«فگد أم البنين»
«بحرالطويل»
~
هلــــــي يادموع العين أم عبّاس ودعيــــــــها
تبچي من دمه لحسيـن اليــــوم الأجل يلفيـها

▪︎▪︎▪︎
ويلــــــي غمضت للعين الليلـــــــه ام الگمرعبّاس
بين الآه والونــــــــــــــه منـــــها خمدت الأنفاس
گوموخل نشيعـــــــــــها هاي ام الوفــــــه ياناس

بنين اربعـــه الفگدتهم
وابوالسجاد خامسهـــم
للظنــــــه اگطعت منهم
راحت والگلب دامـــــــي من كثرت بواچيـــــــها


تبچي عالگضه ضامــــي احسين الرضواضلوعــه
واچفـــــوف الگمرعبّاس فوگ الشاطي مگطوعه
ظلت كل عمرها اتنـــوح ماتت هيه باللوعـــــــــه

ماتت والگلب مجروح
مافـــارگ جفنها النوح
تحن اوتون عالمذبـوح
ختمت هالمســـه الأحزان خلـــــــــــي احنه ننعيها


جيم النوح ياروحــــــــي علــــــه ام البنين اليـوم
راحت تحمل الآهـــــــات مليان الدليل اهمـــــــوم
والحيل انهدم منـــــــــها يوم الفگدت المظلـــــوم

ابد ماناسيـــــه عاشور
منعدها الچبد مفطـــور
حفرت بالبقيـــــع اگبور
عليهن گاعده وتنـــــــوح للزهره تواسيــــــــــــــها


هـــــــاي الواست الزهره اشبـــــول العدها افدتهم
ذولـــــــــــــه ثمرمهجتها تعبت لمــن كبرتهـــــــــم
يحظروها مثل هاليـــوم وكــت الأجل رادتهـــــــم

لاچن من خمد ونهـــا
وين اولادهـــا عنـــها
هاذا الچــــان يحزنها
شبحت عالطريــــچ العين ولاواحد اجـــــــــه ليها


بفراش المنيـــــــــه اتلوج حـــــــال الظيم حالتها
واتنادي ييمـــــــه احسين امك دنت ســــــاعتــها
يبني ردت اشـــــوفك يوم يمن للروح سلوتـــــــها

ماشفتك ييمــــه اسنين
يــــابعد النفس يحسين
من عنــدي خذاك البيـن
ريت اجنازتـــــــــي تحمل اوتصلي يبنـــي اعليها


عمرها انختــــم ام عبّاس بآلام الصدرمشحـــــون
من عدهــــــا الگلب ذايب شــــافت للعذاب افنون
ياشيعة علــــــــــي الكرّار حگ نعمي عليها اعيون
خل ننصب مآتمنـــــــه
عله ام الوفه امنــــــــه
راحت هالمسه عنــــــه
هاي اللــــــــي فدت عبّاس حگ بالروح نفديـــــها

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«وصیّة امّ البنین»
«تجليبه»
~
عبّــاس اوصیك اليـــــوم يبني آيبني
ابزينب اوحسين المظلـوم يبني آيبني
طول الدرب ترعاهم ابدمّ النحر تفدّاهم
يبني آيبني

▪︎▪︎▪︎
يبــوفاضل اسلـّـــــم هالضعن بيـدك
عن حدّه تحـامي يبنـــــــي ابوريدك
تگرعیني يبــوالشيمـــــه آنــه اريدك
توگــف سورتحمي الخيم واعضيدك

ابطف كربله يارجواي يبني آيبني
هالحرم ترويــها الماي يبني آيبني
عالشاطي ماتنساهم بالغالي تتفدّاهم
يبني آيبني


يبوفــاضــــل دماك الطــاهــراتنذره
وانتـــــــــه من زغــرمنذور للــزهره
هاذه اليــــــوم من ازمــــان انتظره
نقدّم خدمه آنــــــه اويـــــاك للعتره

خدمة العتــــره الطیبين يبني آيبني
افضل فريضــه ابهالدين يبني آيبني
ابهالسفرانته اوياهم بالغالي تتفدّاهم
يبني آيبني


السفرلوطـال يبنـي آمـالـي يگطعهـا
تشب نيران وسط الـــروح اجرعهـا
اخوك احسين ديـــرة جـدّه ودّعـهـا
روحـي اتروح وابردتــــــه ايرجّعـها

ماردت من بعده الروح يبني آيبني
لمّن يرد ابگــــــه ابنوح يبني آيبني
اعليّه يعزفــرگاهم بالغالي تتفدّاهم
يبني آيبني


کفیل اوبـالکفـاله من علــــــي اتعهّد
حدّه عبّاس ابركب العايلــــــه وابعد
وامّــه ظل دمعها اليجري فوگ الخد
اوسهم فـــرگـاه چبد الـوالــــده مرّد

اوخلف الظعون اتناديه يبني آيبني
هم يرد ظعنك واتنيـــه يبني آيبني
ایردّون ليّه ارجاهم بالغالي تتفدّاهم
يبني آيبني


