تمنيتك أكسجين يمدني بالراحه

وكأنه حلم جمييييييل لا أريد الإستيقاظ منه

كِلُُهمٌ Skip الا إنَتْ Reply ❤️

#اكسبـ ذاتك
العلاقات اساسها التفاهم والتكامل ايآ كان مسماها
قرابه ـ صداقه ـ حب ...الخ
فٳذا كانت علاقه ماشه بالدفره وانو همنا نكمل والسلام , فالافضل انها توقف 💔
مثلا زي علاقتك مع صحبك
انت مقدم كل شي وانت الشادي الحبل
وانت اللي تتحمل المطبات
عشان تقدر تكمل وعشان تقنع نفسك انو عندك صاحب
بس بينك وبين نفسك عااارف انو انت بتستهلك في نفسك ع الفاضي
انت انسان من حقو يكون عندو الصاحب اللي يفهمو واللي يشد معاه الحبل واللي يوقف معاه ويساندو
#فٳنت من حقك تعرف نفسك , تبدٲ تغيير في تعاملك واهم حاجه تقطع اي علاقه مترهله عشان تقدر تكون في الطريق الصاح 👌
#صدقني لمن تقدر نفسك ح تقدر تسعدها وتكون مرتاح البال
#تذكر انو اليد الوحده عمررررها ما ح تصفق 👏
#خليك حريص ع سعادتك
#عيش عشان نفسك
#اقفل اي باب يزعجك
#ماا تركز ع حاجات تعكر مزاجك
#اولوياتك خليها عشانك
#مااا تحتكر نفسك في زوايا ضيقه
#والااااهم ما تربط حياتك بزول لانو ماف زول يفهمك غير #نفسك في حد زاتها

#فاديه

" خبئي دمعك للعيد
فلن نبكي إلا من الفرح " 💙

#محمود درويش ....

#كسر خاطر 💔

اكثر يوم ضحكت فيه من قلبي منذ قدومي الى هذه البلده... عفويتهم جعلتني اتمنى لو اقيم مدى عمري في وسطهم...خرجت مع اختي لزيارة صديقات الطفوله... جلسنا واعدنا ذكريات خالده في ذاكرتنا .. غمرني شوق وفرحه تملكت زوايا قلبي لكن فجأه شعرت بقصة في حلقي وانقباض قلبي ...ما الذي يحدث لي ؟؟!!!!
تمالكت نفسي وشتت انتباهي بعيدا كي لا اعكر صفو مزاجهم.... مرت الساعات وأصوات الضحك تحيي روحي من جديد... روحي التى انغمست في بئر عميييق يكسيه سواد وعتمه تكاد تمزق حنايا روحي.... خرجنا وتوجهت بتفكيري الى اقصى مكان في ذاكرتي ، اسمه الذي لا يزال عالق في ذهني... كل كسر ثانيه ينبض بإسمه ... استلقيت ع فراشي وامسكت بهاتفي اتأمل تفاصيل وجهه... كم هي بريئه عيناه وجمال بسمته... حتى تلك الغمازه ع خده جعلت ملامح وجهه اكثر جاذبيه... انقضت الدقائق مسرعه ودقات قلبي تتبعها... اجل ربما شيء ع وشك الحصول... حينها امطرت السماء وانتابني الخوف المعهود من ذلك الصوت المزعج ، انه صوت الرعد... خوف لا يكاد يزول حتى اتبعه انقطاع التيار الكهربائي ليزيد خوفي من عتمة الغرفه... فوبيا اجل أنها في طريقي الي ... وضعت يدي ع قلبي وتلوت بعض الايات القرآنية لتطمئن روحي.... حاولت اغمض عيناي لكن لم استطع... قررت ان اشغل نفسي باي شي بجواري ووقعت بصيرتي ع الهاتف فأمددت يدي وامسكت به.... ليتني لم افعل وليتني مت قبل هذه اللحظة... لحظه جعلتني انتقل الى عالم اااخر... عالم يكسوه وسخ الانفس ونجاسة المشاعر ، انها الخيانه التي لم افكر فيها يوم.... خبر وجدته ع هاتفي انها خيانته لي بإحدى الفتيات
شعور لا يستوعب عقلي تصديقه... نعم اعترف ان الفتره الاخيره شهدت بعده مني لكن لم اضع احتمالية ذهابه لأخرى.... لم تنزل مني دمعة بعد والان مضت ال3 ساعات من هذا الخبر لكن لم ابدي اي ردة فعل حيال هذه الصدمة.... اين العهود التي قطعها لي ؟!

#جفت مشاعري وانا اكتب ما جرى... سأجعلها خاطره مفتوحه لحين عودتي

#فاديه

مصطفي سيد احمد لما قال ليها:
"أجيك بي قدرتي الباقية"
كم مسافة قطعها وهو لسه ما قنع منها ، كم صبر واتمسك بيها عشان تكون النهاية عندها ؟!

ورجع قال ليها :"حطام إنسان موسّم بشقي الدنيا ومقسّم قلبو في الأحزان "..
تِعب ، وشِقي ، واتحطم لكن حبو ليها ما نقص ولا قل .

ولما شاف انو كل الكلام ما حيوصل احساسو ، ختم ليها ب:"يا انتي يا اغرَق✨
💙

لا أحد يموت من الحب يا عزيزتي، لا يحدث هذا إلّا في الكتب، وفي الكتب الرديئة تحديدًا .💔

ورجعت لييييييكم 😍😍😍

ح اعمل ليكم فقره مفتوووووحه عباره عن قضايا نناقشها مع بعض ، وانا بعد المناقشه ح اكتب عنها وياريت انتو تعملو شيييير للبوست بعد اكتبو عشان رسالتنا توووصل للكل


واليوم ح نبدا بقضيه مهمه (الإعااقه وكيف المجتمع يتعامل مع المعاقين ، والصحيح والخطأ واذا كان في اهمال ليهم او لا)

راسلوني هنا👈
@fadia7

يالجد بشكر الناس اللي جات وناقشتني
دا عشمي فيكم وربنا يحفظكم ❤️

ح انزل البوست وما تنسو الشير

#القضيه الاولى :-
الاعاقه والتعامل مع المعاقين

***نظرة المجتمع 💔
اسمي ليلى وكنت مقيمه برا البلد ، نزلت اجازه وجاتني دعوة مناسبه... ومشيت للواجب ، اها في المناسبه بتاعت قرايبنا ديل لاحظت لطفل ملامحو حلووووه ماشاءالله ... من طبعي اني بحب الاطفال لكن الله ما قسم لي اطفال ،،، وبدووون تردد مشيت عليو وبقيت اسأل فيو اسمك منو يا جميل ؟!
بس هو ما رد ، قلت احتمال يكون ما سامعني وتاااني سألتو وبرضو ماف رد لكن ابتسم ابتسامه شايله كل معاني البراءه... قعدت جنبو وبقيت أحاول اعرف الحاصل شنو معاو لحد جاتني تهاني دي اختو الكبيره لكن اتزوجت بدري وكانت ملاحظه لي اني بتكلم معاو بدون اي ردة فعل منو غير الابتسامه ع وشو... قالت لي هوي يا ليلى مالك متعبه نفسك معاو ؟!
قلت ليها قصدك شنو ههههه
ردت علي وقالت لي دا خليقه ساي يومو كلو يبتسم بس وما خابرك تقولي في شنو ؟!
صراحه انا اضايقت من كلامها مع اني ما عارفه هو مالو وقلت ليها دا كلام شنو يا تهاني وما صاح منك تقولي كدا
قالت لي انتي ما عارفه حاجه يا ليلى لكن الولد دا لابسمع لابتكلم ما عارفه عايش لشنو
قلت ليها طيب هو الله اداهو ميزه واكيد لخير.. كونو هو بالذات يحصل معاو كدا فما اظن دي حاجه تخليك تحكي عنو بالطريقه دي... اعتبريو ولدك يا تهاني معقوووله ترضي زول يعاملو زي معاملتك دي ؟!
قالت لي بري اولادي عافيتهم اشد من عافيتك الحمدلله وما تقارنيهم لي بالولد دا
قلت ليها زي ما انتي حمدتي الله ع نعمة عافية اولادك ، وضع الولد دا تستاهل حمد وشكر لانو نوعهم دا بركه واكيد وجودو لحكمه
قالت لي انتي عشان ما عندك اولاد بقيتي تشوفي وجود ديل نعمه وياختي كدي انا امشي للضيوف ديل احسن لي من كلامك دا
*تهاني مشت وانا بقيت قاعده مع الطفل دا وبعاين ليو في عيونو وبتأمل في ادق ملامحو ،، مع انو كلام تهاني جرحني من جووووه لكن انا راضيه بقدري... بقيت بسأل نفسي ليه كمية الجهل الحاصل دا مع انهم ناس متعلمه مفروض يكونو واعيين اكتر من كدا ، ليه ما قادرين يتقبلو وجود فئه ذي دي وسطهم.... ع طول ينظرو ليهم نظرة استهتار دا غير الإهمال في حقوقهم .... اللفت انتباهي انو الطفل هو مبتسم لي لكن مع تهاني اختووو بكون كانو مضايق من وجودها....سبحان الله!!!!!!
قطع تفكيري صوت سهام امو وقالت لي شايفاك من قبيييل قاعده مع عدي ولدي دا.... ان شاءالله ربنا يديك ع قدر نيتك لانو صراحه حتى إخوانو بعاملو معامله قاسيه وما راغبين وجودو معاهم ، بقولو انو يتعبهم وما بفهم عليهم سريع... انا امو وبقدر افهمو لكن غيري ما بعاملو نفس تعاملي دا
*انا حسيت بيها متأثره شديد لانو في الآخر دا ولدها وقطعه من قلبها واكيد ما ترضى فيو كلمه
*من جانب تاني احساس عدي اي صح هو لابتكلم لابسمع لكن اكيييد حاسس بكل حاجه حواليو

***النظره الصحييييحه المطلوبه ❤️
- الاحتراااام ثم الاحترااااااام
- ننظر ليهم نظره ايجابيه ونعاملهم عادي لانهم في الاخر بشر زينا...
- اكيد عندهم نقاط قوه ومهارات ، المطلوب مننا نحاول نطلع المواهب بااااي صوره واكيد دي حاجه بترفع ليهم ثقتهم في نفسهم
- قبل نساعدهم لازم نسألهم اول بطريقه ظريفه لانو في بعض منهم بينظر لمساعدتنا ليهم من باب الشفقه وبكدا نكون كسرنا خاطرو
- نحاول ندعمهم من وهم صغار ونوضح ليهم انو استخدامهم للادوات المساعده مااا عيب
- برضو لو ممكن نحاول ندخلهم في مجموعات تضم اعضاء من نفس وضعهم ، ح يقدرو يحسو ببعض وبكدا نكون دخلنا فيهم امل وانو الحياة ممكنه مع وجود الاعاقه
- .....الخ
*غيرها كتيييييير لكن نحن لااااازم نساند بعض عشان نقدر نساندهم
#فاديه
#اعملو شييييير للبوست

كان الشعور كافياً معكِ لأنجابِ أيامٍ جميله ❤️😊
..
الهُمــام الراوي

حاله غامضه فكل شيء يدور حولي انظر إليه بلا مبالاة..... وصلت لمرحلة أني اهمش محادثاتي الإلكترونيه... انظر إليها من الخارج وكأني أعلم محتواها جيدا... لم ينتابني فضول لمعرفة حال أحد من معارفي فكل تفكيري كان منغمس تحت وسادة الحزن... طول عمري صادق حتى انني كنت أغار عليه من أهله لكن جزاتي الفراااق 💔
كل لحظه اشتاق إليه فيها اشغل نفسي خوفآ من ضعفي تجاهه... قوانين وضعتها كي اتعايش مع هذا الواقع... ضغطت ع كياني وحبست انهر من دموعي وجعلتها تجف داخلي الى ان اصبحت حجاره تدق ع حنايا قلبي بقوووه بقوه عارمه اتمزق... بعد فقداني لصوتك ولضحكتك اصبح كل شيئا باااهت باهت رمادي يميل للسواد... اذكر جيدا انني بعت كل الناس لاجلك لكنك بعتني لاجل نفسك... اصبحت أسوء امنياتي
فلا تمني يفيدني ولا حب يسعدني

#فاديه

لم يعد يفهمني صديق 💔

#ليت:-
كم أحتاج أن أحكي لك عما يدور حولي... #ليتني أستطع أن أخبرك بتفاصيل يومي تلك التفاصيل التي هزتني وجعلتني انثى مصابة بالهشاشه... أتظاهر بعدم الاكتراث لكن بداخلي صوت ينادي لاحد يمسك به ويربت ع كتفه قائلا انا معك اذا اظلمت الدنيا ومزقتك عاصفة الهموم... #ليتني أشكي لك عما فعله بي أقرب مخلوقات الله لي... ارتفع تارة واسقط تارة اخرى وهم المسؤولون عن كل شيء... أشعر أني معلقة في فجوه تصيبني بالإحباااط ، نفسي متمسكة بنفسي ع امل النجاة وكلما اوشكت ع الخروج منها أفيق ع صوتي الممزوج بالخيبه ، خيبة السقوط مرة اخرى....
جلست مع نفسي في قاع تلك الروح البائسة اتداول معها بعض الكلمات لكن جميع الردود أصابتني بالعله... #ليتني أسكب دمعي ع كتفك وانت تربت علي يكفي صغيرتي بكل معاني الرجاء كفي عن البكاء... #ليتني أستطع أن أكتب لك بخط يدي أنني لم اتجاوز حواجزي للوصول لتلك الفتاه الحالمه بمستقبل باهر ، فكل يوم تنغرس بين أضلعي سهام تكاد تقتلني.... أين انا واين تلك الامنيات التي جعلتني سعيدة بمجرد التفكير فيها ... أشعر الان بعجز أصاب حنايا قلبي كحال عصفور مبتور الاجنحه... #ليتني أخبرك عن مدى إنزعاجي عندما يقوم شخص بأخذ شيء يخصني فماااا بالك بأخذ حلمي مني.... #ليتني أنظر إلى عينيك لترى تلك الهاله التي تحتوي عيناي ، وترى كمية الخيبه التى تشرحها أدمعي تلك التي تمنعها اطراف عيني من السقوط
#ليتني ويا ليت الليت يفيدني 💔
#فااااديه

تقف وحدك امام جبروت الهموم 💔