«مولد الحریّه»
«ميمر»
~~
نورالحریّه شع هالمسیّه
من فاطمه وحامي الجار شع هالمسیّه
🌹🌹🌹
فرحانـــــــه الزهره ومسروره ابهالمولـــــــود
یتهلهل نـــــوره ابیمنــــــــاها شبــــــه العود
سجدت تشکرهاي النعمـــــــه للمعبــــــــــود
والحـــــوراتسبـّــح ویـّـــــاها الراعي الجود

نورالأمامه عزّه وکرامه
عن حبـّـــــــه لامانندار شع هالمسیّه


یاکنزالمكنونــــــــــــــــــه اسراره عالأنســان
خصّك بارينـــــــــــــــــه بأ نواره والعرفـــــان
وارث للمختــــارافكـــــــــــــــاره والأيمـــــان
من حيــدربيدك بتــّـــــــــــــــاره عالطغيـــان

بيك الهدايه لهل الولايه
ينجيها منّ الأخطـــــــار شع هالمسيّه


وعیون العشـّــــاگ اربیـّـــــــــــه لـــلأنـوار
مشعل بدروب الحریـّـــــــــــــــه لــلأحرار
وهّــاج وما یخمد ضیـّـــــــــــــه بــالأدوار
تتنطـّرشعبان وفیــّــــــــــــــــــه ازغـاراکبار

حسین ومیلاده یوم السعاده
منهــــــــــج رسم للثوّار شع هالمسیّه


برحــام وصلب اشتمّینــــــــــه طیب احسین
هالحب والشوگ الیحدینــــــه صــــاراسنین
عن فکـــــــــــره ومبدأموعاده بـــي متعلقين
طشـّینـــــــــــه اورود ابمیلاده وامعیـــــــدین

نبعث تحیّه لامّه الزچیّه
کنزالعـــــــــلم والأسرار شع هالمسیّه


والباري ابحبّك فضّلنــــــــــــــــه عالأمـــــلاك
موبس تفضيل وشرّفنــــــــــــــه عالأفــــــلاك
يحسين الحبّك ما عفنــــــــــــــه نبگــه اوياك
والموت ابحبّك يطربنـــــــــــــــه والينــــــــاك

حبنه وولانه بالفطره جانه
هالمعتقد والأفكـــــــار شع هالمسيّه


نتنطـّرمنك عيديـّــــــــــــــــــــه ابهالأعيـــاد
تشملنه الرحمه القدسيــّــــــــــه ابهالميـــلاد
نحمل افكــــــا ره الثوريـّــــــــه والأمجــــاد
واجنود انصيرالمهديــّـــــــــــــه احلــه امراد

اتشيع اعتقاده ابهاي القياده
من عدها فيض الأنـوار شع هالمسيّه
🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«فطرس والغفران»
«فائزي»
~~~
شبل الهادي بيه امرادي
اهلال الشرف والایمــــــــــــــــــــان
هل بالثــــــــالث من شعبــــــــــــــان
بیه امرادي
🌹🌹🌹
مولـــودك شعبـــان الاغر خــــــالد بالأدوار
من عنده كل جيل اليجي يستلهـــم افكـــار
حسين الغا لي هوّالوالــــي
مـــــــا ينـّســــــــــــــــه با لــــوجدان
هل با لثــــــــالث من شعبـــــــــــــان
بيه امرادي


تزهي المدينــــــه ابمولده بيها الفرح صـار
تتعايد امـــلاك السمــــــه واتهنـــي المختـار
حورالجنّه من شافنـّــــه
رتلن آيــــــــــــــــــــــات القـــــــرآن
هل بالثــــــــالث من شعبــــــــــــان
بيه امرادي


هالليلــــــه نجبت فاطمــه كعبــــــة الثــــوّار
والبــــــاري ودّع بالصلب تسعــه امن الأطهار
النه الرايه وحبهم غايـه
اســــــــــراراعلـــــــــــــــــوم الرحمن
هل بالثــــــــــالث من شعبــــــــــــان
بيه امرادي


آلاف السنيـــن المضــت فطرس بـــالقيــــود
ميـلاد احسين امن الأزل بالرحمـــه موعـــود
شاف انواره جتّه ابشـاره
امن البــــــــــــاري نـــــال الغفــران
هل بالثــــــــالث من شعبـــــــــــان
بيه امرادي


حنّت الـــروح ابمــــــولده والكربلــــــه اتريد
مـــــوشهراعـوام المضت عن حضرتـــه ابعيد
اسنين الغربه مرّه وصعبــــه
يـــايـــــــــــــــــــــوم ايفضّ الهجران
هل بالثــــــــالث من شعبــــــــــــــان
بيه امرادي
🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«نورالهدايه»
«جيت يهل الهوه +عجزهجري»
~~~~~~
ياحسين ياحسين اهلا ًاهلا ًياحسين
نوّرت دنيانــــــــــه ابجيّتك مولانـــــه
🌸🌸🌸
اليوم كل هم ينجلــــــــــي اوكل حزن نتناســـه
انولد ريحانة علــــــــــــــي اوللنبــــــــي انفاسـه
احسين يانعم الولـــــــــــي الشيعي رفعت راسه
كل زمان كل زمان انته عزنه ياحسين
والعدل عنوانـــــه ابجيّتك مولانـــــه


اليـــوم نـــــــور الله انـولد اوفجره طراعلينــه
ياهلـــــــــه ابـــــهاذه الولد يحدي للحگ بينـــه
احسين مثلــــــــــه منوجد ابد لاملگينـــــــــــه
بالأنام بالأنام ماكومثلك ياحسين
اوللفرج بيبانــــه ابجيّتك مولانـــــــه


ياهله ابراعي الوفـــــــــــه ياحبيب اگلوبنـــــه
يشع نورك منطفــــــــــــــه احسين يامحبوبنه
يللي بترابك شفــــــــــــــه ياشفيع اذنوبنـــــه
بعتقــاد بعتقــــــاد انّادي بسمك ياحسين
شيعتك فرحانـــــــه ابجيّتك مولانـــــــــه


جانه ابن فـــارس مظـــــر واشحــلات ايّامــه
الكـــــــون بنــــواره ازدهر وانجلت اوهامــــه
گلب كل شيعــــــــي ابتشر اتحقـّقت احلامـــه
بالسرور بالسرور نهتف احنه ياحسين
والسمــاء اويانـــه ابجيّتك مولانـــــــــه


اعقدنـــــــه بسمك هالحفل اگصدنــه حيدرداره
انبــــــــــــارك السيد الرسل اسمعنه احله ابشاره
نشكـــــــــــــــر الله اونبتهل اعلينه تـم انـــواره
امن الاله امن الاله فيض قدسي ياحسين
عمّت ابأرجانــــــــه ابجيّتك مولانـــــــــــه
🌸🌸🌸🌸🌸🌸🌸🌸🌸🌸🌸🌸🌸
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«العهد الحسيني»
«اعگيلي مذيّـل
~~~~~
لمّ الحسن هنـّـــي بفراح وتمنـّـــــي
شعّت منها انوار ومن علي الكرّار
🌹🌹🌹🌹
يا محله الفرحـــــــــــــه ابایّامچ من شعبـان
واشمحلـــــــــــه واجمل اورادچ بالأغصـــان
بشره وزفـّیتــــــــــــي الأحبابچ بالایمــــــان
ثوره وثــــــارات ابمیــــــــلادچ بالــــوجدان
ظل نهج ابوالیمّه بالقدره والحکمه
خــــالد بالأدوار من علـــي الکرّار


هالمــــــولد اصبـــــح کعبتـــــها للثــــــــــوّار
واحرار العــــــالم رایتــــــــــــها حسین الصار
والشیعـــــــــه اهدافـك رسمتـها بالأفكـــــــار
ابــهالحب اتــــواصل بيعتــــــها للمختــــــــار
واشصرّح نبينــه بحسين السفينه
وصلت هالأخبار من علــي الكرّار


ابحبّك يحسين اتعــاهدنــــــــــه احنـه اوياك
هالحب العدنــــــــه ايوحّدنــــــه ضد اعداك
واشحدهـــــا اعداك اتفرّقنـــــــه والينــــــــاك
للموت وانتــــــــه قـــائدنـــــــــه عدعينــــاك
ذوله احنه حبّينـه لجلك وضحّينــــه
احملنه هالافكـار من علــي الكرّار


نعلنـــــها وخـل كلمن يسمــــــع متحــدّيــن
من شايبنه وحتـــّـــه اليرضــــع ويّــه احسين
ما ننذل بالدنيـــــــــه ونخضـــع للطـــــاغين