اظل احسب ليالي اوهـالليالي اتطول
چم فکره ابخیالي اتظل ییمّه اتجول
اوعله الغیّـاب من عندي الفکرمذهول
وابوالیمّـــه عدل ماادري لــــومچتول

اگضي الوکت بالحسبــات يبني آيبني
امن الدم اهلّ الدمعـــــات يبني آيبني
اشتاگیت آنه الملگاهم بالغالي تتفدّاهم
يبني آيبني

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«احله لقب»
«تجلیبه + نص بحرالطویل»
~
هاي امّ الأطهار صارالهـا تذکار
بالغاضریــّــــه
اربع ولد عدها والدهر خلـّدهـا
بالغاضریـّـــــه

▪︎▪︎▪︎
خلـّدها الدهر واعلیه بگت تـفـخـر
قدوت کل مـوالي الفاطمه اوحیدر
امّ الأربــــــــعه الطیبیــن
عالي ایظل مجـدهـا اوبیـها نتأ ثـّر
واسمها ینذکر کل جیـل عـا لمنبـــر
اومنبرالها یــــــــوم الدین

تحمل کرامــــات تحضربــــالشدّات
مثل الزچیـّـــــه
بارینـه واعدها والدهر خلـّدهـا
بالغاضریــّــــه


بالدنیــــه کــرامات الـــهـا مشهوده
ام عـبـّاس بــا لشـدّا ت مگـصـوده
ماخــــــــاب التعـنّاهــــا
کسبت من علــي الطــافه اوجـوده
اوبیها کل خصال الطیـبه موجوده
والأیثـــا ر بد مــاهـــــا

الهـــــــــــــا مناقب کربله اتجـاوب
عن هالسجیــّه
عینك تشـــاهدهــا والدهر خلـّدهـا
بالغاضریـّـــــه


ام عبـّا س قبلتـنــه نخلـّيـــــــها
اومثل احسين ابواليمـّـه نـواليــها
عهدهــا بـالد مــه مكتوب
منعد نــــه لجلـــها ارواح نفديــها
ابماي العين لــــوتعطش نروّيـــها
وابحبها تذوب اگلــــوب

حبهـــا حملنــاه لامــــا نسیناه
حدّ المنیـّـــــه
للمرتضی ودها والدهر خلـّدهـا
بالغا ضریـّــــه


ذابت بالولایه اوحگ علي اتعرفـه
ابخدرزینب ابنها الغالي اتکلـفـــــه
سبــــــــع الگنطره عبّاس
خلـّت هالأما نه الکربلــــه ابچفـّــه
والنعمین لمّــه بــــالعهد وفـّــــــــه
ابگطع اچفوفه والأنفاس

زینب متنضام عبــّاس مـادام
حامي الثنیـّـه
عالهم یسـاعدها والدهر خلـّدهـا
بالغاضریــّــــه


یکفینـه فخر والشــرف بــــــالأد وار
نوالــــي امّ البنین اونفدي الها اعمار
اوعنـــها ما تخلـّینـــه
هاي امّ الشها مه النجبــت الأقــــمار
منعدهـا ارضعو للغیـــره والأ یثـــــار
اوعالطیبات تهدینــــه

والحشر لوصـــــار تــاخذ الأحـرار
للجنـّــه هیــّـــه
اوکلمن امعاهدها والدهر خلـّدهـا
بالغاضریـّـــــه


من عدها الصبرعالنا یبـه اکسبنـــــــه
واسمها عالروایـه الثــا یره اکتبنـــــه
وابوسط الگلب والروح
اومن يوم الأزل لمّ الوفــه حبنـــــــه
اومن صافي عذبها التضحیه اشربنه
ابحبها للكرامه انلـوح

نرفع الرایـــا ت وانقیم العزیات
ابهاي الرزيّه
اوبالدمع نگصدها والدهر خلـّدهـا
بالغاضریـّــــه

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«آهات الفراق»
«مجرشه»
~
اتنادي يمـّه يبواليمـّه اشلون لوطا ل السفر
صعبه يبني اتروح عنـّي ابغیبتك ظهري انكسر
الجية الظعن انتظره يبني ويروح الزهره


يوليدي من يـوم الرحت چنـّه السفرصاراسنين
منّ الهجر آنــــــه اتعبت ارحم ابحالـي يحسين
عن عينـــي من اتغيـّبت مابطل مبچــاها العين
دمعاتي لجفوني احرگت هالنايبه جتنــي امنين

بعد ولــدي ابگه وحدي خلت داري امن البنين
اظل اصبر الهم انطر خـــاف يغدرهم البين
اونارالهجرمتوجّـــــره يبنـــي ويروح الزهره

*******************
يوليدي ملـّيت الصبــــر من كثرهـــــاذه الهجران
ابلوعاتـــي جيتك انتظر والچبد يسعـــــــرنيران
ابليـّــــــ..اك شيفيد العمر ايّامه اگضــي ابحرمان
كل ساعه من عمري تمــر اتجدّد عليــــّه الأحزان

روحي ذابت حزني هاجت اوهدّم الحيلي البعد
اعيوني تربـي انگطع گلبي اشوكت يايمـّـــه ترد
طالت عليّه السفره يبني ويروح الزهره

******************
يحسين للطف ســــافرت اوظلـّيت آنه ابآهاتــي
خلف الظعن آنه اصرخت انتظرك ابلوعاتــــــــي
بالأربعــــــــــــه ماحسّبت انجوم اوگمردنياتــــي
الجيتك ييمـّــــه اتنطـّرت من دم تهل دمعاتــــي

دمعي يجري ناري تسري وانتظرجيت الحبيب
من طفوفـــه يمته اشوفه آنــه واهجرللنحيب
دلالي مثل الجمره يبني ويروح الزهره


لـــــــــوما تــردّ الديرتك هالديره مااسكنــــــــها
اشسوّت ابحالي فرگتك من تـرد اسأل عنــــــها
يوميـــّه اموت ابقصّتك اوجيتك لواظمنـــــــها
اتهوّن عليـّــه امصيبتك واحزاني يبنــي ادفنها

يبني حلمي اتعيش يمّي اشمحلــه ويّاك العمر
يبــوالأكبـر روحي تنسر اوتنطوي ايّـام العسر
اوما اجري بعدالعبره يبني ويروح الزهره


يحسين لوترجــــــــع الي تبره ييمّـــــــه اجروحي
امن الهم تهدّم كــاهلــــي والبعدذوّب روحــــــــي
هم گلبي يمته ينجلــــــي اويايوم ابطـّل نوحـــي
يابعد روحي اوكل هلـــي والموتــي طفـّك يوحي

يالعفتنـــــــي ضيّعتنــي من گبل يوم الطفوف
انصبت ماتم چنّـي اعلم حـايطــه بيك الألوف
من گبل عاشرفجره يبني ويروح الزهره


يبني خفت من كربلــــــه من يــوم ظعنك سدّر
لأرض المصايب والبلــــه بيـــــها الشمل يتطشّر
ويـّـاك اخذت العايلـــــــه عندي علــــــــم تتيسّر
اويـاخبـربعد اتــأمّلـــــــه منـّـــــــه الچبد يتفطـّر

گطع نحرك هشم صدرك اونارتلهب بالخيـــام
حرم جـدك لفت عنــــدك خايفـــــه منّ اللئام
الكافلها گطعو نحره يبني ويروح الزهره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبرئ للذمه كل من يحذف الرابطه واسم الشاعر وينسب القصيده له
👇
https://t.me/falehalameri

«المواسات لفاطمه»
«بحرالطویل»
~
منذوره کل اولادي لحسین سبط الهادي
من کبّرتهم للطف ردتهم
لحسین سبط الهادي

▪︎▪︎▪︎
الهم بالدمــــــع ربّیت گضیت ابعسرایّامــي
گلت اولادي من تکبر احقـّق بیهم احلامــي
گضیت العمـرویـّاهم عن احدودی اتحامــي
تالیها مشــواعنّــــــي ابضعن الموت جدّامي

اولادي من ودعوني للنایبه خلـّوني
اتکفلواحرمهم للطف ردتهم
لحسین سبط الهادي


للطف ودّعت الهـــــــــم وضعنهم بیدي اسرجته
فـتـشـت عیني العبـّاس اوداع الموت ودّعتـــــه
خدرزینب وضعن احسین بیهن ابنـــــــــي وزّمته
وآنه اعــــــرف العبـّاس نحره ایقدمه دون اخته

وایضحّي دون امامه ایقدّم اخوته جدّامه
طیب ارضعتهم للطف ردتهم
لحسین سبط الهادي


راحــــــوابالضعن یحدون اولادي ابعدواعـنـّــــي
خلفـــــوابالگلب نیـــــران وامسي واصبح ابونّي
من کثرالبچــــــي والنوح حتـّی اعیوني ملـّنّـــي
بمصابــــــــي اظل للموت وایصیــرالحــزن فنّـي

مشبوحه من عندي العین واتنطـّرالجیت احسین
انطرخبرهم للطف ردتهم
لحسین سبط الهادي


اولـاد اربـعـــــــــه افدي اواســـي بیهم الزهـره
خلـّي ابنـــــــي عبداللـّه الخیل اتهشّم ابصدره
وخل جعفریذبحونـــــه دون احسین عالغبــره
وخل اچفوف ابوفاضل تطیح وینگطـع نحره

ابهل تضحیه آنه افخر یم فاطمه ویم حیدر
ابنیني انذرتهم للطف ردتهم
لحسین سبط الهادي


دم اولـادي و دمّــــــــي فدوه الدم ابـوالیمّــــه
وابهـــــــاذه العمل بلچن ارضي فاطمه امـّـــــه
وامن الزهره اترجّــــــــه یشملني هوه الرحمــه
ویوم الحشرتنجینـــــــي هاي الشافعه الامــــّه

ابعون الذي امگطعینه وعبّاس سهمه ابعینه
وفـّوا نذرهم للطف ردتهم
لحسین سبط الهادي


عنّ الاربعـــــــــه منشد انذرتهــــم بالمهد لحسین
من یــــوم انولد عبّاس اچفوفـــه قدّمت والعین
الطفّچ کربلــــــه اتعنّوا گالوبأرضـــــــچ امخیمین
دون الخیـــــــم اولادي ارواح الطیّبــه امضحّین

ارواحهم قدموها والفاطمه یرضــوها
رخصوعمرهم للطف ردتهم
لحسین سبط الهادي


أتنومـس آنـــــــــه بـیـهم ابهاي الدنیه والمحشر
وجـهـــــــي بـیهم اتـبیّض یم المصطفی وحیدر
اواسي ابدمهم امّ حسین توگفلـــــي عله الکوثر
اتنادي یاهلــــــه ابجیتچ یم عبّاس المشکـــــــر

بالاربعه اتواسیني وبحسین عزّیتیني
والنّعم منهم للطف ردتهم
لحسین سبط الهادي

▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«قمة الوفاء»
«تجليبه»
~
امّ الشبّا ن عالــــــــي قدرهـا
امّ الشبّـان اسمــــــــع خبرها
وفــّت عهدها ضحّت ولد ها
▪︎▪︎▪︎
يظل عالــــي قدرها امّ الگمر عبـّاس
اويظل الهااسـم بالتضحيــه ينقــاس
سجاياها الكريمــه اوطيبة الأ نفـاس
اوكرامتـــــها تسولف بيها كلّ النـاس

ويّه الأزمان خالد اسمــــــــها
ويّه الأزمان نذكركرمــــــــــها
ايثا رالعدها ضحّت ولـد ها


ضحّت اربـــع اللي المأنوسه ويــّاهم
الچانــــو بالگلب والروح مرعاهــــــم
اسنين اطوال تعبت هيـــــّـه بربــاهم
دون احسين گالت ارخص ادمـاهــــم

اربع اولاد ثمــرت عمرهــــا
اربـع اولاد كسروظهــرهـــــا
بذلت جهدها ضحّت ولد ها


اولاد اربعه عدهـا اغلــــــه منّ الروح
مــوهيّن عليها هالبدور اتــــــــــــروح
سلمتهم بيد يها لـــــلأجل واتنــــــوح
عمـــرها اتظل حزينه والگلب مجروح

الفگدالأطياب يجري دمعـــــــها
الفگدالأطياب احنت ضلعــــــها
الچانوسندها ضحّت ولد ها


دمــــه عبّاس بالطف يجري من نحره
وعبدالله واخوتـــــــــه نومـه عالغبره
اوشيجـري عليهـم والعلـــــــــي يجره
ماوفّيت دينــــــــــي الفاطمــه الزهره

لاماوفـّيت نذر العليــــــّــه
لاماوفـّيت حگ الزچيـــّـــه
للزهره ودها ضحّت ولدها


لمّ احسين اولادي اربـــــــعــــه انطيها
ويـّـه اچفوف ابني اچفوفـــــي افديها
عَلـَي واجب البضعه اليــــــوم ارضيها
ابوجــــه ابيض ابيوم الحشرالگيـــــها

امّ الحسنين اطلب رجاها
امّ الحسنين كلنه ابحماها
الجنّه وعدها ضحّت ولدها


لبواليمّه اومصابه فاطمــــــــه انفجعت
لعد جسمـه الحنينــــــه من الگبرفزعت
اوعله الشاطي الزچيّه صرختي سمعت
يم عبّاس بنيـــــــــاح اولطـــــم رجعت

يبني اتناديه اچفوفك گطيعه
يبني اتناديه ابهاي الفجيعــــه
جيت اساعدها ضحّت ولدهـا

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«ياحسين»
«هجري»
~
منهو يتعنّه ابواليمّــــــه اويندبه ابصوت الحزن
يخبّره ابهاي الرزيـّــــــه والهادلا لــــــــــــه يحن
ايگلـّـــه ام عبّاس ماتت مـــــــاحظرالـــــــها ابن
گـوم یحسین احظرالـها واوگفلــــــــــها بالدفن

فاطمـــــــــه امّ البنین
اعلیك بالـون والحنین
خلـّصت هـــاي السنین


ریت تحظر للمدينـــــــه يبواليمّــه امن الطفوف
الوالدة عبّاس حومـــــه الأجل وعليهـا يطـــوف
الليله بفراش المنيـّـــــه الواست ابگطع الچفوف
راد تك ساعــــــة اجلها الوجهك الغايب تشــوف

تجذب اعليـــــها الونين
اوبيدك اتغمّـــض العين
منتظرتك يـــــــاحسين


وين ابوالسجّاد وينــــــه للمدينــــــــــه مايصل
شابحه الجيتـــه نظـرها فرگتـــــــــه ما تنحمل
یحظرالمظلـــــــــوم الها اللیلـــــــه ویردّ الفضل
من وصل لمـّـه الحنینــه شـــــــاف مدمعها یهل

اتنادي یبني احسین وین
غیّبك عـنــــــــــــي البین
ياهلــــــه ابجيتك الحين


اتگلـّه یبنــي احسین انطر من زمـــــــان الجیّتك
واشتريت ابّاجـــــي عمري يبواليمّــــه الشوفتك
الظيم هالدنيـــــــه عفتني وعذ ّبتنــــي ابفرگتك
ريت ويـّـاكم خذتنـــــــــي ولاسمعت ابغـــــربتك

يبن سيــــدالمرسلين
ابكربلــــه مالك معين
بين ناس المجـــرمين


اتگلـّه یبني وین اخوتك مادروبيـــــــه اشجره
واعلى فرگاکم ییمـّـــــه دمعـــــــي للوجنه کره
من یشیّع هذانعشـــــــي ومن یواریـــــــه الثره
نعشچ آنه اللي اشیلـــــه ابدال سبـــع الگنطره

عـــــــالنهرعفته رهین
لایســـــــــــارولایمیــن
قبلــــــــي عذرالطیّبین


دونهم آنــــــــه اعتنیتچ نارحزنـــــــــــي مظرمه
جیت اتعثـّرابهمـّـــــــــي والدمــــــــع یجري دمه
شفت یم عبـّاس یمّــــچ گبلـــــي حظرت فاطمه
دمعــي وي دمع الزچیـّه علـی امصابچ ساچمــه

وحیدره وجدّي الامین
اعلیچ ماتم نـــــاصبین
وبالحزن متـــــوشّحین

▪︎▪︎▪︎▪︎▪︎▪︎▪︎▪︎▪︎▪︎▪︎

تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«نداء الحنان»
«حسیناوي»
~~~~~
ام البنین اتصیح وین الإبن وینه
هالليله یلفیها الگمر

▪︎▪︎▪︎
گــــــــــوم یـــاعبّاس امّك احضرها
الليلــــــــــه وابياحال آخـــرعـمـرهـا
تلفض الأنفـــــــــــاس ونـارابصدرها
الكربلـــــــــــه شبحت یهمل نظــرها

اعلیها المنیه اتحوم تحضرها یالعینه
عگبك غدر بيها الدهر


عـــاشت ابحســـــره ومــاتت ابهمها
و الـدهــــــــر بـعـدك ابحزنـه سگمها
اربـعــــــــــــه نجبت وبـیـهـم اسمها
تالــــــي وکت الموت لا ولـد یـمـــهـا

ضخرتهم الهالیـوم ویّاها نادینــــه
ماواحد المنهم حضر


اربعــــــــــــه ربّـت الساعة عسرها
مـن تـصـدالـهـــــم اتگرّ النظرهـــــا
حسبت ایظلـّــــون واتـلــم کـبرها
لولفـاها الـمــــــوت اتحفّ ابكتـرها

للوالده ایشیعون مهضومه وحزینه
غمضت هاللیله ا لنظر


اللیلـــــــه ابوفاضل ابگبره یتهظـّــم
عالوالده اينـــــــوح والدمـع من دم
اینادي یایمّـــــــــــه ابحــالتچ اعلــم
اعلیچ هـاللیلــــــــه هـالأجل حتـّـــم

یایمه انـه ابعید جاوبها بونینـــه
نايم رهين اعله النهر


چم سنــــــه عاشت عالطفـــوف اتنوح
فگد ابوالسجّـــــــاد ذوّب الها الـــــروح
غمّضـــــــــت للعین وبالدلیل اجــــروح
وابحــــــــــزن وآلام للـجـلـیـل اتـروح

تشكي الجره والصار من بعدابوسكينه
متحمّله ظيم اوقهر


اللیلــــــــــه یتلاگن ابلوعــه وابحسره
وتحچـي قصّتهـــــا الفاطمـــــه الزهـره
اتگلــــها یمّ احسین جـیـتـــــچ ابـعـبره
ابچـــــــي عالبسمار والـضـلــــع کســره

اتصوبنه انه اوياچ يابضعة هادينه
من كربله ظهري انكسر

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«ردّ الجمیل»
«بحرالطویل»
~
هاي امّ العبّاس وافتهــــا للـزهره
هاي امّ العبّاس معروفه بالنصره
قدّمت شبّان ابساحة المیدان

▪︎▪︎▪︎
الـتـقـدّم لـلـذبـح اولاد هاذي ابمنتــــــها الأیثار
عنــها اشیکتب التاریخ امّ الأربـعـــــــــه الأقـمار
اعـزمـنّ الـهــــوه عدها اشبــــول المرتضی الکرّار
مـن شافت ابوالیمّـــــه بالدنیــــه صبح بـاخطـار

رخصت دماهم دونـه لبوالیمّـه
رخصت دماهم اتواسي لعدامّه
دافع الأیمان ابساحة المیدان


لـلـزهـره تـقـدّ مـهــــــم تـــــواسیهـا ابنوایبهـــــا
اليوم الشدّه ظمّتهــــــم من حیدر غوالبــــــــــهـا
ابدمــــــــع العیـن ربّتهم اوماتنعد متاعبـــــــــــها
واعلیهـــــــــم بنت آمال تدري ماتخيّبــــــــــــــها

مفتخره بیهم صفوه التضحّیها
مفتخره بیهم تحقـّق امــانيهـا
تتفجّربرکان ابساحة المیدان


شوف امّ الـبـنـیـن اشلون بیمن واست الزهـــره
اعزمنّ النفس والمــــــــال عبّاس انذرت عمــــره
فده لبن الزچیّــــــه ایروح لویـسلـــــم ابوالـعتره
وجوده من وجـود احسین اوامّـه الطاهره الحرّه

اربع میامین للطف اودّیها
اربع میامین مافكرت بيها
اتضحّي بالشریان ابساحة المیدان


بـالطف هیّه ماچانت اشبـول امچانها ایسدّون
ماگصّرابوفاضــــــــل اواخوته ابکربله یضحّون
بالطف ابمچان امهـم للـزهـره الـوفــــه ایـردّون
والنعمین من عدهــم لخوهم بالدمه ایحـامون

رضعتهم الطیب كسبو وفه منها
رضعتهم الطیب مــاخیّبـوا ظنها
صدّوا العدوان ابساحة المیدان


تـعـهّد یـوفـي بـچـفـــوفه ابمچـان امّه ابوفاضل
تعرفــــــه بــالـعـهـدوفـّاي طـبع مـنّ الأبوحـــامل
سیف البیده یجلي اکروب ابغیــرة حیدره ایقاتل
یحامـــي دون ابوالسجّاد ودرب امّ الوفه ایواصل

منّ اعتنه الماي ضامي اومله جوده
منّ اعتنه الماي هـالوگفــه مشهوده
ما شرب عطشان ابساحة المیدان


شوف ایثــــــار ابوفاضل من ثدي الوفــــه راضع
الشجاعه والکرم والجـود لـلام والأبوجـامـــــــــع
اوحجرالطـاهره الربّــــــاه چلمـه من الزغرسامــع
عـباده حب ابوالیمّـــــــــه وسفینه للنجـاه واسـع

من امّه هالطيب اومن حیدرافکاره
من امّه هالطيب اتخلـّد ابأيثاره
للوفه عنوان ابساحة المیدان


وفــــــه اوایثارام عبّاس تردّه بضعـــــــة الهادي
توگف فاطمـــــــه الزهره یــــــوم المحشراتنادي
یاربّي الخلگ هالیـــــــوم ارید ابثـــــــــــاراولادي
اوبیدیها ترفـــــع الچفّین واعلیــــها الحزن بـادي

اهناك امّ الحسين تنصب مــآ تمهــا
اهناك امّ الحسين تشچي هضا يمها
اتردّلها الاحسان ابساحة الميدان

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«خالده مع الدهر»
«عگیلی»
~~
مـاننســاهـــا مـــاننســاها
الضحّت للحـــــگ ماننســاهـــا

▪︎▪︎▪︎
مـاننســــه المبدأضحّتلـــــــــــــه
افضل مــــــاتملـك افدتلـــــــــــه
من ثـــاراحسين اشلبّتلـــــــــــــه
يحسين اتبشّرنـــــــاد تلـــــــــــه
بشبول الثـــــوره اتفداهـــــا


ماننسه اشبـــــــــــول الضحّتهــا
واست للزهره ابمهجتهــــــــــــــا
واتشارك زينب لـــــــــــــوعتهـــا
والام العيلــــــــــــــه ابغربتهـــــا
والطف لـــــلاٌم اشـــــراواها


ماننســـــــــه اشتحمل صرختهـا
للعيلـــــــــه ابيـوم اتلگــتهــــــــا
اعلیمن یالسامـــــــــع نشد تهــــا
مـــوعن اولاد الربّتهـــــــــــــــــــا
عن روح الهــادي اورجواهـــا


لبّت للبـــــــــــــاري ابـوالیهــــــــا
وادت کل تکلیـف اعلیهــــــــــــــا
ظلـّت اجیــــــــال التـــرویهـــــــا
صنعت ثـــــــــــــــــوّار التحییهــا
اوصرخـــات الشیعه الویّاها


انلـوّح ظلـّینــــــــــه احنه الشیعه
ابرایـــات العزالهـــــــــالبیعـــــــــه
حبنـــــــه الهـاابعزیات انذیعـــــــه مبدأهـــاانمــــــــوت اومنبیعــــــه
ابصرخة وجـدان احملناهــــا

▪︎▪︎▪︎▪︎▪︎▪︎▪︎▪︎▪︎▪︎▪︎

تمّت


الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«مواسا ت بالد م»
«عگیلی»
~~
اربــــــع شبّان الربّتهم
للزهره اتوافیها ابدمهم

▪︎▪︎▪︎
عبدالله اوعــــــــون اوجعفــرهـــا
اوعبّـــــــــاس العــزها اومفخــرها
شــــــوفتهـــــم للعین اتقــــــــرها
اشبــول اومن حیــد رنجبتهــــــم


یــاماتعـبت هیـّــــــــــه اویـــــاهم
اورخصت کل غالـــــــــي العیناهم
اخــــــــــلاص اوطیب التــرعاهـم
بالحسره اولوعـــــــــــــه امکبرتهم


اربـــــــــــــــــــــــع اولاد الــربّتــها
ضمّتــها الساعــــــــــــــــــة شدّتها
من تکبــرتحفــظ کبــــرتــــــــــــها
ایحملوهــــــــــا لـــوطـاحـت امهم


بیهــم بالدنیــــــــــــــه ایلقبــــوها
امّ البنین ایسمّـــــــــــــــــــــــــوها
والـــوادم کلــــــــــــها ایعـرفـــوها
منّ الروح اواغـلـــــــــــــه اتحبهم


حبهم ضل یسري اویــــــــه ادماها
اوهیـّــــــــــه ابهـــاذا الحب تتباها
حبهم عاش ابوسط اچــــــلاهـــــا
یصعـب للمـــــــــــــــوت اتقدّ مهـم


للطـــف من راحـــــــــو منعـدهـــــا
وظلـّت بــالدار ابــــــــــــوحد هــــا
ابهـاي المحنـــــــه الله ایساعـــدها
راحــو ماکـــــــــــواخبا رالعـنهــــم


طالت عالأم هـــاي الغیبــــــــــــــه
بالطف همّــــــــه اوهیـّــــه ابطیبه
الها اوالهم هاي امصیبـــــــــــــــــه
وافراگ احسین اعظــــــــــم منهم


گــــالت لـــــوراحو شبّانــــــــــــــي
اعلیهم انصب بیت احزانــــــــــــي
لـــــــویسلم خیرة ولیــــانـــــــــــي
ایهون اعلیّــــــــــه اولادي افگدهم


لاچن دهري الخــــان احسابــــــــي
بالطف ذبـّـــــح کل احبابـــــــــــــي
اوزوّد همّــــــي اوزاد امصابــــــــي
بالطف ماچنت انـــــــــــــــه الیمهم

▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«دموع الأنتظار»
«هجري»
~~~
یارســــــول الله اخبرك فارگت اربــــــــــــع بنین
ودّعتهم بالمدامـــــــــع وانتظرهـــــــــــم بالأنین
روحي ویـّاهــم خذوها وجیتـــك ابگلب الحزین
وافگدت ویـّــاهم ابنك احسين حبل الله المتين

جيتك آنه ابهل عذاب واشتكيلك يا مصاب
والگلب من عندي ذاب
راح الحسین واربع ابنین


ودّعتهــــــــم یبوالزهره والگلب یگطردمــــــــه
اربع اشبــــول اذخرتهم من علي حامي الحمــه
واتعبت آنـــه ابــربــاهم والنظرمنـّــــــــــي عمه
الوکت شیبــي اذخرتهم وللشدد والموزمـــــــــه

وابرباهم راسي شاب اسنین وایّام الصعاب
والتعب اصبح سراب
راح الحسین واربع ابنین


یبوالزهره سلـّمتهـــــــم شـــــرف زینب والخدر
اعتمد آنـــــــــــه علیهم ابزینب الشــــــــرمایمر
وبالکفالـــــــه اللي تعهّد عنــــــــــــها لاما یعتذر
وبالعهد عبّاس یوفـــــي عهده یشــــــري بالعمر

شبل من داحي الباب بدره من اعیوني غاب
ویّه اولادي الاحباب
راح الحسین واربع ابنین


یبوالزهره آنــــــه جیتك بالرجه وما بين خوف
واسمعت ابـويلادي نزلو گالوابارض الطفـــــوف
گـــــــــــوم الهم یامحمّد علیهم انجمعت الوف
اویـّاك اخذني يبوالزهره الهم ابعينـــــي اشوف

جيتك ابهذه العتاب وللعتب اطلب جواب
اتردلي اشبولي الاطياب
راح الحسين واربع ابنين


من مشوداري عليــــــــه طــاح من عدها العمـود
يبوالزهره طش شملنـــه ومااظن يرجــــع اردود
لوطفـوعبّاس عينـــــــــه وگطـّعوامنــّــــه الزنود
والحرم عطشانه تبگـــــه وعالنهرمرمــــي الجود

لیّه ریت السهم صاب والدمع من عیني ساب
ولااشوفه اعله التراب
راح الحسين واربع ابنين

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

جرح الإمام علي ع
فائزي
~~~~
اليوم عودي المرتضى حالــــــه تراده
ما طرح راســه لصبح فوك الوساده
▪︎▪︎▪︎▪︎▪︎▪︎▪︎▪︎
اتفسر الگلبي ونتـــــــه لمن اسمعــــــــه
من گبله من عندي تهل جمره الدمعــــــه
وشلــــون باچر والدي ابصبري اشيعــــه

اليوم خضبو شيبتــــه ابدم الشـــــهاده
✍️الشاعر فالح العامري
◾️◾️◾️◾️◾️◾️◾️
اليوم اشوف المرتضـــى مايكدر اينـــام
امنين اجتني هالمصيبه ابهاي الايــــــام
بعدك يبويه ضايعــــــــه اظل الايتــــــام
غمضت عينــــــــك ليش ياراعـي العباده

✍الشاعره ام حيدر الطائيه
◾️◾️◾️◾️◾️◾️◾️
دلالي يابويـــــــه انجرح يشبـــه طبرتك
ابچبدي نيـــــران التشب اسمــــع الونتك
يابو الحميه ياعلــــــــــي صعبــه محنتك

الليلــــــــه بفراش الأجل انفجعت الساده
✍️الشاعر فالح العامري
◾️◾️◾️◾️◾️◾️◾️
صوبه ابراسه ابن المرادي وقهر كلبــــــه
ما يدري جــدي المصطفى توجع الضربـه
ليش الدهر ويــــــــــــــاي اوجــر بحربــه

يتعــدى عالكــــــــــــــــرار اعظـم اسياده

✍الشاعره ام حيدر الطائيه
◾️◾️◾️◾️◾️◾️◾️
باصرني بويـــــه اشلون لو رحت عنــــي
ابگــــــــــــــه نهار اوليل متعالي ونــــــي
امصـــــــابك يبعد الروح كلش هضمنـــي

لورحت عنـــــــي اتروح منــي السعاده
✍️الشاعر فالح العامري
◾️◾️◾️◾️◾️◾️◾️◾️
شنهي الجنيتــــه اليوم توكع يوالــــــــي
ادري يبويـــه ابطيحتك طايح دلالــــــــي
سيف المرادي صــــوبك ونشده بالــــــــي

شله عليه وصوبــــــــــه ومــــــــرد افاده

✍الشاعره ام حيدر الطائيه
◾️◾️◾️◾️◾️◾️◾️◾️
باجـــــــــــــر تظل الدار وحشــــــه اوخليه
بويه اجانـــــــــــي العيد منهو اليــــــــــــــه
مأتم الك منصــــــــــوب يابو الحميــــــــــه

اعليك اظل بحــزان ابكل العيــــاد
✍️الشاعر فالح العامري
▪︎▪︎▪︎▪︎▪︎▪︎▪︎▪︎▪︎▪︎
تمت بعون الله
باقلام
✍الشاعر فالح العامري
✍الشاعره ام حيدر الطائي


قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

مصرع الحسين ع
تجليبه
~~
زينب گصدت المیدان تتعثــــــــــر
تصيح ابصوت وينك ياشبل حيدر

🏴🏴🏴🏴🏴
علــــــــــه ريحت الخوه وصّلت الجّسمه
ابن امها تشوفـــــــــــــــــه غارگ ابدمه
هوت فوگ النحـــــ.ر ابلهفه اتشمــــــــه

غسلت من دمعــــ..ـها للاخــــــو المنحر
✍الشاعر فالح العامري
🏴🏴🏴🏴🏴

اجت يم الحنين ابـــروح ملهوفـــــــــــه
تعاين خنصـــــره ماهوه بچفوفـــــــــــه
وتصيح شلون باچر نمشــــــــي ونعوفه

اگعد شـــــــــوف خدري اخلافك اتطشر
✍ الشاعره ام حسين العسكري

🏴🏴🏴🏴🏴
تگلــــــــــــــه اشلون باچر لورحت عنك
يبو السجـــــــاد من هو يبگــــه ايدفنك
اوبعد يحسين عن حالــــــــــه انشدنك

يبو السجـــاد عن دفنك انــــــــه اتعذر
✍الشاعر فالح العامري

🏴🏴🏴🏴🏴
باچر امشــــــــــــــــي وي الگوم مجبوره
يصب منــــــــــــي الدمع والروح مقهوره
بسوگ الكوفـــــــه اختك تمشي ميسوره

اتعثر واطيح بردنــــــــــــــــــــــي مااگدر
✍ الشاعره ام حسين العسكري

🏴🏴🏴🏴🏴
اطب للكوفـــــــــه ياخويه ينشدونــــــي
اوخدري الچان بالكوفـــــه يذكرونـــــــي
بالسان الشماتـــــــــــه من يكلمونـــــــــي

بچفوفـــــــــي يخويــــــــــــه انه اتستر
✍الشاعر فالح العامري

🏴🏴🏴🏴🏴
امشــــــــــــي اوي الشمر والروح محتاره
ردت هاليوم والـــــــــ...ـــــــي ماكو نغاره
اطب مجلس يزيد ودمعـــــــــــــي يجاره
وراسك بالطشت گدامـــــــــــــــي وانضر

✍ الشاعره ام حسين العسكري

🏴🏴🏴🏴🏴
راسك والحـــرم فرجـــــــه غدت للناس
صحت ابصوت وينك كافلــــــــي عباس
ترضه غيرتك انــــــــــــ..ـه اهبط الراس

يونك ياگمــــــر هاشم الــــــــــــــي تنغر
✍الشاعر فالح العامري

🏴🏴🏴🏴🏴
انهض يا كفيلـــــــــي وعاين لحالــــــــي
بس طيـــــــر الفلا ياخويــــــه يبرالــــي
لو ميتـــــــــــه يكافل أنـــــــــــه اشوالي
يفجعنــــي العدو من يضـــــــرب المنحر
✍ الشاعره ام حسين العسكري

🏴🏴🏴🏴🏴🏴🏴🏴
تمت
✍الشاعر فالح العامري
✍الشاعره ام حسين العسكري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri