«زينب وايوم الأربعين»
«موشح»
~~~~~~
اجت زينب واليســــر ماذ يــــها
گـــــوم ياعباس شوف اشبيـــها

▪︎▪︎▪︎
اجت من الشـــام مكسورت گلب
اربعين انهــــــــــار مدمعها يصب
امنالبواچــــي بعد متوچد الدرب
لفت طفكـــم والهظـــم يحديـها


تلگـــــه ام الخدر عادت للطفوف
گـــوم ياعبـاس والحـالتها شوف
لــوگلت لاراس عندي اولاچفوف
بالزنود امگطعـــــــــــــــــه حيّها


گـوم يااباالفضل واتلگــــــــــــاها
واسمـــع اعتاب اختك اومبچاها
اتريد تحچي شافـّت امن اعداها
لگت نـــــايم بالحد واليـــــــــــها


هوّت يم گبرك تشم التربتـــــــــه
وابگلب مجمور گبرك حضنتـــــه
اتنادي يابوالوفه اوطيبه خوّتـــه
عگب عينك اختك اشحـل بيــها


اتگلـــه رحت اميسره من كربلــه
ويحدي ابظعني يخويه حرملـــه
اوسمع ابأذني صراخ العائلـــــــه
ابلامحامــــي اشبيدي انه اعليها


والله ياعباس اذانــــــــــي اليسر
ابمتني اتلگــــه سياط اهل الغدر
انـــــــــه زينب موچنت ام الخدر
اوگـــف ابديوان من يرضيــــــها


انــه المحشومه چنت ابديرتــــي
چنت انــه امخدره ابجال اخوتي
ريت بأرض الشام شفت الحالتـي
حالتــــــــــي حتی العده اتبچيها


بيدي اسّتـّريخويـــــه من الأنظار
اوگفونــي ابوسط ديوان الأشرار
ريت ميتـــــه اولاشفت ذاك النهار
اهل بيت المصطفــــــــــی سابيها


خويـــه هاي اعيالكم بيها ارجعت
من الطفوف البيها لشـــام اظعنت
بس رقيه ابديره غربــــــه ودّعت
من الأجل مااگدرانــــــــه احميها


حين شافت راس ابوها شبگتـــه
وابدمعـــــــها دم وريده غسلتـــه
انگطع منها النفس لمن حضنتـــه
بعد يامحنـــــــــــــه الك احچيها


يبوالغيره شفنــــــه انواع المحن
هالحرم لزيــــــــارتك للطف اجن
گـوم ياعباس ردنـــــــــــه للوطن
انريد لمّك نرجـــــــــــع انواسيها


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

لشاعر فالح العامري

كربله ويوم الأربعين»
«بحرالطويل»
~~~~~~
جينه يحسين بعد لوعة يسرنــه
اگعداوشوف علامات ابظهرنـــه
يبواليمه يخونــــــه عگب عينك ولونه

▪︎▪︎▪︎
ردينه يبوالسجــــــــــــاد لرض العبره ولوعـــــــه
كل واحد يبواليمـــــــــه عالخد يذرف ادموعـــه
اجتك هالحــرم يحسين من الشام مفجوعــــــه
گوم اتلگــــــــــه اطفالك منها اگلوب مگطوعـــه

جينه ابدموع نزور الغاظريـــــــــه
نشچي الهموم لخونه ابهالمسيـــــه
اهل كوفه اسلبونــه عگب عينك ولونه


اجينـــــــه الگبرك انزوره اونقبله اونشتم اترابـــه
بالچن من نشـــــم عطرك ننســـــه اليسروامصابه
من رحنـــــــــه لم جيناك ادمـــــــوع النظرسچابه
الگلب يحسين شيهـــوده من ايفارگ احبابــــــــه

طال الفراگ نفذمنـــه صبرنــــه
ريت وياك گضه بالطف عمرنــه
ولاعنك خذونــه عگب عينك ولونه


وصلنـــه الطفك ابياحال وحدتنـــــه تگع اوتگوم
اگعد خل نســــــــــولفلك اونعددلك هظم واهموم
من العاشـرابعاشــــــــــور واليوم اربعين اليــــــوم
يخونه ماگطعنه النـــــوح اولامرابجفنــــــــه النوم

ابديرت الشام اشد كل المصايب
ترضه يحسين يسمونـــه اجانب
جدنه انسب وابونه عگب عينك ولونه


عله گبرگ گعدنــــــه انوح اوراسك يبچــي ويانه
انشده اوخل يســــــولفلك شاهد هوه بلوانـــــــه
طـــــول الدرب چان الراس فــــــوگ الرمح يبرانه
الحالتنـــــــه دموعه اتسيل راسك حالــــــه بچانه

انشد الراس علــــــه حالت حرمكم
اشجرعت الام يبواليمـــــــه بعدكم
ابحقدهم يضربونه عگب عينك ولونه


اجينــــــــــــه نعتذر منـّك يبن الطاهـره الزهـــــره
عفنـــــــه ابلادفن جسمك عاري اومرمــي عالغبره
خذتنـــــــــه عنك العدوان ونتـــــــــه بالجره ادره
ايام اليســـــــــــــــــركلـها الحالك نسچب العبـــره

مثــل نحـرك تصب دم النواظـــر
عله گبرك تلگينه اويـــــــه جــابر
لأرض غربه سبونه عگب عينك ولونه


نطوف اعله الگبريحسين اوبينـــــه هاجت الذكره
من هاي الأرض رحنــــــه اوعفناكـم علـــــه الغبره
ذكرنـــــــــه من نحشمكم ابخيمنــــه النار مستعره
ذكرنـــــه صدرك المهشوم اوكل اضلوعه متكسره

