#ساعدني ع نسياك ... افعل كل شيء يبعدني عنك ... مثل علي الدور وإكسرني ... بكيني ، كرهني فيك ... إنسى طيبتك وحنيتك علي 😔💔


#فاديه

#مرحلة السكوت 😐
لمن تحصل ليك مواقف متكرره من زول معيييين
وانت تمشيها عشان البينكم يمشي
مره بعد مره بعد مره
حتصل انت لمرحلة تكون م حاسس باااااي مشاعر
المهم عايذ تقنع نفسك بانو في امل لعلاقتكم

#فاديه

#بعد مرات بنبااااالغ في مشاعرنا تجاه زول معين
بمعنى اننا موفرين ليو كلللللل اسباب السعاده
بنضغط ع نفسنا عشانو 😪
ــــ بس شنو هو عامل عشانا
عامل شنو تجاه الحاجات اللي نحنا عاملنها ليو 💔
ـــــ بنتمنى انو تجي اللحظه اللي هو يعبر فيها عن مشاعرو
يااااخ ان شاءالله بكلمات بسيطه
لكن بتصرفاتو بثبت لينا اننا بننتظر المستحيييييييل


#فاديه

#نسيان
بنلجأ للنسيان لمن نحس انو قدرتنا ع التفكير فاقت حدها
بنحاول نخلي روتين حياتنا ماشي ع السليم
بنتظاهر اننا تمااام لكن جوانا زحمة اسمها محااااولة نسيان

#فاديه

ليتك تدوم لي 💔

#فاديه

في #زووووول كدا
وجودو منبع سعاده بالنسبه لي
🙈
#زووول مهما غلطت في حقو , بلقاهو م اتغير معاي
هدفو كل في الدنيا اني اكون من قسمتو
❤️
#بحس انو مخلوق عشاني
لاني ببسااااااطه بلاقي الراحه والامان معاو هو بس
#ضحكووو 😂
وهظاااارو
ياااخ تشل الفكر
😍
#ولمن تجي مكالمه منو 📲
ياخ دقات قلبي ترقص من الفرحه
ولمن اسمع صوت ضحكتو , ياا ساااااتر
دي خلوها بعيد🙈😂
#الاهتمام ملكو 😌
اتصال الصباح يعدل #موووود يومي
يااااخ وجودو معاي نعمه من الله

#فيااااااااا زولي خلي بالك مني فيك , وخلي لي بالك عليك 😉❤️
#زووولــــي ❤️
زول كدا يختصر ليك معنى الحياه 🍃
يبسط ليك كلللل حاجه صعبه
يخليك عايش مبسوووووط في حياتك 😍
#شايف الدنيا بوجهة نظر مختلفه تمااامآ😌
#رااااضي عن حالك لانك قدرت تختار صاح 👌
#زوووول كل همو انو يشوفك مرتااااح البال 🙈
ماااا طالب حاجه في الدنيا غير يوفر ليك كل اسباب السعاده ويخليك مكتفي بيو
#يهتم بأدق تفاصيل يومك , عشان يعرف قدر شنو انو اخذ حيز جواك ❤️😘❤️

#فاديه

ويا قلبي ما الذي جعلك تتورط !؟
#أحببته وتعلق وتيني به


#فاديه

‏حافظ على غموضك فلا شيء أسخف من أن تكون مألوفاً

#فاديه

اننا نحب دا ما يعني اننا نغير من نفسنا لدرجة التنازل عن الحقوق
#وقعت 😌👌

#فاديه

ويأتي يوم وتصبح منسيآ

#فاديه

أفنت حياتها تبحث عن بقايا ميت .... فكانت المعجزه انه ما زال ع قيد الحياة


#فاديه

نوهم انفسنا بأن البحث عن راحة بالنا هي الاهم .... لنصتدم بواقع الضياع

#فاديه

وكم من شخص تحمل مرارة الغربه ولمن يجني شيئآ غير الشيب وفقد الاعزاء


#فاديه

ليت الغالي يقاس بمعاملته .... فالبعض منهم يستحق الشفقه الخاصه

#فاديه

وعن ليل يلوح بيده كأنه أخذ معه الحزن ... فهيهااااات بل يلوح مودعآ الحزن تاركه معنا

#فاديه

مرات في حاجات كتيره بتخلينا نكمش مشاعرنا جوانا 😔 بتخلينا نتعذب من جووووه 💔 بتخلينا مافاهمين اي حاجه بتجوط دواخلنا بتلخبط كيانا ، حاجات اكبر من انو زول يستوعبا. مثلا مرات بنخاف انو يكون الطرف التاني ما بحمل لينا نفس المشاعر 😞 وكدا مشاعرنا ح تنجرح 💔 او كرامتنا ح تتشوه 😣 او ثقتنا با ذاتنا ح تضيع ،او المجتمع النحنا عايشين فيهو بغلق عليك كلللل النوافذ ❌ . بس لو جاء في يوم الحب ودق بابك 😍 ماتقول يا حب مابي عذابك 😊 هو الحب شنو غير عذابو حلاوتو بتكمن هنا ، يعني جرحك وجرحتو بكاك وبكيتو وجعتو من جوووه وجعك ورجعتو وتصافيتو ☺️ وضحكتو مع بعض 😂 وفرحتو مع بعض🤣 كدا العلاقه بتكون وطيده 👌بتكونو فهمتو بعض. بتخلو ليها طعم ، انك تكون دايما الفي قلبك ع لسانك افضل عشان تقوي كيانك 😌 عشان تبني شخصيتك عشان تكون زول رضيان عن ذاتك 🙂 عشان كدا ماتكمش مشاعرك وخلي لي ذاتك فرصه عشان تكون شخص راضي عن ذاتك ☺️

#ساره

اللهم صلي وسلم على سيدنا محمـد 💙🍃


جمعة مباركة

في ناس في حياتك يكونو مصدر فرح بالنسبه ليك .... مااااا تتمنى حاجه في دنيتك غير يكونو معاك ... بتضايق وبتزعل ع حسب حالتهم هم ومودهم .... بتمر عليهم مشاكل وضغوطات ممكن من خلالها يحسو انهم وصلو للنهايه .... نهاية مشاعر ,نهاية وجود كمان .... تتٲثر وتتمنى لو انت تكون محلهم عشان هم يكونو مرتاحين .... واذا شفت دمعه منهم , كيانك ح يتلخبط وتدخل في حالة ضيق كدا خياااااليه .... وتسٲل نفسك ليه انا متعلق بيهم للدرجه دي ?!!
وليه رابط مزاجي بمزاجهم ?!!
وغيرها كتيييييير
بس اذا ركزت ح تلاقي اجابتك بسيطه جدا .... انت حبيتهم بصدق ... حبيتهم لدرجة تسمع صوتهم وتشوف حركاتهم حتى لو هم ما معاك .... حبيتهم ما عشان انت قررت تحبهم لااااا ابدا , عشان وجودهم معاك هو اللي فرض عليك تحبهم دوووون م تشعر بنفسك
#صديقه و#حبيب ربنا يخلييييكم مصدر فرح ويبعد عنكم كلللل جرح وضيق

#فاديه

حاله حب 😍
ماعايذه اسمع ولا عايذه اشوف غيرو ماعايذه افرح ولا ازعل الا هو معاي ما اقدر اتنفس الا في وجودو ما بعرف اعيش من غيرو في حاله كدا من العشق بتمر علينا بتخلي كيانا ملخبط مافاهمين اي حاجه بتخلينا معلقين بالطرف التاني وجودو بالنسبه لينا كل حاجه بحس للحياه طعم في وجدو بحب كل حاجه مرتبطه بيهو جميله شوقي ليهو وجراحو لي وعدم اهتمامو بي كل حاجه بحس ليها طعم اذا كان الطرف التاني بحمل نفس المشاعر او لا حبي ليهو ما ح يتغير ح افضل احبو اكتر واكتر ح افضل اسكب اهتمامي عليهو ما ح استسلم لا خلاص يعني ما بحني انا اكمش مشاعري واتعزب وما ابوح ليهو عشان خايف من الشاكوش او ح انقص من احترامي لي نفسي او كرامتي تنزل عمرو الحب ماعرف الذل ولا كرامتي ح تنجرح ايوا ح افضل اغرق الطرف التاني با حبي واهتماي ما معروف احتمال الطرف التاني يحن ليك ويحبك بسبب اهتمامك بيهو عشان كدا حب بس ومن كل قلبك وما تعطي فرصه لي نفسك عشان تتزمر وما تقول ما ح اجري وراء الطرف التاني لالا اجري بقدر ما الله اداك قوه عشان ما تخسرو وبعدين تعيش با ندم ياريت لو عملته ياريت لوعملته ياريت ما بتنفعك خليك واثق انو دي فرصتك وما ح تجيك تاني اتشبس بيها قوي واوعك تفرفط في حبك خلي حاله حبك ليهو تخلي التطرف التاني يحبك بيها

Sara

لحظات وذكريات واماكن تجعلنا نتعلق بها تكون لنا معها حوداث ووقائع ظريفه مضحكه حذينه اليمه مرحه شوق وعاطفه وحب وكراهيه. احياناً تجعلنا نتعلق بها نتمسك بها لانها تعني لنا حياه! حياه تبعدنا عن واقع اليم مرير تجعلنا نعيش في عالم اخر في عالم تتلجلج فيه البسمه في اعماق قلبك واشخاص يسكنون في فكرك وعلقك وذاكرتك والامكنه المتعلقه بهم وجراحهم وحذنهم لك وشوقهم يعني لك فرحاًينحتون في ذاكرتك وقلبك وحياتك بصمة لهم يجعلونك ترى الحياه من خلالهم فقط با اعينهم وبفكرهم تتعايش معهم وكانهم خلقو لك وخلقت لهم هم وحدهم يعنون لك فرح حياه وطناً واحياناً طريفه تجعل ضحكتك من عمقك من داخلك وكأن العالم خلق من غير حسد من غير ضغينه من غير كبرياء من غير الم من غير حقد تجعلك تتمسك بالحياه وبالامل والطيبه واحياناً مؤلمه تجعلك تزرف دمعاً تزرف ألماً تجعلك متحطم من داخلك وكان الحياه خلقت للكراهيه للبغضاء كانها خلقت لجوان لابشر تملأ قلوبهم فقط حقد وحسد وكراهيه وضغينه وبغضاء وحب للذات وكبرياء ونذعت منهم الرحمه وحب الغير والمساعده للاخرين تجعلك تحمل كراهيه للذكريات والاماكن التي لها صله بهم.لذالك لاتجعل قلبك يتحكم فيك اجعل العقل هو المصيطر كي لا تنجرح كي لا تتالم كي لا تتعلق با شخاص ليس لك كي تتجنب كل ما يؤلمك لانها حياه لاتستحق الحذن ولاتستحق ان تحمل ضغينه في قلبك ولاجراح ولادموعاً في عينك فحياه يقودها العقل افضل ب كثيرمن حياه يقودها القلب!!
SARA

تعرفو الالم يعني شنو !?
يعني زول انت كنت شايفو بمنظور مختلف وواثق انو ح يواصل معاك ,, والادهى والامر انك كنت تزعل من اصحابك لمن يقولو ليك انو ما ح يواصل
ووووفعلا م يواصل ويخليك براااك مع وجعك

#فاديه