّـــــــــــــام
والگبري اروح اوتنبريلـي اعضــــــــــام
نتانيك ابلحدنه اجنود تلگينــــــــــــــــه


وحگك لوگضــــه عمري وخمد ونـّــــي
حسراتي عليك اجذب يشيعنـّـــــــــــي
واحس يالمهدي لوعاتي يچفننـّـــــــــي
وحس اوياك ارد والكربله امشينــــــــه


لونمنه ابلحدنه يالولـــــــــــــــي نتنـاك
تاج الشرف نلبس لوطلعنـــــــــه اوياك
واتتحنن علينـــــــــــــــه ابهاي نترجّاك
وابهذا الأمل للگبر طبّينــــــــــــــــــــــه

بالدنيـــــــــــــه لـــــــون ماندرك ايّامك
بالرجعـــــــــــــه يمهدي انقبـّل اجدامك
ويتحقق املنـــــــــــــــه انصير خدّامك
اليوم البــــــــــــي تواعدنه احنه ردّينه


نرد ويــــــــــــاك بالدنيـــــه عهد معهود
هذا البـــــــــــــــي جدّك واعده المعبود
دينه اعلــــه الرعيه ابكل ارضها ايسـود
الله ابدولتك بشر الهادينـــــــــــــــــــــه
🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111