الليله ام الحزن زينب
كلمات
#الشاعر_فالح_العامري
اداء وألحان الرادود الحسيني
الموفق
#علي_المحميداوي

ناجي القرناوي...شوط كربلائي

«حلم زينب»
«تجليبه»
~~~~
آنه ام الخدروام الحزن اسمــــــــي
حرگـوباب داري اوحرگــواخيمــــي

♡♡♡
آنــــه من المهد ياخلگ مظلومـــــــــــه
اوچن الطف عليـه منكتب يومــــــــــه
واظل طول العمربالدنيه مهظومــــــــه
من زغري افگدت آنه حنان امـــــــــــي


خمس اسنين عمـــري اوشفت نارالباب
گبل اصواب ضلع امــــي دليلي انصاب
من ذاك الوكت لليـــــوم اعيش امصاب
ياباب الأصدهــــا اتزود الهمــــــــــــــي


بعدني آنه ابمصاب ام الحسن واحسين
اجه المحراب سوالــــي الجرح جرحين
دمعي الي اسچبــــــه حرگ جفن العين
حامـي الجارراح الخدري من يحمــــــي


صباح العيد اجاني وآنـــــــــــه متيتمه
ساعه اندب يبويه اوساعــــــــــه يايمّه
عله گلبـــــــــــــي احس احزاني ملتمه
عفـــــــه گلبي اشكثرمتحمل الهمــــــي


راح المرتضى اوخلانـي بأحزانـــــــــي
موهين عليه افراگـــــــــــــــه آذانــــي
من بعده اشوف امصاب وليانــــــــــي
اونارالباب اشوفن تحرگ اخيمـــــــــي


من نارالمدينـــــــه كل مصايبنـــــــــــه
اومن يــــــــوم الثنين الدهـــرحاربنـــه
اوماتنعد بعد صـــــــارت نوايبنــــــــــه
واعظمهن اخوي اعلـــــــه الثره مرمــي


نايم عالوطيـه امهشمــــــــــه اضلوعـه
ضامي احسين اخيي اوداجه مگطوعه
مامرت عليـه مثل هاللوعـــــــــــــــــــه
يريت امي الزچيه حاظره يمـــــــــــــي


آويلي اشلون حال الأخومن شفتـــــــه
مهشوم الصدرومگطعــــــــــــــــه جثته
لوما بي اشم عطرامــــــــــــــي معرفته
من دنياي كل هاذا الهظم سهمــــــ.ــــي

♡♡♡♡♡♡♡♡♡♡♡♡
تمت
الشاعرفالح العامري


https://t.me/falehalameri

«مصائب زينب»
«تجليبه»
~~~~
آه يـــــــــــــازينب گلبچ اتعذّب
اگبالچ عصرو صدر الزهـــــــــره
اوشفتي احسين الهشمـو صدره
▪︎▪︎▪︎
چم محنـــــــــــــه اورزيّه زينب اجرعتــــــــي
عصروفاطمـــــــــــه عالحا يط اوشفتــــــــــي
اشلون الهل مصيبـــــــــــه انتي تحمّلتـــــــــي
كل يــــــــوم اليمر هالفاجعــــــــــه اذكرتــــــي
دمعــــــچ مانشف والنــــــــــــــوح بطـّلتـــــــي
وابگلبـــــچ تشب نيـــــران واصبرتــــــــــــــــي

للضلــع كسره عينچ اتنطــــره
اومحسن طايـــح فــوگ الغبره
اوشفتي احسين الهشمو صدره


من اوّل حياتچ انتــــــــي مظلومــــــــــــــــــــه
علـــــــــــــه وجهچ دمعتچ دوم مرسومــــــــــه
كل ساعــــــــــــــه دليلچ تكثر اهمومــــــــــــــه
كبرتي اومن حنان امّچ المحرومــــــــــــــــــــــه
اوشفتي شيب حيدر خضّبه ادمومــــــــــــــــــه
مثلچ ماحصل بالدنيــــــــــــــــه مهظومــــــــــه

صـــــارلچ عنوان ياأمّ الأحزان
اونيران احزانـــچ مستعــــــــره
اوشفتي احسين الهشمو صدره


الله ابعـــون گلبچ من نظرتـــــــــــــــــــــي الباب
تلهب نار ماتطفـــــــــــــي ابد مــــــــع سچــّــاب
نفس النــــــــــــــــــار بالطف حــــرگت الأطنـاب
محسن طايح شفتـــــــي دمـــــــــــــه عالأعتاب
وعبدالله انذبــــــــــح جدّامـــــچ ابنشـــّــــــــاب
امصـــــــاب الطف اشد اعليــــــچ كل امصــــاب

امذبحه الوليان اوبالخيم نيران
اوها لنـــــــــــا ر ابگلبچ متوجره
اوشفتــي احسين الهشمو صدره


اهوايــــــــــــــــــه هالمصايب عندچ ارويلــــــــي
ياهو اعظــــــــم مصــــــــــاب اعليچ گلـّيلــــــــي
آيــــــــمّ الحزن بالمدمــــــــــــــــــــع احچيلــــــي
چنــــــــــــــها اتگول يامن تسأل اصغيلـــــــــــــي
امصــــــــــاب احسين دولبنياوهدم حيلــــــــــــي
بعداحسين آنــــــــــــــــــــــه مانمت ليلــــــــــــــي

بالطف آلامــي اصعب ايّامـــي
اگبالــــي انذبحت اخوه العشره
اوشفتي احسين الهشمو صدره


ياشيعــــــه گضّيت آنـــــــــــــــــــه ابحزن عمري
من فگد الزچيـــّــــــــــــه مدمعــــــــــــــي يجري
اوعنّ الطف شسولف حرگتــــــــــــــــــه ابصدري
يالوعـــــــــــــه اومصيبـــــــــــــــه اجرع ابصبري
وبعد احسين ياشيعــــــــــــــه حـــرت بمــــــــري
طايح عالنهر ويلـــــــــــــــــــــــــــي الكفل خدري

ياهو اندبنــــه المصرعه اتعنـّه
عبّـــــاس اللـــــــي گطعـو نحره
اوشفتي احسين الهشمو صدره


ياشيعـــــــــه طحت بالطف انــــــــــــــه ابحيره
آنــــــــــه امخدّرت عبّـــــــاس ابـــــــــــو الغيره
الچـــــان الكون اخوي ابيمنتــــــــــــــــه ايديره
اعوفــــــــــــــه اعلــــــــه النهرمنهو الــــي غيره
اروح اميسّــــــــــره من ديــــــــره الديـــــــــــره
اطب اشلون للكوفـــــــــــه انــــــــــــــه ايسيره

وشتگول الناس انه اخت عبّاس
هاذه الظيم اعليــّـــــــــــه اليجره
اوشفتــــي احسين الهشمو صدره


اشجره اعليّه هظم بالكوفــــــــــــه وارض الشــام
اشوفنـــها ليالــــــــــــــــــــي صارت الأيـّـــــــــــام
اشيتحمّل بعد دلالــــــــــــــــــــــــــــــــــي من آلام
چتـّا ل اخوتـــــــــــــي ايباريها لــــــــلأيتــــــــــام
اوبعد عبّـــــاس تحدي ظعنــــــــــــــــي الظـــــلام
ياريتـــــــــــــــــــــــه العمـــــر بعد الأخـــــــو لادام

حالفت للنوح والگلب مجروح
دلالــــــــــــــي اجروحه الماتبره
اوشفتي احسين الهشمو صدره
▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri