#نفسو زولي
زولي #اللي واقف معاي
اللي عمرو ما خلاني ازعل منو
#اللي يحس بي ويفهمني دووون م احكي ليو
#اللي عارف مزاجي المتغير .... وعصبيتي وعنادي
#اللي بكلمه منو بس ممكن يراضيني ... ويطيب خاطري
مهما اختلفنا ومرات نحس انها النهايه لكن هو بفهم بسيط ممكن يخطي المشاكل لانو جد عايذ العلاقه #تدوووم
#زول نعمه ومن واجبي احمد ربي ع النعمه دي 😘


#فاديه

عندما تقول لك فتاه عنيده 😌 حاضر
ف اعلم انها تحبك 😍
#فاشنو عمرك ماتفرط في حبها ليك
#ساره

#ربما طاقة تحملي اوشكت على الانتهاء .... فما حدث لي لم يكن مثل م اتوقع .... في زماني رسمت #لوحة ونقشت عليها تفاصيل سعادتي .... تٲملت ٲن محور حياتي يكمن في #سعاده .... سعاده تقمرني وتٲخذني الي تلك #الافاق التي حلمت دومآ ان اتمركز فيها ....لا حواجز تعيق بيننا .... مرت #عقربة الزمن ولم يمضي القليل .... وطوال هذه الفتره الزمنيه كنت احلم بتلك اللوحه .... ٲجل ٲتيت وتحصلت عليها لكنها #كلفتني الكثييييير .... لم ٲكد اصدق بٲن لوحتي كانت على #قطعة خشب تبللت بقطرات #الحزن ... الحزن الذي تدارى بها لكي يصدمني بواقع لا ٲتحمل معايشته .... ما الذي فعلته في حياتي لكي ٲعاقب بتلك الالوان الباهته والمعتمه كذلك ....#ربما قدري هكذا
لاااا#واقع يسعدني
ولاااا #حلم يسر بالي


#فاديه

#الكتمان موت للمشاعر
فلمن تمشي الحكايه مره واتنين وتلاته دووون م تحكي الجواك .... صدقني ح تجيك مرحله اسمها مرحلة #التبلد العاطفي
تكون م حاسس بحاجه وكل مشاعرك شبه #ميته .... لا انت عايذ حاجه ولا حتى نفسك في حاجه ... يعني عايش #والسلااااام
فااااا شنو خليك واعي شويه ياخ .... مشاعرك ليها حق عليك ما تستنذفها ع الفاضي .... خليك محافظ عليها لحد ما تقدمها في الوقت #الصاح 👌

#فاديه

#ماتعيش حياتك على مبدأ عاين الكتاب من غلافه #لاذم تفحص مضمون الكتاب
#كتير من الناس الفي حياتنا والغالين علينا #من جوه رخيصين ومن برا ذهب وقشره 😔

#ساره

قالو عن القهوه ☕️.تلك الفتاه السمراء الجميله ☺️ التي تكون دايما بجانبك في الوقت الذي تشتد حوجتك اليها لن تخذلك ابدا
#سمراء😌 فاااشنو عمري ما ح اسيبك 😉

#ساره

#الغيره
شعور داخلي بخليك تتأكل من جوووه بخليك تتحطم من جوووه اذا ما افصحته بيها مثلا احكي لي اقرب ذول ليك عشان تطلع سلبيات الغيره علشان اذا ما طلعته سلبياتها كدا ح تأذيك وح تأذي الناس الحواليك لاذم تخلي الإجابيات تطغي علي السلبيات عشان تقدر توظف الغيره في حته تقدر تساعد انك تبني شخصيتك مثلا الغيره في
#الحب
اجمل حاجه في الحب الغيره يعني تغير علي حبيبك حتى من نسمة الهوا حتى من اقرب الناس ليهو الغيره في الحب بتخلي للحب لون ايوا بتولد الاهتمام بتخلي الحب يتكاثر من جهة الطرفين يعني اذا م افصحته بيها لي الطرف التاني بتتكاثر جواك وكترة الغيره بتتحول لي كراهيه كدا بتدمر العلاقه عشان كدا بين لي الطرف التاني قدر ايش انت بتغير عليهو اذا ما وجدت الغيره في الحب يعني ما نقدر نسميهو حب نقدر نقول عليهو حاجه عابره

#الصداقه
الصديقه هي حياه وطن هي كل حاجه حلوه في حياتك وعشان نتجنب الغيره في الصداقه لاذم لمن تجي تبني علاقة صداقه تراعي انو صديقك يكون انعكاس ليك كيف يعني ،يعني انو يكون في توافق بينكم انو تكون افكاركم سوا عشان تقدرو تفهمو بعض عشان تتوفر الثقه بينكم علشان تخلو رابط الصداقه اقوى عشان تتجنبو الغيره .
#الاسره
الاسره دي حاجه واحده تحسها حاجه مرتبطه ببعض حاجه اكبر من الحب والصداقه علشان نحافظ علي الرباط دا لاذم نتجنب حاجات كتيره ودي بتترتب علي الام والاب لاذم تكون التنشئه صحيحه يعني نربي علي اساس احترم الذات واحترام الفرد وعلي التعاون داخل وخارج الاسره ومحبه الغير نزرع فيهم التفاهم والتواصل والصراحه علشان نطرد احساس الغيره جواهم وكدا لمن تكون انشئته تنشئه صحيحه تضمن ليهم حياه صحيحه .
#المجتمع
هنا لاذم الغيره علشان تكون فرد ليهو قيمه في المجتمع علشان ما تكون فرد في احصائية المجتمع فعال، اقول ليكم كيف يعني اذا وظفته الغيره في حاجه ايجابيه يعني هنا بكون ليك دور فعال جدا في المجتمع مثلا في الاقتصاد ومن الناحيه المعماريه ...الي الخ .

#الغيره هي شعور طبيعي لاذم يكون داخل كل انسان سليم العقل بس ما كل انسان سليم العقل عندو الحكمه علشان يقدر يوظف الغيره في اتجاهها الصحيح علشان كدا نكون منفتحين العقل علشان نكون ماشين في الاتجاه الصحيح
#ساره

#اشتاق كثيرا لطفولتي التي كانت تتمحور علي كونان وعهد الاصدقاء وعلى براءة لم تعد موجوده الان #صرنا بلا سلام داخلي سلام ماعاد يسكن فينا ،واستسلمنا لواقع لا إسلام فيه ،صرنا #نحقد #نكره #نغير
#صرنا بفكر لايحمل عقل ولا منطق #صرنا نعيش على اساس التفرقه والتجزئه والاختلاف
#ف اختلاف الدين واختلاف الشكل وإختلاف اللون واختلاف الحاله الماديه واختلاف الحاله العقليه كله صار يؤزينا
#انسينا يااااا ابناء ادم اننا خلقنا من نفس الطينه انسينا اننا نرجع لنفس الاصل ابونا ادم
#لذالك دعونا ان نغوص في العمق في داخلنا عن صفه تجمعنا سويا دعونا نخلق فكر ،ثقافه تكون لا اختلاف فيها، ثقافه تنظر الينا على اننا بشر سواسيا دعوووونا

#ساره

كل شيء تغير حتى امي لم تعد امي

#فاديه

صدق من قال انو #المواقف تورينا ناسنا
الحمدلله ع حال اصبح #القريب غريب
و #الغريب قريب

#فاديه

وما بال القريب ؟ هل يا ترا اننا اصبحنا مألوفين لديه ام ثراء في وتينه حب غيرنا #ام اننا اعطيناه حبا لا يستحقه #ام اننا فشلنا في تكوين حب لايطرا عليه تغير !
#ساره

وما بالنا هل لم نعطي الفرصه للغريب ان يدنو ام كنا نتحفظ على القريب كي لا نخسره ام كنا منغلغين على انفسنا وعلى اشخاص اخترناهم #ام كنا نتخوف من الغريب ان يبارح مكانه بعد وثوقنا فيه
#ساره

انا وكمان مره انا 😌 #لاشيء يستحق ان يكسر قلبي #ولاان يحطمني #ولا ان يوجعني #ولا ان يبكي عيناي الجميلتان ☺️
#اجمل حاجه انك تعيش لذاتك #عشان ما تسعد نفسك عليك انو تتناذل عن ناس بعنو ليك الكتييير وكانت سعادتك بتتمحور عليهم وبتحاول قدر الامكان انك تسعدهم #بس بالمقابل هم #ياما ضايقوك #ياما جرحوك💔 #ياما كذبو عليك 😔#وذلوك كتييير
#بس خلاااص جاء ذمنك انت عشان تمشي وتخليهم وما تلتفت ليهم تاني #عشان خلاااص جاء ذمنك عشان تضحك من قلبك #عشان تعيش حياتك باطول والعرض
#بس بقول ليك ابدا ما تسيب سعادتك عشان ناس مابستاهلوها عشان بعدييين ما تلوم نفس على انو لاذم كان ابعد من ذمااان #عشان اصعب حاجه انو الانسان يلوم نفسو يقسو على ذاته ويضغط على نفسو علشان ناس ماعندهم قيمه !
#ساره

#ماذال يشلني
و#ماذلت اعشقه😍

#ماذال يجرحني
و#ماذلت احبه 😍

#ماذال يهملني

و#ماذلت مجنونه به😍
و#ماذال الوضع

و#ماذلت قتيله في حبه😍

#ساره

السوسه في نص الضرس مش بتختار المحل المناسب عشان يوجعنا 😅👌
يلا دا الزول الغلط الدخل قلبك وخلاك تتوجع بسبب دخولو ع حياتك 😏
#وانت الطيييب المغفل اللي سمحت ليو يستوطن قلبك لحد ما جاء الوقت وخذلك
#ايااااك تتهاون ع حساب مشاعرك
اينعم اتعودت ع وجودو لكن وجود مليان تعب ماااا حبابو 👏
#عندك حاجه اسمها مشاعر لو ما عارفه اعرفها من الليله ولقدام
انت من حقك تعيش بالطريقه اللي انت تحبها
الطريقه اللي تخليك مرتاااح حتى ولو كنت وحيد
مش في الاخر بالك مرتاح وراضي عن نفسك 🤗
#الخذلك مره مستعد يخذلك اتنين وتلاته
لكن لو انت انتظرت المره التانيه فمعليييششش حابه اقول ليك انت اهبل بالجد
#مفروووض تكون شاااطر كدا وتغدر بي زولك
اي تغدر بيو عااادي وين المشكله
حسسو انو بهمك وانو وجودو اكسجين بالنسبه ليك .... انتظر الفرصه المناسبه واخد حقك منو
#كدا ح يعرف قيمتك صدقني
#في حاجه اسمها حب لكن مع الزول الصاااااح
اما الزول بتاع النفسيات دا مااااا زولك
مااااا شنووو !?
ماااا زولك
#خليكم واعيييين وقدرو نفسكم ياخ
#مووونتهي ✋

#كسره .... عارفه كلامي دا م ح يرضي بعض الناس
فلعشان كدا مستعده لانتقاداتكم ع حسابي الشخصي
@Fadia7

#فاديه

خليك قوي ودامك اخدت قرار يغيرك , فكن قدرو 👌

#فاديه

#اي ثبات هذا الذي لك ?!
تخفي جروحك وتتظاهر بالسرور امام الجميع
!!!!!!
#*انا قوي... وم الذي استفيده اذا اظهرت معالم جروحي !!! ... يكفي اني اتحطم داخليآ فنفسي ادرى بحالها ... فنظرة الشفقه تلك لا تناسبني


#فاديه

اناني

لحظات بتمر علي الشخص تلقاهو ما متصالح مع ذاتو تلقاهو بفتش ذاتو في حياة الاخرين تايه مع نفسو يفتش عن حاجه اوصفه اصلاً ما بمتلكا عشان يشبع رغباتو في انو يكون هو الافضل هو الاحسن هو دايماً في الامام عشان يكون هو الافضل في نظر الاخرين مرات يعمل حاجات كتيره من غير ما يفكر تكون ماترضي ربو ولا دينو ولا اخلاقو ولا يفكر ان ح ياذي ناس تانيه غير نفسو همو بس الاول والاخر انو هو في القمه عشان شنو عشان يكون ليهو قيمه موجبه في اعين الناس دا الاناني. كلمة الناس خت تحتها خطوط حمره ليه كل حاجه نعملها عشان الناس او عشان الناس عملت الحاجه دي انا لاذم اعملها او عشان اكون في قمه واحده مع الناس طيب خت خط احمر هنا للناس. حكمة الله انو خلقنا مختلفين في عاداتنا وتقاليدنا ومشاعرنا واحاسيسنا وحتى مكانتنا بس ما عند الناس عند الله حسب ايمانك واخلاقك وحب للاخرين والطيبه الجواك كدا بتكون مكانتك عاليه عند الناس بس لمن تكون مضمونه عند رب العالمين عشان كدا ماتعمل حاجه عشان ترضي الناس اعمل عشان ترضي ربك! صفي روحك وضميرك وذهنك من انو فلان داااك احسن مني او فلان داااك عندو حاجه وانا ما عندي ياخي خليها علي الله هو البديك بس خلي نيتك صافيه وايمانك قوي كدا بتكون عندك حاجه والناس ماعندها هي صلتك بينك وبين ربك ودي الاهم وخالي الباقي علي الله
#ساره

اصعب #فتره ممكن تمر بيك , هي فترة ما بعد علاقه مهمه في حياتك
#يومك ح يكون ممل ... واذا حاولت تغيرو وتطلع ح تتذكر كل #الماضي .... تمر ع #محلات كنتو انتو تحبوها .... #اغاني كنت بتحبها عشان زولك هو اللي واصفك فيها ... #كلماتك اللي حفظتها منو وطريقة نبرة صوتك اللي انطبعت من نبرة صوتو ... #تلفونك ح يكون م تلفونك لانو ابسط حاجه الجراب انت اخترتو ع ذوق زولك , الخلفيه ع الاسكرين انت عامله عشان حسيت نفسك فيها ... #دولابك ح تفتحو وتشوف كميييية الملابس اللي انت لبستها عشان زولك ... #صباحك ومساك اللي يبدو وينتهو بوجودو في حياتك ح تصبح هاجس ومصدر ضيق ... #نظرتك وضحكتك اللي كانو يبان عليهم الفرح ح يزبلو ...
#كل شي ح يصبح بااااهت بدووون لووون ... ح تكون زي #الطفل اللي عايذ يتعلم يكون كيانو من جديد ... ح تحاول تتناسى كل شي
#بالجد مرحله متععععبه ومرهقه بالنسبه ليك
#خليك قدر حالك وحاول تبدا من جديد بدووون تحتاج لزول يساندك
#اسند نفسك بنفسك
#خليييكم بعاااافيه ❤️


#فاديه