علي الهادي ع
تجليبه
~~~
عود العسكري الليله گضه نحبـــه
جبده گدعوها ابديرة الغربـــــــــه
▪︎▪︎▪︎
گضه نحبــــــه ابن الطاهره الزهره
وابجبده نـــــــار السم غدت جمره
يريت اليوم امــــه فاطمه اتحظره
على امصابه دمعها الوالده اتصبــه


وين اليـــوم عن سامره ام احسين
تجــــي ابهمه لبنها اتشاهده بالعين
يم راسه تنوح اويعتلي الهه اونين
تشوفه اوحيد ينازع للأجل صعبـه


بعد اسنين خلص بـــالسجن عمــره
جارع جور عدوانـــــه اشكبر صبره
سگوهه اسموم ويلــي عاشر العتره
لايمه عشيره ابغرب لاصحبــــــــــه


وحيد ابغربتــــــه اوماواحد ايعينه
على صوب المدينه شابحه عينــــه
علي الهادي اويلــي خلصت اسنينه
هالمظلوم يشكـــي هظمـــــــه الربه


راح اليوم وابصدره جثيــره اهموم
اوبعد موته واليوم البقـــــه مظلوم
ماراعو حرمتــــــــــه گبره المهدوم
اله فجرو ضريحـــــه واهدمو الگبه


اهل الجور يادين اليطلبـــونــــــــه
بعد سمه ردو للگبر عنوه يهدمونـه
اوماخلو الــــــه احبابه يزورونـــه
وعليهم خلو ضــــاگت الرحبــــــــه


جنه ایگول وين الشيعه اگصدوني
بأرض غربه ابنين اونوح زورونــي
على المحنه اعيشن بيهه واسونــي
گبري ابعيد اعيونـــــــي الكم التربه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري
قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

لليلة الوحشه
نعي مجاريد
~~~
خالي امجانه شبل الرضا المظلوم
داره موحشـــــه اومظلمه هاليوم
▪︎▪︎▪︎
الليلـــــــه الهادي تحت الثره وسدوه
والشيعه ابمناحـــــــه اوهظم ودعوه
واليوم القيامــــــــــــــــــه بعد يلگوه


اويلــــــــــي العسكري من رجع للدار
لگاها مظلمــــــــــــه اومطفيه الأنوار
عليـــــــه هاجت مصايب كلش اكثار


رجــــــــع من الدفن بتعثر ابهمـــــــه
مــــايگدر بعد ينگل الجدمــــــــــــــه
صعبــــــــه عاف عوده الگبر ضمـــــه


تذكر محنت الهادي اوسجنــــــــــــه
گعد بمجانـــــــه اويجذب الونـــــــه
يسال كل شبر بالدار عنــــــــــــــــــه


يگلهـــــــه وين عنــــــج غاب عودي
علـــــــي البــي اشم ريحة الجدودي
يصيح اصوت ياايامـــــــــــــه عودي


گعد الحسن يبجــــــي الدمع من دم
بديـــــــــار الغرب هـــــــــــــوه تيتم
عله گلبــــــــــه حمل شكبان من هم


الليلــــــــه موحشه بعيونــــه الأديار
يوصـــــــي ابنـــــه الجده ياخذ الثار
اوبديــــــار العده يشعلــــها النـــــــار


اوياخذ ثار يـــــــــوم الغاظريـــــــــه
ثـــــار احسين والعبــــــاس اخيـــــه
اوياخذ ثـــــــارها الراحت سبيـــــــه


اوياخذ ثار يـــــــوم الضلـــــع والباب
اوثار المحسن الواگـــــــــــع عالعتاب
وعبد الله الذي فاطمـــــــــــه النشاب
🔳🔳🔳🔳🔳🔳🔳🔳

تـــمـت بــ✍️الشاعر فالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

انين المهدي
(موشح)
~~~~
ايساعد الله گلب مهدي فـاطـمه
عله عوده يذرف المدمع دمــــــه

▪︎▪︎▪︎
بعده خمس اسنين عمره بالحيات
اشكثر اشاف ابدنيتـه من نايبات
راح عمـــره ايـخلصه بالتضحيات
لاابو عنده ولاعـنده حــمــــــــــــه


گلي چم محنه اوهظم گلبه حمل
والحسن هذا المســــه عـنه رحـل
راح يبگه اعليـــه يون حد الأجـل
اوتظل هاي احزان مهدي دايمــــه


ابصبره راح ايــــواري عوده بالثره
اوتبگه نار الفرگـــــــه بـيه اموجره
المهدي ظل اوحيد محد ينصــــره
علت ونته اليوم لعنان السمــــــــه


اليوم غسل جسم عوده اوجفنــــه
اوشيعه ابهيبه والشيعـــــه اتعاونه
ذكر جده احسين محد يـدفنــــــــه
جثته ظلت عالوطيه امخذمــــــــه


ذكر عـمه دامــــــي ظل اعله الـنهـر
امگطعین اچفــــــوف منعنده الگمر
من الضمـــــــه والحرب دلاله انفطر
اوعينه شـابحبگه بـگـــــــه للمخيمه


يدفن الـعوده اوتـذكر عـمتـــــــــــه
يــــــوم طاح احسين عالتل ندبتـــه
اوراسه فوگ الرمح دامـــــي شافته
ابلوعه وابدمع اخـيته اتكلمــــــــــــه


گومو خلـــــــي اليوم احنه انساعده
المهدي لنـخلـــــــــــي ابـغربه وحـده
احنه شيعــــــــــه اله ابدمنه انعاهده
واجب اعليه المهدي نـخدمـــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري
قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابوذيات🔹نــــــــعـــني🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر
لاتنسون الاشتراك
يسعدنا انضمامكم للقناة
https://t.me/falehalameri

«ساقي عطاشا كربلاء»
«چلمه اونص مقطع»
~~
يــــــرواي جيب الماي عطشانه هاي اطفالك
▪︎▪︎▪︎
يعبّــــــاس ينبــــراس انتـــــــــه يراعي الغيره
الحرم هاي يرجــــواي طاحت يخويـه ابحيره
فخـــربيك تحيــــــــك انتــــــــه يحامي الديره
بالطفــوف تره الخوف سيطرعليــــــــها اعيالك


يمغــــــوار يكـــــــــرّار حامل الرايــــــــة حيدره
الآمل بيـك احيــــــــك ليزيد حطم عسكــــــــره
علي اوياك والخـــــلاك لحسين انتــــــــه ناصره
والأطفـــال والعيـــــال كلــــــــها تلوذ ابجـــــالك


يضرغــام للأيـــــــام احسين اخــــــي ضاخرك
هاك الجود يبوالجــود النهرمايـــــــــــــه ينطرك
علـــه النار والخطـــار جرد يخويــــــــه صارمك
المجــرمين تفــــروين ماتگف هيــــــــــه اگبالك


عيد احنين وي صفين ياشبل فــــــارس خيبره
عله الروس خلي ايدوس مهـرك يسبـــــع الگنطره
يمهيـــــوب بـــالحروب تيــــــــــه عليهم مصدره
بالأشــــرار شب النــــار خللـــــــي تشوف اهوالك


يطالـــــوت خلي الموت العده اليـــوم اتشوفـــه
بالطفـــوف غيـرالسيف ماينفـــــــع اهل الكوفه
اخذثــــــار يــــوم الدار ثارالضلع لتعوفـــــــــــه
صطرالعين لــم احسين ادريبــــــــــه شاده بالك


اليوم اليوم ويــه الگوم ياخويــه صفي احسابك
يعبّــــــــاس هاي الناس عالزهره حرگـــــــوبابك
اليــوم اتعيد هيـه اتريد تحرگ عليــــــه اطنابك
گلي اشلون يتحــــدون يـــابطل من يدنـــــــالك


بس ياحيف مثل الطيف عمرك يمراعلينـــــــــــه
لوغـــدروك لـــــوذبحوك منهوبعــد يحمينــــــــه
لنكبـــــات والشمـــــــات عبّــــــــاس لتخلينـــــه
جينه اوياك يالبحمــــاك الموت ردنــــــــه ابدالك

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

https://t.me/falehalameri

«قمرالعشیره»
«هجري»
~
والله یـــا بد رالهـواشــــم من طحت فـوگ النهر
هدّ مت لحسین حیلـــــــه واکسرت منــّـه الظهر
حیله طاح اعله الشریعـــه من خسف بیــها الگمر
اینـادي یــاعبّاس خویـــــه انفگد من عندي النظر

یا گمربأرض الطفــــــوف
اشلون غطــّاك الخسوف
ابگلبي جرحك من يروف
یاعبّاس یاعبّاس


وصل یمّك ابــواليمّـــــــــه والدمــــــع من دم يهل
انحنه اعله الشاطي اشوفه ايقبّل اچفــوف الفضل
یلطـم اعلــه الراس بیــــها احسین ابن سیدالرسل
ریت سهم الصـــاب عینك العيني يا خـويه يصل

ريت عيني لا تشــــو ف
رايتك ويــّـه الچفـــــوف
ونا یـــم ابحجرالحتـوف
یاعبّاس یاعبّاس


یبن ابویـــه اشلـون نـایـم عالارض وآنـــه فـرید
یعبّاس استوحد ونـــــــــي گــوم لیـّـــه یاعضید
والمثـل هـــــــاذي یخــویه وگفتك آنـــــــه ا ريد
ما اظن شيمتك ترضـــــــه يعبّاس ابگــــه وحید

گوم یاعبّاس شـــــــــوف
اعلیّه مجموعــه الـــــوف
الذبحي مسلولـه السیوف
یاعبّاس یاعبّاس


ایگلـّه یحسین اشبدیـّـــــه خویـه حلـّت ساعتي
واظن تعذ رنــــــي اعرفك من تشوف الحالتـــي
بالعمود انهشم راســـــــــي وطاح سيفي ورايتـي
عوفنـــي وبلـّغ سلامــــــي يبواليمّـه العيلتــــــي

اشلون جسمك آنــه اعوف
والعده زحفت زحـــــــوف
اتريد راسك بـــــي تطوف
یاعبّاس یاعبّاس


يبــوفـــاضل آنـــــه مگدر ارد وحدي للحــــــــرم
اعلیك تنشدنــــي العقیلـه واگـفـــــه ابّاب الخیم
تنتظر جیتك يخــويــــــه بگت بالحرگــــــه والم
ما ترید المـــــــاي سکنـــه تروه لوعمـــــــها سلم

اعلیك ماخذهم الخـــــوف
گـــــــــوم یالگلبك رئـــوف
طيب صا نــــع وامعرو ف
یاعبّاس یاعبّاس


للخیــم رد ابوالیمـّــــــــه وعافه فوگ المشرعــه
صاح صوت انکسرظهري الحرم کلــها تسمعــــــه
روّه ارض الغـــاضریـّــــه ابوالیمّـه ابمد معــــــــه
اتلگـّتـــه زینب تگلـّــــــه وین اخویـــه ومصرعه

گلها واللون امخطـــوف
عفته ما بین الصفـــوف
بالعمد راسـه امخسـوف
یاعبّاس یاعبّاس

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

قصيده للعباس ع مع الوالده
الوزن ثلاث ترباع الشيعتي
~~~~
سامحيني يمه موتچ ماحظرتـــه
سامحيني ابگبري اعتابچ سمعته
سامحيني سامحيني
▪︎▪︎▪︎
يمه حال الموت مابينچ وبينــــــــي
انه بالطف والسهم صوبب العينـــي
يمــــــــه اقدم اعتذاري اقبلينــــــي
مرمي فوگ الشاطي ريتچ تنظریني

اعذريني بيدي نعشچ ماحملته
اعذريني اعليچ دمعي مانثرته
اعذريني اعذريني


يمــــــــه عندچ خبر من گطعو ادیه
خبر عندچ زينب الراحت سبيـــــــه
من مشت يمه الظعن مرو عليـــــــه
منظر اعليـــــــــه اشد من المنيــــه

عاتبوني والعتب لمن سمعتــــــه
عاتبوني كل طفل يمه ابدمعته
الموني الموني


يمه انـــــــــــــه بالحد واسمع ونينچ
اجفوف ماعندي اغمض بيــــه عينچ
راســي بالشامات ظل اشلون اجيلچ
یمي يم الوفه وفيت انـــــــــه دينچ

حشموني الحرم والجودي حملته
حشموني والعمر الهم نذرتـــــــــه
تعرفيني تعرفيني


يمه انــــــــه اوياچ نتلاگـــــه سويـــه
اوگرعينچ انــــــــــه چدام الزچیــــــه
الچ اوفيت الربه بالغاضريـــــــــــــــــه
بس تظل ناري عله امصابچ سريـــــــه

من ولوني عالنهر اسمك ذكرتــــه
من ولوني الماي ابد ماشربتــــــه
اگبال عیني اكبال عيني


يمه انـــــــــــــه ماحظرتچ علم عندچ
انذرت دمي لبو اليمـــــــــه دون دمچ
انطیت یحبیبـــه جفوفي دون خدرچ
خدر زينب استلمته يمــــــــــــــه منچ

ضخرتني للخدر وانه حفضتــــه
ضخرتني من العده يمه حرسته
انصرت ديني انصرت ديني


يمه الله اوياچ يالــــي ارضعت طيبچ
محظرت يم الوفـــــــه بالأجل يوميچ
ریت انزل بالحد وانظر الطـــــــــــولچ
اوکل صباح الجمعه يحببلــــــه ازورچ

تسمعني دمعي لو يمچ سچبته
تسمعني يمه اسمچ لوندبتــــــه
اتجاوبني اتجاوبيني

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م‌ـــِْن يتلاعب
https://t.me/falehalameri