«حیاة الكرامه»
«تجلیبه»
~~~
حیات اکرام والعزّه اتخذنــــاهـــا
من عندك يبواليمـّـه كسبنــــاهــــا

▪︎▪︎▪︎
من عندك تعلـّمنــه نعيش اكـــــــرام
اومثلك مارضينـــه ابعيشة الظـــلام
اويخســـه الگال اتباعك اهی تنظـام
صرخنه ارواحنه بالچف حملنــــــاها


توطنـّه اعله کلشي اللی جره والصار
تظل تهتف حناجرنــــــــه یبوالأحرار
غیرك ماهوينـه اولانريد افكـــــــــــار
حياة البيهاذ ّلتنـــــــــه رفضناهـــــــا


هيهات المذلـّـــــــــــه اولانطخ للراس
ترضه اعلينــه لوما ترضه هـاي الناس
نظل ويـّـاك لاخرلفظــــــــــة الأنفا س
وياكم مصايرنـــــــــه ربطنــــاهـــــــا


ربطنه اوياك بالدنيـه مصايرنـــــــــــه
اوتظل تتغازل اباسمك ضمايرنــــــــه
اوضميرالعدنه من غيرك يحذ ّرنــــــه
مشينه اويه الضمايرماخلفناهــــــــــا


ضمايرنه تنادي العدنــــــه والفطــــره
اعلــه حب احسين نتحدّه الف شفره
رخيصه ارواحنــــــه والدم لبوالعتـره
امن الوجدان هالصرخـــــــه سمعناهـا


بالوجدان نهتف واحنـــــــه بالأصلاب
لبّينه يبواليمـّه الك اصحـــــــــــــــاب
اونظل اعلــــــه العهد لمّن نعود اتراب
اوللمحشرولايتكم ذخـرنـــــــــاهــــــا

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«حب من الرضاعه»
«میمر»
~~
منّ المهد حبّیناك منّ المهد
يحسين لاتنسانه با لمحشراتلگـّانه
منّ المهد حبّیناك

▪︎▪︎▪︎
نلهج ابأسمك معتقــــد مــوتعــويـد
عن معرفه والينـــــه الك موتقليـــد
طبع اليوالي مايحرفـــــــه التجديد
اولاگلبه لحظه ایعیش حــالة تردید

نحمل فکر عن ایمان نحمل فکـــر
بسمك رفعنه الوانه بالمحشراتلگـّانه
منّ المهد حبّیناك


ناس اعله حبّك سيّدي لامـــــــــونه
اوناس بکفــروابزندقه رجمـــــونـــه
اوناس ابروافض گامـواينادونـــــــه
عن هالحقيقـــه رادوايحرفونــــــــه

عنّك نزل لاهيهات عنّك نزل
حبّك سره بدما نه با لمحشراتلگـّانه
منّ المهد حبّیناك


هالحب یظل مثــل الهوه الیحیینـه
ماعشنه لــــوینگطع لحظه اعلینـــه
صارالدوه منّ العلل یـشفینـــــــــــه
اومن هوه النفس الظالمه ینجینـــه

حبّك شرف للأنسان حبّك شرف
کلمن حسب ایمانه با لمحشراتلگـّانــه
منّ المهد حبّیناك


حب ابوالیمّه اگلوبنه یطهّرهــــــــــا
اومن نورالبساجــي العرش نوّرهـــا
اوحسن العوا قـب نکتسب آخرهـــا
نصبح الفرقه النـاجیه بمحشرهــــــا

بي نفتخر یوم الدین بي نفتخر
حبّ الوصي ابدنیا نه با لمحشراتلگانه
منّ المهد حبّیناك


حبّ الوصي مذخورالــك والخدمـه
تكتسب من عدهاالعزم والهمـّـــــــه
واتصيراقوالك مصافي الحكمـــــــه
واللي يخلفك عالعداله تعلمـــــــــــه

منـّك صيور ياخذ دوم منّك صيور
اشما تطبع ابوجدانه با لمحشراتلگـّانه
منّ المهد حبّیناك


وینه الیغذي اولاده دستـــــورالدین
وایخّلي الهم مد رســـه فکراحسین
هالمد رسه اتخرّج رجــال امضحّین
ما تنحرف تتحدّه نکـبـــــــات البین

تکسب همم منّ احسین تکسب همم
ثابت عهدها اویانه با لمحشراتلگـّانه
منّ المهد حبّیناك

▪︎▪︎▪︎▪︎▪︎▪︎▪︎▪︎▪︎▪︎▪︎▪︎

تمّت

الشاعرفالح العامري

للاستفسار مدير القناة. 👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«مصاب الحسين عليه السلام »
«امربع»
~~~
امصـــاب احسين مثلــــــه ماابد يجره
تظل امصيبتـــــــــه وسط الچبد جمره
▪︎▪︎▪︎
من نذكرعليها اللــــــــــي جره ابعاشور
دمعنه والدمـــــــــه يبگــــه عليه ايفور
اوماننســــــــه گلب زينب عليه مكسور
الشمرشافت من گاعد علـــــــــه صدره


اخوتــــــــه كلها وانصاره گضت گبلـــه
ظل وحده يحامــي احسين عن اهلـــه
يصيح ابصــــوت ابد هيهات للذلـــــــه
والهاذه شعاره كلّفـــــــــــــــــــــه عمره


علـــــــــــه صدره گعد وايحزإله اوريده
اوتشوفــــــــــه للذبح حين اللوه جيده
والشيبه الكريمــــــــــــه من قبض بيده
اوگام امن الگفــــــــــه ويلــي يحزنحره


گطـــع نحره الشمرعالرمح حط راســـــه
ابوالسجاد ضامـــــــــي انگطعت انفاسـه
كل مسلم تشب هالنـــــــاربحساســــــــه
يــــــــوم احسين ظل منصـــرع عالغبره


چنهم يطلبونــــــــــــه ابدين اهل كوفان
مگطـــــــــــــــوع النحرمسلوب بالميدان
لخيول العده صـــــــــــــرالصدرنيشــــان
مثل ضلع الزچيــــــــــــــه صدره اتكسره


گطعونحــــــــــــره هشموصدره اوسلبوه
مرمـــــــــــــــــــي عالثره وابلادفن خلوه
باچــــــــــــرللنبــــــــــي بالحشرلوشافوه
منــــــــــــــــــــه اشتعتذربالحشرهالزمره


لــــــــــــوينشدهم اعليمن ذبحتواحسين
واحرگتـــــــــوالخيم والعيلتـــه امسلبين
مووصّيت آنــــــــــــــه ابعترتـي الطيبين
تاليها وصيتـــــــــــــــــــــي اتبدلت غدره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري


غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«الحسين يوم العاشر»
«موشح»
~~~
علـــــــــــــه احسين ابكربله امصاب الجره
كل موالــــــــــــي الگلب منــــــــــــه فسره
▪︎▪︎▪︎
انصـــــــــــــاره كلها ذبّوحــــها واخوتــــــه
اوينظــرامن الخوف ترجف عيلتــــــــــــــه
احسين صعـــــــــــــبه يوم عاشرحالتــــــه
اگباله كل اصحابــــــــــــــه نومـــــه عالثره


ابوفاضل وگــــــــــــــع فوگ المشرعـــــــه
النحردامـــــــــــــــي والچفوف امگطعــــه
ادمــــــــــه گلب احسين اخيه مصرعــــــه
كسرظهره فگد سبــــــــــــــــــــــع الگنطره


امصــــــــــاب الأكبرجرح ظل وسط الگلب
اوصالـــــــــــــه شاف امگطعه فوگ الترب
گعد يمـــــــــــــه والدمـــــــع من دم يصب
راح ابنــــــــــــــــــــــــه بعد منهوالينصـره


اشكثــــــرشاف احسين بـــــــالطف المحن
وحده حين اللـــــــــي فگـــد شبل الحسن
اوصارذاري كربلـــــــــــــــــه الجسمه چفن
ابن اخيــــــــــــــــــه غسلـــــــه دم منحره


النوب ويلــــــــــي ذبحوابحضنـــــه الطفل
امصــــــــــــاب هاذا اللـــــــي ابد ماينحمل
رجع بيــــــــــــــــه للخيم والمدمـــــــع يهل
اوچبدة المظلــــــــــــــوم نــــــــــاراموجره


هالمصــــايب جرت كلـــــــــــــــــها والأشد
فوگ صدره الشمرويلـــــــــــــــــي من گعد
اوسيف هـــــــاذه الغــــــادرابنحــــره سجد
اوعيلتــــــــــــــــــه بالغربـــــه ظلت حايره



اونـــاراهل الكوفـــــــــــــــــه شبت بالخيم
اوهجت من الخــــــــــــــوف بالبرالحـــــرم
اتنادي وين اخوتنــــــــــــه وين اهل الشيم
ابحالنـــــــــــــــــه عبّاس اضنّـــــــــه مادره


العسكراعلينـــــــــــــه يويلـــــــــي من فزع
علم عنده چنــــــــــــــــــه والينــــه انصرع
شفنــــه راسه عالرمح عالـــــــــــــــي ارتفع
اشلون راس احسين اختـــــــــــــــــه تنظره

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«افضل الأعمال»
«شيعتي»
~~~
احنـه الخدّام ويّه الأيّام مانتغيّر
لحسين خدمتنه بيها كرامتنه
▪︎▪︎▪︎
فرض ربنـــــه هالمودّه للنبــي طه اوعترتــــــه
وابعلي راعي الولايــــه اكمل الهــادي دعوتــــه
انختمت الأديـان كلــها المصطفی اخبرالأمتــــه
والأجرللد يــن هــــاذه خدمة احسين اومحبتـه

اواجرالمختـار حبّ الأطهار زين اتصوّر
الهم محبتنـــه بيها كرامتنه


الماسمع خل زين يسمع هذي صرخه امن الضمائر
نظل خدّام ابواليمـــّـــه اونحیي بخلاص الشعائر
شيعــه والشيعه طبعنـه انشيّد ابدمنــــــه المنابر
اوكلمن ابهالخدمه شكّك ابمنهج الأســلام كــافر

رغم الطـاغين ماعفنه احسين الگطع المنحر
هذي عقيدتنــــه بيها كرامتنه


نبگه لأخرنفس بينــــــه نلهج ابأسم ابواليمـّــــه
هالأسم بيرغ هدايــــــه لليحبـّه اولليخدمـــــــه
مثل ا بوالسّجّــادما كـو بالنسه تشبه الأمـّــــــــه
فاطمه النــه الشفيعــــه بالحشر افضل الأمـّــــه

فخــرالكونين امّ الحسنيـن هاي الكوثر
الزهره شفيعتنـــه بيها كرامتنه


حب ابواليمّه اوخدمته امن الأزل تسري ابنفسنه
احنه ويّاهه ارتبطنــــه والشــرف منها درسنـــــه
عن وعي ذبنه ابهواهـه اوبالگلب الها غرسنــــــه
النــــه بالد نيه كرامـــه اوبالگبرباچرأنسنــــــــــه

روح الأيمـان اوصكّ الغفران يوم المحشر
الخد مه هويّتنــه بيها كرامتنه


كربله تبگـــه حقيقـــــه اوتنّصب الهـــــا المــآتـم
بيــهـا اطهــرد م تفجّــر احسين مصبــاح العوالم
احسين من يوم الولاده صــار اله جبريل خــادم
ابخدمته الأمـلاك تفخر والنّبــــــي اشرف الوادم

واللي ايخدموه فضله ايعرفوه ضنوة حيد ر
والد ايمّتنـــــــه بيها كرامتنه


هالعقيده اوهالمحبـــّـه اوهالخدامه رحمه النـــه
اوهالمجالس هالمدارس نكتسب منـــها علمنــــه
اونفخرابهـاي المـواكـب انخلّص اويـــاها عمرنـه
حب اهل بيت الرسالـه والـــولاء الهم جمعنـــــه

يشهد عاشـور واد مانه اتفور من نتذ كّر
بالطف مصيبتنه بيها كرامتنه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامری

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«المناهج الحق»
«نصاري»
~~~
علـى منهاجك نحن بقينا حسينا حسينا حسينا
▪︎▪︎▪︎
هوينــــــــــــه من المهد دربك يمغوار
عرفنه هالدرب خلانــــــــــــــه احرار
نظل يبن الزچيّه احنـــــه ابهالافكــار

فلـــــــــولا حبـّك لا مــــانجيــنــــــا


لجل حبّك سحگنـــــــه جمرة الموت
نظل بسمك نردّد عالـــــــــي الصوت
رفضاها التقيّه وحچـــــــي السكوت

لقــــانــــا المـــوت اونحن لقينـــــــا


احنـــــــه اتبـــاع الك والطفّك اليوم
عشگنه التضحيـــــــه مثلك يمظلوم
نواجــه ما يهمنـــــــــــــه كثرة الگوم

جهـــادا لحــــــــق ارواحٔ فدينـــــــــا


مثل ما انتــــــــــه ضحّيت ابطفوفك
هويناها المنا يــــــــــــــــه ومانعوفك
يكعبـــــــة كل گلب واجب نطـــوفـك

اتينــاك نلبـّـــــــــــــــــــي عن يقينـــا


الگلب بسمك يلبّــــــــــــي يا حمانــه
واحاسيس الضما يروي دمانـــــــــــه
تنـادي المعتقد انتـه وهوانــــــــــــــه

لـــواء العشق يعلـوفـــــــــي يدينـــا

عشگنه من عشگ هاي الخدامــــــــه
الك حبنــــــــه مآتمنه علامـــــــــــــه
نظل ويّــاهــا حد يوم القيــامـــــــــه

هتفنـــــــــــــــــا كــربــــلاء مانسينـا

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامری

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«صرخات القلوب»
«شیعتي»
~
انته حبـّــــــي یاحسین عن عقیده اوعن یقین
امن المهد حدّ المما ت
▪︎▪︎▪︎
ابکل زمن صرخة ضمیري ترتفــــــع يحسين احبّك
اوهالعشگ يبقــــه شعاري اومن جذورالگلب اندبك
وافتخريوم القيامــــــــــه موتـي لوصـا راعله دربك
واشحلاتـه المــــوت هاذه وانحسب آنـه اویه ركبك

اوينختم هــــاذه العمر لـوشهـــــاده لونصر
هاذي احــلـــه الأمنيات


يبواليمّه انتــــــه تعلم ابهاذي اشواگي اوحناني
لواوصّف عشرحبّـــــي تعجزاشعاري اولسانــــي
امن المهد يحسين اشعر انته مالك كل كيـانــــي
والگلب كلمااسئلـــــــــه ایجاوب ابهاذي الأمانـي

ایگلـّــي بحسين اعتقد اوعن طريقـــــه ماأرد
هاذه درب التضحيـــات


بالگلب مغـــروس حبّك اويسري ويّه الدم احسـّه
ابهالعشگ وصّانـــي ربّي وابوسط روحي اغرســه
عالصلاه والصوم والحج اوعالفرايض كلـّه اقدسه
اوصارحبّك يبواليمّــــــه كل موالي اليوم انســـــه

انته مأ نوس القلـــوب عن محبتـك ماأتــــوب
ما تهمني الشا يعــــات


ياذبيح الغاضريـّــــــــــه من دمه نحرك وجودي
ارويحتي انته اصلحتها اومنّك استلهم جهـودي
حبّك ابدا ًماأعـوفـــــــه ابدمـّـي اوفيلك عهودي
عهد انطيتــــــــ.ه احبّك من چنت بصلاب عودي

من لبن امـّــي ارضعت امحبّتــــك وا تـشيّعــت
واضمنت بيها النجــات


كل عمل من دون حبّك الباري ابدا ًمايقبلــــــــه
ابدنيتــــه كلمن يبغضك ابوجها مكتوبـه المذلـّه
واليموت ابلاولاكــــــــم كافرالباري يجعلـــــــــه
يبواليمـّــــــه هاذه حبّك للحشرويـّـاي احملــــــه

ينفع ابيــــــــوم المعاد بــــــي احصّـل للمرا د
بــالحشــــــرزاد التقاة


كل عمل يتجلـّه باچر ايصيرصوره بالقيامـــــــه
كل فرد طائره ابعنقـه وينحشرهوّه اوامـامـــــــه
وآنه متعلگه ابرگبتــي صفحة الحب والخدامــــه
فایزالنوره ابجبینـــــه خدمة احسین العــلامـــــه

هاذه اشرف کل وسام بالحشرواعلــــــه مقام
واعله کلّ المکرمــــات

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

کعبة عشگنه
((چعب دارمي))
......................................
كعبة عشگنه. یاحسین الها گصدنـــــه. یاحسین
يجري دمعنه. ياحسين اسمع طلبنــــه. ياحسين
تحفظ ولدنه. ياحسين ذوله ضخرنـــه. ياحسين
حفظو شرفنه. ياحسين شمعه ابدربنــه. ياحسين
يالبيك املنه. ياحسين يابعد اهلنــــه. ياحسين
ياحسين. ياحسين. ياحسين


ابشوگ اعتنیتك. ياحسين گاصد البیتك. ياحسين
اعــــرف حميتك. ياحسين انــــه نخيتك. ياحسين
ابيــوم اربعينك .ياحسين ممشه اجيتك. ياحسين
ابطلبه رجيتك. ياحسين ترحمني ريتك. ياحسين
يعالــي صيتك. ياحسين تكتب اسمنــه. ياحسين
ياحسين. ياحسين. ياحسين


آيگضي سنیني. ياحسين دمعتي ابعيني. ياحسين
واجذب ونيني. ياحسين الطفك حنيني. ياحسين
ارد أوفي ديني . ياحسين افدي بنينـــي. ياحسين
بس ترتضيني. ياحسين يااصل دينـــي. ياحسين
صادق يقيني. ياحسين انتــــه سندنه. ياحسين
ياحسين. ياحسين .ياحسين


هالحب رضعنــه.ياحسين احنه ابمهدنه ياحسين
هوه الجمعنـــــه ياحسين رأيه رفعنــه. ياحسين
وعليه صبرنـــه. ياحسين دم الدفعنــه. ياحسين
لامارجعنــــــــه. ياحسين لآخر عمرنــه. ياحسين
شيعه صبحنه. ياحسين وانته هدفنـــه. ياحسين
ياحسين. ياحسين. ياحسين


جيتك هالاحباب ياحسين ضاهدها المصاب
ياحسين
من حرگت الباب یاحسین مدمعها سچاب. یاحسین
یاعظم الصواب یاحسین جسمك عالتراب ياحسين
ونصار الاطياب ياحسين ياعز الأصحاب. ياحسين
من دمها اخضاب ياحسين يومك فجعنه. ياحسين
ياحسين. ياحسين. ياحسين


يبن الزچیـــــه. یاحسین اعيالك سبيه. ياحسين
بتك رقيـــــــه. ياحسين الونه شچیه .ياحسين
من الغاضريـــه. ياحسين لرض المنيه. ياحسين
ابوليت اميــــه. ياحسين هاي الرزيـه. ياحسين
بين الاسنه. ياحسين
ياحسين. ياحسين. ياحسين

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«يوم العاشر»
«تجليبه»
~~~
اشلون الخیل من هجمت علــــه خــــــــدري
حــــرم واطفــــــال فرت لایذه ابکتـــــــــري
▪︎▪︎▪︎
اعـــــــاین عالخیـــــــم تسعرغـــــدت نیران
واشــــوف الخیل تسحگ گامــــت الرضعان
بعـــــــــد المـــــــن احشـّــــم راحت الولیان
على الخدين من عدهـــــــا الدمع يجــــــري


اصدّن للمعـــــــــاره امجـــــــــــزّره الاجسام
واعـــــاین بالصـحـــــاري هجـّـــت الایتـــام
یــــــــاگلب المثل گلبـــــــــــي حمــــــل آلام
اویــــــــاهواللــــــي وصل صبره مثل صبري


صاحت بــــــــــالخیم فرهود هـــــــاي الناس
عگـــب مــــــا چان حامیهـــــــاالبطل عبّاس
معــــذورالاخـــــــــــولاعنـــــــده چف لاراس
نایـــــــــم عــــا لنهرباعیالــــــــه مــــــا یدري


اصدّن المن ابعینـــــــــــــــــــــــــــی فلا أگدر
شبیــــــه المصطفــــــــــــه فوگ الثره اموذ ّر
اومن جـــــــاسم دمـــــــــه ظل ینزف المنحر
عگـــــــب عینـــــــــــــــاه نـــاره بالگلب تسري


الیــــاهواگعـــــــد واضمّد گلـــّـي اجروحــــــه
یویلــــــي احسین عطشان اوگضت روحـــــه
راســـــه عــــــــالرمح والجثـّه مطروحـــــــــه
یـــــــریت الخیل سحــــــگت من گبل صدري


عِمَـــــه من ّالبچــــــــــي واحـد فگد یعگــوب
علم عنــــــده عدل یـــــــوسف ولامصیـــوب
اغيابــــــــه اشمــــــا يطول ايرد عليه النـوب
اوللمحشـــــريخويـــــــــــه مـــــــا تـــرد ادري


رجعت للخيــــــــــــــم بت حـيــــــــــدرالكرّار
تــــــــــــدوّرعـــــالعليل اتشوفــــــــه بين النار
نـــاداهــــــــــا یتامانـــــــــه غدت طشـّــــــــار
يعمـــــــــــــــــه عگب ابوك آنـــــه حرت بامري


ردّت زینـــب اتنــــادي یحامـــــــــــــــي الجـار
یعالــــــم بالمنایـــــــــــــــه اوکــــاشف الاسرار
مــــــــا یخفـــــــه علیك ابكربلـــــه اللي صــار
بديــــــــارالغرب بيـّــــــــــــــــه غدر دهــــــــري

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«لهیب الخیام»
«موشّح»
~~~
یاحسین الخیــم شبّت نـــــــارها
انچان حـــي انتهض یامغـــوارها
▪︎▪︎▪︎
النــارشبّت بالخیـــــــــــم من کل کتر
هجّت النســـــــــوان من عگب الخدر
خویه بعدك ريت ماطـــــــــــال العمر ولاشفت كربلـــــــــه وهاذي اديارهــا


ريت بأرض المعركــــــــه يمّك طحت
اوعالرمح راسك يخويــــــــه ماشفت
يبواليمــّـــــه حيره آنـــــــــه اتحيّرت
من شفت راسك تحملــــــه اشـرارهـا


ادري بيك انتـــــــــه يبو الغيره حنين
صوتك امن العطش ياخويـــــه رهين
لوعدل یحسین جاوبنــــــي ابـــونین
أومــــــــــــــــي بيد ك يا شبل كرّارها


لیّه أومـــــــي خل اشوف ابيامچـــان
جسمك اتگنطـریبن سید الاکــــــــوان
شفت راسك معتلي فـــــــوگ السنـان
عالحرم وعلیـّـــــــــــــــــه عینه دارها


جیتك امن الخوف ناشفلـــــــي الريج
جيت ادور اعليك ما اندل طريــــــــج
جيت احشمك والحرم طاحت ابضيج جيت اسولفلك العيلـــــــــــــه اخبارها


الحرم بعد ك يبواليمّـــــــــــــه الحايره
مثل جسمك بالطفــــــــــوف امطشّره
گوم اخذني لعد سبــــــــــــع الگنطــره
الموت ماصدّ گ اچفوفــــــــــه دارها


بین المچا تیل اتعثـّرواطیــــــــــــــــح
الطم اعله الراس یبن امّـــــي واصیح
جیت اداويلك اجــروحك ياذبيـــــــح حرت شفت اضلوعك اوطشّــــــــارها


وصلت اوگــــامت تعـاین للجـــــــروح اتگلّه خویـــــه حسین عنّك راح اروح
الك افرش يالأخو منّـــــــــــــي الروح خاف تاذيك الأرض بحجــــــــــــــارها


گــــــــامــــــت ومن عنده ردّت للعلیل
والدمع من دم علـــــــــه الوجنه يسيل
گلها وینــــــــــــــه والدي اتگلـّـه چتیل
اویمــّــــــــــــــه عفت امجزّره احرارها


اتگله هل اعلــــــــه الأبـو اللیله الدموع
مثل امّي شفتــــــــــــه مهشوم الضلوع
واظل طول العمرلمصابـــــــــــــــه الوع اوکربله متروح منــّــــــــــــــــي اذکارها

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri