🟠 منصة إكسترا التعليمية | Extra Educational Platform 🟠

❓ ما الذي نقدمه؟
تقدم المنصة كل ما يخدم منهاج شهادة التعليم الأساسي (الصف التاسع) في سوريا و بشكل مجاني

❓ ما المواد التي نقدمها حاليا :
الرياضيات
الفيزياء و الكيمياء
علم الأحياء و الأرض
اللغة العربية
اللغة الإنكليزية

🎯 أهداف المنصة :
تهدف المنصة إلى إنشاء نظام تعليمي جديد بأسلوب مبسط عن طريق نشر ملفات تبسيطية و فيديوهات شرحية و اختبارات تعليمية و العديد من الأفكار بإذن الله


❓من نحن؟
فريق يضم طلاب من الطب و الصيدلة و الهندسة حاصلين على درجات عالية في شهادة التعليم الأساسي…
✨ ميس عبد الواحد
✨ أحمد منير جبريني
✨ أحمد سرميني
✨ يارا زكريا
✨ إسراء جبس
✨ عبد الكريم عبد الحي
✨ أسماء حجازي
✨ غفران محمود


🔜 ترقبوا أولى أعمالنا في :
يوم السبت 11 / 9 الساعة الثامنة صباحا 🔥🔥🔥

🗣 للتواصل مع الإدارة : t.me/AEXTRA_Bot

📎 رابط قناة المنصة على التلغرام : https://t.me/EXTRA_Platform

🎁 أولى مفاجآتنا لكم قبل بداية نزول أعمالنا 🤩🤩🤩

🤖 بوت الملفات الشامل :
ـ t.me/FEXTRA_Bot

❓ ما الذي يقدمه البوت؟

🔸 بضغطة زر واحدة تحصل على ما يحتويه البوت و بسهولة فائقة و بدون عناء للبحث


🗃 محتويات البوت :

🔹 المنهاج الدراسي الجديد للصف التاسع الأساسي كاملاً بصيغة pdf
🔹 أسئلة دورات كافة مواد الصف التاسع الأساسي للعامين 2020 و 2021 و الخاصة بالمنهاج الحديث مع سلالم تصحيحيها الوزارية بصيغة pdf عدا مادتي اللغة الإنجليزية و الفرنسية لعدم توفرهما
🔹 بالإضافة لاحتواءه مستقبلاً على المزيد من الأشياء التي تخدم طلاب الصف التاسع الأساسي


🟠 منصة إكسترا التعليمية | Extra Educational platform 🟠
منصة إلكترونية تقدم شرح مواد الصف التاسع الأساسي في سوريا على الإنترنت و بشكل مجاني
📎 رابط قناة المنصة على التلغرام :
ـ https://t.me/EXTRA_Platform

📐🧮 البوست التعريفي الخاص بمادة الرياضيات :

😵‍💫 ما يدور في رأس الطالب:
_ 600 علامة كاملة على مادة وحدة!!! 😱😱😱 و ياريت مادة سهلة، عالأقل الاجتماعيات إذا حطيت عقلي براسي و بصمتها بجيب علامة، بس هون ماعم أعرف كيف أدرس هالمادة، ماعم أعرف حل تمارينها 😰

_ حلمي جمع مجموع عالي، بس خايف كتير من هي المادة، الكل بقول أنها صعبة
…
…
…
و كتير من الشغلات اللي بتخطر عالبال أو اللي ما بتخطر، هون بجي دورنا نجاوب عن هالأسئلة لحتى تكونوا مرتاحين بالبداية 😍:
🧐 لما تفكروا بمادة الرياضيات، بتفكروا بهيك أفكار... بتتساءلوا شو لازم نعمل؟ 😕 و هاد شي طبيعي، نحنا كلنا كنا محلكن، وفكرنا أكتر من هيك بكتير، و ليكنا عدينا هالمرحلة بدون استسلام 🤩🥳 و أنتوا بإذن الله رح تعدوها و بتفوق إن شاء الله 👌


