«يوم الخلاص»
«صدردارمي+احسیناوي»
~~~
يا وارث نبينــــــــــه يمته اتهل علينـــه
الشـــوفتك مشتاگین یمته اتهل علینـــه
🌹🌹🌹🌹🌹
ابهالدنیـــــــــــه مشتاگین صوت الحگ نسمعــــه
صــــــــــارالشمل طشـّـــار مــــــاواحدیجمعـــــــه
شیعتــك بــــــــــــــالأدوار يــــــاضيم التجـرعـــه
من غيبتـــك لليـــــــــــوم بس تهمل الدمعــــــــه

چـــم عید ابسوادي یالغــــایب انادي
للفرج ندعـي اسنین یمته اتهل علینــــه


للشریعـــــــــه اکبــــرعیـــد حین اللــــــي تشوفك
رايــــــــــــة عدل واخلاص مرفوعــــــه ابچفوفك
يمجدّد الاســــــــــــــــــلام خسـران اليعــــــــوفـك
عـــمّ الـهــرج مـــــــــــولاي ما شفنــــــه امعروفك
يااعظـــــــم قیــاد ه للعالم سعـــــاده
کل جمعــه منتظرین یمته اتهل علینــــه


کــل جمعـــــــــه مجتمعین لظهــورك ندبنــــــــــه
عالگلب یــامحبــــــــــــوب اسمك بــــي كتبنـــــه
عن معتقــد وايمــــــــــــان هالفرقــــه انحسبنــــه
شيعـــــــــــه نظل للمــــوت مو عن طمـــــع حبنــه

منوانه تعرفــــــــــــه عهدك ما نخلفـــه
اجنــود الك متّحدين يمته اتهل عليـنـه


اجنــــــــود الك بالكلفـــات عد عينك يغــــــــايب
نزّهنــــــــــــــــــه هالارواح من كل ّالشــــــــــوائب
الطلعـتــك منتظــــــــريــن چـــــــاوينك يصـاحب
ثابت عهدنــــــــــــــه اوياك لوخضنـــــــــه حرايب

ابميلادك اجينــــــــه والشخصك هوينه
يمسيّر التكــــويــــن یمته اتهل علینـــه


غيبتــك مثــــل الـــــــروح سرمحّد كشفـــــــــها
واليــــــاوكت موعــــــــود ماعــــــــالم عرفـــــها
والشيعـــــــــه نــــالت بيك يالغــــــايب شرفـــها
من تنتظــرللــــــــــــــــواك معروفـــه ابهدفـــــــها

ثــابتلك ولانــــــــــه ياروح الديا نــــه
يبن النبــــي ياسين يمته اتهل علينـــه

🌹🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«يامهدينه ماننساك»
«مجرشه»
~~~~
بهالمولــــــــــود حنّينه
للموعــــــــــــود حنّينه
نتأمّلك والينـــــه يمته تعود اعلينه
🌼🌼🌼🌼
من عالـــــــم الذرهالعهد يالمهدي مكتـوب اهناك
ارواح والت بــــــــــالأزل ما خلفت العهد ويـّـــاك
حنّت الليلــــــــه المولدك شچّایــــه جتـّك تنخـاك
يالطبعك اربـــــات الكرم مـــايــرد من يتعنـّـــــاك
تعنـّينـــــــــــــاك مهدينه
نترجّــــــــــــــاك مهدينه
انظرابعينك لينـــه يمته تعود اعلينه


حنّيـت الــك والمـــــايحن المن يحن ابدنيـــــــاه
حنّينه بگلوب الـوفـــــــــه عرفـت الحبّـك معنــاه
بوجوده الأيمــــــان اكتمل فازت اگلــوب التهـواه
مسروره دنیـــــــــه وآخره من تحفظ العهد اویـاه
العهد اویـــــــا ك خلـّينه
ارواح افــــــدا ك خلـّينه
اليوم الفرج تانينـــــــه يمته تعود اعلينه


كل ساعـــــــه بغيابه التمر اعلينه ابسنــه نگضیها
واشحـــال من گضّت عمر تتنطـّــــرالمهدیـــــــــها
شابحـه اعیون اعله الدرب الـوکت الأجل حل بیها
واحنه بعدنــــــــــه عالعهد هالجیـّــــه منتظریــها
الذاك اليـــــــوم تانينه
ابگلب اهمـــــوم تانینه
اتشلّ الجروح البینـــه یمته تعود اعلینه


