《كريم اهل البيت》
《فزاعيه》
~~
يالحسن ياشبل النبي
هذا المســـه اتعنيتك

▪︎▪︎▪︎
اتعنيتك ادموعـــــــــــــــي تهل
اهموم البگلبــــــــــــــــــي حمل
يالحسن اتمنـــــــــــــــــــه اصل
واگعد يوالــــــــــــــــــــي ابيتك


اعتاب الـــــي اهوايــــــــــه الك
تسمعنــــــــي انــــــــــــه اتاملك
ايشرفنـــــــــــــــي ابات ابمنزلك
انتــــــــــــــــــــه يعالي ابصيتك


انتـــــــــه كريم اهل العبـــــــــه
الكاصــد ابد متخيبــــــــــــــــه
اتسمعـــه اوتلبــــــي مطلبـــــــه
اسمـــــــــــــــــع طلبتي انخيتك


يـــــالحسن منك طلبتـــــــــــــي
بيدك تنشــــــف دمعتــــــــــــــي
تگضي يوالــــــــي حاجتـــــــــي
ابلوعة دليلــــــــــــــــــي اجیتك


والله المضيفـــــك لــــــــــو اصل
واحزامــــــــــــــــــــي ابابك احل
هذا الــــــــي اعظـــــــــــــم فظل
انتــــــــه الرجــــــــــــــــه خليتك


بالجـــــود صيتك معتلــــــــــــــي
هالجود خذتــــــــــه من علـــــــي
اتعنيت شخصك ياولـــــــــــــــــي
وابطلبتـــــــــــــــــــــــي اترجيتك


اترجيتك انـــــــــــــــــــه يالحسن
توگفلـــــــــــــــــــــي ابجور الزمن
اتنجينـــــــــــــــــي من هاي الفتن
يـــــــاسيدي نــــــــــــــــــــاجيتك


يالحسن انتــــــــه منيتــــــــــــــي
لودنـــــت منــــــــــــي ساعتـــــي
تحضرنــــــي انتــــــــــــه ابشدتي
من المهـــــــــــــــــــــد واليتــــــك

يالحسن يـــــــاشبل الطهـــــــــــر
لـــــــــــــــوخلص من عندي العمر
تحظرنـــــــــــــــــــي اريدك بالگبر
اويـــــــــــــــــــــوم الحشر تانيتك

▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعر فالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

تم نشر قصائد الإمام الحسن المجتبى عليه السلام وعلى المشرفين والمشرفات المحترمين متابعة القصائد وتصلحيها اذا يوجد فيها غلط املائي وعلى الرواديد المحترمين تلحين القصايد وشكرا

«حب الحسین»
«تجلیبه»
~~
یامن راید تعـــــــــرف المن     صـــايرحبـي
حب ّاحسین اليسري ابدمّي    اومالك گلبي
حط اذنك واسمع دگـّاته       للمـظلوم
یحچیلك حزنه وآها ته        للمظلوم

▪︎▪︎▪︎
اخذمنــّي الگلب یالراید اتشـوفـــــــه
یاحب الیحمله وعنده ســـــالوفــــــه
اومن یاهواخذ بالدنیه معـــروفـــــــه
اذاغیرالغریب ابکربلــــه عــــوفـــــــه

هذا الحب ايظل للمحشــــر    عاش ابد مّي
اومن عنده استلهم افكا ري     واخذ عزمـي
معروف ابنوحه وشوغاته    للمـظلوم
یحچیلك حزنـــــه وآهاته     للمظلوم


ابواليمـّه ابشراييني انكتب اسمــــــــه
واحسن بالعگل مغروسه هالچلمـــــــه
لئن دین الاله اتقدّس ابـــدمــــــــــــــه
فخریکسیني واتشرّف ابهل الخدمــــه

اتشرّف خادم خدّامـــــــــه     لویحسـبني
افدي بالدم هالحض بالطف    ماحالفنـــي
واسمــع من ناده ابصرخاته     للمظلوم
يحچیلك حزنه وآهاتــــــــه     للمـظلوم



لون حاضرچنت یــاسیـّــدي ویـّــــــــاك
لمـن ناديت مــامن نــــــاصراللبّـــــــــاك
ردت آنه ابزمانك بالدمــــــــه اتفــــــدّاك
عله اتراب الطفوف ابمهجتـــــي اتلگــّاك

گبل اضلوعك خیل العسکر    اترض اضلوعي
واسگي الچبدك یابوالیمّـــه    من ادموعـــــي
اوللطف اتحمّل جمراتــه     للمـظلــوم
يحچیلك حزنه وآهاتـــه      للمـظلوم



ياصوت العدالـــــه اوصرخـــة الأیمــان
یظل کل جیل طفـّــك يوقض الوجدان
اويظل گلب الیحبّك بالزمن ولهــــــــان
يبواليمّه الموالي الخدمتك عطشــــــان
الموت ابهذي الخدمه اتمنّه       یابو الیمّـــــه
واخذاجري منّ الـــــــزهره       ابهذي الخدمـه
يتفاخرظل ابخدماتــه      للمـظـوم
يحچیلك حزنه وآهاته      للمـظلـوم



دنيه وآخره سجّلنـــــــــه اصــحــــابك
هاي ارواح عدنـــــه ارخيصه جــدّامك
سجّلنه ابسجل ّالخدمــــــه خّدامـــــك
اوعله هاي الخدامـــــــه ثبّت احبـــابك
ثّبتنه اعله الحب والخدمـــه    یبن الزهره
با لمحشرحبّك ينجينـــــــــه    يوم الحسره
بالدم انطـــرّز رايـــاتــه       للمـظلــوم
يحچیلك حزنه وآها ته       للمـظلــوم



يخــي عونه اليموت ابخدمتك يحسين
اوعلـه حبــّـــــــــك يغمّض للمنيّه العين
ملائكــــــــــة السمه تهبط الـه امشيعين
وابوك ابيمنتـــــه ايــــــــوسد له الخدّين

وامّك تحضرلیل الوحشــــه     واتسلـّینه
امن اهوال البرزخ والمحشر      واتنجینه
بالجنـّه الأخلص نيّاته         للمـظلــوم
يحچیلك حزنه وآهاته       للمـظلــوم

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري
        👇
00989133683181
غير مبري الذمة كل م‌ـــِْن يتلاعب في القصيدة وتغيير اسم الشاعر
https://t.me/falehalameri

«حب الحسين عليه السلام»
«فايزي»
~~~
يحسين رحمه الواسعه   الواسعه النــــه
خــــــدام الك ياسيـدي   سيدي اقبلنـــه
▪︎▪︎▪︎

كل گلب اصبح مرتبط   مرتبط ويـــــــــاك
وارواح النــه من الازل   امن الازل تهــواك
يالوالي دنيــــه اواخره   اواخره بحمـــــاك
ماخاب يبن المرتضـــى   المرتضــى الوالاك

بالدنيه شفنــه خدمتك   خدمتك جنـــــه
خـــــــدام الك ياسيـدي   سيدي اقبلنــــه


يامن كسبت امن العلــي   امن العلي مجدك
ياناجـــي امة المصطفى   المصطفــى جدك
يحسين يابيت الوحـــي   الوحـــــــي مهدك
اوبالمهد جبريل افتخــر   افتخــــــرهـــــزك

يالحبك النـــــه بالمهد   بالمهد هزنـــــه
خــــدام الك ياسيـدي   سيدي اقبلنــــه


يحسين كل دگــــة گلب     گلب تسمعــــــها
ابحبك تردد يالصــــرت   يالصرت حبـــــــها
ارواح منــــــــذوره الك   الك نحسبــــــــــها
ابدفترك هالخدمـه لون   لــــــون تكتبــــــها

اعظم كرامه والشرف   والشرف نلنــه
خــــدام الك ياسيـدي   سيدي اقبلنــه


بيرغ رفعنـــــــه ابكربله   ابكربلـــــــه يحسين
هاذي الشعائــــر شاهده   شـــــــاهده كل حين
انجدد الك بيــــــها عهد   عهـــــــــد المضحين
ابدرب الشهــــــاده للابد   لـــــــــــلابد ماضين

يحسين منك تضحيــه   تضحيه اكسبنه
خــــــدام الك ياسيـدي   سيدي اقبلنــــه


اتوارثنــــــه من ابأ واجد   واجد هالخدمـــــــه
هاي العقيده الساميـــــــه   الساميه  ابدمـــــــه
الوالاك والحبك ذبــــــــح   ذبـــح ماهمــــــــــه
منك اخذ هالتضحيـــــــه   التضحيـــه اوعزمه

اتعلمنــه مثلك عالظلم   عالظلم ثرنـــــه
خــــــدام الك ياسيـدي   سيدي اقبلنــــه


يحسين تهتـف لـــــــلابد   لـــلابد باسمـــــــك
كعبتنه صارت كربلــــــــه   كربلـــــــــه اودمك
نقسم وحگ كسرالضلـــع   والضلـــــــــــع لمك
احنـــــه نحارب كل عصر   كل عصـــرخصمك

هيهـــــــات ابدا مانذل   مانذل صحنــــه
خــــــدام الك ياسيـدي   سيدي اقبلنــــه


يحسين اقبلنــــــــه خدم   خـــدم خــدامـــك
كل عام نحي بالبچــــــــي   بالبچــــــي ايامك
يامن يحيت ابكربلـــــــــه   ابكربلــــه اسلامك
ارواحنــــــــه فدوه الترب   التــــرب اجدامك

يحسين لومـا نهضتك   نهضتك ضعنـه
خــــدام الك ياسيـدي   سيدي اقبلنــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري


غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«رحمة الخدمه»
«تجليبه»
~~
ابدفتر خدمتك يحسين سجلنـــــــه
لعد اخرنفس عالخدمــــه ثبتنــــــــه
▪︎▪︎▪︎
يبــو السجاد منك هاذي طلبتنــــــــــه
علـــــــــه هالخدمه يابو العتره ثبتنــه
اوخلـــــــــي ابخدمتك تقوه عقيدتنـه
بيك ايمان عدنـــــــــــــــــه ماتخيبنــه


ياشبل الصيمده اللي نجـه ذالنّـــــــون
كريم انتـــه اونعرفك ماتخيب اضنون
اقبلنـــــــــه خدم يامن قبلت الجـــون
لتخلي هواها الدنيه يجرفنـــــــــــــــه


علينــــــــه اتحنن ابلطفك يوالينـــــــه
سفن هاي الخدامـــــــــــه خل تنجينـه
لوما رحمتك يحسين ذلينــــــــــــــــــه
نريد ابخدمتك هالعزه تشملنــــــــــــــه


شرف النـــه خدامتكم يبو اليمّــــــــــه
اوفاز ابدفترك من سجلت اسمــــــــــه
اوجبريل القبلنــــــه افتخر بالخدمــــه
يحسين الخدمتك الله خالقنــــــــــــــه


خالقنــــــــــه الجليل الخدمتك يحسين
علـه هاي الخدامــــه احنه فتحنه العين
شرف النــــــــه اوسعاده اوكرم بالدارين
لون خدام خدام الك تحسبنـــــــــــــــــه


يبو السجــــــــــــاد هاي الخدمـه نهواها
اونحب لاخر نفس نتعاهد اويـــــــــــاها
وابدم المناحر احنـــــــــــــــــــــه نفداها
ابجاه امك الزهره اوحيدر اقبلنــــــــــــه


اقبلنــــــــــه يبو اليمــــــــــــه الك خدام
اوخلينـــه ابخدمتك نگضــــــــي هالايام
دنيـــه اواخره النــــــــــه الخدامه اوسام
وابهاذه الوسام احنـــــــــــــــــــه تشرفنه


نمشــــــــــي اعليك اخوك الغالي العبّاس
ارزقنه الخدامــــــــــه البيـها رفعت راس
اوخلينه اعلـــــــــــه حبها تخمد الانفاس
وامك فاطمه بالگبر تحضرنــــــــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

قناة الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

#كلمات_الشاعر_فالح_العامري

#اداء_الرادود_الحسيني_الموفق
🎤🎤🎤🎤🎤🎤🎤🎤🎤🎤
#ملا_علي__الفرطوسي

«لبّيك ياداعي الله»
«احسيناوي»
~~
يبن الزچيّه بيك اعتقادي
يبن الزچيّه للمــوت انادي
لبّيك يبن الزهره لبّيك يبن الزهره
▪︎▪︎▪︎
انلبـّـــــــــي آه يحسين صرخـــــه بالأزمان
راسخه تبگـــــــــــــــــه ابداخل الـــوجدان
احنــــــــــــــــه نطلقـها اليــــوم عن ايمـان
خلــّـــــــــــــــــي العالم اوتسمـــــــع الآذان
احسين منعوفــــــــــــه خلـّـــــي اشماچان
الحب ابواليمـّـــــــــــــه التضحيـــه عنوان

نهوه المنيّه ابهاي الشعـــائر
نهوه المنيّه اتصيح الحناجر
لبّيك يبن الزهره لبّيك يبن الزهره


يامعلـّمنــــــــــــــــــــــه عيشت الأحـــــرار
للظلـــــــــــــم نـرفــض ابكل زمن ثــــــوّار
تظل قــائد نـــــــــــــــه احنــــه الك انصار
شيعـــــــــه وابدربــــك نرخص الأعمــــــار
كلنــــــــــه فدوه انروح يبن حامـــي الجار
اعلينـــــــــــــه لوترضه ماتمسنـــــــــه النار

حبّك هويّه بيها افتخرنــــه
حبّك هويّه صرخة نصرنــه
لبّيك يبن الزهره لبّيك يبن الزهره


احنـــــــــــــه من نهواك ليش لامونــــــــــه
الهـم انجــــــــــــــــاوب من يسألـونـــــــــه
انگــــــــــــول كلّ الناس الك مديونـــــــــه
كل اصــــــــــــول الدين ابعزها مصيونــــه
النبـــــــــــــــــي والقرآن بيك مضمونـــــــه
ابحبـّـــــــــــــك الأرواح هيـّـــــه مفتونـــه

لاموبديّه عالفطره اجاني
لاموبديّه صرخ وجدانــي
لبّيك يبن الزهره لبّيك يبن الزهره


هالشعائـــــــــــــــرهــاي ليــش نهــواهـــــا
لئن عزّتنــــــــــــــــــــــه الگينـــــــه ويّاهـا
العيشه بالذلــّــــــــــــــه شنهومعنـــــــــاها
موته اعلــــــــــــه دربك والله ردنـــــــــاها
كربلـــــــــــه كل يــــوم نحـــــــــي ذكراها
كعبــــــــــــــــــة الأحرار اشلون ننســــــاها

والغاضريّه كعبة هوانــــه
والغاضريّه تسري ابدمانه
لبّيك يبن الزهره لبّيك يبن الزهره


مـانعـــــــــــوف احسين لاوحگ د مـّـــــــه
نگضـــــــــــــــي للأعمار ابشرف هالخدمـه
انخدمــــــــــــه وصّتنــه فاطمه امّـــــــــــه
انصيـــــــــــــح يـازهراء احسين نلتزمـــــه
من المهد للمــــــــــــوت نلهج ابأسمــــــــــه
لجـــــــل حبّ احسيــن للدمه انقدمــــــــــه

انظل فاطميـّــه فكرتنه تبگـــه
انظل فاطميّـــه صرختنه تعله
لبّيك يبن الزهره لبّيك يبن الزهره


يــامن اتعــــــــــــــــادي احسين واشياعــه
عدّتك عدهــــــــــــــــــا گربته الساعــــــــه
ساعــــــــــــــة الموعـود دنت واتباعـــــــــه
هـــــــــاذه شبل احسين اويحمل اطباعــــه
عالظلــــــــــــــم ثــــــائر فازمن طاعـــــــــه
الجدّه يطلب ثـــــــــــــار الرضّواضلاعـــــــه

هاي الرزيّه فجّرت دمعــــه
هاي الرزيّه يصرخ انسمعه
لبّيك يبن الزهره لبّيك يبن الزهره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«استشهاد الأمام العسكري»
«فزاعيه حدي»
~~~
السامره خلي نعتنــــــــــــــــــــي
انواســـــــــــــي الزچيه فاطمـــه

▪︎▪︎▪︎
ســــــامره هاليلـــــــــــــه اظلمت
أنوار الحسن عنــــــــــــــها طفت
هيبتــــــــــــــــــهـا والعزه افگدت
فگدت شبل حامي الحمــــــــــــه
انواســـــــــــــي الزچيه فاطمـــه


شمس الولایــــــــــــه من اکسفت
سابع سمـــــــــه اعلیـــــــها بچت
ســـــــــــــامره عزیـــــات انصبت
حزنانـــــــــــــه وياها السمـــــــه
انواســـــــــــــي الزچيه فاطمـــه


چبد الحسن بالسم گضــــــــــــــه
لمصابــــــه مســـــــود الفضــــــه
للباري بآلامـــــه مضــــــــــــــــــه
للدين ركنـــــــــــــــه هدمــــــــــه
انواســـــــــــــي الزچيه فاطمـــه


بآلامــــــــــه هاليلــــــــــــه ارتحل
والنعش باهـــــــــــــــــــات انحمل
وابلحده أبــــــــــــــوالمهدي نـــزل
دنيانه عگبـــــــــــــــه مظلمـــــــه
انواســــــــــــــي الزچيه فاطمـــه


من بعده ظلت شيعتــــــــــــــــــه
اتعيش ابمصابـــــه اولوعتـــــــــه
ابدمــــع الماســـــــــي ندبتـــــــــه
نيران هجره مضرمـــــــــــــــــــــه
انواســـــــــــــــي الزچيه فاطمـــه


افراگ الولـــــــــــــي اعليها صعب
نيرانـــــــــــــــــــــــه تلهب بالگلب
وعلیـــــــــــــــه مدمعــــــها یصب
هاي المآتم قايمــــــــــــــــــــــــــه
انواســـــــــــــي الزچيه فاطمـــــه


خلـــــــــــــــــــــــــي نعزي المنتظر
دلالـــــــــــــــــــه هاليلـــــــه انفطر
منـــــــــــــــــه أخذ عــــــوده الدهر
مهدينه ناصب مآتمــــــــــــــــــــــه
انواســــــــــــــــي الزچيه فاطمـــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

مصاب العسكري»
«تجليبه»
~~~

تعنت بالمناحه فاطمــــة الزهره
من أرض المدينـــه لرض سامره

▪︎▪︎▪︎
اجت للعسكري تحظرالتوديعــــــــه
بديـــارالغريبـه اتحظرتشييعـــــــــه
گوموخل نعین الزهره یـــاشیعـــــه
خل اویاها نسچب هالمســه العبره


خل نجري دمعنه اويــاها عالمظلوم
بديارالغرب ويلـــــي سگوه اسمــوم
راح اویحمل ابگلبه چثیره اهمــــوم
اونارالسم یويلـــــی ابچبده مستعره


وصلت فاطمــه السامــــره بالاهـــات
متکسره ابصدرها الونــــه والحسرات
والخد الزچیه حفرت الدمعـــــــــــات
هذا امصاب انساها الضلــــــــع کسره


وصلت فاطمه تتعثــــرابهمــــــــــــها
من شـافت ابنها امصابـه المــــــــــها
والمهدي تسمعــه ينتحب يمــــــــــها
ياوسفــه تيتـــــــم من زغرعمـــــــره


الزهره حضنت المهدي تنـــوح اويـاه
امه بیدها اتنشــف دمــــــــــــع عیناه
اوتگله ثارنــــــــــــــه یولیدی لاتنساه
ثار الحسن یبنـــــــي اوثار أبو العتره


المهدي اوفاطمــه ونّوفرد ونـــــــــــه
وأملاك السمـــه اوياهم غدت حنــــه
يشيعه خلــــــــــي السامره نتعنــــــه
تشييع الحسن هذه المســـــه انحظره


خلي من دمـــــــــه تجري مدامعنـــه
مصـاب العسكري هاليله فاجعنـــــــه
من گبله يريت الســـم تجرعنــــــــــه
ولاشفنه الحسن يتـــوسد ابگبـــــــره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري


https://t.me/falehalameri

مسلم المطيري

تعنت بالمناحه فاطمه الزهره
من ارض، المدينه لرض سامره

كلمات الشاعر/فالح العامري