«مناجات العيد»
«تجليبه»
~~~•
يمهدي اهلال هذا العيد هل بينـــــــه
اولهلالك چثيره اعوام تانينــــــــــــــه

💧💧💧
اجانــــــــــه العيد يالمهدي گبل عيدك
اشحلا تــه العيد لوصبحه نحب ايدك
امام النه ابصلاة العيد نــــــــه انريدك
من لطفك يمهدي اتنفـّس اعلينــــــــه


اشكثر مرّت علينه مظلمـــــــه الأعياد
ولاعيد الدعينـــه وبـــي نحصّل امراد
دعينه الله بالسر اوعلــــــــه الأشهــاد
من كثر الدعـــــــــه والنوح ملـّينـــــه


يالمهدي انـــــــــه موبيدي هاي الروح
تجربيّه اوتگلـّي يلـّه خلــــــــي انروح
حطـّت ايدها ابأيدي وتعتنــــي ابنوح
تگللي امشي ندّور وين والينـــــــــــــه


منـّــــي الروح راحت مدري وين اتريد
تگللــــــــي اسرع دربنه يالتريده ابعيد
گبل طـــــرت الفجر بلچن نصل للحيد
نوصـل للحبيب البيـــــــــــه جنـّينــــه


فطور العيد بمضيفــــــــه لون يحصل
اشعملنــه من عمل والينــــــه يتقبّــل
العيد العيد وجــــــــه انشوفه يتهلهل
نور الله وارسولـــــــــــه ابنور مهدينه


يبو صالح ابحبّك هايمـــه النـه اگلوب
اليوم انريد منـّك رحمــــــه يامحبوب
يمن حبك قداسه يمحي النــه اذنوب
هذا البي نزل قرآن بارينــــــــــــــــــه


يالمهدي نطرنـــــــه اهلالك من ازمان
اوبدموع الندم دگينـــــــــه الك بيبان
اصيح ابصــــوت منك نطلب الغفران
اذنوب العدنـه للهامات غطـّينــــــــــه


اجينالك اوجبنــــــــه البيــــه نتوسل
علـــــــي الي بي كل اعمالنـــــه تقبل
دخيلك عنــّـــــــه يالمحبـوب لاتزعل
لوعنـّه ازعلت للنــــــار تالينــــــــــــه


نعرفنـّك كريم اومــــــــــــاترد الضيف
نمشي اعليك نحر البي توضّـه السيف
علينـــــــــــــه مريالغايب لون بالطيف
ابحسرة شوفتك لالاتخلـّينــــــــــــــــه


نمشــــي اعليك يالغايب مصاب الباب
ادري هالقسم منـّــــــــــــه دليلك ذاب
ابجاه امّك يمهدي حن علــى الأحباب
ابلطفك عالصراط العدل تهدينــــــــه


عدنـــــــه اگلوب عالفطره تره تهواك
اوعدنـــه ارواح تفرح لويمـر طرواك
شيفيد العمر لوينگضـــــــــــي ابليّاك
مثل الزاد مابي ملح حسّينــــــــــــه


لـــــواسمّك يمركل الجـــروح اتطيب
اوكل آلام البجسمـــــي احسها اتغيب
اوكل آمال بالدنيــــه ابوجودك طيب
واحس بيك الأمل ماتنگضـي اسنينه


اهلالك لـــويهل عالروح يأنســـــــــها
وبيها بذرة الأيمــــــــــــان يغرســــها
اشوكت ايــــــّامك الحلــوه نطالسـها
گبل ماهالأجل بضعونه يحد ينـــــــه


اعيشن يوم اشوفك اصبحت احـلام
عمري هالگضه مابي بگت ايّــــــــــام
والگبري اروح اوتنبريلـي اعضـــــــام
نتانيك ابلحدنه اجنود تلگينـــــــــــــه


وحگك لوگضه عمري وخمد ونـّــــي
حسراتي عليك اجذب يشيعنـّـــــــي
واحس يالمهدي لوعاتي يچفننـّـــــي
وحس اوياك ارد والكربله امشينــــه


لونمنه ابلحدنه يالولـــــــــــــي نتنـاك
تاج الشرف نلبس لوطلعنـــــــه اوياك
واتتحنن علينــــــــــــه ابهاي نترجّاك
وابهذا الأمل للگبر طبّينــــــــــــــــــه


بالدنيـــــــــــه لـــــــون ماندرك ايّامك
بالرجعــــــــــه يمهدي انقبـّل اجدامك
ويتحقق املنــــــــــــــه انصير خدّامك
اليوم البــــــــــي تواعدنه احنه ردّينه


نرد ويـــــــــاك بالدنيـــــه عهد معهود
هذا البـــــــــــــي جدّك واعده المعبود
دينه اعله الرعيه ابكل ارضها ايســود
الله ابدولتك بشر الهادينــــــــــــــــــه

💧💧💧💧💧💧💧💧💧💧💧💧
تمّت
الشاعرفالح العامری


قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

احنه غير حسين ماعدنه وسيله
https://t.me/alalladafaeei

‏مقطع صوتي من ابن العراق

وزن نصاري
خواطر شاعره

،،،،،،،،،،،،،

اكتب ياقلم* للعامــــري وسجل
ال آل النبي بشعـــاره دوم يرسل
رثـاها لـزجيـــــه وبعشـق ينهـل
قصائده شاهده ودمعاته التهمل

✍🏻🍃🍃🍃🍃🍃🍃🍃🍃🍃

اكتب ياقلـم *الـخــــــادم الزهره
هـــذا العامــــــري وبحبه للعتره
دينه غايته وبشعــــــــاره ينصره
ماينسه الطفوف رثاهم ابحسره

✍🏻🍃🍃🍃🍃🍃🍃🍃🍃

اكتــب ياقلـم*ونشـدله معروفه
حسيني سجيته وبروحه محفوفه
على نهجـه مشــه ثابته اصفوفه
رفَـــعْ رايـة علـي بثنين اجفوفه

✍🏻🍃🍃🍃🍃🍃🍃🍃🍃

اكتب ياقلم *وذكرله جـم عنوان
نشم والعفـه تشـهد اله الازمان
علومـه واضحه سجلها بالديوان
حروفه نابعه من داخل الوجدان

✍🏻🍃🍃🍃🍃🍃🍃🍃🍃

اكتب ياقلـــم *لا تنكــر احسـانه
علمنه الـوزن وبقـوة ايمــــانه
فخر للي خدم العصمه وصانه
دعينه الباري اله يشفعله بجنانه

اكتب ياقلم للعامــــري وسجل
✍🏻🍃🍃🍃🍃🍃🍃🍃🍃
تمت
ام عباس الحسيني

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

قناة الأوزان الشاعر فالح العامري
القناة تابعه لرابطه مسلم بن عقيل ع للتعليم الاوزان للشعر الشعبي
الحسيني
باشراف الاستاذ الشاعر فالح العامري
اولاً✋🏼لانجيز التلاعب بماينشر على القناة
وتبديل المعلومات
ثانياً ✋🏼مشكول الذمه من ياخذ هذي الدروس ليعلم بها اهل الطرب والغناء
او يدرس مقابل الما
https://t.me/abooredha

«حنين العشق»
«نصاري»
~~~~~
ابحنين الشوگ نا د ينــــــــه
هلــــــه ابميلا د والينــــــــه
🌹🌹🌹
بزغ منّ العرش عالدنيـــــــــه مصباح
عطرالمهدي وي عطرالحسن فـــــــاح
گلبنه ايغرّد الليلــــــــــــــــــه بالأفراح
الجية العسكري مبتهجــــــــه الأرواح

ابگلب والســـا ن حيّينـــــــــه
هلــــــــه ابميلاد والينـــــــــه


هاي ارواحنـــــــــــــه اتنادي والگلوب
ياميّت هلـــــــــــــه ابجيتك يمحبوب
يمن اسمك علـــــــــــه الدلال مكتوب
يــــامن با لشدد والعســـــــــر مندوب

اعليك آمال خلـّينــــــــــــــــه
هلــــــه ابميلاد والينــــــــــه


يمن بيك الفرج گرّب هلـــــــــــه بيك
الأنس والجان يالغالـــــــــــي تحيّيك
يبوالمهدي املنــــــــه امعلـّــگ اعليك
نبينــــــــــــــــه صرّح اباسمك نتانيك

ينشر رحمتــــه اعلينــــــــــه
هلــــــــه ابميلاد والينـــــــه


حبّك واسمك ابدمنــــــــــــــــه كتبناه
اوكلمن ينتهــــــــــــــــج دربك تبعنـاه
دربك يالحسن مــوحب عشگـنــــــــاه
وابغالـــــــــــــــي الثمن والله شرينـاه

امن الجهل يهدينــــــــــــــــه
هلـــــــه ابميلاد والينــــــــه


نهل ابيـــــوم مولودك دمعنـــــــــــــه
يوم الفجّروا گبرك سمعنـــــــــــــــــه
مثل طف كربله يومك فجعنـــــــــــه
يبوالغايب وحگـّك ما هجعنــــــــــــه

نتانـــي الفرج ظلـّينـــــــه
هلــه ابميلاد والينــــــــه


الهدموا گبرك اصحاب السقيفــــــــه
اجـــــه هاذه الأمرمنّ الخليفــــــــــه
مايشفه ابكسر ضلع الشريفــــــــــــه
اشوكت ابنك يسل للثار سيفـــــــــه

الثــاره اسنين تانينــــــــــــه
هلـــــــه ابميلاد والينـــــــه

🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«اشتياق الأ حبّه»
«من وزن الموّال»
~~~
عالموعد اتلا گينــه للعسكري حنّينـه
وانبارك المهدينـــه
شيعه شيعه شيعـه
حبكم لامنبيعه نعلن هاي البيعه
🌹🌹🌹
شيعه اواخذنـــــــه الطبـــــــــــــع
الآل النبـــــــــــــي نتـّبـــــــــــــــع
حبهم يظل بــــــــــــــــــــــالگلب
هيهـــــــــــــــــــــــــات ما ننخدع

انوالي انوالي انوا لي
ننذ رد منه الغالـــي ميهمنه اومنبالــي
وانعايد الهادينـــــه للعسكري حنّينــه


هالليلـــــــــــــــــــــــــــه ليلة سهر
گلب الموالــــــــــــــــــــــــي انغمر
السامرّه يحلــــــــــــــــــه العشـگ
اوفجر المحبـّــــــــــــــــــــــه ظهر

نسّـــم نسـّـم نسـّــم
من گلبـي انزا ل الهم بالالحـان اترنـّم
ابصوت الفرح نادينه للعسكرحنّينــه


اشتاگينـــــــــــــــــه لزيارتــــــــــه
نشتم عطر حضرتـــــــــــــــــــــــه
منعونــــــــــــــــــــــــه اهل الحقد
هدمواغدر گبّتــــــــــــــــــــــــــــه

وسفه وسفه وسفـــــــه
هالفعل شنوصفــــه هالجرح ما يشفـه
والتربته اشتاگينــه للعسكري حنّينـــه


نتنطـّر احنـــــــــــــــــــــــه الفرج
منعدنـــــــــــــــــــــه ذابت مهــج
يبـن الحسـن ننـدبـــــــــــــــــــك
بالدنيـــــــــــــــــــــــــه عمّ الهرج

عجّل عجّل عجّل
ليمين الظـــا لم شل والوضعنه اتبدّل
وين انته ياوا لينــه للعسكري حنّينـه


اهل السقيفــــــــــــــــــــــــه الغدر
منها مأســـــــــــــــــــــــــــي العمر
خلـّصنــــــــــــــــــــــه يبن الحسن
والجيّتـك ننتظـــــــــــــــــــــــــر

يمته يمته يمته
وياك الشمل لمته الحال الشيعي اعرفته
منّ الصبر ملـّينــه للعسكري حنّينـــه
🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«والد المهدي»
«مجرشه
~~~
نورالاله وقدرتــه بالخیراجانه
بالخیراجانه
روح النبي هادینه عود الولي مهدینـــــه
🌹🌹🌹
هالليلــــــه يانـــــور انتشر بان اوسطـــع عالأكوان
للبشر رحمـــــــــه الواسعه بيـــها تنــــــول الغفران
نــــــورابوالمهدي عالارض شـع وانتشر كل امچان
من عترة آل المصطفـــــی هالعتــــره عدل القـرآن

من نوروجه االمبتسم نارت سمانه
نارت سمانه
روح النبي هادینـــه عود الولي مهدینـــــه


جیت الحسـن لهل الارض خیروسعاده وایمــــــان
عیدوهلاهل بالسمـــــــــه والجنــّــــــه تنثرریحان
واتسبّح احبــــاب الحسن واستقبلت عالـي الشان
هالليلـــــــه غامرها الفرح اوتشکــرالباري الرحمان

تعقدله حفلات الفرح الروح الدیانه
الروح الدیانــه
روح النبي هاد ینــــه عود الولي مهدینـــــــه


یا من توالــــــي وتعتقد والگلب منـّك مســـــرور
الهـاي الــــــولاده مبتهج عالروح بالخيراتـنــــــور
نلت الكرامــــــه ابدنيتك وبالأخره جنـّـــــه وحور
فــــايزيمن شخصه تحب ابدنيتك هالحب دستـور
هالحب هويّه ومعتقد بالعزكسانه
بالعزكسانه
روح النبي هادينــــه عود الولي مهدينـــه


للحسن تعـرف يـالتحـب من نسل طـه المختـــار
اوحامل الحيدر منهجــه اومن ابو اليمّه الأفكــار
شرّف الدنيه ابجيّتــــــه اوغمرت الطيبــه الأنوار
واحبابــه عقدت هالحفل هاي المسيـّــه ابكل دار

ابجيت الأمام العسكري جنّة هوانه
جنّة هوانه
روح النبي هادينـــــــه عود الولي مهدينـــــه


خل نصرخ ابصوت العزم او بسمه خل نعلن بيعه
اوللعسكري ننطـــــي عهد لوظهرابنــــــه انطيعـه
اولوكلـّف انضحـّـي النحر فکره لشريفانذیعـــــــه
اوبرگابنه ذمـّــــه اوفرض نحفظ اله تشريعــــــــه

وصّانه ننطرطلعتـــه نعلن بیانه
نعلن بیانه
روح النبي هادینـــه عود الولي مهدینـــــه
🌹🌹🌹🌹🌹🌹🌹🌹
تمّت
الشاعرفالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«زينة ابيها»
«چلمه اونص مذيـّل»
~~~
مــولدهــــا الفخر اتظل طول الدهر
بت حامي الحميّه الحميّه الحميـّـــه
زينب هاشميــّـــــه هاشميّه هاشميّه
🌹🌹🌹
زينت علي حامـــــــي الجـار گرّت عينـــه
الليلـــــــــــــه تشع بيها الدار گرّت عينــه
فرحــان بيها المختــــــــــــار گرّت عينه
ياشيعــــــــــــــه هنـّو الكـرّار گرّت عينه

اشمحلــه هالخبر اتظل طول الدهر
بت حامي الحميّه الحميّه الحميـّـــه
زينب هاشميــــّه هاشميّه هاشميّه


استبشرگلب الزهره اليـــــــوم مولد زينب
واينفّس گلب المالـــــــــــــوم مولد زينب
يجلي عنّ احسين اهمـــــــوم مولد زينب
عند الشيعـــــــــه ذكره ايدوم مولد زينب

افكـــــــــــاراوعبر اتظل طـول الدهر
بت حامي الحميّه الحميّه الحميـّــــه
زينب هاشميــّــه هاشميّه هاشميّه


اشنجبت هالليـــــــــــه الزهره صوره الحيدر
العـــالم كلـــــــــــــــها منتظره صوره الحيدر
يتبــاشر ابســــــــــــــم الكبره صوره الحيدر
جتـــــــ.ــــــي هالدين اتنصره صوره الحيدر

باطنـــــــها درر اتظل طـــول الدهر
بت حامي الحميّه الحميّه الحميـّـــه
زينب هاشميـّـــه هاشميّه هاشميّه


زينب صــــــــــايغها الجبـــــار افضل قدوه
ظاهرها اوبا طنــــــــــها انـوار افضل قدوه
للعالــم درســة ايثـــــــــــــــار افضل قدوه
اوتتعلـّـم منــــــــــــها الثــــوّار افضل قدوه

بت سيــد البشــر اتظل طول الدهر
بت حامي الحميّه الحميّه الحميـّـــه
زينب هاشميـّـــه هاشميّه هاشميّه


قدوتنـــــــــــــــــــه اونفخربيها احنه الشيعه
مثل النبــــــــــــــــــــي انواليها احنه الشيعه
ابروح اودمـــــــــــــــــه نفديها احنه الشيعه
وآمــــــــــــال ابنينــــــه اعليها احنه الشيعه

نحملـــــــــها فكر اتظل طول الدهر
بت حامي الحميّه الحميّه الحميـّـــه
زينب هاشميــّــه هاشميّه هاشميّه
🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«عقیلة بني هاشم»
«ميمر»
~~
ابمولدچ حنّینـــــــه بالفرح نادینـــــــــه
یازینب یازینب
🌹🌹🌹
عشـّــــا گ اجینـــــــه الفا طمـــــه انحیّیــــــهـا
ابــها ي الـــــــــــــولا د ه الطاهره انهنّیـــــــــها
هالفرحــــه بگلوب الـــــوفـــــــــه نحییــــــــها
قد وة عمرنــــــــــــــــــــــه زینب انخلـّــــــــها

من عطفها اروینـه بالفرح نادینــــــــــه
یازینب یازینب


زینب عشگـــــــــــها من عشـــــگ داحـي البوب
هیـهــــــــــــــــا ت من هذ ه الهوه يوم انتــــوب
وابداخــل الدلال اصبــــــــــــــــح بــي مکتـوب
هالحب ابایمــــــــــــــــان وقداسه المصحــــوب

البت علي والینـــــه بالفرح نادینــــــــــه
یازینب یازینب


شیعــــــــه نشـــــــــــــــارك بالفرح امّ احسين
هالفرحــــــــــــه عمّت كل گلــــوب الطـیـبـیـــــن
هاللیلـــــــــــــه اتباع العقیلــــــــــه امعیـــــدیــن
واتعـــــــــايد ابــــها لفرحــــــــــــه بضعة یاسین

الفاطمه هنّینــــــــه بالفرح نادینـــــــــــــه
یازینب یازینب


وصّونـــــــــــه الحسنین ابحبـــــــــها جیل الجیل
هذه الحب ثــــــــابت للمحشـــــــــــر لا میــــزیـل
الهذ ه الحب شــــاهد بارینــــــــــــــه بــــــالتنزیل
یــــــــــــ.ـا من والیت اســـــــأل گلبك هــــم ايميل

عنها متخلـّینــــــه بالفرح نادینـــــــــــه
یازینب یازینب


حبّ العقیلــــــــــــــــــــــــه ابکل عصر ویـّـــــــانه
ابدرب الولایــــــــــــــــــــــــه الصادقـه مشّانـــــــه
لن بیــــــــها دنیــــــــــــــــــــــه وآخره منجانــــــه
والشـــــــــــــــــــــــرف نخـــــدم زینب ابدنیانـــــه

هالخدمه تهدینــــه بالفرح نادینـــــــــه
یازینب یازینب


جبریل من گبلـــــــــــــــــــــــــي خدم بت حیـــدر
وامـــــــــــــــــــــــــــــلاك هــزّت للمهد تتفــــــاخر
هــــــــا ي النصيره ابكربلــــــــــــــــــه وبــالمحشر
للشيعـــــــــــــــــــــــــه وي حید رتگف عالکـــــوثر

والنبي هاد ینـــــــه با لفرح ناد ینـــــــــــه
یا زینب یا زینب
🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111