یمتـــــــه الفرج یبن الحسن ضاگ علینه الوسعـه
چــــــــم دوب نتحمّل صبر مــرّالصبـرشیجرعــــه
ما شفنــــــه ایـّـــــام الفرح عمراوگضــــه بالدمعه
غیرك يبن فـــــــارس مضر محّد حچینه ایسمعــه
وین الـــــــــواك والينه
نتفـــــــــــــدّاك والينه
كل جمعه الك حنّينــــه يمته تعود اعلينه


نتأمّل اخبــــــــــارك تصل يبن الحسن من طيبــه
نفــرشلــــك ارواح الـدرب من تفض هاي الغيبــه
والشيعــــــه يغمرها الفرح للهادي واتشــم طيبــه
واتعيد حكم المرتضـــــــی المغصـوب حگه اتجیبه
حگـّك ضـــــــا ع نادينه
گوم ابســــــــاع نادینه
لحّگ عله تالینـــــــــه یمته تعود اعلینه

🌼🌼🌼🌼🌼🌼🌼🌼🌼🌼🌼🌼🌼

تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«الی متی»
«دارمي»
~~~~
هلا بیك هلابيك يالغايب هــلابيك
صوت الفرح نادانـــه يمته تهل مولانه
🌹🌹🌹
ياهلـــــــه ابنص شعبـان هـــــاي الـــولاده
مثـل القـدرمقبـــــــــــول بيـــــها العبــــاده
بـــــــــــــي عزّة الأسـلام يوم السعـــــــاده
يفتخــرعـالأيـّــــــــــــــام راعــــي السياده
بالأدوار بالأدوار يتفاخربالأدوار
كلمن ينادي اويانـــــــه يمته تهل مولانه


الفـــــاجد حبيب الـــروح عينه اعله دربــه
واشماتلومــــــــه النـــاس ما ينسـه حبـّــــه
لانفســـــــــــه تهـوه الـزاد لايهنــه شربـــه
صبح ومسيــّـــــــه اينوح ما هجـع گلبـــه
ايناغيك ايناغيك بدموعه يناغيك
دمع الجره چوّانــــــــه یمته تهل مولانه


اشمـــــا عنّك ایگـولـــون شخصك هوينـه
صــــــــــــارانتظاراسنين يمته تجينـــــــه
نفرشلك احنـــــــه ارواح درب المدينــــــه
يااغلـــــــــــــه منّ الروح بس هل علينـــه
ملايين ملايين عشـّاگك ملايين
انقدّم الك شكوانــــــه يمته تهل مولانه


ظــل اعتمــــــــاده اعلیك مذهب الشيعــه
لاشــــــــــــك ولاتــرديــد امرك نطيعــــــه
يــــالطاعتك ايمـــــــــــان ابحكم الشريعـه
ماشافنـــــــه الك عالغيب اعلنـّــــه بيعــــه
اجيناك اجيناك للبيعه اجيناك
يالبالشدد رجوانه يمته تهل مولانه


حگـّك علينـــــــــــه اهواي جيتك نطرنــــــه
نتصارع امن ازمــــــــــــان احنه ودهرنــــــه
يالمهدي ماننســـــــــــــــاك لاخرعمرنــــــــــه
والبگــــــــــه النوب اعليك تجبرصبرنـــــــــه
هويناك هويناك عالفطره هويناك
ارواح الك عطشانــــــــه يمته تهل مولانه


عطشانـــــــــــه هالأرواح يمّــك رواهــــــا
يــــــــــــوم التصد اعليـك تحمل لـــــــواها
واتشوفـك احلـــــه اهلال يزهــي ابسماها
والتـــــــوگـــــــع ابشدّات انتـــــــــه حماها
نخيناك نخيناك بالشدّه نخينــاك
كثرت علينه اعدانــــــــه يمته تهل مولانه

🌹🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«اهلال السعاده»
«ميمر»
~~
هل اهلال مهدينــــــــــــه للأيمان يهدينـه
الجيّتك تانينه عجّل ياوالينه
🌼🌼🌼🌼
يــانسل المختـــــــــارونـــــــوره والقـــــــــرآن
ياحصن الاســــلام وســـــــــوره والقـــــــــرآن
يالبيدك رايـــــــــــــــه المنصوره والقـــــــــرآن
من جدّك حيـــدرمذخـــــــــــوره والقـــــــــرآن

اعليها انظـــار مشبوحـــه ليل انهارمشبوحه
بالأمل ظلـّينه عجّل ياوالينه


ماتظهريالغــــــايب لينــــــــــــــه كافــــي اغياب
مشتـــاگـیـن وحن اعلینـــــــــــه كافــــي اغياب
من نــــــــارافــراگك تنجينــــــه كافــــــي اغياب
مانگـــدرنصبرملـّینـــــــــــــــــــه كافــــــي اغياب

وكتك صــــــــارميعاده يوم الثارميعاده
وين الفرج وينه عجّل يا والينه


بيك العالم يلهــــــج دومـــــــــــه بالآهــــــــــات
والعدلك يتنطـّــريــــــــومـــــــــه بالآهــــــــــات
واتخلص النــــــاس المهضومــــه بالآهــــــــــات
واتريـــــــح اگلوب المالومـــــــــه بالآهــــــــات

ابهالمیلاد نادینــــــــــه بسّك عاد نادينه
هجرانك ماذينه عجّل ياوالينه


اوّلكــم شــــــــايعنــــــــــــه وآخر يــامــــــولاي
بغيــابك فــــــازاللـــــــــــي صا بر يــامــــــولاي
والينكرلـــــوجـــــــــودك كــــــافر يــامـــــــولاي
بالمحشرمن يــــــــــوگف بـــــاچر يــامـــــــولاي

اهناك اعداك معروفـــــــه والوالاك معروفه
ماضنّك ناسينه عجّل ياوالينه


يايـــــــوم اتفض هـــاي الغيبــــه وانحيـّيــــــك
وايهل اهــــــلالك من طيبــــــــه وانحيـّيـــــــك
واتنادي ابثــــــــــارك ياهيبـــــــه وانحيـّيـــــــك
وكلمن ضـــــــايــع حگــّه اتجیبه وانحيـّيـــــــك

الذاك اليــــوم حنـّينـــــــه يمته اتگوم حنـّینه
عگبك انذلـّينه عجّل ياوالينه


يالمهدي احسبنـــه امن اصحابك يــــــوم الثـــار
جينــاك ونستعطـــــــــــي اببابك يــــــوم الثـــار
نســــــأل منتظرين اجــــــــوابك يــــــوم الثـــار
لحّگ یالمهدي اعلـــــــــه احبابك يــــــوم الثـــار

ثورابســـــــــاع يالمهدي حگنه ضاع یالمهدي
بس دمع هلـّینه عجّل یاوالینه
🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري
قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«الطلعه المبارکه»
«فائزي»
~~~~
وينك يموعـــــــــود لحبابك اتعــــــود
ابميلادک فرحانـــــه والجيّتك سهرانه
🌼🌼🌼🌼
لجلك يشبل المصطفــــــــی سهرانــــــه العيون
ارواح تنـــذرمـــــــــــــوسهر طبـــــــــع اليحبّون
الحبــّــك يمقــــدام شاهده الأيـّـــام
بسمك رف الوانــــه الجيّتك سهرانه


عالگلب باقلام الوفـــــــــــه اسمك كـتبنـــــــاه
يـــــــــــــوم الفرج يا سيّدي منـّـك طلبنــــــاه
وانــريــد المـــــراد يا نسل الأمجاد
تتوحّد قوانــــــــــه الجيّتك سهرانه


احبــــــاب الك يبن الحسن طاحت بالأخطار
غيرك على وجــــــه الارض ماالـــها نغــّـــــار
طـــال انتظـــــارك تاخذ ابثـــــارك
يمته اتهل ابسمانـه الجيّتك سهرانه


يـــــــوم المبــــــا رك رايتك نسمــــع دوه الها
والحكم الاصــــــلاح وعدل تخضــــــع دولها
تسحگ التیجـــــان بجدام الأیمــان
هالوکت میحانـــــه الجیّتك سهرانه


يمتــــــه الفرج يبن الحسن طـــالت الأيـّــــام
واسنين الغيــــــاب المضت راوتنــــــــه آلالام
يا شبل الأطهـــــــار رغم الوكت جار
ظل ثابت ولانـــــــه الجيّتك سهرانه
🌼🌼🌼🌼🌼🌼🌼🌼🌼🌼🌼🌼
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«یاوليّ الثار»
«ميمر»
~~~~
هاك الدمع شكوانــه يمته الفرج مولانه
ياصاحب الثــار ياصاحب الثار
🌹🌹🌹🌹
نقسم بالبــــــــــــاري الصوّرنــــــه بالأرحــــــام
من حبّك طبنـــــــــه وطهرنـــــــه بالأرحــــــام
وابيـــــــوم اغيـــــــابك آمنــّــــــه بالأرحــــــام
والكل من عدكم بــــــــايعنــــــــه بالأرحــــــام
هالعهد یبگه اویانـه یمته الفرج مولانه
یاصاحب الثــار یاصاحب الثار


هاك اسمـــــــع مظلوم اعتابــــــه يـــــالمحجوب
ماواحد حن اعلـــــه امصـــابـــــه يـــــالمحجوب
للحگ ماظلـّت طـــــــــــــــلابــــه يـــــالمحجوب
والبـــــاطل تزداد اصحــــابـــــــه يـــــالمحجوب
حرب الدهرواعدانه یمته الفرج مولانه
یاصاحب الثـار یاصاحب الثـار


یایـــــــــوم اتفض گلــّـــي الغیبــه یـــــــوم العید
وایهل اهـــــــلالك من طيبـــــــــه یـــــــوم العید
الحگ ضایــــــع لصحابه اتجیبـــه یـــــــوم العید
واتشوف اعیـــــــون اهل الریبــــه یــــــوم العید
حچي الشمّاته آذانه یمته الفرج مولانه
یاصاحب الثـــار یاصاحب الثار


حبّك والميــــــــــــــــــــلاد انجمعن هــالنـــورين
بـــــــــــــــالفطره ووجدان انطبعن هــالنــــورين
بارينــــــــــــــــــــه اوجبهن يتـّبعن هــالنــــورين
يـــــــــــــــــالمهدي ومنـّك يتفرعن هــالنــــورين
العدلك نريد احسانه يمته الفرج مولانه
ياصاحب الثـــار يا صاحب الثار


دنيـــــــــــــــه اشكثر آلام الصبّت بــالأيــّــــــــام
واشياعك راحهالماشــــــــــــافـت بــالأيــّــــــــام
واعداك اعليهم من جــــــــــــارت بــالأيــّــــــا م
حبّك يالغــــــــــايـب مــــــابـاعت بــالأيـّـــــــا م
رمزالوفه وعنوانـه يمته الفرج مولانه
ياصاحب الثــار ياصاحب الثــار
🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«چفّ الهدایه»
«ميمر»
~~~~
الشوگ نادانـــــه یامهدینه یامهدینه
انفوس عطشانـه یا مهدینه یامهدینه
اترید یرویها چفـّك مهديها
🌹🌹🌹🌹
ضـــــــاميه انفوس العاشگــــــه من ازمـــــان
تتنطـّرالچـفّ الـــــــــوفـــــــــــه والأیمــــــان
من مــــــــاي حبّك ترتـــــــــوي بالعرفــــــــان
ومتنطـّــــره العدلــك يعــــــــــم كــلّالأ بــدان
للعدل رايــــــات يامهدينه يامهدينه
امطرزّه ابايـــات يامهدينه يامهدينه
يعطف عليها چفـّك مهديها


سنـّـــــــــة الهـــــــــادي ابغيبتك حرفــــــوها
اهل المطـــــــامـــــــــــع طلعتك نكـــروهـــــا
هــالطلعــــه مـــــــــــــاتخدمهم ايعـرفــــــوها
رادوابكـــل اسلــــــــــوبـــــــها يمحــــــــــوها
رادو يغيــــــرون يامهدينه يامهدينه
حبنه وايضيعون يامهدينه يامهدينه
یگطع ایدیها چفـّك مهدیها


یالغـــــــایب ظلـّینــــــــه ابدربك مـــــــــاننزال
نلهـــج يمهدي ومـــــــــــــانهـاب الأهــــــــــوال
مثــل النسيــم اللـــــــــــــي يغذّي الــــــــــدلال
طبــــــــع اليحب یبگــــــــه یعیش ابآمـــــــــال
ایشوف محبوبــه یامهدینه یامهدینه
ادموعه مسچوبه یامهدینه یامهدینه
خلـّي یحیها چفـّك مهدیها


بـالدنیــــــــــــــــه بس هذاالأمل خلـّینـــــــــــاه
یـــــــومك گبل یــــــــــــوم الأجل نتمنـّـــــــــاه
واعدنه بیـــــــــه المصطفــــــــی ومــاعفنــــــاه
یبن الحسن یــــــــــــــوم الفــــرج تـــــانینـــــاه
ابعسرتانینـــــــه یا مهدینه یامهدینه
الصبریاذینــــــه یا مهدینه یامهدینه
اشوکت یحدیها چفـّك مهدیها


عشنـــــــــــــه المذلـّـــــــه بالغرب یــــامــــولاي
مــــــــــــــــاظن یمهـدي شیمتــك ترضـــه ابهاي
نفّس علينــــــــــــــه بــــــــالفــرج يـــــــارجواي
من چــــــــــــم گلب دامـــــــــــي اقدّم شکــواي
الشخصك هالليلـه يا مهدينه يامهدينه
عتب ابدليلــــــــــه يا مهدينه يامهدينه
الغربه ينهيها چفـّك مهديها
🌹🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«اين صاحب الثار »
«اعگيلي مذ يـّل»
~~~~
شيعة علي فرحانه تريد الفرج مولانه
وتنادي للثار وينـــه وتنادي للثار
🌹🌹🌹🌹
نقسم بالباري الصوّرنــــــــه بالارحـــــام
هالعتره ابحبهم طهّرنـــــــه بالارحـــــام
باولهم واخر آمنـّــــــــــــــه بالارحـــــام
والكل من عدهم با يعنــــه بالارحـــــام
هالعهد يبگه اویانه ترید الفرج مولانه
وتنادي للثار وينه وتنادي للثار

لود نیه وتتکالب ضدنــــــه بالکلفــــــات
عنهم ما یوم اتخا ذ لنــــــه بالکلفــــــات
ذوله احنه والهم عاهدنــــه بالکلفــــــات
والموت ابحبهم یسعدنــــه بالکلفــــــات
الهم فدینه ادما نه ترید الفرج مولا نه
وتنادي للثا ر وينه وتنادي للثار


شایعنـــــــــــه الاوّل والآخر حدّ المـــــوت
مؤمن بغیابه اللـــــــي صابر حدّ المـــــوت
والینکر للغا یب کـــــــــافــر حدّ المـــــوت
بالمحشـــــرمن یوگف بـاچر حدّ المـــــوت
شیعتکم الربحا نــه ترید الفرج مولا نه
وتنادي للثار وينه وتنادي للثار


يلغالي احسبنه امن اصحابك يوم الثــــــار
يالوالـــــي اونستعطي اببابك يوم الثــــار
نسئل مشتــــــــاگین اجوابك يوم الثــــــار
كل جمعه امتا نين احبــــابك يوم الثــــــار
هاك استمع شكوانه ترید الفرج مولانه
وتنادي للثار وينه وتنادي للثار


ياما ناجت نـــــــاس وراحت بالايـّـــــــام
والركبك رادت ماشــــــــافت بالايـّـــــــام
وياما اعداك اعليهــــم جارت بالايـّـــــــام
اسمك يالغـــــــــايب ماباعت بالايّـــــــام
احباب الك لهفا نه ترید الفرج مولا نه
وتنادي للثار وينه وتنادي للثار
🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«الأمل الکبیر»
«فائزي»
~~~
هاللیله یامهدینـــــه مبروکه الفرحه اعلینه
یا شبل خیرالأعمـال معقوده بیك الآمـــــال
🌼🌼🌼🌼
ابميـــــــــــلادك بارينه ختم نورالأمـامـــــــــــه
وللمؤمن اصبح يالولـــــــــي حبّك علامــــــــــه
واحنه ابفضل بارينــــــــــه منّ المهد حبّينـــه
من فطرتنـــه ماينزال معقوده بيك الآمــــــال


ابهالفرحـــــــه جينه انبايعك يبـن الصميــــده
احبابك احنـــــــه اعله العهد نحمــل عقيــــده
والبيعتك والينــــــــــــه طه وعلي اموصّينه
عزّتنه بظهورك گــال معقوده بیك الآمــــال


يمتـــــه الــوعد يبن الحسن ياعزّالأســـــــــلام
عدنـــــــــــــه العلا يم بيّنت من جور الأيـّــــام
نتأمّلك يالعينــــــــــــه والعدلك امتانينـــــه
بينه الظلم صال اوجال معقوده بيك الآمال


يللـــــــــي وجودك عالأرض خيروسعـــــــــاده
والغيرك ابداًمــــــــــــاحلت هاي القيــــــــــاده
عن معتقد نادينـــــــه والطلعتك حنّينــــــه
عالشيعه هجرانك طال معقوده بيك الآمـــال


اسمــــــــــــــع حنين الوالتك واسمـــــع عتبها
ماعدها غيــــــــــرك سيـّــدي يغفرذنبــــــــــها
احبابك اوتدرينـــــــه بمحبّتك ناجينــــــه
بغيابك صرنه ابياحال معقوده بيك الآمـال


يــــــــالمهدي شنسولف بعد تدري ابوضعنــــه
عالفرگـــــــــه یبن العسکري یجري دمعنـــــــه
بغیابك انسلـّينــــــــه يمته الفرج يلفينـــــه
ننشدلك احله الموّال معقوده بيك الآمــــال
🌼🌼🌼🌼🌼🌼🌼🌼🌼🌼🌼🌼
تمت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«ميلاد الرحمه»
«نص شيعتي مذيـّل»
~~~
يبوصالح شبل هادينـــــه العجل سيّدي نادينـــه
🌹🌹🌹🌹
ياهلـــه ابنور الله الأزهر يبن حيدر علي
من العرش عالكون نـوّر يبن حيدر علي
الباري سبحانه من صوّر يبن حيدر علي
ابهيبتك يــايــوم تظهــر يبن حيدر علي
شوفتك هالمسه اشتاگينه العجل سيّدي نادينـــه


رحمه مولودك يغالــــــي يبن حيدر علي
هالمسه احله الليالــــــي يبن حيدر علي
من سطع نورك يوالــــي يبن حيدر علي
انشرح گلب الموالـــــــي يبن حيدر علي
طلعتك بالأمل تانيـــــــــه العجل سيّدي نادينـــه


شيعتك يمتــــــه تسرها يبن حيدر علي
تنتظــر گضّت عمــرهـــا يبن حيدر علي
اتكحّل ابشـوفك نظرهـا يبن حيدر علي
وين يــاعزهـا ونصـرهـا يبن حيدر علي
طوّلت غيبتك مهدينــــــه العجل سيّدي نادينـــه


بيش اوصّفلك حنانــــي يبن حيدر علي
تعجز اشعاري اولسانــي يبن حيدر علي
الجيتك البيها الأمانــــي يبن حيدر علي
يوم كل جمعه نتانــــــي يبن حيدر علي
نندب وللفرج ناجينــــــه العجل سيّدي نادينـــه


الشيعتك اسمــح يغــايب يبن حيدر علي
الك لــــــونبدي اونعــاتب يبن حيدر علي
شفنـــــه بغيابك مصايب يبن حيدر علي
اتشمّتت بينـــه النواصب يبن حيدر علي
بالفرج احنه ماشكينـــــه العجل سيّدي نادينـــه


طلعتك بيـــها السعــــاده يبن حيدر علي
مثل افــــراح الـــــــولاده يبن حيدر علي
ويــن يــــالبيك القيـــاده يبن حيدر علي
مثل ابواليمـّـــه اوجهـاده يبن حيدر علي
وين يالواعدك بارينـــــه العجل سيّدي نادينـــه
🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111