«سلطا ن الأرواح»
«عگيلي +چعب دارمي»
~~~~~
هنّوالکاظم هاي اللیله هنّوالکـــاظم
ابمیلاد اولیده السلطان
عن معتقد عن ایمـــــان
♡♡♡
ابهاي الاشواگ وهالجمعــــــه بعثوالتهانـــــــــي
للکـــــــــــاظم هنـّوبـــــولیده روح الأمانـــــــــي

عطرالباري ابثغره ایشمّه عطرالبــاري
وعمّ الفرح کل امچـــان
عن معتقد عن ایمــــــان


یا شیعــــــــه ابهالــــود حیّوها الحبّت رضــــاکم
منّ الأعمــــــــــاق اتهنـّـــــــوها ابخــــالص ولاکم

زفــّوالبشره الأمّه الحرّه زفــّـوالبشره
توّجها ابتاج الاحسان
عن معتقد عن ایمــان


یا شیعـــه اویـــــــاکم مبتشره ابمیــلاده الأملاك
واگلوب العشــّــــــــــاگ اتنادي یا هله ابملگــــاك

اسعد ليله ابهاي الدنيه اسعد ليلــــــه
اهلال الرضاشع وبان
عن معتقد عن ايمان


تتنعّم بانـــــــــــواراهلالـــــــــه كل البريـّــــــــــــه
روح الكـــــرّاراليحملــــــــــــــها ونفسه الأبيـّـــــــه

نورالهادي يسطع منّه نـــورالهادي
شرّف ابجيته الاكـوان
عن معتقد عن ايمـــان


هالليلــــه انشدكم يا شيعـــــــــه شنهوالجمعكــم
ابهالمحفل والفرحـــــــه الكـبــره جاوبنــي حبكم

حبّ العدنه ما يتثمّن حبّ العدنــه
هالحب راسخ بالوجدان
عن معتقد عن ايمـــــان


هــــالحب مفروض امن البـــاري مثل العبــــــــاده
واليتفانــــــــه ابحبـّــــــه العذري حصّــــــل امراده

حب ينفعنـه يوم المحشر حب ينفعنه
متمس جسمنـه النيران
عن معتقد عن ايمــــان

♡♡♡♡♡♡♡♡♡♡♡♡♡♡♡♡
تمت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«شمس الولایه»
«موشّح»
~~~
انولد لهل البیت شمس اشموسها
وابتسم ثغــرالمدینـــــه اوطوسها
♡♡♡
مـــولد الأصــــــلاح والحگ والعـدل
سجد للمعبود موســــــــی اومبتهـل
لئن عوده عارف ابحــــــگ هالطفـل
بعده للأدیــان اهو قـامـــــــــوســها


اعلـــــوم کل دیـن ابصدرهـاذا الولد
اولجل حبّه الکـون والبـيــــه انوجد
الرضا یحمــل کل صفات الله الأحد
اوللأرض واهل السمــــه قدّوســها


علــي اسمــه اوهالأسم منّ العلـــــي
اومن تنادي بسمه کل هم ینجلــــــي
اوعالأنس والجان فضله معتلــــــــي
الفضلــــه اهل الفضل احنت روسـها


والرضا معصـــــوم من یـــوم انــولد
مــوعجیبـــــه من تکلــّــم بـــالمهـد
اللیلـــه روح القـدس یم مهده سجد
اودنّگ الأید الأمامــــــــــه ایبو سها


مــوعجیبه ابهالحچــي بـالك تشك
اوبالغلــوتـتهـم الشــــاعـروالشـرك
اولـــــواســـولفلك حقيقـــه ترتبك
نــورابــومحمّد وجد لنفـــوســـــها


اعليـنـــه حبـّـه منوجـب منّ الأزل
ابغیـرهــالحب الله مـایـقـبـل عمل
اوالله هــالحب اوجبــه ابکلّ الملل
والثمن خلــّـه الــه فــــــــردوســها


الجنــّه مــاينطيــهــــا الله ابـلاثمن
کل قصــورالبیــــهـا بــالحـب انبنن
اوحتـّه حــــورالعین معدنها انعجن
ابحب علــــــي الكلّ البشرناموسها


مـــایشــــم ریحة الجنــّه المایحب
اومایضوگ الکـــــوثرالمایـه عـذب
امن العطش نيران گلبــــــه تلتهب
والجحیــم اتدگ الـــــه ناقـــوسها


اوبالحشربس فرقه وحده الناجیـه
اوهالبشرکلهــا ابجهنـّم هــاویــــــه
الماتحب للرضا اوشخصــه اموالیه
بـالحشــرتحت الأجـدام انـدوسهــا


الرضا هوّه الگال اسمعلــه اشیگول
کلمن ایوالــــــي اهل بیت الرسـول
بالحشرمنخلــّــي احسابــه یطـــول
الروح کل شیعـــــي انـه مأ نـوسـها


هوّه گایل آنه احضرشیعتــــــــــــي
والهم اشریت الشفاعه ابمهجتـــــي
الویّه دمهم بگت تسري امحبّتـــــي
الگبرلواظلم صرت فــــــانـوسهـــا

♡♡♡♡♡♡♡♡♡♡♡♡♡♡♡
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«هلال البرکه»
«مجرشه»
~~~~~
هلّ الرضا المهيوب من عالم المحجـــوب
يا ربّنا يا ربّنا
صلّي عليــه كل حين
♡♡♡
يــاربنا من نــــــورك بزغ نــــــورالرضا والينـــــه
من رحمتــك من عـزّتــك هالرحمه فاض اعلينــه
هالرحمـه تستوجب شكر والحمد يا بارينـــــــــــه
مانوفــــــي لوطول العمر نشكرلـك اوصلـّينـــــــه

لونبگـــــه لیل انهار انقدّم الك اذكــــــار
يا ربّنا يا ربّنا
الشكرك تره امقصرين


يا مولد انتــــــــه امصوّره واشلون صـوره البيها
من عالـــــــم انـــوارالقدس للدنيـــــه ضوّه اعليها
للحمد رايــــــــــه ابيمنتـــه لهل الارض يهديــــــها
يحمل جــــــــلال وهيبتـك وعـزللبشريكسيــــــها

تـــاج الشرف ويّاه فـــــــــازالذي والاه
يا ربّنا ياربّنا
اكتبنه الــــــه اموالين


ياربــّـــــــي صلـّي عالرضا واغفرذنوب احبابــــه
اقســــــم عليك ابمـــــولده اكتبنه من اصحابـــه
واعجن محبته اويـه الدمه وسط الگلب محرابه
محـراب ابـــــومحمّد شرف للروح کعبه اعتابـــه

کعبتــــــه اهل البیت وابهالعشــــگ جنـّیت
یا ربّنا یا ربّنا
یا رجــــــــوة الداعین


یاربــّــــــــــــي اجعل مولده یصلح امورالبینــــه
وابحبـّـــــــــه تقبل کل عمل بالدنیـــه واتزکـّینــه
ما عدنـــــــــه غیرامحبّتـــه لـــلآخره ضمّینـــــه
وازیارتــــــــه ابد یرة غرب بالمحشراتنجّینـــــــه

یوم الحشرلــــوصار یحضرعلــــــي الزوّار
یا ربّنا یا ربّنا
هالحب ذخردارین


یاربنــــه هالحب ثبّتـــــه وخلــّي تشع بیه الروح
جعلـــــه سبیل الحضرتك وبــــي للكرامات انلوح
حب ابـومحمّد من عطــر حضرتك والجنـّه ايفوح
ولوخلصت اسنين العمــر للآخره اويانــــه ايروح

حبّ الرضاالمحبوب للشيعه يمحي اذنوب
يا ربّنا يا ربّنا
هالحب اصول الدين


بالحشريتنانــــــــه الرضا وجدّه الرســول وحيدر
ياخذنــــــه بيده الحيدره یسگینــــــه ماي الکوثر
یوم الفزع هوّه الحصـــن ویمـّـــــــــه یصیرالمعبر
التامن غزال ابحضرتـــــه للشیعـــه مــــــا یتعـذّر

ویّه الزهره نتلگـّاه اینادي المحب نتنــاه
یا ربّنا یا ربّنا
ذوله احنــــه المحبّین


وابحبــّــــه لـــــــوما نعتقد ما نحضرابمولـــــوده
ومعروفــــــه اطباع الیحب الحبّه یوفـي اعهوده
ویــّـــــه الرضا انطینه عهد نتنطــّــرالمــوعـــوده
ننتظره کل صبح ومســـــه لمّن دهرنـــــه ایعوده

انتاني وشبحنه انظا ر نترجّه راعــــــي الثار
یا ربّنا یاربّنا
عجّل شبل یاسین

♡♡♡♡♡♡♡♡♡♡♡♡♡♡♡♡
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«مظهرالغیب»
«مجرشه»
~~~~
انواره انــوراه محلاها انواره
زین هاللیلــــه المعموره
شبل الکاظم شع ابنوره
♡♡♡
یامـولد من ذات القــــــدره حامل صفـات الرحمن
یـــــــــامظهرللغیب وســرّه یعجزیـــوصفك انسان
يالغصنك من اطيب شجره اصبح جذرها الأيمـان
من شجـرة حيــدروالزهــره عالبشرفيّت بحســــان

بدمانه بدمانه هالشجره بدمانه
آیات ابحگها وچم سوره
شبل الکاظم شــع ابنوره


هالنورامن الباري اتجلـّــه واستبشرت انس وجان
ولدان وحـــــوراتهلهلـــــه وللجنـّـــــه زیّن رضوان
واملاك الرحمه اتنزّلـــــــه امن الجنّه روح وریحان
ولجدامـه وچفّه اتقبّلــــه سکـّان الدنیــه واکــوان

حیرانه حیرا نه بوصافه حیرانه
رایات ابچفـّه المنصوره
شبل الکاظم شع ابنوره


یامولد بیرغ عــزّتنــــــــه اعلینه ایرفرف بالأمجاد
فرحة میلادك غمرتنــــــه نتعايد يوم الميــــــــــلاد
ابهالمولد صارت جمعتنــه ما عدنه غيرك ميعــــــاد
اتشارك املاك ابفرحتنـــه نثرت سمانـــــــــه بوراد

ويّانه ويّا نه فرحانه ويّانـــه
املاك المعبــــود وحوره
شبل الكاظم شع ابنوره


الميلادك هالليله احضرنـه نستلهم منـّك افكــــار
لوماافكـارك ما عشنـــــــه بالدنيـــه عيشة احـرار
ولوما هالرحمـه تشملنــــه للشيعه ما ظل تذكــــار
وبالمعبود ودينه اكفرنــــه لومانوالــــــــــي الكرّار

با يمانه با يمانه غذّانه بايمانــه
عشّاگ الدربـه ودستوره
شبل الکاظم شــع ابنوه


لاتباعك تعلاها البسمـــــه غامرگلبـــــــــــها الأفراح
یا ثامن انوا رالرحمــــــــه ابمولودك ننثرقــــــدّاح
ودنيانه اشماصارت ظلمـه انتـــه ابدربنه المصباح
منذوره الطرواك واسمــــه من عدنــه هاي الأرواح

