📕 Дарси 4 | Идораи хатарҳои рақамӣ

🖍 Ҳифозати рақамӣ худ раванд аст. Раванде, ки аз ҳар як корбар вобастагӣ дорад.

🖍 Ин ҷо чанд қоидаҳои таҳкими ҳифозати рақамиро бароятон пешкаш мекунем, ки риояи он дар шароити кунунӣ басо муҳим ва зарурист, хусусан агар шумо ҳамарӯза дар олами маҷозӣ сару кор мегиред.

@factcheck_tj
___
#factchecktj
#дарс
#омӯзиш
#роҳнамо
#бехатариирақамӣ

📕 Дарси 5 | Вижагиҳои гузарвожа (парол)-и мураккаб

🖍 Мавзӯи бехатарӣ дар Интернет паҳлӯҳои зиёде дорад. Дар баробари манфиатҳои бешумор Интернет ба аслиҳае шабоҳат дорад, ки агар корбар истифодаи дурусти онро надонад, метавонад ба худаш зарар расонад.

🖍 Аз қоидаҳои одитарини он, мисли интихоби гузарвожа (парол)-и мураккаб, зуд-зуд иваз намудани гузарвожаҳо, яксон набудани онҳо дар ҳама таҷҳизоти истифодашаванда, боргирӣ намудан танҳо аз сомонаҳои расмӣ, нагузоштани аломатҳои «писанд» (like) ба расму мавзӯъҳои тарғиботии гурӯҳҳои харобкор, баҳсу мунозира накардан бо троллҳо, ки чӣ гуна бо кибербуллингҳо (сайберозорӣ) муносибат кардан, бояд огоҳ буд.

🖍 Бо истифода аз ин тавсияҳо шумо метавонед, гузарвожаҳои худро боз ҳам мураккабтару мустаҳкамтар гардонед!

@factcheck_tj
___
#factchecktj
#дарс
#омӯзиш
#роҳнамо
#бехатариирақамӣ

📕 Дарси 6 | Хатари пайвандҳои ношинос

🖍 Ҳамарӯза тавассути почта ё суроғаҳои электронию шабакаҳои иҷтимоӣ ва месенҷерҳо мо аз чандин нафари шиносу ношинос паёмакҳо қабул мекунем. Гоҳо мешавад, ки пайванд (ссылка)-ҳои гуногунро равон карда, хоҳиш мекунад, то ба он нохун занем ва ё ба «иқдоме» ширкат варзем. Аммо таҷриба нишон медиҳад, ки на ҳамаи пайвандҳо барои амнияти рақамӣ ва ҳифзи додаҳои мо бехатар ҳастанд.

🖍 Ҳангоми ворид шудан ба сомонаҳои фишингӣ, хатари дуздидани маълумоти шахсии корбар, аз ҷумла рамзу гузарвожаҳои саҳифаи иҷтимоӣ, ҳамёну почтаҳои электронии корбар, вуҷуд дорад. Яъне, бо доштани ин маълумот қаллобон метавонанд, дороиҳои рақамии корбарро ғайриқонунӣ истифода карда, ба ӯ зарар расонад.

🖍 Аз ин лиҳоз, тавсия дода мешавад, ки ба пайвандҳои шубҳанок набояд ворид шуд!

@factcheck_tj
___
#factchecktj
#дарс
#омӯзиш
#роҳнамо
#бехатариирақамӣ

📕 Дарси 7 | Шаш роҳи ҳимоя аз фишинг

🖍 Фишинг – як намуди хеле маъмули қаллобӣ дар Интернет аст. Ҳадафи асосии он ба даст овардани маълумоти шахсӣ, рамзу гузарвожа, рақамҳои корти бонкӣ ё дигар маълумоти муҳими корбарон дониста мешавад.

🖍 Рахнагарон ё қаллобон гоҳо барои ҷалби корбарон мағозаҳои интернетии қалбакӣ, бонкҳои сохта ва ҳар гуна бозиҳои бурдноку иқдомҳои қалбакӣ эҷод мекунанд. Ба таври визуалӣ, чизҳои сохтаи қаллобон аз шакли аслӣ чандон фарқ намекунад. Аз ин рӯ, як корбар аз беэҳтиётӣ маълумоти муҳими шахсии худро бо розигии худ ворид мекунад ва қаллобон зуд ба он соҳиб мешаванд.

🖍 Қаллобон метавонанд, бо истифода аз фишинг саҳифа ё почтаи электронӣ ва ё ҳамёнҳои электронии корбарро рахна кунанд ва ба маълумоти арзишманд, ба вижа суратҳисоби бонкии корбар дастрасӣ пайдо намоянд!

@factcheck_tj
___
#factchecktj
#дарс
#омӯзиш
#роҳнамо
#бехатариирақамӣ
#фишинг