ليست أختي فحسب بل هي قطعة من قلبي ونبضه... أسعد عندما أراها سعيده وينتابني غضب عند رؤيتها حزينه... خط أحمر في حياتي فهي كل الحياة... لا أستطيع وعدك بأني سوف أكون بقربك لامد العمر لكن بإمكاني أن أقسم لك بأني استطيع دعس اي شخص يحزنك ، وأوعدك سوف أوفر لك كل أسباب الراحه النفسيه
فهل يكفيك هذا ؟!!!
#دمتي ودامت محبتي اليك
#فاديه

وعن كمية الشوق لنبض الروح
دمت لي شيء جميل لاينتهي ❤️
#فاديه

#س:-
سأبحث عنك في كل بقاع قلبي... وسأتمسك بك كطفل لا يرى سوى وجه امه... سأخبر قلبك بمقدار هيامي بك... سأستنشقك أوكسجين يمدني بالحياة... سأتأمل عيناك كأني اول مرة يجذبني بريقها... سيأتي يوم وأخبر طفلنا بكل قصتنا
#أحبك لابعد مدى ❤️
#فاديه

#حبي راااجل
يعني لمن تحبي حبي زول يسندك لمن توقعي... يخاف عليك ويشيلك تاج في راسو
#راجل يعني لمن يشوفك متضايقه يقول ليك احكي وبعد تخلصي يقول ليك حاجه بسيطه ويحلها ليك ويطلعك من مودك ويسعدك
#راجل يعني لمن يحسك اتراجعتي اكاديميآ يساهر معاك وانتي تقري ويحفزك لحد توصلي لهدفك
#راجل يعني لمن تقولي ليو زهجانه ، يتصل عليك ويقول ليك اطلعي انا برا يفاجئك بشوفتو وكل الزهج يختفي ، زي ما بقولو مرات الزهج شوق لزول
#راجل يعني يعاملك كأنك اول واخر بت في الدنيا وكأنك طفلتو اللي بحبها شدييييد
#راجل يعني لمن تحصل مشكله بينكم هو يتحمل نقاشك وكلامك الحار ويسكت عشان خايف يكسرك بكلمه ، وبعد تروقي ح يعاملك كأنك ما جرحتيو وينسى ليك كل حاجه
#راجل يعني يحافظ ع علاقتكم وما يخلي زول يدخل بينكم
#راجل يعني يحسسك انو انتي أميرتو وح تكوني يوم حلالو
#راجل يعني لمن تمرضي وما تكلميو عشان ما يخاف عليك ، ح يحس بيك من شاتك او صوتك وفجأه ح تلقيو قدامك عشان يطمن عليك
#يعني لمن ما تهتمي بنفسك ، ح يهتم هو بيك ويناقشك ويكسر عناااادك لحد ترجعي اهتمامك بنفسك
#يعني لمن تتأخري في الرجعة للبيت وتتصلي ليو اني خايفه ، ح يطمنك ويضحك معاك لحد توصلي وانتي مرتاحه
#يعني لمن يشوفك ماشه في طريق غلط ح ينصحك ويرجعك للطريق الصاح
#راجل يعني يخاف الله فيك ، ويحافظ عليك ويسعدك

#عليكم الله اختارو صاح وخليكم بعافيه❤️
#فاديه

"‏شخصٌ مثلي، فقد إيمانه بالجميع.. ‏يحتاج أن تذكره أنك تحبه دائمًا، دائمًا."

عارفين يعني شنو كلمة #أب
#يعني لمن يصحى الصباح يتمنى يشوف اولادو بصحه ومبسوطين
#يعني لمن يكون طالع للشغل وأولادو يكترو الطلبات ، ح ينفذهم ليهم بدون خذلان
....وهو برا البيت ما خاتي حاجه في بالو غير اسرتو..... ولمن يرجع يكون شايل الأكياس ومرات هدايا عشان بس يشوف ابتسامتهم.... يعني لمن يشوف واحد منهم عيان ح يكون مقلق ويدعي ربنا كتيييير ويدخل ويطلع ومتوتر ويجري من مستشفى لصيدليه لحد يبقى ولدو بخير
#يعني لمن ولدو يجيو ويقول ليو يا ابوي طالبنك في المدرسه لاني عملت الحاجه الفلانيه ، ما ح يجوط ويتنرفز لانو متأكد انو المشاكل ح تمر بأولادو لكن واجبو يعلمهم الصح من الغلط... ح يسند ولدو اذا كان ع حق وح يعلمو الصح اذا عمل غلط
#يعني لمن يحس انو #بتو بدت تخبي عنو حاجات ، ما ح يضغط عليها لانها حساسه وانو سيدنا النبي عليه الصلاة والسلام وصى بالقوارير ، ح يخليها تثق فيو وتحكي ليو بدون هو يطلب منها ، ح يعلمها كيف تتصرف وكيف تاخد بالها من نفسها في زمن صعب
#يعني لمن يجي العيد ح يكون ااااااكتر زول مبسوط لانو شايف سعادة اولادو في عيونهم وانهم بخير ،،، ح يعيد ع كل واحد فيهم ويحمد الله انو موجود بينهم
#يعني لمن يتخرج ولدو او تحصل مناسبه سعيده لولدو ، ح يكون اوووول زول قائم بالمسؤوليه ويفرح وينبسط ويتمنى الحياه الموفقه والسعيده ليهم
#يعني لمن يتأخر واحد من أولادو في الرجعه للبيت ما ح يقدر ينوم الا يرجع ويطمن انو بعافيه
#يعني حاجات كتيييييره ما ح تخلص... فاللهم اطل بأعمارهم وارحم الموتى ❤️
#فاديه

وأرد بنعم عندما يكون إسمك حاضر
#فاديه

أرقيك بالله من كل عين وهم وحزن وضياع وتشتت يصيبك
اللهم هو وقلبه وعافيته وتفوقه وتوفيقه ، يااااااارب🍃
#فاديه

حاولت التمسك بك وضغطت ع نفسي لحد الرمق الأخير ، لكنك لا تقدر ما أفعله لاجلك
فأرجوووك أرحل
#فاديه

أسميته حياتي ، فأسماني هدف حياته
أسميته قلبي ، فأسماني نبضه
أسميته روحي ، فأسمانى أوكسجين الروح
#فاديه

ويحدث ان تستاء من اقرب شخص لانه فضل الابتعاد وتخطى كافة مجهوداتك للبقاء
#تبآ لمسميات العلاقات
#فاديه

ثم أني اراقبك وانظر الي عينيك المكسوره وبداخلها هموم تكاد تصرخ من الذي جرى ، تجذبني رجولتك وانت تتحمل المواقف الصعبه وتتخطى كل حزن يتسرب الي حياتك التي فقدت وجود شخص يمثل بلسمها ، تبذل كل ما بوسعك للخروج من تلك الحالة التي انهكتك ،، تجلس مع اصدقاءك وتعبث بسماعة هاتفك وتهرب من الذكريات لكنك تفشل وتنهض لتجلس مع نفسك
#في وقتها تمنيت لو استطيع ان ارفع الحزن عن قلبك الأسير لتبقى انت كما عهدناك
#فاللهم قلبك 🤲
#فاديه

احتمال أكتر حاجه ما بحبها في حياتي انو امرك يهمني واجي أسألك عشان اسمعك واخفف عنك لكن ردودك بإنو ماف شي في حين انو في لكن بتحكيها لزول فضلتو اكتر مني ، ح ابعد ولاي سبب ما ح يخليني اعيدها
#فاديه

ماف أحلى من زول يقول ليك خلي بالك من نفسك عشاني
#فاديه

كنت أتمنى رؤياك ولو لوقت وجيز ، علك تدقق النظر في عيني وترى إشتياقي اليك
كنت أتمنى 💔
#فاديه

أحبتتك وكأن كل الطرق تؤدي الي قلبك
#فاديه

اهرب من مشاكلي لاتوسد حضنك بكل اطمئنان وانت تربت ع كتفي ، يكفيك يا صغيرتي فأنا معك
#دمت ودامت لي حنيتك
#فاديه