منوانه منوا نه عارف ابمنوانـه
مشتاگین اللیلـه انزوره
شبل الکاظم شع ابنوره

♡♡♡♡♡♡♡♡♡♡♡♡♡♡♡♡♡
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«مناجات العيد»
«تجليبه»
~~~•
يمهدي اهلال هذا العيد هل بينـــــــه
اولهلالك چثيره اعوام تانينــــــــــــــه

💧💧💧
اجانــــــــــه العيد يالمهدي گبل عيدك
اشحلا تــه العيد لوصبحه نحب ايدك
امام النه ابصلاة العيد نــــــــه انريدك
من لطفك يمهدي اتنفـّس اعلينــــــــه


اشكثر مرّت علينه مظلمـــــــه الأعياد
ولاعيد الدعينـــه وبـــي نحصّل امراد
دعينه الله بالسر اوعلــــــــه الأشهــاد
من كثر الدعـــــــــه والنوح ملـّينـــــه


يالمهدي انـــــــــه موبيدي هاي الروح
تجربيّه اوتگلـّي يلـّه خلــــــــي انروح
حطـّت ايدها ابأيدي وتعتنــــي ابنوح
تگللي امشي ندّور وين والينـــــــــــــه


منـّــــي الروح راحت مدري وين اتريد
تگللــــــــي اسرع دربنه يالتريده ابعيد
گبل طـــــرت الفجر بلچن نصل للحيد
نوصـل للحبيب البيـــــــــــه جنـّينــــه


فطور العيد بمضيفــــــــه لون يحصل
اشعملنــه من عمل والينــــــه يتقبّــل
العيد العيد وجــــــــه انشوفه يتهلهل
نور الله وارسولـــــــــــه ابنور مهدينه


يبو صالح ابحبّك هايمـــه النـه اگلوب
اليوم انريد منـّك رحمــــــه يامحبوب
يمن حبك قداسه يمحي النــه اذنوب
هذا البي نزل قرآن بارينــــــــــــــــــه


يالمهدي نطرنـــــــه اهلالك من ازمان
اوبدموع الندم دگينـــــــــه الك بيبان
اصيح ابصــــوت منك نطلب الغفران
اذنوب العدنـه للهامات غطـّينــــــــــه


اجينالك اوجبنــــــــه البيــــه نتوسل
علـــــــي الي بي كل اعمالنـــــه تقبل
دخيلك عنــّـــــــه يالمحبـوب لاتزعل
لوعنـّه ازعلت للنــــــار تالينــــــــــــه


نعرفنـّك كريم اومــــــــــــاترد الضيف
نمشي اعليك نحر البي توضّـه السيف
علينـــــــــــــه مريالغايب لون بالطيف
ابحسرة شوفتك لالاتخلـّينــــــــــــــــه


نمشــــي اعليك يالغايب مصاب الباب
ادري هالقسم منـّــــــــــــه دليلك ذاب
ابجاه امّك يمهدي حن علــى الأحباب
ابلطفك عالصراط العدل تهدينــــــــه


عدنـــــــه اگلوب عالفطره تره تهواك
اوعدنـــه ارواح تفرح لويمـر طرواك
شيفيد العمر لوينگضـــــــــــي ابليّاك
مثل الزاد مابي ملح حسّينــــــــــــه


لـــــواسمّك يمركل الجـــروح اتطيب
اوكل آلام البجسمـــــي احسها اتغيب
اوكل آمال بالدنيــــه ابوجودك طيب
واحس بيك الأمل ماتنگضـي اسنينه


اهلالك لـــويهل عالروح يأنســـــــــها
وبيها بذرة الأيمــــــــــــان يغرســــها
اشوكت ايــــــّامك الحلــوه نطالسـها
گبل ماهالأجل بضعونه يحد ينـــــــه


اعيشن يوم اشوفك اصبحت احـلام
عمري هالگضه مابي بگت ايّــــــــــام
والگبري اروح اوتنبريلـي اعضـــــــام
نتانيك ابلحدنه اجنود تلگينـــــــــــــه


وحگك لوگضه عمري وخمد ونـّــــي
حسراتي عليك اجذب يشيعنـّـــــــي
واحس يالمهدي لوعاتي يچفننـّـــــي
وحس اوياك ارد والكربله امشينــــه


لونمنه ابلحدنه يالولـــــــــــــي نتنـاك
تاج الشرف نلبس لوطلعنـــــــه اوياك
واتتحنن علينــــــــــــه ابهاي نترجّاك
وابهذا الأمل للگبر طبّينــــــــــــــــــه


بالدنيـــــــــــه لـــــــون ماندرك ايّامك
بالرجعــــــــــه يمهدي انقبـّل اجدامك
ويتحقق املنــــــــــــــه انصير خدّامك
اليوم البــــــــــي تواعدنه احنه ردّينه


نرد ويـــــــــاك بالدنيـــــه عهد معهود
هذا البـــــــــــــي جدّك واعده المعبود
دينه اعله الرعيه ابكل ارضها ايســود
الله ابدولتك بشر الهادينــــــــــــــــــه

💧💧💧💧💧💧💧💧💧💧💧💧
تمّت
الشاعرفالح العامری


قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

احنه غير حسين ماعدنه وسيله
https://t.me/alalladafaeei

‏مقطع صوتي من ابن العراق