بسمك رايـــــــات العزنرفــــــــع صــــاراسنين
غيرك ماهوينــه ياشبل هادينـــه
هالحب الك صار من علــي الكرّار


الديرتنــــــه وصحنك حنّينـــــه هالأيــّــــام
امن الفرگــــه ادخیلك ملـّينــــه ما ننظــــام
مـوحــگ لـــــــونعتب ظلـّینــــه چالأیتـــــام
نــــارالهجران اتچـــوّینـــــــــــه والظـــــلا م
حدّ الصبروینــــه احدوده تعدّینـــه
احسبنه خطــّــا ر من علـي الکرّار


خطـــّـــارك يحسين اقبلنــــــــه والخطــّـار
معروفـــــه السنّه ايضيّفنــــــــه راعي الدار
جيرانك چنــّـــــه وردالنــــــــــه حگّ الجــار
ظلـّت مشبوحـــه الدیرتنـــــــــه هالأنظــــار
یمته یوالینـــــــه تتفضّل اعلینــــــه
نتعنـّـــــــــــه زوّا ر من علــي الکرّار
🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري
قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«الأنوار الخمسه»
«دارمي»
~~~~~
للمصطفـــــی المختار نبعث تهانــــي
وللـزهــره والکـــرار احله الأمانــــي
🌹🌹🌹
چم فرحـــــــــــه چم اعیاد ابشهرك يشعبــــان
اهـــــــــــلالك يسراگلــــوب یلفــــــــي بالایمان
ابمیـــــلاد ابوالسجـّـــــــــاد مصبـــاح الاکــوان
کل محب ناده احسین حبّه هدانــي
وللـزهــره والکـــرّا ر احله الأما نــي


کل مسلــــــــــم الملگـــــــاه زاید حنینــــــــــــه
ابلهفــه وحنـــــــــان وشوگ مجبل علینــــــــــه
ابحنّه وصوانـــــــي اشموع الجیتـــــه تنینـــــــه
وابکــل گلب حیـّــــاه حلوالمعانــــی
وللـزهــره والکـــرّا ر احله الأمانــــي


اهـــــــــــــلالك يهل بالخير النـــــه وسعـــــاده
ايروح ويجــي شعبــــــــان واحنـــــــه ابوداده
چــم مـولــد الحل بیــــــــه حبهــــم عبـــــــاده
اوّل ولیـــــــد احسیـن روح التفانـــی
وللـزهــره والکـــرّا ر احله الأمانــــــــي


حــــگ یــاشهرشعبـــــــــان تفخــــرابكــل حين
منـّك ابثـــالث يـــــــــــــوم ميـــــــلاد الحسين
هـاي الــــــــــــــولاده البيك عـــــــزّ المسلميـــن
بسمك وبســـم احسين يلهج لسانــــي
وللـزهــره والکـــرّا ر احله الأمانـــــــــي


عـــــــــــــالدهروالايـّــــــــام مرفـــوع الك راس
تستقبلــك بفــــــــــــــــــراح واملبّس النـــــاس
يـــــاشهــريــالحل بيـــــــك مــولـــد العبـّــاس
جيت ابگمرعدنـــان شمعة زمانــي
وللـزهــره والکـــرّا ر احله الأما نــي


ابشهرك اجــــــــــه السجـّـاد رمزالهدايـــــــــــــه
بارينــــــــــــه شبل احسين صاغــــــــه ابعنايـه
للصبــروالايمــــــــــــــــــان وللــزهـد آيــــــــــه
هالسبط بــــالدارين حبّه كفانــــــي
وللـزهــره والکـــرّا ر احله الأمانـــــي


الاكبـــــــرسليـــل احسيــن نجمـــــه تلالـــــــه
من حيـــــــدرالكـــــــــــــرّار علمـــــــه وكمالـــه
للمصطفــــــــــــــی المختـار حــــامل خصالــــه
اتعلّمنه منـّـــــه الطيب ابعطفه حواني
وللـزهــره والکـــرّا ر احله الأمانـــــــــي


بايــّـــــــــــــامك الحلـــوات مهدينــــــــه مولود
راعــــــــــي العدل وانصاف والعـزّه والجــــــود
شـــوبـــــــاش اطشّ الروح لــويرجـــــع اردود
طول النهـــــــاروليل يرجع اتانــــي
وللـزهــره والکـــرّا ر احله الأمانــــــي


اعله المهدي امشــي احسين وامـّـه الزچیـّــــه
وابطیحــــــــــــــة الچفـّیـن بــالغــاضـریـّـــــــه
وابنحــــــــــــر.دم احسیــن فـــوگ الــوطیــّه
رد النـــــه یالمحجوب هجرك عمانـــی
وللـزهــره والکـــرّا ر احله الأمانـــــــــي


بغيـــــــــــــــابك القـــــــرآن ظل يجري دمعـه
دين الله يــــالمحجــــــــوب محّد يتبعـــــــــه
يـــــــــوم المبارك يــــــــوم صــوتك نسمعــــه
للزهره تطلب ثــــــار اوتصلب الثاني
وللـزهــره والکـــرّا ر احله الأمانــــــــي
🌹🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري
قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«سفينة النجاة»
«نص بحرطويل +نصاري»
~~~~~~
سطع شمس الولايــــــه الولايه
عله العالم هدايـــــــــــه الولايه
🌹🌹🌹🌹
سطع والكون حيّالــــــه انس والجان ناغالـــه
بالگلـــــــوب
گمربین النجم لالـــــــــه شعروالمدح یحلالـــــه
محه اذنوب
المثـل جبریل لالالـــــــه وحجرفــاطمـه ربّالـه
یجي انـّوب
وعلــي بحسین آمالــــه هلـــــه ابهل جیـّه ناداله
یمحبــــوب
یبوالاکبررجایـــــــــــــه رجایه
عله العالم هدایــــــــــــه هدایه


شمس للباري وانـــواره یحامل علمــــه واسراره
هــــــلابیك
الـــــوجودك هالفلك داره والحبّك جره انهـــــاره
وامـــــــاليك
اجيت الفاطمــــه ابشاره والعــــــودك زهت داره
يتـــــــــانيك
يروح الهادي وافكـــــاره يعلــــــــم وحلـــم كرّار ه
جمــــــع بيك
يمن بيك الكفايــــــــــــه كفايه
عله العالم هدايـــــــــــه هدايه


ولايــــة ربنــــه بوجودك قسمت ابشرف معبودك
اواليــــــــك
وحگ جدّك وحگ عودك اجيت احضرت مولودك
احييّـــــــــك
اجيت اتروّه من جـــودك يساگي الشیعه من زودك
محــــــاچیك
اجيت واحمل اعهــودك واثبت جدمــــــي بدروبك
وانــــــاديك
هويتك عن درايـــــــــــه درايه
عله العالم هدايــــــــــــه هدايه


هويتك من جذرگلبـــــي علیـّــــه شهّدت ربــــي
ابهواکــــــــم
اوعرفتـــــه عالم ابحبّي یبگه اویـــه الدمه ید بي
ولاکــــــــــم
یظل هذا الولاحسبــــي لمّن ینگضــــي نحبــــــي
ابرجــــــاکم
ابولاکم ینمحي ذنبــــي وبیکـــم طیّبت حسبــــي
ورضـــــاکم
من جدّك روايـــــــــــــــه روايه
عله العالم هدايـــــــــــــه هدايه


اجيتك واليحب طبعــه الحبيبــه یعتلگ شمعـه
بالأیـّــــــام
وگلب العاتبك سمعـــــه هواك وشوگك ايدفعــه
والأجــدام
تدري افراگك امگطعــه یوسّد حسرتــه ودمعــه
لـــون نــــام
یاروح النـــي وشرعــه یرید الحضرتك يسعـــــه
الك هـــــــام
طلب منّك عنايـــــــــــــه عنايه
عله العالم هدايــــــــــــه هدايه


طلـب والطلـب ننتظـره نكحل ابتربـــة الحضره
للأنظــــــار
گــلب الیهـوه لتکســره نحلفك بـــــــامّك الزهره
والأحـــــرار
نريدك تطفـي هالجمره ابحضـرتك نحتفل مــرّه
بالأعمــــــار
ابجوارك كل جرح يبره وتنفّس هـــمّ البصـــــدره
الألـــك زار
الوصل گبل المنایـــــــــــه منایه
عله العالم هدایــــــــــــــه هدایه
🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«قمر العشيره»
«من مجزء الموشح+ربع شيعتي»
~~~~
ياهلــــه هل گمرنــه ياهله
انولد بدرالها شم نوريهدي الوادم
ياهله هل گمرنــه ياهله
🌹🌹🌹
ياهلــــه ابميلادك كل خصال اجدادك الها حامل
واكسبت من عودك للشجاعه اوجودك يبوفـاضل
منزلـه امن الجلاله منزله
عله اگلوب الحاكم نوريهدي الوادم
ياهله هل گمرنــه ياهله


يالحكمت انفوسنـه انته رفعت روسنه ياولينــــــه
يالصنت ناموسنـه بالوفه قاموسنـــــه هادي بينه
جاعلــه الله حبّك جاعله
ويّه دينــه الدايم نوريهدي الوادم
ياهله هل گمرنــه ياهله


مدرســــه ابدنيانـه كل عمل عنوانــه يبــگه حبـّك
وللحشر ويـّا نـــــه واحنه يارجوانــه نمشي دربك
جاهلـــه الماتتبعك جاهله
الهزعروش الظالم نوريهدي الوادم
ياهله هل گمرنــه ياهله


بالفرح نادينـــــه والعلي هنّينــــــه باسمه غايه
ابجيتك انسرّينه اوحبّك اليحدينـه للهدا يــــه
حي الـه كل جمعنـه حي اله
شبل حيدر غا نم نوريهدي الوادم
ياهله هل گمرنــه ياهله


تسـر كل اگلوبنــه والله يامحبوبنــــه هالــولاده
تمحي كل اذنوبنه تضوي بيها ادروبنه للسعــاده
من هله جوده حيد ر من هله
اوفكـره نيّر عالــم نوريهدي الوادم
ياهله هل گمرنــه ياهله


يبوالغيره الليلــــه ياكفيل العيلـــــه ليك اجينه
جـودك امتانيلــــه سيّدي نربيلــــــه حن علينه
كافلــــه للموالي كافلــــه
يبگه نهجك سالم نوريهدي الوادم
ياهله هل گمرنــه ياهله
🌹🌹🌹🌹🌹🌹🌹🌹🌹🌹🌹🌹🌹
تمّت
قناة هلاهل الأشعار

قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«اسعد الأيّام»
«حدي مذيـّل»
~~~
هالليله فرحتنــــه وشمحله سهرتنـــه
ابميلادك يعبّاس ابميلادك يعبـّا س
🌹🌹🌹
ياگمرهاشم شيعتك ننثرازهـــار الجيّتك سهرانين
اليله نحي فرحتك بدمانه تسري امحبّتك فرحانين
نعلن محبّتنـــــــه انجدّد البيعتنــــــــه
ابميلادك يعبّاس ابميلادك يعبّـاس


ياهله ابميلاد الكرم عبّاس ياراعي العلم والغيـره
اسمك تخلـّد بالأمم حبّك بالگلوب انرسم تصويره
هالحب هويّتنــــه انقوّي عقيدتنـــــه
ابميلادك يعبّاس ابميلادك يعبـّاس
*
عبـّاس حبّك معتقد برواحنه اليوم انوجد بالوجدان
باب الحوائج بالمهد تنگصــد بإيـّام الشدد ياریسان
اگصدناك طلبتنــــه تقبل الخدمتنـــــــه
ابميلادك يعبّاس ابميلادك يعبـّاس


خدّامك احنه نفتخر بالدنيه وبيوم الحشر تكفينه
ياشبل حيدر ياضخر ابيوم الشدد ماتعتذر تنجينـه
تسمع الصرختنــــه وبهاذي جمعتنـــــه
ابميلادك يعبّاس ابميلادك يعبـّاس
*
يهتف ابأسمك هالجمع اوحبّه اوحنانه تستمع ياعبـّـاس
الشيعي النهجك يتبع واتذوب بدروبك شمع هاي الناس
الحفلتك جيّتنــــــــه تگضيها حاجتنـــــــه
ابميلادك يعبّاس ابميلادك يعبـّاس


اگصدنه مضيفك يانفل معروف انته بالفضل
للخطار
تكــرم گبل مـــا تنسأل اوللجود كعبه تنجعل بــالأدوار
ابكل زمن منيتنـــــه اوكعبة قداستنــــه
ابميلادك يعبّاس ابميلادك يعبـّاس
🌹🌹🌹🌹🌹🌹🌹🌹🌹🌹🌹🌹🌹
تمت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«الأنساب الطاهره»
«فائزي»
~~
من حامي الجــــــار هاك اسمـــع اخبـار
من راد يخطب فاطمه العبّاس طيب اتعلـّمه
🌹🌹🌹
ناده العقيل المرتضــــــی عد ّدلـــي الأحسا ب
واختــارلـــي طيبة نسب من هــــاي الاعــراب
ياخويــه من هذه الطلب واشعندك اسبــــــاب
العبـّـــــاس اريدن والده خيرة الانجـــــــــــاب

معروفــــه الا نساب من نسل اطيــــــاب
للولد ترضع غانمــه العبّاس طيب اتعلـّمه


ام ّالبنين ابهالــــــوصـــف حیــدر لگـــــــــاها
للشـــــرف والعــز ترتــدي صـــــــــادق ولاها
للحسـن وحسیـن التحــب ثــــــابت هــوا ها
وللزهره والـت بــــــــالأزل دوم ابثـنـــــــــاها

حین اعتـنـــــــــــاها نــا لت رجـــــــــاها
رغبت الحیدرتخدمه العبّاس طیب اتعلـّمه


من عدها دارالمرتضــــــــی شعّت بــالانـــــــوار
من وجــــــــه عبّاس الاغـر ضـــــاوي الهم الدار
ابحجرالشریفــــــــه مبتسم یشبـــــــــــه الکــرّار
وحسیـن لازم للمهـــــــــــــد عــالم بــــــــالاسرار

ایغذ ّيــــــه ابافکار عوده والمختــــــار
ابهالفکرامّه املازمه العبّاس طیب اتعلـّمه


چفّ الولایـــــــــه اتلازمــــه من فـتـّش العیـــــن
واترعرع ابحجرالوفـــــــــــه وصحبـــة السبطین
مسروره امـّـــــــــــه ابهالولد ذاخرتــــــــــه للبین
ونــــــــــاشد الحرّه الحیدره گـــــاللــــــها تدرین

لازم تنــذریــن عبـّـــــــاس لحسین
للنذرادّت بالدمه العبّاس طیب اتعلـّمه


عبـّـاس هذه ومنهجــــــــــه یاللـــــــــي توالــون
واجب علـــــــی کلمن یحب للحـــب ینـذ رون
ارواح تفـرش سچّتـــــــــــه وبسمــــــه ینا د ون
وعن هالمسیره مــــــــــاترد لـــــود م یقدمــــون

طبعـــــه یحملون مــوبس یمدحون
اطباعه من فیض السمه العبّاس طیب اتعلـّمه

🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111

«دموع الولاده»
«ميمر»
~~~~
هاللیله ساجي الکوثر الله الله
ابمولد عبّاس استبشر الله الله
حب چفـّینه ویمسح عینه
🌸🌸🌸🌸
حیدر یتانــــــــــــــي هالولد من ازمــــان
من گبل مــــــایولد یسولف بــــــــي چان
ومشدود گلبـــه الجیّتـــــــه عالــي الشان
وللمرتضــــــی حقـّق منیتـه الــــــــرحمن

بدرالهواشــــــــم نوّر الله الله
مـــاخذ شمایل حیدر الله الله
حب چفـّینه ویمسح عینه


الله یافرحــــة علــــــــــــــي یوم الصــــار
بیده حمل مــــولـــــــوده وایشــــــع انوار
وعبّاس من يومـــــــــه ابتسم للــکـــــــرّار
یشبــــــــــــــه ابوه من ابتسم للمختـــــــار

وتدري علي ابهالمنظر الله الله
ابمولوده یومـه اتذکـّر الله الله
حب چفـّینه ویمسح عینه


اتذکـّرعلــــــــــي مولوده وسط الکعبـــــــه
ابمولوده مکتسبـــه الشرف من ربــّــــــــــه
وعبـّـــاس نال الهالشرف من صلبــــــــــــه
واترعرع ابحضن الوصــي واتـربـّــــــــــــه

الکعبه ابعلي لوتفخر الله الله
عبــّــاس حصّل اکبر الله الله
حب چفـّینه ویمسح عینه


هذا الفخــرهذ ا الفضــــــــــل حگ عبـّـاس
والفضلــــــه کل فضل الخلگ ماینقـــــــاس
العنده مثــل حیدر ابـــــــــوبین النـــــــاس
یبگـــــــه اعله کل هاي البشرعالـــي الراس

عبّاس ابفضله اتصوّر الله الله
عـود ه الملك للمحشر الله الله
حب چفـّینه ویمسح عینه


من قبّل اچفوف الوفـــــــــه لــــــــــولیده
یمسح علی راســــــه ویشـم لـــــــــوریده
والوالده عرفت علـــــــــــي شیـــــــریــده
ابچفّینه یوفــــــــــي والنظرلعضــیــــــده
وعبّاس ابمهده کبـّر الله الله
الها لنصره ما يتعذ ّر الله الله
حب چفـّینه ویمسح عینه


بمچـــــــــان فرحة مولده صــــــار اونین
واشموعه طفّاها الدمــــــــع من احسیــن
وزینب تهزمهد الأخـــــــو ابدمـــــع العین
واتدیر گــــــــــامت بــالنظر للچـــفـّـــیــن

البیهن یحامي الخد ّر الله الله
والمهدي الهن یثــأ ئر الله الله
حب چفـّینه ویمسح عینه


مهدینـــــــــه باچرلــوظهر یاشیعــــــــــــه
وینشرفکرراعــــــي الفضل وایشیعـــــــــه
وارد اسأل الگـالوالعمّـــــــه انطیعـــــــــــه
وین العهد وین الــــــــوعد والبیعـــــــــــه

یا شیعه منهواتحضّر الله الله
وبایــــع گبل ما یظهر الله الله
حب چفـّینه ویمسح عینه

🌹🌹🌹🌹🌹🌹🌹🌹🌹🌹🌹🌹🌹
تمّت
الشاعر فالح العامري

قناة هلاهل الأشعار
قـنـاة افراح ال محمد في مدح النبي وآله الاطهار
✍️الشاعر فالح العامري
قصايد مـوالـيد بکل الاوزان ابو ذيه دارمي
لا اجيز حذف اسم الشاعر
https://t.me/falehalameri111