✌️ الطلاب دائما قسمين:
1⃣ قسم بيعشق الرياضيات : هدول الناس فهمانين الدنيا صح 🌚

2⃣ قسم بيكرهها و بيخاف منها، ليش يا ترى؟ 🤔
لسببين أساسين ✌️:
1☜ أنو كل اللي كانوا قبلكن فهموكن أنها عائق وأنها مادةضخمة وصعبة.😒
2☜ أنو بالسنوات السابقة ما حدا دلكن كيف تتعاملوا معها بالطريقة الصح 🔥

🚶وهون بيجي دورنا نحنا، لحتى نساعدكن  و نوجه أسلوب دراستكن، و نساعدكن ع فهم كل فكرة صغيرة أو كبيرة بالمنهاج، لحتى سوا إيد بإيد تصير من أسهل المواد الكن 🚶

📍الرياضيات عبارة عن لغة تانية، أسلوب حل بس تعلمتوه رح تعرفوا تحلوا أي مسألة طالما عندكن المعلومات الكافية والدراسة الصحيحة 🔥

📍منهاج الرياضيات عبارة عن 10 وحدات مقسمة إلى:
📎 6 وحدات جبر، رح تتعلموا فيهن أساسيات الجبر وكيف رح نحل معادلات و مسائل ✒، و رح تكون رحلة ممتعة من الأرقام و الحلول، و رسم التوابع والخطوط البيانية  💹
📎 4 وحدات هندسة رح تتعلموا تكتشفوا كل مجهول بالرسم، وتثبتوا المبرهنات بطرق سهلة وحلوة 😎

📍 بدايتنا بعون الله بتنزيل ملفات للمنهاج من يوم السبت الموافق 11/9 (يعني بكرة 🙂) على قناتنا التلغرام و نتابع كل أسبوع حتى نختملكن المنهاج بإذن الله قبل فترة منيحة من الفحص 😁

📍حتى لو كان أساسكن ضعيف رح نساعدكن تعوضوا النقص بالمعلومات لتدخلوا الامتحان بأتم استعداد

📍ولهاد السبب اخترنا لبكرة أنو ينزل ملف مراجعة لأهم أفكار الهندسة اللي لازم تدخلوا التاسع وأنتوا بتعرفوها و ورح ينزل معها شرح كيف تستخدموا النظريات 🥰

📍و أكيد رح نزودكن بمذاكرات وتمارين بعد كل وحدة لتختبروا نفسكن فيها و تتأكدوا أنكن عم تدرسوا صح 👌

📍و نحنا رح نكون معكن بكل خطوة ونجاوب ع أسئلتكن 🖋

☜ ماعليكن غير تشدوا الهمة وتدرسوا 📖 ليكون آخر المشوار نهاية مرضية للكل بإذن الله 💛
لأنو نحنا علينا بس نساعدكن تبدؤوا برحلة بناء مستقبلكن.. أما مفاتيح النجاح فرح تكون بإيدكن ✊ لأنو دراستكن ومتابعتكن هي اللي رح تجيب نتيجة آخر الشي 🔥

☜ كان معكن فريق الرياضيات لمنصة إكسترا التعليمية اللي رح يكون معكن بشكل مباشر على طول السنة بإذن الله 🔥😌
بإمكانكم السؤال والاستفسار عن كلشي بيخطر ببالكم عبر معرف بوت التواصل على التلغرام :
ـ http://t.me/AEXTRA_Bot

🖇 قناتنا على التلغرام:
ـhttps://t.me/EXTRA_Platform

🖇 بوت التواصل مع الإدارة:
ـhttp://t.me/AEXTRA_Bot

🖇بوت ملفاتنا اللي رح تنزل أول بأول:
ـhttp://t.me/FEXTRA_Bot

وفقكم الله بدراستكم وحياتكم 🥰

#الهندسة

📖 مراجعة عامة 🔄

🖋 إعداد :
© يارا زكريا

© https://t.me/EXTRA_Platform ©

⏺ تسجيل صوتي يوضح الملف السابق و يوضح الأمور المبهمة حول طريقة عملنا بالمادة 👆

🎙 إعداد : يارا زكريا

📝البوست التعريفي الخاص بمادة اللغة الإنكليزية :

المادة اللي تعتبر من المواد الأساسية والممتعة لسنوات الدراسة حاضراً ومستقبلاً 😌❤️

كتير ناس بحبوها ❤️ وكتير ناس بيكرهوها 💔...
» وفي الحالتين الطالب قادر يجيب فيها علامة عالية 😍👍🏻

🔸 الجانب الإيجابي والجانب السلبي منها:
الجانب الإيجابي :
_ بالنسبة للحياة:
امتلاك هذه اللغة مفيد جداً للعمل والسفر والدراسة ولمن يريد التميّز بمجال دراسته وعمله..
يمكن توظيفها في عدة مجالات في الحياة🥰
_بالنسبة للصف التاسع:
الأسئلة بتكون أغلبها مؤتمتة (اختيارات،صح او خطأ،...)
هالشي بساعد الطالب كتير لياخد علامة عالية😍 وبالإضافة أنه علامة الموضوع والنصوص لازم تكون مضمونة(لأنها من داخل الكتاب ورح نتدرب عليهن كتير)😌♥️

أما الجانب السلبي :
_ بالنسبة للحياة:
لم أسمع لها جانباً سلبياً في الحياة قط😂😍❤️ إلا قولكم(لغة الكفار)😂🤦🏻‍♀
_ بالنسبة للصف التاسع:
صعوبتها بتكون بالكلمات والقواعد.. الكلمات بس نحفظهن رح تنحل أول عقدة..
أما القواعد رح نتدرب عليهن كتير والطالب يلي بيفهمن صح بيقدر يحل السؤال ولو من المريخ 🔥😁 ونحن رح نبعت ملفات فيها قواعد الكتاب مع القواعد التأسيسية (اللي رح نبعتها مقسمة على أسبوعين واللي رح تضمنلكم العلامة العالية إن شاء الله☺️) ورح نبعت شرح صوتي للملفات😍 بحيث مايبقى عندكم ثغرات بالمادة إن شاء الله...
طبعا بكرا عالساعة 8 الصبح بكون نازل الملف الأول بإذن الله 🔥🔥👌

🔸 مضمون المادة:
المادة بتكون على شكل كتابين كتاب للنصوص وكتاب للأنشطة..
الكتاب عبارة عن ١٢ وحدة مقسمة إلى ٦ موديولات (modules) في كل كتاب وكل وحدة تحتوي على:
Reading قراءة(نصوص)
writing كتابة(مواضيع والكتابة بلا أخطاء إملائية)
Grammar القواعد
Vocabulary مفردات وكلمات
Listening استماع
Speaking التحدث
Pronunciation اللفظ

رح نكون معكن بالأربعة أقسام الأولى خطوة بخطوة...

استمتعوا بالمادة معنا ولا تخافوا منها ولا يغركن شكل وضخامة المعلومات في الكتاب.. لأن شكل الأسئلة يكون أبسط ومؤتمت بغالبه كما ذكرت سابقاً
"هي المادة التي من أحبها أحبته..."
ادرسوها بحب❤️
بإمكانكم السؤال والاستفسار عن كلشي بيخطر ببالكم عبر معرف بوت التواصل على التلغرام :
ـ http://t.me/AEXTRA_Bot

🖇 قناتنا على التلغرام:
ـ https://t.me/EXTRA_Platform

🖇 بوت التواصل مع الإدارة:
ـ http://t.me/AEXTRA_Bot

🖇بوت ملفاتنا اللي رح تنزل أول بأول:
ـ http://t.me/FEXTRA_Bot

❓مليت و أنت عبتدور على الكتب؟

❓مليت و أنت تبحث عن أسئلة الدورات؟

❓ما عبتلاقي سلالم التصحيح الوزارية؟

📌 نذكركم ببوت الملفات الشامل الذي يحوي كل المذكور سابقاً 😍 :
http://t.me/FEXTRA_Bot

📤 لا تنسوا مشاركته مع أصدقاءكم 🔥🔥

#اللغة_الإنجليزية

📖 مراجعة عامة - القسم الأول

🖋 إعداد :
© ميس عبد الواحد
© يارا زكريا
© إسراء جبس

© https://t.me/EXTRA_Platform ©

⏺ تسجيل صوتي يوضح الملف السابق 👆

🎙 إعداد : يارا زكريا

📝 المنشور التعريفي الخاص بمادة علم الأحياء و الأرض :

😍 المادة المحبوبة لدى أغلب الجماهير و هي مادة الحياة.. مادة الصور و التمعن.. مادة الربط.... والكثير من الأوصاف الجميلة التي تندرج تحت مسمى هالمادة الرائعة

🗂 تُقسم المادة إلى 4⃣ وحدات و بالبداية رح عرفكن عن الوحدة الأولى فقط و الخاصة بالفصل الأول و بعد ما نخلصها منتعرف عالباقي بإذن الله 😍

1⃣ الدعامة و التنسيق : 1⃣
هالوحدة تعد من أطول و أجمل الوحدات و بتنقسم ل 5 أقسام، رح أحكي عنها بشكل مختصر لحتى ما تملوا : بتحكيلنا هالوحدة عن هيكل الجسم البشري و مقوماته مع شرح بعض مكوناته من جهاز عصبي ينسق وظائف الجسم المختلفة، لأعضاء الحواس اللي بتخلينا منسجمين و متكيفين مع البيئة اللي عايشين فيها... و بنهاية الوحدة لازم نتعرف على صحة أجهزة الدعامة و التنسيق سابقة الذكر لأنو من الضروري هاد الشي لحتى نبقى على قيد الحياة

❓ كيف بتندرس هالمادة؟
✅ خلينا نقول مجازا هالمادة ما بيدرسها شخص أعمى أو ما بيحسن يستمتع بدراستها.. لأنو هالمادة حرفياً إذا بدكن تستمتعوا فيها فكل فقرة بدكن تدرسوها مع رسمتها لحتى تربطوا دراستكن بالذاكرة البصرية اللي بتفيدكن بتذكُّر الأشياء بسرعة فائقة، كمان فيكن تربطوا دراستكن مع أي شي و كتير بساعد هالشي عالتذكر

❓ شو رح تقدمولنا؟
✅ بإذن الله رح ننزل كل الدروس على شكل pdf هون عالقناة، الدرس رح يكون على صيغة أسئلة الامتحان ( ما وظيفة.. ماذا ينتج.. رتب.. مقارنات.. جداول..... إلخ ) و طبعا كل فقرة حطينا جنبها رسمتها لحتى تندرس معها مباشرة
ورح ينزل أتمتات و نماذج امتحانية كمان لحتى تتعودوا عنموذج الفحص و الكثير من المفاجئات بإذن الله 👌👌

📌 فيكن تطلعوا من هون http://t.me/FEXTRA_Bot على أسئلة الدورات كفكرة عامة شلون بتجي و عشو تركزوا... ( طبعا متل ما بتعرفوا مادة علم الأحياء بتتقدم مع مادة الفيزياء و الكيمياء بنفس اليوم تحت مسمى العلوم العامة )

🗣 للاستفسار عن أي شيء :
ـ http://t.me/AEXTRA_Bot

©ـ https://t.me/EXTRA_Platform ـ©

#علم_الأحياء_والأرض

📂 الوحدة الأولى 1⃣ : الدعامة و التنسيق
⬅️ أولاً : الجهاز الدعامي الحركي

📖 الدرس الأول 1️⃣ : الهيكل العظمي لدى الإنسان

🖋 إعداد :
© أحمد منير جبريني

© https://t.me/EXTRA_Platform ©