«طلب الرحمه»
«تجليبه»
~~
يبو السجاد نظره منك اعلينـــــــــــــــه
دنيه اوآخره هالنظره تكفينــــــــــــــــه
▪︎▪︎▪︎
سفينه للنجاة انته يبو اليمــــــــــــــــــه
مثل جدك محمد للبشر رحمـــــــــــــــــه
كلمن ناده بسمك ينجلي همــــــــــــــــه
نهار اوليل بسمك احنه نادينــــــــــــــــه


لونظرة عطف منك يبو السجــــــــــــــاد
تشملنه الكرامــــــــــــــــه اوعزة الأمجاد
نحصل عالسعــــاده اورحمــــــــة الميعاد
فزنــــــــــــــــــــــه لو عذب حبك تروينه


نطلب رحمتك يارحمــــــــــــــة المعبــود
انته بالكرم معروف صــــــــــــاحب جود
خلينه اعلـــــــــــه حبك كل گلب مشدود
عن حب البشر يحسين تغنينـــــــــــــــــه


يبو السجاد لــــــوما حبك انحملــــــــــــه
چاعشنه ابضلالـــــــــــــــه اونقبل الذلـــه
وانبايع يزيد اوحاكــــــــــــــــم انقبلــــــه
واچفوف المذله اوعار مدينـــــــــــــــــــه


يامن للنجاة انتــــــــــــــــــــــــه سفينتها
اولحرار البشر يحسين قـــــــــــــــــائدها
ظلت شيعتك بالساحــــــــــــــــه وحدها
غيرك مابعد يحسين يحمينـــــــــــــــــــه


ياشبل الرســـــــــــــــول اومهجة الزهره
طاحت شيعتك بالطامـــــــــــــــه الكبره
ياهو الــــــــــــــــــي حكمها غادر ابفكره
كل حاكم اجه ايبغضك يعادينـــــــــــــــه


علينه جايره دنيانــــــــه والحكّـــــــــــام
اومثل سود الليالـــــــــــــي صارت الأيّام
اونتوسد دمعنــــــــــــــــــــــه لونريد انام
من كثر الهظم للعمر ملينــــــــــــــــــــــــه


يامظلوم من يـــــــــــــوم الطحت عالگاع
مگطـــــــــــــــوع النحرمتهشم الأضـــلاع
الحگنــــــــــــــه المنغصب محدطلع فزاع
راعي الثارغايب واحنه ذلينــــــــــــــــــــه


نتحمل هظم هالدنيــــــــــــــــــــه نتحمل
باجر بالقيامـــــــــــــــه احنـــــــــــه نتأمل
عن خدامك ابيـــــــــــــــوم الحشر تســأل
والجنة الخلد يحسين تأوينــــــــــــــــــــه


لمصابك تهون احنـــــــــــــــــه مصيبتنـــه
وانواسي الزچيــــــــــــــــه ابهاي دمعتنــه
وشحدها جهنــــــــم لون مستنـــــــــــــــه
وام احسين عالمعبـــــــرتتانينــــــــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«القتيل السليب»
«بحرالطويل»
~~
الله يلعن قـــــــــــاتليك ياحسينا
الله يلعن ظــــــــــالميك ياحسينا
ياقتيــلاً ياغريباً ياحسينا
▪︎▪︎▪︎
الله يلعن العـــــــادوك والشنّت حربهــــا اعليك
منهم احنـــــــــه نتبرّه دنيـــــه اوآخره انواليك
نعقد هالمآتـــــــم هـاي وابدمّ النحـــــــر نفد يك
لومنعدنــــه تطلب ماي من دمــــع النظرنسگيك

مانسينه ضامي چبدك ياحسينا
مانسينه دامـــي نحرك ياحسينا
ياشهيداً ياغريباً ياحسينا


نبگـــه امصابك انذكره يحسين اوضلـــــع امّك
لونسمــــع غريب احتار نذكـــــــر بالغرب يومك
لوشفنـــه نعش محمول نذكرمن بگـــــه جسمك
من داست عليك الخيـل وانتــــــه غارگ ابدمّـك

نبگه نذكر هالرزيــّـــــــه ياحسينا
نبگه نذكر كل مسيـّـــــه ياحسينا
ياذبيحـاً ياغريباً ياحسينا


ننســه اشلون يامظلـوم سهم الطلـــــع من ظهرك
وانتـــــه عاري عالتربان حين الرضـّـــــــوالصدرك
ريت المصطفـــی حاضر ابعين النايبـــــه اينظرك
انته عالثــــــــره مطروح يتگاطر دمــــــــه نحرك

ياحبيبي الهـادي يندب ياحسينا
ياحبيبي النصـره تطلب ياحسينا
ياوحيداً ياغريباً ياحسينا



لن منّ النحـــــــر ناداه ياجدّي انظر الحالـــــي
بسيوف اونبل وارماح امتك گطعت اوصالـــي
يجدّي شــوف المثلـّث اخـــذ ثلثين دلالــــــــي
ياجد حرگو اخيامــــي يساره راحت اعيالـــــي

وآنه اسمع اعيالي صاحت ياحسينا
وآنه اسمع ادركنــــه نادت ياحسينا
ياصريعا ياغريباً ياحسينا


ياجد طفلي ابحضنــي نحـــــــره بالسهم گطعوه
جبته للعده ضامــــــي ضنّـــــي طفل وايرحموه
ماصدّ گـت يــاجــــدّي عبدالله لمن صــابـــــــوه
دمّه بين اديـّــه ايسيل جبته العیلتــــــي شافوه

چنّه گلـّي ابدمّي انصرك ياحسينا
چنّه گلـّي طايـــــع امرك ياحسينا
ياسليبـاً ياغريباً ياحسينا


يـاجدّي انكســــرظهري من طاح العلم والجــود
حيلي انهدم عالشاطـي يجدّي ابضربت العامود
شبّت بالگلب نيــــــران من شفت الأخـو ممدود
شفت امگطـّع اچفوفــه ابـــوفاضل حليف الـزود

عالشريعه هاتف اسمــع ياحسينا
عالشريعه ليــــــــه افزع ياحسينا
يافـريداً ياغريباً ياحسينا

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

مجموعة ابوذيات
بحر الوافر
~~~~
اريد اكتب لبــــــــو السجاد وانظم
وايحسبني علـــــــه الخدام وانظم
ابخدمتـــــــه مااذل هيهات وانظم

تاج الراس هالخدمه اليـــــــــــــــــه



اريدن اگضي ويــــه احسين يوماي
اليه ابعالـــــــــــــــــم الخدام يوماي
يسگینـــــــــــــي لبن بالحشر يوماي

شفيع الأمـــــــــه ابن حامي الحميه



حزن گلبــــی علی الصــــادق و داره
حکیم او نوّر اصحابـــــــــــه و داره
مزاره ابعید عن دربـــــــــــــی و داره
متی یصحی الوکت و ادی التحیـــــه



الصادق شاعت انواره و علمـــــــــــه
السماء قسمّه ابترتیبـــــــــــه و علمه
ابمدارس جنّد العالــــم و علمـــــــــه

نشر بیت الثقافه ابکل ثنیـــــــــــــــه



حسافـــــــــه الدهر بت حيدر ويلاها
بگت بس تسچب الدمعــــــــه ویلاها
بعد مافگدت اخوتهــــــــــــــه ویلاها
خذها الشمر بت حيدر سبيــــــــــــــه



احن ابگه عله أهلي وناســـــــــــــــي
بيهم ينشـــــرح صدري وناســــــــــي
عليه ماتمر ساعه وناســـــــــــــــــــي

اوتشب نار الهجر کل ساعـــــــــه بيه



هالليله الشريفــــــــــه لفت جمعــــــه
حلوه لمة الاحبـــــــــاب جمعـــــــــــه
ويه الحجه شملنــــــــــــه انريد جمعه
كحل للعين نـــــــــو ابن الزچیـــــــــه


ليش الي اطعمـــــــــــه اهو عضنــــي
يحجـــــــــــــي بالغدر وايگول عضني
چذب هذا خدم لحسين عضنــــــــــي
منافق والچذب عنده سجيـــــــــــــــه



يمن تخدم احسين الغـــدر بس عــــاد
الطغــــــــه عالناس من البشر بس عاد
شتظن بالنفــــــــــــاق اتعيش بس عاد

السعاده اتريد حب للناس هيــــــــــــــه

♡♡♡♡♡♡♡♡♡♡♡♡
✍الشاعر فالح العامري


🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

مسلم المطيري / ابوذيات

للشاعر/ فالح العامري

«اصوات الشيعه»
«بحرالطويل»
~~
يبن الزهره ماننساك للمحشر
شيعه اوعاهدناك بدمانــــــه نفداك
ماننساك للمحشر
▪︎▪︎▪︎
الك يحسين عاهدنـــــه منخــون العهد هيـهات
تلگانـــــــه يبواليمـّــــــه الك انصـــار بالكلفــات
نبگـــــــــــه انردّدابحبّك تهتف بأسمك الأصـوات
يظل ايدوّي هاذا الصوت ويطلع من جذور الذات

صوت الشيعـه بالأدوار يتردّد
ياسيّدي اويـــاك بدمانـــه نفداك
ماننساك للمحشر


عن حبّك يبو اليمـّــــــه هاك اگلوبنـــــه انشدها
دگـــّـــــات الگلب تهتف غيـراحسين ماعدهـــــا
كل گطره ابدمانـه اتريد الك هالتضحيـه اتعدها
اوشعاراتك بگت يحسين آيـــــات اونــردّدهـــــا

وانقدّســـــــها يامظلوم تدرينه
عالفطـره نهواك بدمانـــه نفداك
ماننساك للمحشر


ندانه ابكل عصرمعروف يبن الـزهـره يامظلـوم
اوماغيّرنــه هالصرخــه من ذاك الزمن لليــــــوم
مـوبس ابشهر عـاشـور ويــّــــــــاك المودّه اتدوم
اوندري بالثمن غالـــــي منعدنـــــــه تطلبه الگوم

مانتراجـــــــــع نفدي الروح والمنحر
ميساوي لدمــاك بدمانــــــه نفداك
ماننساك للمحشر

خل كلّ الأنس والجـــان هاي الليلـــه تسمعنـــه
قايدنـــــــه ابــو الأحرار اوغيره ابد ماطعنــــــه
مانتخلـّـــــه عن احسين الحد ساعة مصارعنــه
لــوما خدمتــــه اوحبـّــه دنيــه اوآخره ضعنـــه

هاي الخدمـــه النه اوسام شرفنه
هاك العهد هــاك بدمانــــــه نفداك
ماننساك للمحشر


وحـگ حبّك وحگ دمّك دمّ الثبّت الأســـــــلام
عنـّك مـــانـزل للمــــوت لوتتگطــّع النـه اجسام
انعيد الطفـّك ابكل يـوم اونحارب زمرة الظـلام
اوكعبتنـــه تظل يحسين عليك انطوف بالأيـّـام

ابگبرك طفنـه اويم عبّاس عمرتنه
اوبالدمع ننعـــاك بدمانــــــه نفداك
ماننساك للمحشر


الـــوادم من تحج للبيت خلـّـي ساعـــه تتفكـّر
لــــومـــــادمّك الطــاهـر الظلم للبيت چــا دمّر
اومايبگــــــه اسم للدين وشمل الأمـّـه يتطشـّر
لأن ازيـــــارتك يحسين امن الحـج بـالأجراكثـر

كلمـــن زارك لله زاريم عرشه
بالحگ عرفنـاك بدمانــــه نفداك
ماننساك للمحشر
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

تمّت


الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«مواسات الزهراء»
«بحرالطويل»
~~~~
عالمظلــــوم وي فاطمه
نبچـي اليوم وي فاطمه
بالطف انذبح عطشـان ظل جسمه عله التربان
نبچي اليوم وي فاطمه
▪︎▪︎▪︎
خل نجري الدمع من دم انواسـي فاطمه الزهره
بمصــــاب العزيزاحسين ضامـي منگطـــع نحره
اومن بعدالذبــح مسلوب يويلي اومنهشم صدره
راسه اعله الرمح شالوه اودامـي الجسم عالغبره

حــگ انـّــــــوح لمصيبته
اتذوب الـــــروح لمصيبته
راسه مرتفــــــع عالزان ظل جسمه عله التربان
نبچي اليوم وي فاطمه


اجت منّ المدينه اتصيح اورجّت كربلـــه بالنوح
تنادي فاطمــــــه يحسين دمعي من دمه مسفوح
تگلــّــــــه يالولد عافــوك بالحرعالثــــره مطروح
تناسيت الضلــــع والباب مصـابك اشد يالمذبوح

منـّــــــــي الحين ضلعي انكسر
يــــــــمّ احسيــن ضلعي انكسر
لبنـــــــــي ماحصل دفـّان ظل جسمه عله التربان
نبچي اليوم وي فاطمه


طاحت يمـّــــه بالميدان ابنها الغارگ ابدمــّــــــه
حظنت صدره المهشـوم اونحره الدامـــي اتشمّه
اوشافت ابنـــــه عبدالله مرمــــــــي عالثره يمـّه
تگلــّـــه هم سگيته الماي گبل الذبح يا يمـّـــــــه

گلــــــها المـــاي ماحصّلت
مــن اعـــــــداي ماحصّلت
گطعــومنحره لهفـــــــان ظل جسمه عله التربان
نبچي اليوم وي فاطمه


خلـّت طفل ابواليمـّــــه ابحجرها اوتجذب الونها
هالفاجعـــــــه اتذكــّرها محسن من سگـط منــها
لاچن هـاي اشد واعظم من كل نايبــــــــــه چنها
المحسن غسّلــــه الكرّار بيده اوجثتــــــه يدفنها

حيـــــد ر ويـن عن كربله
الطفــل احسين عن كربله
مغسّل من دمه الشريــان ظل جسمه عله التربان
نبچي اليوم وي فاطمه


عالمصرع ابلوعه اتجول اوتسعرنـــــار بحشــاها
وحّدها الزچيـّــــه اتنوح بالطـف محّد اويـــــاها
ام احسين مفجوعـــــــه اومنكوبـــه ابضحاياها
الهـــــــــا مجزره سبعين جثث متغسلــه بدماها

والعبـّـــــــــاس عالمشرعه
وابـــــــــلاراس عالمشرعه
اچفوفـــه گطعت العدوان ظل جسمه عله التربان
نبچي اليوم وي فاطمه


گصدت للنهــر بآهــــات من وصلت الجاري المــاي
يم جسم الكفـل زينب الهـــــا بالعهد وفـّـــــــــاي
بديــــها اتگلـّب الزندين اوتگلـــه اچفوفك ابعيناي
ابيــــوم الحشر احملهن يوم المحكمه اويه اعداي

من الأشـــــرار يوم الحشر
اطلب ثـــــــار يوم الحشر
اصيحن ابنـــي يارحمان ظل جسمه عله التربان
نبچي اليوم وي فاطمه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«البيعه»
«میمر»
~~~~~
یحسین عزیا ت الشیعه
یحسین معناها البیعــــه
نرفع لسمك را یــــــات کل عام ابها لعزیات
▪︎▪︎▪︎
هــاذي المـــواکـب خــالده ویـّـــــــــه الدین
اوســــــرّالخلــــود البیـــــــها دمّـك یحسین
وابـــــــها لمــــــــواکــب شیعـتـك ملتـزمین
ابـــــــهاي المجا لس مدرســـــــه متـّخـذیـن

یحسین دمّـك غذ ّاهـــــا
یحسین عـایش ویّـاهـــا
یااشــرف واطيب ذات كل عام ابها لعزيات


مرّت عليــــــــــــها هــالمجالس أزمــــــــــان
بيهــانشــم عطـرالــوفـــــــــــــــــــه والأيمان
واتعيـش ظـلـّت بــــــــــــــالضمیراووجــدان
اوعشـّـــــاگ الـــــــها ابكل وكت كل امچــان

يحسين نلهـــج ابأسمك
يحسين نقســــم ابدمّك
شيعتك بــــالكلفـــــــات كل عام ابها لعـزيات


ابهاذي المجالس خدمـــــــــــه بيها الگینـــــه
وارواحنـــــــــــــــــــه عا لتضحیه ربّینــــــــه
عــــامربــــــالایـــــمان الگـلب حسّینــــــــــــه
ویّاهـــــــه نبگــــــــه اونخد م الــوالینـــــــــه

یحسین کل شیعي همّه
یحسین نهجك یلتزمــه
نتـــــــوطـّن للصعبــات كل عام ابها لعزيات


يــــالمجلسك روح الصبرغـذّانــــــــــــــــــــي
واصبرعله كل نايبـــه خـــــــــــلانــــــــــــــي
امصابك البالطف كل حزن نسـّــــــانـــــــــــي
يــــــالمنـّك آنــــــــــــــه مكتسب ايـمانـــــــي

يحسين هاي المجالـس
يحسين اكبـــــرمدارس
اتدرّسنـــــــه للطيبـات كل عام ابها لعزيات


ياضوه اعيونــي البيـــــها اشوفن دربــــــــــي
اوعن معتقد مــوعن عــواطــف حبــّـــــــــــي
اومــــــا ينوجد غيــــرك ابداخل گلبــــــــــــي
واعليـــــه شــــــاهديبـــوالأ كبـــرربـّـــــــــــي

يحسين لوشفت جاري
يحسين تستعـرنـــاري
اتذ كــّـــراللـــوعـــــات كل عام ابها لعزيات


كل عـــام لــــــوعــــــــة كــربلــــــــــه نتذ كـّـر
وســــــط الچبد جمـرتـــــــــــــــها ظلـّت تسعر
اونذکــرابســــــــاعـــــــــــة ودّعت لـــــلأ کبــر
وابســاحــــــــــة الميـدان شفتــــــــه امـــوذ ّر

یحسین بالغـاضـریـّـــه
یحسین ابنك رمیـّــــه
انواسیلك بالد معـــــا ت كل عام ابها لعزيا ت


انـــــواسيك بــالأ كبــــراوعبداللـّـــــــــــه ابنك
سهمين ذ نـّـــــــــــــــــــــــي بــــالچبد صابنـّك
گـبـــل المثـلـّث بـــــــــــالصـــــــــــــدرصکـّننك
والأســــــــــد عبـّـــــــاس انفگــــــــد منعـنـدك

يحسين فوگ الشریعـــه
یحسین اچفوفه گطیعه
ظلـّینـــــه انجر حسرات كل عام ابها لعزيات


يحسين يـــوميـّـــــــــــه ابصد ه هـــا لذكـــره
وابگلب کل شیعــــــــــــــــــــي بگت هالجمره
چنـّـــــــــــــــه الخيم وسط الچبد مستعــــره
انخلـّص عمرنـــــــــــــــــــه بــا لونین اوحسره

يحسين نبگه عمرنـــــه
يحسين نسچب دمعنه
اوبا لد معه والآهــــا ت كل عام ابها لعـزيا ت

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«شرف الخدمه»
«بحرالطويل»
~~~
احنه خدّام احسين عزنه اوشرفنــه
هالخدمـــه بالدارين عزنه اوشرفنــه
ماننساهـــــــــــه وشمحـــــلاهـــه
▪︎▪︎▪︎
عشگنه خدمتك يحسين اونفضّلها اعله كل اعمال
نشريها ابدمــــــه المنحر اونفديها ابأهل والمــال
عنــــها ماتخلـّينـــــــــــه اوياها الســـاعة الأجال
مالحظــــــه تردّدنــــــــه عن هالخدمـه بالأجيال

الهـا نقدم انحــور ابطول الأزمـــان
خالد يظل عاشور ابطول الأزمـــان
وابذكراهـــــــــه وشمحـــــلاهـــه


ابهاذي الخدمه وصّتنـه امنـــــــه الطاهره الحـرّه
وصّتنــه بابنهـا احسين نحــــي ابكل وكت ذكره
وانعوف الوصيه اشلون البيـــــها وصّت الزهــره
عهد يافاطمــــــه للموت خدم نبگــــــه لبوالعتره

اتعلـّمنه من عبّاس نوفــــي ابعهدنه
تشهد جميع الناس نوفـــي ابعهدنه
نتفدّاهـــــــــــــا وشمحـــــلاهـــه


نوفـــــي الزهره نوفيها اونرفع للخدامــــه اعلام
وانردّد شعــــار احسين ابوجــــه الظلم والأجرام
مانرضه ابحكم طاغوت هــــــــاذه منهــج الخدّام
هالخدمـــه تعلـّمنــــــــه لاعــالذل ابد مننــــــــام

علـّمنه ابوالسجّاد عيشه ابكرامــه
بالدنيه والميعــاد عيشه ابكرامــه
وحملناهـــــــــــه وشمحـــــلاهـــه


ابهالخدمه الشريفه انذوب اوبيها انحس كرامتنــه
حملنـــــــه احنــــــه رايتها وبهالرايه عزّتنـــــــــــه
رغمــا ًعاليعاد ينــــــــــــه تظل يحسين صرختنه
لبوالسجـّـــاد نفدي ارواح اولقب خــدّام منيتنــه

هاذه الشرف عنوان اسم الخدامــــــه
وتخلده الأزمـــــــان اسم الخدامــــــه
حبّيناهـــــــــــــه وشمحـــــلاهـــه


ابهالدنيه الخدامه اشكال لوعن طمـع لوعن دين
مخدوم اوخدم هالنـــاس الحاضربينه والماضين
كلمـن خــدم بالدنيــــــــه ذليل اتشاهده كل عين
بس خدمــــــه تعزانفوس شفنه خدمتك يحسين

هالخدمه يامظلوم نفتخــر بيــــــها
الها نذرنه ادمــــوم نفتخــر بيــــــها
عالـي الواهـــه وشمحـــــلاهـــه


من نخدم لبــو اليمـّـــــه نشعرلذ ّت الأيمـــــــــان
وابهاذي مجالسنـــــــــــه نضمن جنــّــة الرحمـان
جسرهاي الخدامه اتصير اعليـــــه نتعدّه النيران
اوتوگف هالخدامه النـــه ابيوم الحشــرعالميزان

بالحشرهاذه اوسام بين الخـــــلائق
تنعـــــرف هالخـدّام بين الخـــــلائق
اتگرعيناهـــــــه وشمحـــــلاهـــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«الشعارالمقدّس»
«چعب هجري+مجزء الموشح»
~~~
احسين ماينـّســه العالم ايقدّســـــه
لنا هذا افتخـــا ر ياحسين الشعا ر
العالم ايقدّســـــه
▪︎▪︎▪︎
احسين ابد ماينـّســـــــــــــه سكن وسط اگلوبنه
خامس اصحاب الكســـــــــه حبّه يمحي اذنوبنـه
دمـّـــه واسمه انقدّســــــــــه كل زمن محبوبنــــه
فكره النــــــــه مدرســــــــــه نهجه ظل يعسوبنـه

للكرامــه درس ذكره مايندرس
يعلوفي كلّ دار ياحسين الشعار
العالم ايقدّســـــه


هالشعـــــــــــــار ابكل عصر احنه بــــــــي نادينه
دوم ويّانــــــــــــــــــه النصر اوابد ماذلـّينــــــــــه
اويـــــوم عاشــــــــر من يمر ايفور دمّ البينــــــــه
تدوي صرخــــــــه ابكل قطر احسين ماناسينــــه

نحضرابمأتمــه وابفخرنخدمه
لنايبقــــی منار ياحسين الشعار
العالم ايقدّســـــه


نبگـــــــــــــه نهتف ياحسين مانهاب اعدانـــــــــه
اي وحـــــــــــگ جدّه الأمين اللي اجه ابقرآنــــــه
ابحبّــــــــه احنـــــــه ذايبين اومنعجن بدمانــــــه
هالشعــــــــــــــــارابكلّ حين يرهب الخوّانـــــــــه

رغم انف العده صوتنه انردّده
ليلنا والنهــــار ياحسين الشعار
العالم ايقدّســـــه


انوالي مهجة فاطمـــــــــــه اوهالشرف يكفينـــــه
اوماتهمنه اللايمــــــــــــــــه ابحبـّـــه لو جنـّينــــه
احسين نفديله دمـــــــــــــه الحگـّه ماوفـّينــــــــه
لوعمرنه نخدمـــــــــــــــــــه مانوفـّي الدينـــــــــه

لونضحّي العمر نرفع ابكل عصر
راية الأنتصــار ياحسين الشعـار
العالم ايقدّســـــه


لبواليمّـــــــــه نتـّبــــــــــــع اومانعوف اهدافــــــه
اصل كل دين اوفــــــــــرع كافراللي عافــــــــــــه
نور هالشمس اليشـــــــــــع فايض امن الطافــــــه
السمه ابأسمه مرتفـــــــــــع حيّرتنه اوصافــــــــــه

كل گلب قبلتـــه واصبحت تربتــه
كعبــــــــة ٌومزار ياحسين الشعار
العالم ايقدّســـــه


فخر للأمـّــــــــــــــه اوشرف احسين ويّــه انصاره
احسين دمّـــــــــــــه مانشف اوماتروح افكــــــاره
دمــّــــــــــــــه بالطف النزف امضــــــــه من بتـّاره
داركل ظالــــــــــــــــم جرف اوكعبــــه ظلـّت داره

هالشرف كسبته كربله الحضنته
حرم الله صـــار ياحسين الشعار
العالم ايقدّســـــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«صرخت تحدي»
«هجري»
~~~~~~
او،ياك نبگه یبوالیمّـــــه وخل یصیراشمایصیر
شيعه من يوم انولدنـــه اربطنــه ويّاك المصير
اويه اللبن حبّك رضعنـه واحتيه عدنه الضمير
نبگه لاخرنفس بینـــــــه انعاهد ابنهجك نسير

كل موالي ابدنيتــــــه
اخذمنّك همّتــــــــــــه
تظل للحگ صرختـــه
واحسینا واحسینا


الدهرعنـّك من بعدنــــه ماحضرنـــــه بالطفوف
لاچن انظل اعله نهجك للمنــایـه مانعــــــــــوف
یظـل فکرك كعبه النـــه نحرم اعليـــــه ونطوف
انصارك السبعين چانت الیــــوم صارت بالالوف

منهجك ما تركتـــــــه
ولاطريقك حرفتـــــه
هالشعارالرفعتـــــــــه
واحسينا واحسينا


حسين لبّينـــــه النصرتك واحنـه مابين الاصلاب
ارخيصه الك احنـه نقدّم يبواليمّـــــــــه هالرّگاب
ارواحنه الجسمك فرشنه من طحت فوگ التراب
بگت للیوم ابـچبــدنــــــه تستعرنار المصـــــــاب

العیش عفنه لذّتــــــــه
الماي نبچي ابشربتــــه
چیف متّ ابحسرتـــــه
واحسینا واحسینا


هالمــــــــآتم والـمواکب تظــــــل وي مرالأدوار
یظل عاشورومصابــــه ابکل گلب یلتهب نــــار
مثل دمـّك صبح عاشر دمــــــــها بالشريان فار
تلبس اكفـان وتنــــادي حيدر ابهاذه الشعـــــــار

بالمصايب عزّتــــــــــه
بالمدامع ندبتــــــــــــه
هالشعارالهتفتـــــــــــه
واحسینا واحسینا


الشیعه لمصابك دماهـه یجري وي فیض الدموع
مایعـادل قطــــــره منّك كل دمـــــه هاي الجموع
لوتگطـّـع کل جسمهـــــا ولـویهشمون الضلــــوع
اتواسي لضلوعك هدفها اعليهن الزهره تلــــــوع

هذه يجري دمعتـــــــه
وذاك يلطم هامتـــــــه
ايواسي امّك نيّتـــــــه
واحسينا واحسينا


بـالبچي وهذه عزانـــــه انواسي امّك فاطمــــه
اسمك انكتبت حروفـــه يبواليمّه بالدّمـــــــــــه
خلـّــي ربّ الكون يشهد ويّـــــــــه املاك السمه
كل صبح عاشوريلفــــي احنه نصنــــــع ملحمه

احسين نحيي ثورتــــه
ونرهب اللي عادتـــــــه
تظل صرخة شيعتــــــه
واحسينا واحسينا


الشيعــــــه بالعزيات تعلن حـــــرب عللي عادتك
ويـــــه مجره الدم تواصل يبواليمّـــــــــه ثورتك
وهذه دافـــــــــع للندامــه ابكربلـــــه ما حضرتك
اتجدّد البيعـــــــه ابدمعهـا وابدمـــــــــاها نصرتك

احسين لبّت نصرتــــه
ابدمها كتبت بيعتـــــه
اشقدّ مت ماوفّتـــــــه
واحسينا واحسينا

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri