ابوذيات

نور المنتظر شعشـــــــــــع علينه
نهني العسكري وحيدر علينــــــه
تحت راية يالوالي علينــــــــــــه
نصيح ابصوت ياثار الزچيـــــــه


قائد والنعــــــــم مولاي حجــــه
الزياره بمولدك للحسين حجــــه
بظهورك ماتظل لكل عدو حجـه
عجل جيتك فرحه أليــــــــــــــه


اريد اشكي الهضم مولاي مرنــه
تجرعنه الظلم والضيم مرنــــــه
عجل بالظهور انت ومرنــــــــــه
يشع نورك يمهدي نشوف ضيــه


يمهدي بغيبتك الــــــــروح لاجت
دمعي بطرف عيني اعليك لاجت
عسه يوم المنيـــــــه ريت لاجت
قبل ماشوفلك الطلعه البهيـــــــه


نهنـــــــــــي نرجس وانفرح لبنهه
يغذي العالم الواســــــــــــع لبنهه
كل اگلوبنه الليلــــــــــــــــه لبنهه
نظل خدام الهه ابحسن نيـــــــــه



هله ابنـــــور العظيم الشان مهدي
حبـــــــــــه الجان هوه يهز مهدي
للعالم أجـــــــــــــه والنعم مهدي
بيـــــــــــــه تتفتخر كل الجعفرية

🍂🍂🍂🍂🍂🍂
تمـــ ✍🏻ــت بحــمد الـله
بقـ✍🏻ـلم الشــاعرة ام لـيـــث المــالكــي
المـلقبـة خـادمـة نور الظهور المقــدس

لاا اجيــز حـ❌ـذف الاسم

https://t.me/falehalameri111

«مناجات العيد»
«تجليبه»
~~~~
يمهدي اهلال هذا العيد هل بينــــــــــه
اولهلالك چثيره اعوام تانينــــــــــــــــه
▪︎▪︎▪︎▪︎▪︎▪︎
اجانـــــــــــــه العيد يالمهدي گبل عيدك
اشحلاتــــــه العيد لوصبحه نحب ايدك
امام النـه ابصلاة العيد نـــــــــه انريدك
من لطفك يمهدي اتنفـّس اعلينـــــــــــه


اشكثر مرّت علينه مظلمــــــــــه الأعياد
ولاعيد الدعينــــــه وبـــي نحصّل امراد
دعينه الله بالسر اوعلـــــــــــه الأشهــاد
من كثر الدعـــــــــــــه والنوح ملـّينـــــه


يالمهدي انــــــــــــه موبيدي هاي الروح
تجربيّه اوتگلـّي يلـّه خلـــــــــــي انروح
حطـّت ايدها ابأيدي وتعتنـــــــي ابنوح
تگللي امشي ندّور وين والينــــــــــــــــه


منـّــــــي الروح راحت مدري وين اتريد
تگللــــــــــي اسرع دربنه يالتريده ابعيد
گبل طــــــــرت الفجر بلچن نصل للحيد
نوصـل للحبيب البيــــــــــــــه جنـّينــــه


فطور العيد بمضيفــــــــــــه لون يحصل
اشعملنـــــــه من عمل والينــــــه يتقبّــل
العيد العيد وجـــــــــــــه انشوفه يتهلهل
نور الله وارسولــــــــــــــــه ابنور مهدينه


يبو صالح ابحبّك هايمـــــه النـــه اگلوب
اليوم انريد منـّك رحمـــــــــــه يامحبوب
يمن حبك قداسه اويمحـــي النـه اذنوب
هذا البي نزل قرآن بارينـــــــــــــــــــــــه


يالمهدي نطرنــــــــــــه اهلالك من ازمان
اوبدموع الندم دگينــــــــــــــه الك بيبان
اصيح ابصــــــــــوت منك نطلب الغفران
اذنوب العدنـــــــه للهامات غطـّينـــــــــه


اجينالك اوجبنــــــــــــــه البيــــه نتوسل
علـــــــــــــي الي بي كل اعمالنـــــه تقبل
دخيلك عنــّــــــــــــــه يالمحبـوب لاتزعل
لوعنـّه ازعلت للنـــــــــــــــار تالينــــــــــه


نعرفنـّك كريـــــــم اومــــــــــاترد الضيف
نمشـــــي اعليك نحر البي توضّـه السيف
علينـــــــــــــــــه مريالغايب لون بالطيف
ابحسرة شوفتك لالاتخلـّينــــــــــــــــــــه


نمشـــــــــي اعليك يالغايب مصاب الباب
ادري هالقسم منـّـــــــــــــــــه دليلك ذاب
ابجاه امّك يمهدي حن علـــــــى الأحباب
ابلطفك عالصراط العدل تهدينــــــــــــــه


عدنــــــــــــــه اگلوب عالفطره تره تهواك
اوعدنـــــــــــه ارواح تفرح لويمـر طرواك
شيفيد العمر لوينگضــــــــــــــــــي ابليّاك
مثل الزاد مابي ملح حسّينــــــــــــــــــــه


لــــــواسمّك يمـــــركل الجـــروح اتطيب
اوكل آلام البجسمــــــــــي احسها اتغيب
اوكل آمال بالدنيـــــــــه ابوجودك طيب
واحس بيك الأمل ماتنگضـــــي اسنينه


اهلالك لـــويهل عالــــروح يأنســــــــــها
وبيها بذرة الأيمـــــــــــــــــان يغرســــها
اشوكت ايــــــــّامك الحلــوه نطالســــها
گبل ماهالأجل بضعونه يحد ينــــــــــــه


اعيشن يوم اشوفك اصبحت احــــــلام
عمري هالگضــــــه مابي بگت ايّـــــــــام
والگبري اروح اوتنبريلــــــــي اعضـــــام
نتانيك ابلحدنه اجنود تلگينـــــــــــــــــه


وحگك لوگضه عمري وخمد ونـّـــــــــــي
حسراتي عليك اجذب يشيعنـّــــــــــــــي
واحس يالمهدي لوعاتي يچفننـّــــــــــــي
وحس اوياك ارد والكربله امشينـــــــــــه


لونمنه ابلحدنــــه يالولــــــــــــــي نتنـاك
تاج الشرف نلبس لوطلعنـــــــــــه اوياك
واتتحنن علينـــــــــــــــــه ابهاي نترجّاك
وابهذا الأمل للگبر طبّينــــــــــــــــــــــــه


بالدنيــــــــــــــــه لـــــــون ماندرك ايّامك
بالرجعــــــــــــــــه يمهدي انقبـّل اجدامك
ويتحقق املنـــــــــــــــــه انصير خدّامك
اليوم البــــــــــــــي تواعدنه احنه ردّينه


نرد ويــــــــاك بالدنيــــــــــــه عهد معهود
هذا البــــــــــــــــــي جدّك واعده المعبود
دينه اعله الرعيـــــــه ابكل ارضها ايسـود
الله ابدولتك بشر الهادينــــــــــــــــــــــــه
▪︎▪︎¤▪︎▪︎¤▪︎▪︎
تمّت
الشاعر فالح العامري

قناة هلاهل الأشعار
قـنـاة هـــلاهـــل الأشــــعـــار🌷
في مدح النبي وآله الاطهار🌷
🌷الـشـاعــر فالـــح العامري🌷
قصايد مـوالـيد بکل الاوزان🌷
لکل منسبات افراح اهل البیت ع🌷
ابوذيه❣️دارمي❣️موال❣️
✋غير مبري الذمه امام الله
كل من يحذف اسم الشاعر
اوينسب القصيده لنفسه✋
شرفون
https://t.me/falehalameri111

السلام عليكم ورحمة الله وبركاته
ترقبو عن قريب سوفه ننزل قصايد ميلاد الإمام الحسن المجتبى عليه السلام
🌹🌹🌹🌹🌹🌹🌹🌹🌹

«هوسات بحق الآمام علي عليه السلام»
الوزن تجليبه
~~
علي التعجز بحور الشعر عن وصفــه
علي بس الرسول اوخالقه ايعرفـــــه
علي الي يجلي عن وجه النبي الكلفه
علي حامي الرساله اوباعهد وفـــــــه

*ابيت الله الصـايرمولـوده*

♡♡♡♡♡♡♡♡♡♡♡
ماگبلــــه ولابعد بشر مولـــــــــــــــود
يحيدرنـــه انولد ابكعبة المعبــــــــود
حته العاديته الهاي الكرامــــه اشهود
وجه الله الكريــــــم الماتحده احدود

*واتجلــــه ابحيدر معبــــوده*

♡♡♡♡♡♡♡♡♡♡♡♡
علــــــي يالبيه نشتم عطر ابو الزهره
بفراش الاجل نايم علــــــــي اينصره
حسافـــــه العيداجانه اموسد الغبره
عسه اهلال الكدر لايلفــــــي وانّظره

*والينـــــــــه بابك مسدوده*

♡♡♡♡♡♡♡♡♡♡♡♡
يحامي الجا ر بس هذا المسه يمنـــه
گبلك ياعلـــي ريت الگبر ضمنـــــــــه
عگب عينك يحيدر منهو يرحمنــــــه
عليك ابكسرضلــع الزهره كلمنــــــــه

*من يحمــي الدين وايحمينه*

♡♡♡♡♡♡♡♡♡♡♡
علي يالــي حميــــــــــه كللك اوغيره
بعدك منهو يحمي جــــــــاره والديره
من عگبك علـي انطيـــح ابالف حيره
لتروح اوتخلــــــي الناظـــــــر انديره

*ويـــاك ارواح المشــدوده*

♡♡♡♡♡♡♡♡♡♡♡♡
علي وياك اخذنـــه لاتخلينـــــــــــــه
بعدك ياعلــــــي للعمر ملينـــــــــــــه
باحزان اويتـــم شيخلص اسنينـــــه
يالخيمه چنت يالوالد اعلينــــــــــــه

*ياخيمة عزنــه المشيوده*

♡♡♡♡♡♡♡♡♡♡♡♡
علي بعدك بنــــي سفيان تحكمنـــــه
ذولـــه اولاد هند الناقمــــــه منــــــه
تطلب من بدر ثـارات من عدنـــــــــه
منهو الـي يحامــــــــي ياعلي عنــــه

*من طاغـي الشام اوجالوده*

♡♡♡♡♡♡♡♡♡♡♡♡
رزيـــــه المامثلها عالبشر صــــــــارت
انجوم اليل هذا من السمـــــــه غارت
وايامك الحلوه ياعلــــــــــــــي راحت
واظن ساعـة منيتك ياعلــــــي حانت

*ويـــــاك الموتـــه المريوده*

♡♡♡♡♡♡♡♡♡♡♡♡♡
تمّت
الشاعرفالح العامري

قناة هلاهل الأشعار
قـنـاة هـــلاهـــل الأشــــعـــار🌷
في مدح النبي وآله الاطهار🌷
🌷الـشـاعــر فالـــح العامري🌷
قصايد مـوالـيد بکل الاوزان🌷
لکل منسبات افراح اهل البیت ع🌷
ابوذيه❣️دارمي❣️موال❣️
✋غير مبري الذمه امام الله
كل من يحذف اسم الشاعر
اوينسب القصيده لنفسه✋
شرفون
https://t.me/falehalameri111

«هوسات الى الأمام الحسين عليه السلام»
الوزن تجليبه
~~
تعودنه اعله حبك كل محاچينــــــــه
يديوان السلف بيك التربينــــــــــــــه
لونترك سبيلك لحظه ذلينـــــــــــــــه
يبو اليمه دخيلك انظراعلينـــــــــــــه

مثل الحرجيناك الليله

♡♡♡♡♡♡♡♡♡♡♡
يبو السجاد اجيتك تايب اقبلنـــــــي
اجيت الحضرتك بآمالي متعنـــــــــي
اطمـــــع رحمتك بالدنيه تشملنــــــي
گبل ساعـــة منيتي ادخيلك ارحمني

ارحمنـي اولتخيب آمالـــــــي

♡♡♡♡♡♡♡♡♡♡♡♡
مثل الحر اجيتك حامل اذنوبــــــــــي
واصيحن من بعد تايب يمحبوبـــــــي
من نورك اريد اتنورادروبـــــــــــــــــي
يبو السجاد اريدك تستراعيوبــــــــــي

ارحم يالي تعرف حالــــــي

♡♡♡♡♡♡♡♡♡♡♡
اجيتك والدمـــــــع من ناظري يجري
اونيران الندم وســــــط الگلب تسري
اذنوبي اسنين حاملها اكسرت ظهري
وانته ابحالتــــــــــــي ياسيدي تدري

واعليكـم تعرض اعمالــي

♡♡♡♡♡♡♡♡♡♡♡
يالوالــــــــــي اعتنيتك والهج ابأسمك
بذنوبــــــــي انوحط معتنــــــــي يمك
عليك اقسم يبو اليمــــه ابضلـــع امك
اقبل توبتـــــــــــــي بالطافك اوحلمك

اقبلني ادخيلك يالغالــــي

♡♡♡♡♡♡♡♡♡♡♡
اشلــــــون ابرحمتك للحرتلگيتـــــــه
عن هذا العمل بالخيرجازيتـــــــــــــه
منعندك مثل هــذه التمنيتـــــــــــــــه
وانا اطمــــــــع ابعطفك ترجيتــــــــه

بالدنيــــه اهواي الأمثالـي

♡♡♡♡♡♡♡♡♡♡♡♡
اريدن ياهله اسمــــــــع تنادينــــــــي
يبوالعتره رضاك اللي يقرعينــــــــــي
دخيلك من شرك هالدنيه نجينـــــــي
اسيرانــــــــــــه ابهواه لاتخلينــــــــي

وابركبك اتمنه آجالـي

♡♡♡♡♡♡♡♡♡♡♡♡
تعنيت الحظرتك واحمل اهمومــــــي
اوعله اعتابك احسن روحـي اتحومي
يالحبك اهيســـــــه يسري بدمومــــي
مثل الحراريده عاقبت يومـــــــــــــي

شاني ابيوم المحشرعالي

♡♡♡♡♡♡♡♡♡♡♡♡
بس ترضــه عليـــه كلشي بعده ايهون
واقبلنـــــــي ابركابك مثل عبدك جون
اهل بيت النبـــــــــي للسايل اتكرمون
والتايب يجيهم ماالــــــــــــــه ايردون

جيتك هالأفكار ابالـــــــــي

♡♡♡♡♡♡♡♡♡♡♡♡♡
غرتني ابهواها الدنيــــــــه غرتنــــــــي
عنك فتــــــره من الزمن بعدتنــــــــــي
لچن هيهات عن حبك تشتتنــــــــــــي
امي من لبن طاهر الرضعتنــــــــــــــي

وبحبك هايــــم دلالـــي

♡♡♡♡♡♡♡♡♡♡♡♡
للحرابمحبتك دركتــــه الرحمـــــــــــه
تاب اوحامه عنك وارخص الدمــــــــه
اصبحلـــه مزار اوينذكر اسمـــــــــــــه
وريد انا اقدم مثلـــــــــــه الك خدمـه

والموته ابدربك تحلالـــي

♡♡♡♡♡♡♡♡♡♡♡♡
تمت
الشاعر فالح العامري

قناة هلاهل الأشعار
قـنـاة هـــلاهـــل الأشــــعـــار🌷
في مدح النبي وآله الاطهار🌷
🌷الـشـاعــر فالـــح العامري🌷
قصايد مـوالـيد بکل الاوزان🌷
لکل منسبات افراح اهل البیت ع🌷
ابوذيه❣️دارمي❣️موال❣️
✋غير مبري الذمه امام الله
كل من يحذف اسم الشاعر
اوينسب القصيده لنفسه✋
شرفون
https://t.me/falehalameri111

«هوسات الى قمرالعشيره عليه السلام»
الوزن تجليبه
~~
انشر رايـــــــــة الكرّاربچفــــــــــوفك
خليها الحـرم يالكـــــافل اتشـــــوفك
بدرواحنين عيد اليوم بطفـــــــــوفك
يابحرالشجاعه اوغيرة اجــــــــروفك

*واحسين البسمك يتبـاهـا*

♡♡♡♡♡♡♡♡♡♡♡♡
يسبع الگنطـــره ياسيــف المجـــــرب
يـــاليث الحرب منهــــــــوالك يچهب
روحـــه تنخطـــف كلمن الك گـــــرب
ياعبّــــــاس اسمــك للــزلــــــم ارهب

*صـولاتك محد ينســـاها*

♡♡♡♡♡♡♡♡♡♡♡♡
الهاشم ياگمرها اوسيفها الضــــــارب
يالحامل شجــاعة حيدر الغـــــــــالب
اليوم الموت الله ابصـــــــارمك كاتب
اتعنه العلگمي بــــــي حگ الك طالب

*يالبيدك هالحومه الـــــواها*

♡♡♡♡♡♡♡♡♡♡♡♡
اتعنــــه للفرات اونادي اريدنــــــــــه
ياهوالي وكف ابدربــــــــــي اشوفنه
اگطــع منحره والمــــــــــــاي اجيبنه
اوگبل احسين هيهات ارتوي منــــــه

*هالچلمـــــــــه ايثارابمعناها*

♡♡♡♡♡♡♡♡♡♡♡♡
وصلت العلگمي ياشبل حامي الجـار
اوخليت الجثث عالمشرعه طشــــار
شلت المـاي بيدك والچبد شب نـــار
ماضكت العذب ياقمـــــــــــة الايثار

*للعليه اتذكرت اضمـــــاها*

♡♡♡♡♡♡♡♡♡♡♡♡
گلت الماي اشربه اشلون واتهنــــــه
واخوي احسين لسه ماشرب منــــه
عفت اطفال گطره منـه تتمنـــــــــه
اوسكنه اتگول عمنه الي يجيبه النه

*عمه انا اوماخيب اضنــاها*

♡♡♡♡♡♡♡♡♡♡♡♡
روحك ذوّبيته ابحب ابو اليمــــــــه
وتنادي سيدي لـــــــورايد اتكلمـــــه
اديت الامانـــــه الفاطمــــــــــه امـه
جره دمك عله الغبره گبل دمـــــــــه

*امك خل اتگر عينها*

تمّت
الشاعرفالح العامري

قناة هلاهل الأشعار
قـنـاة هـــلاهـــل الأشــــعـــار🌷
في مدح النبي وآله الاطهار🌷
🌷الـشـاعــر فالـــح العامري🌷
قصايد مـوالـيد بکل الاوزان🌷
لکل منسبات افراح اهل البیت ع🌷
ابوذيه❣️دارمي❣️موال❣️
✋غير مبري الذمه امام الله
كل من يحذف اسم الشاعر
اوينسب القصيده لنفسه✋
شرفون
https://t.me/falehalameri111

«هوسات الى غريب الكوفه»
الوزن تجليبه
~~~~
مسلم ياغريب الأهل والد يــــــــره
ابدهرنــــــه ماسمعنه مثلك ابحيره
ماواحد عليك الشالتــــه الغيــــــره
والمثلك يمسلـم محد ايجيـــــــــره

*ماصحلك يامسلــــــم ناصــر*

♡♡♡♡♡♡♡♡♡♡♡
وسفه اتغربت آيبن اخــــــــــو الكرّار
اوماعندك عشيـره ابهالـــــوطن لادار
چاوين الألوف البايعت انصـــــــــــار
صفيت انته وحيد اوبالغرب محتــار

*اعليك الله الساترمن باچـر*

♡♡♡♡♡♡♡♡♡♡♡♡
العرب مو بالضيافه هيـــه مشهوده
موبالكوفه گالو شيعـــــــه موجوده
يادارالتگصده بابــــــــــــه مسدوده
بس دارالبگت بالكــرم مگصــــــوده

*طوعـه الحگ لوبيها النفاخر*

♡♡♡♡♡♡♡♡♡♡♡♡
حاير خلتك هالناس ياوسفـــــــــــه
والأخطار شخصك گـــامت اتحفـــه
هاي الناس ابوك اوعمك اتعرفـــــــه
اهل كوفه اوي حيدرعايشه ابالطفه

*ليش انگلبت ويه الغــــــادر*

♡♡♡♡♡♡♡♡♡♡
اعيون اهل الغدر متربصه اليلـــــــه
وانته الدار طوعـــــــه ابلوعه تلفيله
اوجدمك بالهظم واهمومك اتشيلــه
همك المن ابهل الغـرب تشچيلـــــــه

*بهمومك يامسلـــــــم صابر*

♡♡♡♡♡♡♡♡♡♡♡♡
والمثلك صعب يوكف ابــاب النـّاس
يالكلك حميه اوغيره والأحســــا س
يالحامل شجاعــــــــــة والد العبّاس
اومن شفت العفيفــه هبطت للراس

*طوعه العرفت شخصك حاير*

♡♡♡♡♡♡♡♡♡♡♡
اشلون ابدار طوعـــه خلـّصت هاليل
بالتسبيح ساعـه اوساعـــــه بالتهليل
والجية ابواليمـــــــــه الدموع اتسيل
چن عندك علم صدره تدوسه الخليل

*بالطف ايصير الماصايــــر*

♡♡♡♡♡♡♡♡♡♡♡♡
مسلم وحدته والغربه متهمــــــــــــه
لحسين السبط مسلم رخص دمـــــه
ثايـــرعالظلم ناصر ابن عمـــــــــــــه
مسلم چان همه ايحرر الأمــــــــــــه

*وايحارب افكار الجايــــــر*

♡♡♡♡♡♡♡♡♡♡♡
ماغمضت اعيونـــــــه ايودع الدنياه
استبشر بالشهاده اوهذه التمنــــــــاه
بالجنــــــه الرســول اوعمــــه يتلگاه
اوتجــازي الزچيـه اوتشكـــر المسعاه

*تجبرله ام احسين الخاطر*

♡♡♡♡♡♡♡♡♡♡♡♡
تمّت
الشاعرفالح العامري

قناة هلاهل الأشعار
قـنـاة هـــلاهـــل الأشــــعـــار🌷
في مدح النبي وآله الاطهار🌷
🌷الـشـاعــر فالـــح العامري🌷
قصايد مـوالـيد بکل الاوزان🌷
لکل منسبات افراح اهل البیت ع🌷
ابوذيه❣️دارمي❣️موال❣️
✋غير مبري الذمه امام الله
كل من يحذف اسم الشاعر
اوينسب القصيده لنفسه✋
شرفون
https://t.me/falehalameri111

«هوسات الي الإمام الكاظم عليه السلام»
«تجليبه»
~~~
ياباب الحوائـــــج ياحليف الجـــــــود
ياموســـــى ابن جعفربالكـــرم مشهود
ياعطرالرسالــــــــــه واحجة المعبــود

تگضيها كل حاجــــــــــه الكلفه


انتـــــــــــــه ياملاذ الخايف اومحتــار
انتــــه ياشفيــــــــــــع الشيعـه والزوار
گصدت آنه المضيفك يبن حامي الجار
معقـــــوده وعليك آمالـــــــي


ياحصن الحصين الأنتـه تنجينــــــــــه
چنت بالسجن انتـــه اوعينك اعلينـــه
ابروحك ماتهم لاچن تهـــم بينــــــــــه

للشيعــــــــــــه ضحيت ابدمك


تعنيتك ابشوگــــــــــــــي يـااسد بغداد
اريد اليــــــــــوم منعدك يوالــــي امراد
ياچف الكريم التگصده الوفــــــــــــــاد


ياموسى بيك انـــــــه اتباها

احلفنك يبن جعفرانـــــــــــــه ابضلعين
ضلـع أمك الزهره ثاني ضلــــع احسين
دخيل الله اودخيلك غدربيـــــــه البين

دمعـاتــي يمك اجريــها


گصدت الحضرتك وادموعـــــي اجريها
اريدن حاجتــــــــــــي هالليلـه تگضيها
يبوطلبـــــه اريد اهمومــــــــــي تجليها
هالليلــــه مــــاروح الغيرك


الغيرك عيب آنـــــــــــه ابهمي اتعنـــــه
عطايـــــــــه الناس تتبعها الف منــــــه
وانتــــــــــه باب بيتك فاتحــــــــه النه

يأوينــــــه بيتك يالكاظم

الغيرك مااروح ابحاجتـــــــــــي هيهات
يألحاظرالشيعــــــه انتــــــــــه بالكلفات
علــــــــــــه كل داربأسمك ترتفــع رايات

هالرايـه بالعزمرفوعـــــــــــه


الليله امصـــــــــــاب جدك وين يالغايب
ماتظهر يمهدي ابثـــــــــــــــــاره اتطالب
من السم دليلـــــــــــــــــه باسجن ذايب

دلاليــــــــــه متگطع جدك

▪︎▪︎▪︎▪︎

تمّت
الشاعر فالح العامري

قناة هلاهل الأشعار
قـنـاة هـــلاهـــل الأشــــعـــار🌷
في مدح النبي وآله الاطهار🌷
🌷الـشـاعــر فالـــح العامري🌷
قصايد مـوالـيد بکل الاوزان🌷
لکل منسبات افراح اهل البیت ع🌷
ابوذيه❣️دارمي❣️موال❣️
✋غير مبري الذمه امام الله
كل من يحذف اسم الشاعر
اوينسب القصيده لنفسه✋
شرفون
https://t.me/falehalameri111

هوسات الی ام البنين
الوزن تجليبه
~~~
يم عبــــــــــاس حگ اتفاخري عالناس
لن صدرچ رضـــــــع مثل البطل عباس
شجاعــــــه والکرم والطیب والنوماس
انتـــــــــــــي ياكريمه اوطيبه الأنفاس

*أفعاله ماواحد ینکر*
♡♡♡♡♡♡♡♡♡♡
تشهد کربلــــــــــــه لبنچ یبدویــــــــــه
چنـــــــــــه المرتضى ابصولته الحربيه
شال الجود بیدیــــــــــــه اوبیدماضیه
اوخله كربلـــــــــــه تنذكر يوميـــــــــه

*بجدامه زلزلها الحومه*
♡♡♡♡♡♡♡
یظل ذکرچ شرف والشرف یحلف بیچ
من گلب الوفـــــــــــه یم الوفه انحیچ
یم عباس ابشري ابروحنــــــــه نفدیچ
فوگ الروس انتـــــــــي تاجنه انخليچ

*حگچ یالحره انتي اعلينه*
♡♡♡♡♡♡♡♡♡♡
علـــــــــي نعم المره بعد الزچیه اختار
أقمار اربعـــــــــــــــــه البهم تشع الدار
کل واحد البیهم یشبـــــــــــــــه الکرار
السيـــــوف البديهم تلتهب چل النــــار

*معروفه والغیره البیهم*
♡♡♡♡♡♡♡♡♡
یم عباس معروفــــــه النسب والطیب
من یگصد الــــــــچ بالشده لامیخیب
لو خلیناچ قبلـــــــــه لاحرام اوعیب
عشاگچ الشیعــــــــــــــه شاب اوشيب

*للباری الحبچ قربنه*
♡♡♡♡♡♡♡♡♡
يم عباس انتــــــــــــــــي كعبة الأيمان
يالصارت كراماتــــــــــــچ ابكل امچان
للأثار صرتــــــــــــــــــي والكرم عنوان
نجبتــــي اربع شبول البالوغه شجعان

*والعينه عباس البيهم*
♡♡♡♡♡♡♡♡♡
اشبولج فاطمـــــــه منج خذوه الجود
اللهم كربلــــــــــــه والناس كله اشهود
فرسان الوغــــــه بالحرب ذوله احيود
يظل اللهـــــــــم ذكر اوذكرچ المشهود

*الحيدر حملو اطباعه*
♡♡♡♡♡♡♡♡♡
تمت
الشاعر فالح العامري

قناة هلاهل الأشعار
قـنـاة هـــلاهـــل الأشــــعـــار🌷
في مدح النبي وآله الاطهار🌷
🌷الـشـاعــر فالـــح العامري🌷
قصايد مـوالـيد بکل الاوزان🌷
لکل منسبات افراح اهل البیت ع🌷
ابوذيه❣️دارمي❣️موال❣️
✋غير مبري الذمه امام الله
كل من يحذف اسم الشاعر
اوينسب القصيده لنفسه✋
شرفون
https://t.me/falehalameri111

بسم الله الرحمن الرحيم

بركة الله وتوفيقه تم اصدار كالاتي👇🏽

اولاً
كــــ📕ـــتــاب اوزان الــشـعـر✍

https://t.me/falehalameri/6772

ثانياً
ديـــ📙ـــٰـوان

دمــ😭ـــٰوع الزچــيـه✍

https://t.me/falehalameri/6773

ثالثاً
ديــ📘ـــوان هلاهل الاشعار في المواليد

https://t.me/falehalameri/6774

نسـٰالكم الدعاء🙏🏻🙏🏻

✍
الشاعر فالح العامري