اذكرنه من طاح علمنه اعله الشريعه
اويمه چفين عله الغبره گطيعـــــــــه
ابسهم عينه رمونه عگب عينك ولونه


▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

https://t.me/falehalameri

«رجوع من الشام»
«میمر»
~~~~~~~

زینب عادت الیـوم واطفا لك يمظلــوم
اتنادي بسمك اجت يمـــك
للطفوف

▪︎▪︎▪︎
ردت اوجابــت عيلتـك مــن الـشـام
تحچیلـك اعليها اشجــره ابهـالايـام
وشكـثـر حملـت با ليسر مــن آ لام
طول الـدرب تـرعه الحرم والايتـام

ما شافت أبد نوم جتي ابگلب مالـوم
اتنادي بسمك اجت يمك
للطفوف


اطفال ویاهـا وحرمکــــــم صـــانت
رد ت الگـبرك مـن بعـدما چـــــــانت
بالیســـر یــامـا من مصـایــب عانت
طول الیـســـــر زینـب ابدمتـوانـــت

نشرت الك مفهــوم ظل للبشرمرسوم
اتنادي بسمك اجت يمك
للطفوف


واليــــوم بــالطف جددت لــلاحـزان
واتصورت زينب افعـــــال العدوان
واتـذكـــــــرت نهب اوسلب والنيران
واتذكـرت من ند بتك يا لعطشـــــان

يبن امي يجيدوم لوحي للحرم گوم
اتنادي بسمك اجت يمك
للطفوف


اتذکرت نارالتـلتهـب بخیمـــــــــــها
وذکرت اطفال التنخه ابوها اوعمها
ذکرت نحوراخــوتهـا تنــــزف دمـها
اوذکرت اضلوع امهشمــــه لبن امها

صدرالداسته الگـوم حامل للنبي اعلوم
اتنادي بسمك اجت يمك
للطفوف


واتذکرت راعــــــــــي العلم والشُهره
من گصد للشــــاطــي وبگت تنتظره
ونـارالعطـش بچلاهـاچــــــانت کبره
وهاللیله خطــاراعتنت یـــم گبـــــره

یمه ظلت اتحوم اخلافه حملت اهموم
اتنادي بسمك اجت يمك
للطفوف


وتگوم من گبرالگبـــرتتعنــــــــــــــــه
ما ظل دمع عدهـا بعد بـس ونــــــــه
الکوفـه والشــــا م الگـلـب فتنــــــــه
والحیلها ایـام الیســـرهد منــــــــــــه

منها الگلب مَسگُـــوم هذااعلیها مقسـوم
اتنادي بسمك اجت يمك
للطفوف

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

https://t.me/falehalameri

«سبایه ال محمد»
«لطم بحراني»
~~~
انهض یمظلوم اجتي العایلـــه
ردت امن الشام تزور الکربلـــه
▪︎▪︎▪︎
للطف الأعیـال اجت امن الیســـر
نیــران نیــران گلبــــهــــا مستعر
اتلگـاها یحسین گــــوم امن الگبر
استقبل ضیوفك یبن عقدالــولـــه

یمعزب الضیـــــــف یعنوان الکـرم
افتـــــح مضیفك اجتك هالحـــرم
الراحت سبایــــه بعد حرگ الخیم
من مشت للیــوم دمعهـا هاملـــــه

بالهظــم والنــــــوح منعد ك مشت
والکوفه والشام یبوالیمـه اگصدت
رد ت ابیــاحـــــال یمـك من لـفـت
للطف بالأحزان اجت هالقا فلـــــه

زینب امن ابعید تنادي یخوتــــــي
الکربله ردیت اهل الد معتــــــــــي
جیت اشرح الکم مصایب دنیتـــي
لوع امتونــي ابسیاطه حرملــــــه

یـــــــم گبرالحسین ولیهـا من دنت
تلطم عله الراس من یمــه اوصلت
بثنبن ادیــــها لترابــــــــه احضنت
اوتراب گبــــــره اخـــوها اتقبلــــه

اتضمه الصدرها گبرك يالولــــــــي
اوتلثم اترابــه ياظنوة علــــــــــي
صرخة الأطفال يخوها تعتلـــــــي
کل وحده بد مــوع ولیهــه تسللـه

زینب تگلــــــــــــــه لگیتك باللحد
لرض المدينه يخويـــه اشلون ارد
مـااگــد رانــــــــــــــــه عنك ابتعد
وایطول الفراگ مگد ر احملــــــــه

زینب اویـه احسین طولت بالعتب
اوتشعـرالـدلال نیـــــــران التهــــب
وابلحده الحسین ویــّـــــاه انتحب
مایحمل احسین من تعتب الـــــــه

من یمــــه گامت ویلــــي ام الخدر
واسمعها یحسین تنا دیـــــه اعتذر
العبـاس اروحن وانشده اشینتظــر
بحبـال عنــه خذ ونـــــــــي امکبله

زینب ابیـــــاحـــــــــال تعنت للنهر
تعثر بالهموم محنـــــــي الها الظهر
اتنــادي یعبـــــا س یـــــابعد النظر
خویه ابوجود ك چنت امد للـــــــه

شیمتك ترضه یبوالغیره انولـــــــي
وانتـــه یخــویـــه مـــوکافل الــــي
ودوني للشام حرمه ابلا ولــــــــــي
اوخدري یعبا س انتـــــه الکافلــــه

یلي جبتنــي یخویـــــه امن الوطن
للهم عفتنـــــي یخویــــــه اوللمحن
واعیونك اشلون یبوالغیـــــره غفن
اوبلحدك اتنام یراعــــــي المرجلــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م‌ـــِْن يتلاعب في القصيدةاویغير اسم الش
https://t.me/falehalameri