«استشهاد القاسم ابن الحسن عليه السلام»
«تجليبه»
~~~
وگع جاسم عله الغبره اونزف دمه
گوم اتلاحگــــه للحومــــــه ياعمه

▪︎▪︎▪︎
يبوالسجاد بالحومــــه العده اتولوه
جسم ابن الحسن بسيوفهم گطعوه
من دم الجروح اومنحـــــــره حنوه
بنـــــــي سفيان عالقاسم غدت لمه


واحد چن اشوفــــــه يگطع ابنحره
اوواحد گــــام يطعن بالرمح صدره
اونيران الضمــــــــه ابدلاله مستعره
الله ايعينها عالنايبـــــــــه امّـــــــــه


امس عريس ابنها علگت اشموعـــه
مصباح العرس اوداجــه مگطوعـــه
منعدها الگلب والروح مفجوعـــــــه
من جابوابنـــــها دامي لخيمــــــــــه


رمله اتلگتـه واعليــــــــــه دمع تنثر
ضمت للصدرجسمـــــــــــــه المتوذر
اوونتـها الغريبــــــــــــه للصخرتفطر
وابنحره الدامــــــي الوالده اتشمــــه


عليــــه احنت ظهرها الوالده وتنوح
اندهش منهاالفكرمن شافته مذبوح
واتگلب اجروحــه والدمــع مسفوح
ذابت روحـــها اوطاحت عله جسمه


طاحت عالأرض يم الـــولد رملـــــه
ياجرح المضهده الــوالده اتســألــــه
عگب عينك ييمّــه العمرمايحلــــــه
اشوفن دنيتي ابعيني غدت ظلمـــه


ييمّـــــــه ماردت عمـــــري بعدعيناك
اظل طــــــول العمراتذكرك وانعـــاك
يوليدي يجـــاسم والله مااننســــــاك
اظل للموت ابنـــــــــــي الهج اباسمه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

https://t.me/falehalameri

كلمات الشاعر
#فالح__العامري

اداء الرادود
#نعيم__الكناني

«هجري»
~~~~~~`
الحومتك رايح يجاسم ليــــــــّه سالم ماترد
خل اودعنـّك ییمـّــــــه من گبل مــــــاتبتعـد
شبگته رملــــــه بدیــها و یلتهب نــــارالچبد
اتگلـّـــه یبني لوعفتنـي خلـّتك منهـــوالیسد

منهویبگه الکبرتــي
لورحت یا منیتـــي
تظل تجري دمعتي


یبنــــي غذ ّیتك وجودي وانتظرهاذا الربــــــه
من افگدت للحسن یبني اسنین آنه امعذبـــــه
بالد مع اگضــــــي نهاري اوللونین آنه اجذبــه
اوگلت من تکبر یجاسم اتزیل عنــــــي النایبه

گلت تجلي امصیبتي
ترد عنّي وحشتــــــي
موتزوّد لوعتـــــــــــي


یبني یا زهرة حیاتــــــي شلــّي بعدك بالحیات
اشموع عرسك لوطفوها تطفــــي لمّك امنیات
بعدك ابگه ابدمع عینـــي انشدآنــــــــه الأمّهات
یاهي ابنهاابصبح عرسـه یزفـّونــــــــــه للممات

یاهي تشبه حالتــــي
عرس صارامصیبتـي
چنت انطره ابدنیتي


چنت اتنطـّرالعـــــــرسك یبتهـــــــج مني الگلب
تالي عرسك صاریبنـــــي عیونـي مد معهایصب
والهـــــــلاهل الك صارت یلولد وید الحـــــــرب
وحنّتك من دمـــه المنحر وحوفتك نـــارالتشب

وبیها تلهب خیمتـي
احس تهرگ چبدتي
ریت تسمع صرختي


یبنــــي روح امودّع الله الحومتك یبن الحسن
الك مبروکـــــــه الشهاده تظل خــــــ.الد بالزمن
العمّك المظلــــــوم انصر الحاطتــــه اهل الفتن
اواظل بعدك للمصــــــایب آنــــــه وجرع للمحن

هاي یبني قسمتــــي
کون اظل ابغربتــــي
وارد وحدي الدیرتي


الدهر الـّمنــــــــي ابعودك اوبیك يولیـــــدي غدر
وآنـــــه یاجاسم اشبیدي هاي نکبــــــــات الدهر
امس چبد الحسن گطــّع الیـــــوم یگطعلك نحر
هالمحن صبّت علیـّــــــه اومنهادلالــــــــي انفطر

اعلیکم ابگه ابونّتي
لمن تد نه ساعتـــي
بالعذاب ارویحتــي

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

https://t.me/falehalameri

القاسم ورمله
الوزن هدري الجاي
~~~
آيبنــــــي يجسام مو انته جبتنــي
تدري امك وحيده بالغربه عفتنــــي
▪︎▪︎▪︎
يبنـــــــــــــي الك ربيت وسهرت اليالــــــي
الهاذه الربـــــــه ارجيت توفينـــــي يوالـــي
تعدل حملــــــــي لومال يوليدي يغالــــــــي
لاجن الف يــــــــاحيـف بالطف اهجرتنــي


هـــــــاك الگلب والـروح يبني اسمع عتبهن
يبنـــــــــــي اليوم وياك للحومــــه اخذهن
امصــاب الحسن والنوب انتــــــــ.ـه چملتهن
گبل اليــــــــــــوم ياريت يولدي ادفنتنــــي


اوداعك سگـــــــم للروح والحيلي يهدمـــــه
يبنــــــــــــي عني لتروح ارحمني ييمـــــــه
تدري صعب الفـــــــــراگ الحالي ارحمــــــه
احلفك انـــــــــــــه برباك وارباك الضهدنــــي


الطف جانــــــــــي امنين ياخذ ثمر تعبـــــي
ريته گبل هاليـــــــــــــوم يگضي يبني نحبي
ولاشــــــــوفن هالـــوداع ابد ماچان حسبـــي
اوداع ابغربه وضيـــــــاع ماحسبته يبنــــــــي


ياجاسم يمحبـــــــــــــوب مااحمل مصــــابك
يروحـــــــي تحمل اشلون يمدلل غيـــــــــابك
ابگلبــــــــــــي تشب نيران عمك حين جـــابك
نحرك ينزف ادمـــــــــــوم يايمــــه افجعتنـي


اصيحن هذا جســـــــــــام مذبوح وصدمنـــي
منه امهشمــــــــــــــه الهام هالمنظر شدهنــــي
نحره امحني الجفــــــــوف هذا زاد حزنـــــــــي
بإلامي شبگتـــــــــــــــــــه والوعـــه اشبگتنـي


يبنــــــــــــــــي راح اعوفك عالغبره رميـــــــــه
ترضه انتــــــــــــــه يجسام امشي انه سبيـــــه
يبنـــــــــــــــي الديرة الشام تحديني اميـــــــه
بس يوليدي ماگــــــــــــــول تقصيرك عفتنـــــــي

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري
قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابوذيات🔹نــــــــعـــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر
لاتنسون الاشتراك
يسعدنا انضمامكم
https://t.me/falehalameri

زينب والكفيل
(نصاري)
~~~~~~

زينب گامت اتحشم ولـــیـــهـا
حين الهجمت الـعسـکر عـليها

▪︎▪︎▪︎
یاعباس گصــدت زينب اتــصيـح
الحرایرکم الحــگوا یل المـذابيـح
احشمنك وبس اسمع صدى الريح
یخوتي اعيالكم مـمتـحنـه بـيـهـا


شاطي العلگمي ابنوحي اعتنيتـه
مـــنــدل الـــدرب لاچــن مشيـتـه
علی اثــار اجـــدامـــك لـگــیــتــه
اجـيـتك اختك اواسمع حـچـیــها


اجيت ابلوعتــي الشاطي وصــلته
مـــــــن ابـعـيـد عــالــوالي نشــدته
يـخويــــه اشـلون حالك من نظرته
اجـــدامـــــي بعد ماتعرف مشــيها


يخويه اسمعت صوتي حشمت بيك
تـــعــنــيــت الـنـهر بدموعي اناديك
يــبــو الـغـيـره الـحرم ظلت تتانيك
خــويــه گــربت ســـاعة ســبــيـهــا


علی شاطـــــي النهر مريت اشوفك
عمت عينــــــي ولاشوفن اچفوفك
ولا شفت السهم امطفــــــي شوفك
يــخــويــه كـربله اشلون اجيهـــــه


اروح اشلون خويـــــــه اوما ادفنك
صدگ اگطع رجـــــــه والامل مـنك
شـگل للـناس من تنشدنــــــي عنك
شـگـلـهـم فـاجـده زينب ولـيــــــها


حاطـتـنـي يخــويـه ناس الأشــرار
بـعـدك بالخـيــــم مـتـوجـره الــنـار
صـحـت ابصوت وينــه علي الـكرار
اعـیـالـــه امـحـيـره ريـتـه يـجـيـهـا

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

غیر مبري الذمه کل من یتلاعب في القصیده او یغیر اسم الشاعر

https://t.me/falehalameri

«رمله والقاسم»
«فائزي»
~~~~~
جسّام ياشبل الحسن ياضوه اعيوني
للمـــوت عازم يالـولد خابت اضنوني

▪︎▪︎▪︎
منهو بعد لمك بگــــه يبني يغالـــــــي
يوليدي بديــارالغرب ارحم الحالـــــي
ماحسبتها كربلـــــــه تاخذ دلالــــــــي
يولدي ترضه هالعده من يضربونــــي


اشموعك ييمّه بالخيم طفاها دمعـــي
بعد الهــــلاهل والفرح انحب اوأنعــي
نيران هجـــرك بالگلب چوت الضلعـي
اشلون لوساعــــه بعد ابنعشك لفوني


وشلون اصبرعالجــره بالطف يجاسم
راسك اشـوفه عالرمح والجسـم نايم
متخضب ابدم النحـر ويــــه الهواشم
والعده تحرگ خيمتـي ويلوعونـــــــي


وياك اخذنـــــي للحرب جاسم ييمّـــه
مابيه حيل ابگـه انتظر دلالي الزمـــــه
منهو يودينـــــــــي الك نحرك اشمــــه
من دفن جسمك يالولد هم يحرمونـــي


امشي واعوفك عالثره امغسل ابــدمك
والروح تبگه ابكربلــــه والگلب يمــــك
يــــوم اربعينك من ارد اندب اباسمــك
اندب يجاسم يــــالولد بعدك سبونــــي


چم ليله يبني اتغربت عنك يوالــــــي
يولدي ذنـي من العمر اصعب ليالـــــي
بالنوح ابگـــــه للصبح وانتـــه ابخيالي
امصابك ابدا ماينســه عنك خذونـــــي

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«دمع اوشمع»
«هجري»
~~~~
يبني من كثرالدمع الك طفيت الشمـع
گلب امـــــك منفج يوليدي

▪︎▪︎▪︎
امنين ابديلك عتابــــي اهـواي يـــاشبل الحسن
واحد من الثاني اعظم امصايب الحيلي اهدمن
اسنين وايام وليالـــــي صارعت آنـــــــــه الزمن
يوم عرسك يبني اتانـي تلبس ابعـــــــرسك چفن

بعد ساعه تنصــــرع النحرمنك ينگطع
وآنـه چبدي ينصدع يوليدي


هم شفت بالدنيه وحده اتـــــــــزف ابنها للذبح
هاي بس رمله الغريبــــه راس ابنــــــها عالرمح
حنتـــــــه من دم وريده علــــــه الغبره منطرح
يالشفت مصبــاح عرسك آه من هاذه الصبـــــح

صوت حزني مرتفـع نوح زينب استمـع
اعليك ياحلوالطبــع يوليدي


امس يــوليدي فرحتك وآنــــــــه اعجن حنتك
ليش مادامت ييمــــــه الگلب امك فـــــرحتك
ليش شمعاتك طفــوها والمنيــــــــــــــه نادتك
الحومه بمچانــي تهلهل هيــــــــــه يبني اتلگتك

نورك البيها يشـــــــع انتـــه من حيدر فرع
ماتذل عندك طبـــــع يوليدي


يبنـــــــي آنه من اگولن امبارك اعليك العرس
عرسك البالطف ييمــــه ينطــــــي للعالم درس
ياشباب ابيــــوم عرسـه ايقدم العمـــه النفس
كل شباب اللي يضحـــي يبنــــــي منك يقتبس

البسـت دلالـــــك درع ياشهم انتــــــه اوسبع
تظل للعالم نبـــــــــــع يوليدي


انتــــــه من بيت الكرم يسري بالدم جـــودك
اليـــوم خللي الغاضريه هيه تحجــي ابزودك
گـــــوم ياشبل الصميده ياضخرمن عـــــودك
والعرس مووكته يبنـــي اوصل الموگصــــودك

حامـــــي عمك ياورع اليوم انصــــــرللشرع
گوم شتت هالجمـــــع يوليدي


لوعفتنـــي اعليك معتب انتـه لحسين انصرت
انتـــــــه عازم عالشهاده روح ياجاســـم فزت
بلغ الزهره سلامـــــــــي دمك الهاآنـــه انذرت
اعتب اعله الدهريبنــــي فرح منــــــه ماشفت

وحگ مكسوره الضلع اوخدها ذاك المنصفـع
آنه نهجك اتبـــــــــــع يوليدي

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«راح التعب»
«ميمر»
~~~~
يبني يا جسّام يبنــي هالنايبه امنين اجتني
اسنين اتاني الفرحته عرسك اضل ابحسرته

▪︎▪︎▪︎
يالعفت عرسك واگصدت للحومـــــه
ما حسّبت امـّـك تظل ما لـومــــــــه
من فرح ابني يلــولد محرومــــــــــه
يبني چنت احسب العرسك يومـــــه

ماحسّبت هاذه الشمـع بالطف اطفـّي بالدمع
رمله الغريبه هلـّتــــــه عرسك اضل ابحسرته



چن اعزمت للموت را يح يبنــــــــــي
بعدك يجاسم من يبـاري الظعنـــــــــي
والديرتي منهو ييمّــــه ايردنــــــــــــي
دولبني يمـّــــــــه هالدهر دولبنــــــــي

من راح ابوك الهل وكت بسّ الدمـــع منّي يكت
يتمك جرعته اولوعتـــه عرسك اضل ابحسرتـه



رمله تنادي يالــــولد تانينـــــــــــــــــي
خلــّي اودعك بالهظم خلـّينــــــــــــــي
ويّاك اودّع كل تعبها اسنينــــــــــــــــي
موهيـّن افرا گك تـــره ياذينـــــــــــــي

هذا آخر اوداعــي الك هم ترد ليــّــــه اتأمّلك
ابدلالي تلهب جمرتــــه عرسك اضل ابحسرتـه



ودّعها وامــّه اتودّعـــــــــــه بـالآ هــات
جاسم اورملــــــه يجذ بــون الحسرات
واتفارگــــو بالنايبــــــــــــــــه واللوعات
عين الأبن وامـّــــــــــه تصبّ الدمعــات

جاسّم تعنـّــــه للحرب يذبحونه بديار الغرب
ابحرگته امّـه ندبتــــه عرسك اضل ابحسرته



عني اغيابك يالولد مو وكتـــــــــــــــــه
واتضيــــــــّع احسابي البيك احسبتــــه
هاذه الشمع المن ييمّه اعلگتــــــــــــــــه
ابهاالروحه يـاجسّـام حيلـي اهدمتــــــه

عمري اشيفيد ابلا ولد هالدنيـــــه ماريدن بعد
كل شاب اشوفن زفـّته عرسك اضل ابحسرتـه



رملـــــــــــــــــه بگت تتنطـّره يلفيــــــها
سالم يرد منّ الحــــــــــــــــرب واليــــها
جاسم ابنها ايصير خيمـــــــــــــه اعليها
لن عمّتـه بالنايبـــــــــــــــه اتناديــــــــها

يارمله ابنچ هالرجـــع بي گلبچ اوگلبي انفجع
ويّـاها صاحت عمّتــــه عرسك اضل ابحسرتـه


شافت العمـّه جسمه دامـــــــــي ايحمله
من شافه مدهوشــــــــــــــه گامت رمله
اتگلـّه ييمّه بيك أنـــــــه متأملـــــــــــــه
ياجاسم الجسمــــــــي ابلحده اتنزلــــــه

هذه الآمل چنت احسبه ماحسّبت هالنــايبــــــه
نحرك اشوفن گطعتــــــه عرسك اضل ابحسرتـه

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri