«بيع الإولاد من اجل خدمة الحسين»
«تجليبه»
~~~~~~
عله مرالسنين احسين اخدمنه
والاخر نفس هيهات اعوفنـــــه
▪︎▪︎▪︎
لفت هاي السنـــه وانا ضعيف الحال
بيش اخدم احسين اوفاجد الاموال
اسالت انـــــــه زوجتي اباخر الٱمال
تگلي ابنــــــــــــي العدنه خل ابيعنه


خذت ابني ابيعــــــه والگلب مسرور
ولاابگـــــــــه اعيش ابخاطرالمكسور
سمعت امه تكلـــــــــي بالعمل ماجور
ابنـــــــــــــــــــي فدوه للزهره اجعلنه


گلت لبنـي يبويـــــــــــــه راح ابيعنك
اوبعد هيهـــــات يوليدي اشـــــوفنك
يبويــــــــــه اصبرعله اليجره اريدنك
دمعت عينـــــــــه اولدي اشوفنـــــــه


سالته ليش يبنـــي تبچي من الخوف
يگله لايبويه ابچـــي اصنعت معروف
واصيرن فدوه انــــــه اليوم الطفوف
يبويه جون هاي الساعـــــــــه اذكرنه


بعت ابنـــــــي اوجيت الموكب الزوار
واحس انه ابسعاده اخدم لبو الاحرار
لان خدمة احسين التنجــــي من النار
اوفخريوم الحشرهاذه اكسبنــــــــــــه


ساعــــــــه اولن تشوف ام الولد خيال
جابلهـــــــــا ابنها والدمــــــــــــع همال
ابهل القصه الحقيقــه اتسولف الاجيال
اوضلت تفتخر بيها طوايفنــــــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري


🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«فاطمه المفجوعه»
«عگیلی»
~~~~~
انواسیها الزهـره انواسیهــا
بمصاب احسین انعزّیهـــــــا

▪︎▪︎▪︎
خنواســــي الزهره المفجوعــه
ابذبح احسین اوهشم اضلوعه
وینه الیوم التجري ادموعــــــه
اویه الزهره ادموعــه الیجریها


امّ احسین الگبعت بــــــــــالهم
اوتجري اللیلـــه المدمع من دم
عالجسمه البـــــــــالطف اتخذّم
وابخیل اضلوعـــــه امهشمیهـا


تحمل چم امصاب الزهــــــــره
محسن فوگ العتبــه اتنظــــره
اوضامي احسین الحزّو نحــره
هاذه المنظرظـــل یــــــــــاذیها


واسوهاالامکم یـــــاشیعـــــــــه
ابچتل احسین اوچتل ارضیعـه
وبچفوف اعله الشاطي اگطیعه
طـاحت وي رایــة والیهــــــــــا


خنعزّیهــــــاابــــــــــدمّ الاکــــبر
گعدت یمــّــــه اتشـــمّ المنـــحر
اوجمعت جسمــه الچان امطشّر
هاذه المصــــــــــرع عزاعلیهــــا


انعزّیها ابجسّــــــام اویومـــــــه
الحنّوچفّه ابفیض ادمومـــــــــه
اوچفـّـن جسمه ذاري الحومــــه
اوجثته اعلـــــه الغبره امسلبیها


انعزّیــــهاابزینب یــسروهـــــــــا
اوعالنوگ الهـــزّل مشّــــــــوهــا
اوبسیاط اعداها ایضـــــربوهـــا
اولدیا رالغربــــــــــه امــودّیهــــا


گلب الزهره امن الهــــــــم شیّب
تلطــم عالمظلــــــــــوم اوتنحب
کل مـــــــــــأتم لحسین الینصب
تحظربي هیــــــّــــــــه اومهدیها

▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«الراس المقدّس»
«موشّح»
~~
جسم ابوالسّجا د طاح ابکربلـــــه
اوراسه فوگ الرمح يبره العايلـــه

▪︎▪︎▪︎
جسمه ظل متوذّرابأرض الطفـــوف
ما بگه واحد لعد جرحــــــــه يروف
راسه فـــوگ الرمح لعيالـــه يشوف
باليسريحديها سوطه حرملــــــــــه


راح ويـّــــــــه الحرم راس المنذبـح
عـاف جسمــــــه عـالوطيّه منطـرح
الراس يبره للأطفـال اعله الرمــــح
والجسم بالطف بگه محّد الــــــــــه


