يعني ع الرغم من كل الكلام #الحلووووو و#المواقف اللي تثبت عمق اي علاقه... سوا كانت صداقه او حب او زي م حابين تسموها
في كلمات لمن تذكرها ح تحس انها #مرهم ع جراحك لكن الكلمات #الجارحه عمررررها عمرها م ح تتنسي وح تفضل عالقه بالذاكره ... م ح تقدر #تنساها وم ح تقدر #تذكرها للزول اللي قالها عشان م تنبش ع جروح انتو في غنى عنها ... ح تكون #عالقه وماف حل غير #تسكت وتحاول تداريها لراحة العلاقه
#فلعشاااان كدا خليكم متفهمين فكرة انو نحنا عندنا #مشاعر ... وانو هي م لعبه عندكم ... في الاخر انا زووول #ازعل و#انهم و#انغم ... بس تذكر انو انا #اسامحك لكن انسى #مستحيييل

#فاديه

اصعب #فتره ممكن تمر بيك , هي فترة ما بعد علاقه مهمه في حياتك
#يومك ح يكون ممل ... واذا حاولت تغيرو وتطلع ح تتذكر كل #الماضي .... تمر ع #محلات كنتو انتو تحبوها .... #اغاني كنت بتحبها عشان زولك هو اللي واصفك فيها ... #كلماتك اللي حفظتها منو وطريقة نبرة صوتك اللي انطبعت من نبرة صوتو ... #تلفونك ح يكون م تلفونك لانو ابسط حاجه الجراب انت اخترتو ع ذوق زولك , الخلفيه ع الاسكرين انت عامله عشان حسيت نفسك فيها ... #دولابك ح تفتحو وتشوف كميييية الملابس اللي انت لبستها عشان زولك ... #صباحك ومساك اللي يبدو وينتهو بوجودو في حياتك ح تصبح هاجس ومصدر ضيق ... #نظرتك وضحكتك اللي كانو يبان عليهم الفرح ح يزبلو ...
#كل شي ح يصبح بااااهت بدووون لووون ... ح تكون زي #الطفل اللي عايذ يتعلم يكون كيانو من جديد ... ح تحاول تتناسى كل شي
#بالجد مرحله متععععبه ومرهقه بالنسبه ليك
#خليك قدر حالك وحاول تبدا من جديد بدووون تحتاج لزول يساندك
#اسند نفسك بنفسك
#خليييكم بعاااافيه ❤️


#فاديه

#الكتمان موت للمشاعر
فلمن تمشي الحكايه مره واتنين وتلاته دووون م تحكي الجواك .... صدقني ح تجيك مرحله اسمها مرحلة #التبلد العاطفي
تكون م حاسس بحاجه وكل مشاعرك شبه #ميته .... لا انت عايذ حاجه ولا حتى نفسك في حاجه ... يعني عايش #والسلااااام
فااااا شنو خليك واعي شويه ياخ .... مشاعرك ليها حق عليك ما تستنذفها ع الفاضي .... خليك محافظ عليها لحد ما تقدمها في الوقت #الصاح 👌

#فاديه

#ربما طاقة تحملي اوشكت على الانتهاء .... فما حدث لي لم يكن مثل م اتوقع .... في زماني رسمت #لوحة ونقشت عليها تفاصيل سعادتي .... تٲملت ٲن محور حياتي يكمن في #سعاده .... سعاده تقمرني وتٲخذني الي تلك #الافاق التي حلمت دومآ ان اتمركز فيها ....لا حواجز تعيق بيننا .... مرت #عقربة الزمن ولم يمضي القليل .... وطوال هذه الفتره الزمنيه كنت احلم بتلك اللوحه .... ٲجل ٲتيت وتحصلت عليها لكنها #كلفتني الكثييييير .... لم ٲكد اصدق بٲن لوحتي كانت على #قطعة خشب تبللت بقطرات #الحزن ... الحزن الذي تدارى بها لكي يصدمني بواقع لا ٲتحمل معايشته .... ما الذي فعلته في حياتي لكي ٲعاقب بتلك الالوان الباهته والمعتمه كذلك ....#ربما قدري هكذا
لاااا#واقع يسعدني
ولاااا #حلم يسر بالي
#فاديه

ينظر لها وكأنها لوحة...كأنها اجابة لكل الاسئلة...كأنها قطرات مطر تبلل وجهه بسعاده...كأنها كوب قهوة في منتصف يوم متعب يعدل مزاجه💚



#Màì

احتمال اكتر حاجة تخوفني اني ادوس ع مشاعر حد معتبرني حاجه حلوه وقدوه في حياتو
#فاديه

مقولة (ان تأتي متأخرآ خير من ان لا تأتي)
اكتر مقوله كاذبه لانو انت أتأخرت بسبب اولوياتك بعيداً عن الظروف اللي عايذ يهتم ح يهتم واللي عايذ يوقف ح يوقف معانا
بس عمرووو التأخير ما حل حاجه غير انو يزيد البعد بعد اخر
نقطه منتهي
#فاديه

ومنك تعلمت اشياء لم أكن أمتلكها
كالبكاء كل ليلة ، التفكير الزائد ، الابتعاد عن الناس ، الخوف من الأسئلة ، عدم الثقة بالاخرين ، وما خفي أعظم ✋
#فاديه

اكتر حاجه مخيفه انك تكون انسان غريب وتفقد نفسك اللي كنت تحبها كتييير ، تفقد كل حاجه في شخصيتك ، بالجد مخيف جداً التغير
#فاديه

لك انتي :-
*انتي انثى جميله وجذابه وحاجه حلوه ..... عندك مستقبل مقدر ومكتوب لكن لازم تنظمي مجهوداتك وطموحك لتوصلي ليو.... عندك اهل وصحاب يحبوك ويخافو عليك .... قدري نفسك لانك مخلوقه مميزه💚
#فاديه

لك أنت :-
*انت راااجل يعني سند وأمان ومصدر ثقة وحنيه وعطف وحب .... انت الاب والاخ والصديق والزوج.... حافظ على مكانتك وحافظ على حياتك وقربك من الله.... خليك مضرب مثل في كل حاجه حلوه.... خليك قدوه وصلاح واتقان.... انت الحب والنور عند العتمه.... الاهم ما تنسى انك تحافظ ع وجودها هي في قلبك 💚
#فاديه

صباح الخير ي وطن🌿💚

بالنسبه للمشاكل ، انا قلت رائي في الخاص لأنهم اغلبهم رفضو انو تتعرض مشكلتهم
+ وقفت البرنامج لانو اللستات كتيره م ساعدت ع المشاركه
#خليكم بعافيه
#فاديه

حتبقى م فارقة معاك وتحس انك #اتغيرت من جوا
#لمن تبدأ تمسح المحادثات الفيها كلام حلو وكان بعنيك شديد
#لمن تبدأ ترمى اي شي كان زمان بعني ليك ذكرة حلوه وكنت بتحتفظ بيهو
#لمن الحاجات البسيطة الكانت بتفرح قلبك وتخليك تضحك بقت م بتحرك فيك شي
#لمن تبدأ تعامل كل الناس واحد
#لمن كل جهات الاتصال تبقى مجرد ارقام
#لمن م تبقى تشيل في قلبك
#لمن تبقى م تزعل من زول لانو بقى م بهمك كلام زول
#لمن تبدأ تضحك على الكلام الكان بجرحك ويضايقك
#لمن تبدأ تبعد عن الناس كلها
#لمن تبدأ تختفي وم تبقى صاحب زول
#لمن تبدأ تكون حياة م تعتمد فيها على قرب زول
#لمن تبدأ تعمل الحاجات البتحبها انت وم يهمك زعل او فرح زول
المهم انك تكون مبسوط وقلبك راضي

واحيانا وغالبا ودائما بتكون #الصدمات سبب في تغييرنا للاحسن
فشكرا للناس البتجرحنا
شكرا للناس البتسئ لينا
شكرا للناس الكل همها تحطمنا
شكرا للناس العايزة تشوفنا مكسورين
اي كلمة تكسر في لحظة ممكن تتحول #لقوة وتغير الزول دا لافضل حال
فما تتضايقو من زول كان سبب في حزنكم لانو في يوم حتشكرو على الضربة القاضية دي لانها كانت قاضية بس لشخصيتكم الضعيفه بس كانت سبب #لقوتكم الكانت مكبوته جوا قوقعه م كانت حتطلع بالساهل✋💚



#Màì

في ناس في حياتك يكونو مصدر فرح بالنسبه ليك .... مااااا تتمنى حاجه في دنيتك غير يكونو معاك ... بتضايق وبتزعل ع حسب حالتهم هم ومودهم .... بتمر عليهم مشاكل وضغوطات ممكن من خلالها يحسو انهم وصلو للنهايه .... نهاية مشاعر ,نهاية وجود كمان .... تتٲثر وتتمنى لو انت تكون محلهم عشان هم يكونو مرتاحين .... واذا شفت دمعه منهم , كيانك ح يتلخبط وتدخل في حالة ضيق كدا خياااااليه .... وتسٲل نفسك ليه انا متعلق بيهم للدرجه دي ?!!
وليه رابط مزاجي بمزاجهم ?!!
وغيرها كتيييييير
بس اذا ركزت ح تلاقي اجابتك بسيطه جدا .... انت حبيتهم بصدق ... حبيتهم لدرجة تسمع صوتهم وتشوف حركاتهم حتى لو هم ما معاك .... حبيتهم ما عشان انت قررت تحبهم لااااا ابدا , عشان وجودهم معاك هو اللي فرض عليك تحبهم دوووون م تشعر بنفسك
#فاديه

#الزول الصااااح
بتجينا لحظات نحس فيها بالضعف ، الملل ، الزهجه اللي دون سبب ووووالخ
عايذين زول يحس بينا ويفهمنا صاح ..... دوووون م نحكي
#لحظة صمت ممكن تحل ليك كل مشاكلك .... بس اذا قعدتها مع الزول الصاح
#زول يفهمك من نظرة عيونك ... نبرة صوتك ... حركاتك العفويه ... وغيرها
#ح يبدأ يعيش معاك وضعك ... حتى اذا م حكيت ليو ... هو ح يغير مزاجك .... في لحظه ممكن يسعدك
#الزول الصاح موجود حول اي واحد فينا ... احتمال م تكون منتبه لوجودو لكن اذا لقيت اللي يسعدك ويوقف معاك في اصعب ظروفك ... فهو دا الزول الصاح👌
#فاديه

كلنا متفقين ع حاجه وحدي "الواااقع م مطابق لاحلامنا"
#مثلا عندك زول معيييين في حياتك ، دا يهمك اكتر من الدنيا
تقدم ليو الحب والصداقه والخوه ومعاهم الثقه
ع أمل انو يقدر كل دا
وفي البدايه تكون مبسووووط من نفسك لانك جد ما مقصر .... ويكون محور سجودك دعاء بإسمو ... طريقة تعاملك معاو تكون مختلفه لانك شايف نصك التاني فيو !!!
ايواااا فيو ، كيف ؟!
اوريكم كيف .... حاصر نفسك عليو وتعمل كل حذر عشان م تزعلو
ومن جانبو هو كمان بدايه يكون معيشك الوضعيه دي ،،، وضعية انو جد عايذك ،،، موفر ليك الاهتمام وواقف جنبك في كل ظروفك
يعني مخليك تثق فيو ثقه عمياء
#وانت تحلم انك تكون معاو لكن فجأه كل شي يتغير
الاهتمام يطلع مزيف ،،، ويسحب الثقه منك تدريجيآ بمعاملتو يثبت انو م مكتفي بيك وانو بتمنى انك تبعد عنو 💔💔💔
#يجيك احساس يخربط كيانك وكميه من الاستفهامات تدور ع بالك !؟؟
جد ما كنت عاني ليو شي !؟!!؟
جد كل العملتو عشانو يطلع ع الفاضي ؟!؟!
جد الثقه الملكتها ليو تطلع م مناسبه معاو !!؟!
......الخ ؟؟؟!!؛؟!!!
#صدمه قاسيه وتخليك منطوي من العالم الحواليك
تقضي يومك ع إمور فارغه .... روايات ، موسيقى ، نوم ، إستكانه لوحدك
#موجود وما موجود في نفس الوقت ،،، كلامك يقل وتفقد البسمه
هنا ح تتأكد انو #الواقع ما زي ما انت تحلم بيو 💔
#نصيحه ما تتورطو في حب معروفه نهايتو
#قدرو نفسكم وعيشو عشانها
#ماف فقد اسوء من فقدك لذاتك
#ديرو ضهركم لكل زول ما بستاهلكم
#أتقبلو فكرة انو جواكم روح مسوؤلين منها ، انبسطو وعيشو حياتكم بالطريقه اللي تحبوها


#فاديه

إنعدام الرغبة أمام الشئ الذي أدمنته #إنتصار



#Màì

اللهم صباح العافية والسند والأمان والراحه والتخطي