تدري متى يلعب بك ألفين وسواس
وتحس نفسك فاهم الناس توّك

اليا ظلمك إنسان كان أقرب الناس
وأنصفك شخصٍ تحسب إنه عدوّك .

يا ليل خذني للصباح و ودّني
‏طول السهر مافيه طيب وعافيه .

لو شانِ وجه الزمان وشان وجه الرفيق
‏" وجيهنا يسري الساري على نورها " .

ياقاطع الصوت لاتقطع مراسيلك
‏ماهي عداله من الثنتين تحرمني .

​تقويم يوم الخميس

​التاريخ الهجري: ٢٠ / ١١ / ١٤٤٧ هـ
​التاريخ الميلادي: 7 / 5 / 2026 م

مكارم النفس بالأخلاق مغروسه
وهبه مع الآدمي سبحان واهبها
،
لو يشتريها غني المال بفلوسه
ماكان شفنا فقير الحال كاسبها

‏مثّل لنفسك . . أمام الله وعْباده ..
تعبر بحملك صراطٍ كنّه الشفره
/
على شفا حفرةٍ والنار ، وقّاده ..
أحذّر ،، تمرّه وثمّ اطّيح بالحفره

هذي هـي الدنيـا من الباب للباب
وعن القدر ياناس .. مـابــه مفـره

جينا عليها أغراب و بنروح أغراب
ويابخت منهو يكفـي الناس شره

•┈┈┈••✦✿✦••┈┈┈•

‏لاتتعب ورى اللي ماورى عرفهم نوماس
‏ولا تستحي من ناس مهيب مستحيه
‏
‏لو ان (الحيا)مثل (الشعر)في وجيه الناس
‏لقيت أكثر العالم( لا شارب ولا لحية )

لو عقد وجه الزمان المستبد حجاجه
‏بين اموت بعزتي والا اعيش بذلي

‏ما رضيت الذل لو وقتي يشد سياجه
‏ولا قبلت الهون من دقي ولا من جلي .

تبختري بالعز يا شيخة الزين
ياللي عيونك غير دربك كفيفه

الله عطاك العقل والثقل والدين
والستر والحشمة ونفسٍ عفيفه .

 أفز له فزة " المحتاج لـ المعطي "
وأفقده لا غاب فقد الحي للميّـت .

قد كنت غالي قبل لا الدنيا تدور
 سبحان من يعطي القبول وينزعه !

في ذمتي ان كان للمرجله راس
انك على راس المراجل تساويت

مراجلٍ ماهي جديده على ساس
ساسن تدرّج من هل العز والصيت .

طاعتك لله هي ساس السعادة
في عبادة ربك احذر لا اتساهل

ما لقيت اللذّه الا فالعبادة
وما لقيت الراحه الا فالتجاهل .

الخصوم اللي تصيّد من ورانا مستجنّة
ما لقت شيٍ يقال ولا لقت عيبٍ يذاعي .

الحظيظ اللي عرف نفسه وريّح باله
‏مارهن عمره لـ بنك احلامه الورديه

‏والرضا سلعة كريمٍ طيّب الله فاله
‏من مخافة ربه ابيض وجه وابيض نيّه .

مالا يسرك تسمعه " لا تقـولـه "
‏ومالا رضيت بفعلته .. لا تسويه .