فوگ راس الرمــــــــح بالزان ايعدي
يــــــــرتـّل القــــــــرآن راد اليهتــدي
ايعــرّف المظلــــــــــوم منّ المعتدي
هاذه جبريل ابمهد لـــولالــــــــــــــه


زينب اتبــــــــاري الضعنهـم والعليل
اتگلـّــــــه ياراس الأخوماظلّي حيل
والطريــــــــج ابعيد والمحمل ثجيل
وحدي عفتونـــــــي اسيرابهالفلـــــه


ساربالأهــــــــــات هـــالرکب الحزين
اوزينب التحديله باللوعــــــه اوانين
اوراس ابوالسّجاد جاوبــــها ابحنين
اوياچ لرض الشّام ابرّه القافلـــــــــه


واشلگت بالکوفـــــه زينب من لفت
للشّماته اهل کــوفـــــــــان اوگـفـت
بت علـــي ابأيمــــان ابوهااتسلّحت
نهج ابوالسّجاداخوها اتواصلــــــــه


النوب راس احسين للشام اعتنـــــه
ايشوف زينب بالحرم متدوهنـــــــه
اوحرگت الکوفه ابگلبها ساکنــــــــه
فاجده الوليان اهل المرجلــــــــــــه


فــــــاجده الأخوه اوعليهـم تنتحب
راح تمشـــــــي اشلون لديا رالغـرب
امکلّفـــــــــه اباطفال وابعيد الدرب
اثنين اديها بالأحبال امکبّلـــــــــــــه


اواعله هذاالحـــــــــال ذکرت للخدر
اووين راحت ذيچ اخوتــــهـا اشکثر
ابجالهـــــــم بسّ الهوه اعليــــها يمر
وين راحوعنها بت عقد الـولــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

مسلم المطيري

جسم ابو السجاد طاح ابكربله
اوراسه فوك الرمح يبره العايله

كلمات الشاعر/ فالح العامري

«العهدوالبيعه»
«ميمرمذيل»
~~
نبگه شيعه لحسين مانخشه المنايــــه
لبن النبي المختـــار نفدي هاي الأعمار
مانخشه المنايـــــه

▪︎▪︎▪︎
شيعه اوقسمنـه مانزل عن دربه نلهج ابحبـــه
صارالحسين النه مزار اوكعبــــه كل محب لبـّه
عهدالولايه من دما نه انكتبـــــه اشهدنــــه ربّه
منعوفه بيّام الشداد الصعبــــــه وركبنـــه ركبه

بسمه انلبّي وانصيح مصباح الهدايه
الراية علي الكرّار نفدي هاي الأعمار
مانخشه المنايـــــه



واحسين كل ارواحنه مالكــــــها صا يرملكـها
وادروبــــه رغمن عالعده نسلكها مانفارگـــــها
والتضحيه ابهاذه الدرب نعشگها لامانتركــــها
هاي المواكب عن وعـي انرافگها دوم انواكبها

مبدء موشعـــــارات لحسين الولايـــه
العزيات ابوالأحرار نفدي هاي الأعمار
مانخشه المنايـــــه



حب ابوالأكبر هالشعار انرفعـــــه والكل تسمعــــه
احسين السفينه للنجاة الوسعـــه فاز اليتبعـــــــه
ابدمّه ثبت دين الرسول اوشرعه وابطل البدعـــه
نبخل عليه اشلون احنه ابدمعــه الصارالنه شمعه

دم خل تجري الجفون وي دمع السبايه
لوگلنه احنـــــه انصار نفدي هاي الأعمار
مانخشه المنايـــــه



دمنه نرخصه والدمه موغالـــــــي لجلك يوالـــــي
كل شيعي ناده احسين حبّه آمالي صفحة اعمالـي
والي تگول ابحبنه احنه انغالــــي اتكفرالموالــي
خل تقره بكتاب الأله العالــــــــي منّه اقوالـــــي

ذ القربه نزلت بيـــه من الباري آيـــــــه
انتبعــه ابكلّ الأدوار نفدي هاي الأعمار
مانخشه المنايـــــه


مانخشه تفجير اوذ بح والأرهاب والوان المصاب
والينه من دمّ النحرشيبه اخضاب اموسّد النشاب
الدم انتصروانهزم سيف الغصّاب وافلول الأحزاب
للتضحيه علّمنه ابن داحي الباب نفديله الأرگاب

قدوه النـــــه عاشور نرفع اسمه رايـــه
اومانقبل ابدعـــــــار نفدي هاي الأعمار
مانخشه المنايـــــه



بالذلــّـــــــه نرفض للعمر منريده نحمــــل عقيده
احسين بالطـــف ثارشنهوايريده قدّم وريـــــــده
رايد الظالم ما نصافــــــــح ايده اونخشه وعيده
لوشفنـــــــه ظالم عاد فكرايزيده يومـــــه نعيده

منّه ناخذادروس احسين البي كفايه
للحگ نهب ثـوّار نفدي هاي الأعمــار
مانخشه المنايـــــه


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

👇
00989133683181
غير مبري ا
لذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«سبيل النجاة»
«مجرشه»
~~
منـّك اطلب ياربــّـــي حبّ الحسين
للموت خله ابگلبـــــي حبّ الحسين
يــــوم حشري هو ذخري

▪︎▪︎▪︎
اتحنّن عليـّـه ابرحمتك واعطف على يامعبود
كل شـي يصيرابقدرتك قدرتك مـــاالها احدود
سائل اجيت ابحضرتك تعرف يربـّي المگصود
ثبّت محبـّــــــة حجّتك ياصـاحب العزوالجود

امروتك لاتاخذ منّـــــي حبّ الحسين
روحي انطي اولاتسلبني حبّ الحسين
انـت تـــــدري هوذخري



ياباري لنفــــــــوس البشر اوباعث جميع الأديان
ابحكمتك هالكـون استقر وبقدرتك يارحمــــــان
اوتصفح ابحلمك عل كفر للتوبــــــه فاتح بيبـان
ناجيتك آنــــه ابكل سحر وبگلب خاشـــع ولهان

منّك يارب ارزقنــــي حبّ الحسين
بالمحشر لاتحرمنـــي حبّ الحسين
هــاذا فخـــري هوّ ذخري



بالدنيـــــــه كلشي ماردت وبنيتـــــي انته العالم
للنايبـــــات اتــــــــوطـّنت بالصدرهمّـــــــي كاتم
امن الظيم ابدا مــاصحت اوماامد چف للـــوادم
بس الك انـــــــــه اتوسّلت اودمع النواظرساچم

بالدنيه هذا الردتــــــه حبّ الحسين
منك يارب اطلبتــــــه حبّ الحسين
يــــوم عسري هوّ ذخري



حب ابواليمّه اوخدمتــــه احيـــــه اواموتن بيها
امن المهدهاي امحبّتــــــه اصبح اوامسي اعليها
اوطهّرت نفسي اولايتــــه لحسين نفسي اهديها
الوادم تعيش ابرحمتــــــه يــــــوم الوعد ينجيها

وادري الثمن للجنّـــه حبّ الحسين
اوبالمحشررايدمنــــه حبّ الحسين
جهد عمــــري هوّ ذخري



فتشت بالدنيـــــه النظر حبّ الحسين اسمعتــه
بيـــــــه اعرفت عزّالبشر راية هدايــــــه ارفعته
ويـــــــاي هذا الحب كبر ابدمّ النحربايعتـــــــــه
لوجسمـــــي يتگطـّع وذر حبّ السبط مابعتـــــه

ابوسط الگلب ضميته حبّ الحسين
والروح صارت بيتــــه حبّ الحسين
ابدمــي يسري هوّ ذخري



اصبح ابعمري منيتــــــــي حب ابواليمّــه الغالي
وبدونه املـّن دنيتــــــــــي اوكلها عبث اعمالــي
هالحب ضخرتــــه الشدّتي واعليه بنيت آمالـــي
بالگبريحضر غربتـــــــــــي والنعـــم من هالوالي

بالدارين الينفعنـــــي حبّ الحسين
خلي العالم يسمعنـي حب ّالحسين
نورقبري هوّ ذخري

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«شعارالشيعه»
«صدردارمي»
~~~~
هيها ت مانسينــــه
الگطع النحرنادينه
خدّام نبگـــــه خدّا م

▪︎▪︎▪︎
سرنه اعله درب احسين مــــــا نزل طرفــة عين
اوما نخشه جـــــورالبين چفّ الدهرلاوينــــــــــه
خدّام نبگـــــه خدّا م



ابهالخد مه صـــا راسنين ابراعيــــــــها ملتزمين
ابهالزمن والمـــــــــاضين بيها السعاده الگينــــــه
خدّام نبگـــــه خدّا م



هالخدمـــــــه ويّه الروح اونحملـها وين ا نـروح
لوعشنـــــــه عمره النوح منعدهـــا ماملّينــــــــه
خدّام نبگـــــه خدّا م



بيها العمرنگضيـــــــــــه اود مع النظرنجريـــــــه
حتی البصرنعميـــــــــــه لحسين مـــا وفـّينـــــه
خدّام نبگـــــه خدّا م



ارفعنه الخدامـــــــه اعلام وانحــــــــارب الظلام
اوعالذلــّـــــه عيب انـّـام ماهمنه اللي اعادينـــــه
خدّام نبگـــــه خدّا م



تسمعنــــــــه خلـّي النـّاس نفخــــرخدم عبـّــاس
الحد اخر الأنفــــــــــــاس اوما طول روح البينه
خدّام نبگـــــه خدّا م



انچل اونمل هيـــــــهــات اولانهجــرالعزيـــــــات
بيـــــها نهل دمعــــــــــات الزهره اللي اتجازينـه
خدّام نبگـــــه خدّا م



يــــــــــــــوم الحشرلوصار خـــــــادم ابوالأحرار
ما تمس جسمــــــــــه النار نلگي علي امتا نينــه
خدّام نبگـــــه خدّا م

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«رحمة الخدمه»
«بحرطويل»
~~~~~
خــدامك يحسين خدّامك
عالخدمه ماضين خدّامك
بالخد مه سرنــه الأخرعمرنــــه

▪︎▪︎▪︎
ابهالخدمـه افتخرجبريل اوتعاله اعله الملك شانه
امين الباري عالأديــــــان هزمهدك ابجنحانــــــــه
خد متك رحمـه يحسبها اوتاج الشرف ليمانـــــه
وي اهل العبــــــــه داخل الخدمه ارقت امچانـــه

احنه اويه جبريل خدّامك
تلگينه ابكل جيل خدّامك
هاذه فكرنـــــه الأخرعمرنــــه



نخدمــــك بالفكريحسين ابهالفكرارتبطنـــه اوياك
والأرواح مالكــــــــــــــها من يـــــوم الأزل تهواك
انته الملك واحنـه انصير خدم لوهالخدم ترضـاك
سعاده اننـــــول بالدارين دنيــــــه اواخره بحماك

ماتدخل النــــار خدّامك
امبشّرهاالمختار خدّامك
الجنـّه اجرنــه الأخرعمرنــــه



اجرهالخدمه منثمنـــــــه احنــــه اونعرف القدره
لاچن نعـرف المضمــــون منـّــه اشرا يده الزهره
نلهج بسـم ابو السجـّــــاد حتــــــّی ينحفظ ذكره
ابد منــــــه انعاهد الزهره نظل خدّام ابوالعتـــره

نهتف ابكـل دور خدّامك
حد گطع الأنحور خدّامك
اعليهاصبرنـه الأخرعمرنــــه



دمنـــــه ابكل عصرينزف دفعنه ثمن هالخدمـــــه
عدنــــه من الشهد احلـه بس ترضـــــه يبواليمـّه
وحگ دمّك قسمنه اليوم وحگ ضلع النزف دمّـه
ما نترك موا كبنـــــــــــــه البيها فخرهالأمــــــــــه

ابشـر يمظلــــوم خدّامك
تلگينــه كل يـوم خدّامك
بحبّك جهرنـــه الأخرعمرنــــه



هـــاذي خدمتك يحسين وي دمنــــــه بگت تسري
گضينـــــه اعما رويــّاها اودمعنــه الغربتك يجري
عله هالخدمه لامونـــــه شحچي لوعتي ابصدري
رادونتـرك العزيــــــــــات انتـــــــــــه بالجره تدري

عالتهمه ايذبحون خدّامك
بالموت ايخوفون خدّامك
هاذه فخرنــــه الأخرعمرنــــه



احنــــــه نفتخر بالموت لوصاراعلـه حب احسين
هاذي منيــــــــة الخدام اقــــره ابسيرة الماضين
لزيارة ابوالأحـــــــــــرار قدمت للگطــــــع چفّين
منعدهم تعلـّمنـــــــــــــه اونظل ابهالدرب ماشين

شيّـا ب اوشبـان خدّامك
نتحده الطغيــان خدّامك
اجنودالك صرنه الأخرعمرنـه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri