Кітай хоча сарваць выбары ў ЗША, а Расія — Алімпіяду ў Парыжы. #ІхНоравы

Усход працягвае плесці падступныя сеткі для Захаду. Кітай хоча паўплываць на вынікі выбараў у ЗША, а Расія зліцца, што яе не пускаюць на Алімпіяду ў Парыжы.

На гэтым фоне навіна, што мужчыны будуць часцей хварэць на рак прастаты, нават неяк губляецца. Але мы ўсё роўна ўключылі яе ў штодзённую падборку замежных навін.

https://euroradio.fm/kitay-khocha-sarvac-vybary-u-zsha-rasiya-alimpiyadu-u-paryzhy-ikhnoravy

Без VPN

Памёр беларускі паэт Мікалай Маляўка. "Ціха пайшоў з жыцця", — паведаміла яго жонка. Яму было 82 гады.

Развітанне з літаратарам адбудзецца ў Мінску на вуліцы Кульман, 33А, 6 красавіка з 9.00 да 10.00. Пахаваюць яго на радзіме ў вёсцы Мікалаеўшчына Стаўбцоўскага раёна Мінскай вобласці.

Мікалай Маляўка – лаўрэат Літаратурнай прэміі імя Аркадзя Куляшова, прэзідэнцкай прэміі "За духоўнае адраджэнне".

Славу я у прынеслі паэтычныя зборнікі “Зімні дождж”, “Рушнічок на крыжы”, этнаграфічная кніга “Сядзiба, або Хата з матчынай душою".

На вершы паэта пісалі песні, паводле драматычных твораў ставіліся спектаклі.

Важныя падзеі і сэнсы пятніцы 5 красавіка, у праграме ЕЎРАЗУМ:

01:15 “Хлопцы, у нас цяжкія часы”: Кныровіч і Свярдлоў пра вынікі тыдня

15:01 Навіны спорту

17:02 Пра што трэба ведаць, каб не стаць ахвярай раку грудзей. Расказвае доктар

24:56 Навіны шоу-бізу

27:04 Кітай хоча сарваць выбары ў ЗША, а Расія сабатуе Алімпіяду — #ІхНоравы

Берасцейшчына зняла забарону на вываз тавараў у Польшчу. Да 31 снежня зноў можна везці за мяжу прадукты харчавання.

Забарона дзейнічала са снежня 2022 года. Тады ў "несяброўскія краіны" абмежавалі вываз мукі, макаронаў, солі і цукру, алею ды кансерваў. Такім чынам улады хацелі "абараніць унутраны рынак".

Чакаем новых казак пра палякаў, якія прыязджаюць у Беларусь па бязвізве і скупляюць соль у крамах.

Беларуская касманаўтка Марына Васілеўская вяртаецца на Зямлю. Прызямленне запланаванае на 10:18 па мінскім часе ў Казахстане.

Ад МКС ужо адстыкаваўся карабль "Саюз МС-24" з удзельнікамі экспедыцыі — акрамя беларускі, у ёй бралі ўдзел ураджэнец Беларусі Алег Навіцкі і амерыканка Лорал О'Хара.

На гэтым тыдні ў стрыме з доктаркай навук Ірынай Сідорскай мы разважалі, чаму менавіта жанчына паляцела ў космас, а таксама начос Васілеўскай, які раптам выйшаў з-пад кантролю.

Падпісаны закон пра прызыў у войска па СМС. За няяўку па іх будуць штрафаваць на суму ад 10 да 30 базавых.

Але з'яўляцца ў ваенкамат па СМС будзе абавязкова толькі ў выпадку мабілізацыі.

Прынялі і норму пра службу па кантракце для тых, з кім ён "не можа быць заключаны праз абмежаванні". Лукашэнка ўсё ж зможа дазваляць службу асуджаным — і колішнім, і цяперашнім.

"Абмен досведам" з РФ прайшоў паспяхова.

Экіпаж паспяхова прызямліўся. Пасадка адбылася ў 150 км ад казахстанскага горада Жэзказган.

Пошукава-ратавальная служба ўжо эвакуіруе касманаўтаў з пасадачнай капсулы.

Экспедыцыя на МКС доўжылася 14 дзён — карабль "Саюз" змог выйсці на арбіту з другой спробы.

Абітурыенты з РФ змогуць паступіць у беларускія вну па выніках ЕГЭ. Мінадукацыі даў ім права вучыцца на бюджэце па 125 спецыяльнасцях.

У пералік даступных расіянам кірункаў увайшлі педагогіка, філалогія, эканоміка, кібербяспека праграмаванне ды іншыя.

Але выпускнікоў бюджэтнага аддзялення, нават калі яны маюць грамадзянства РФ, чакае сюрпрыз — абавязковае 2-гадовае размеркаванне.

Кіроўцы з Беларусі пагражае да 10 гадоў турмы за кантрабанду. Польскія мытнікі знайшлі ў ягонай фуры 200 тыс пачкаў цыгарэт.

Машыну затрымалі на польска-літоўскай мяжы. Высветлілася, што цыгарэты былі схаваныя паміж скрынямі. Калі б іх прадалі, польскі бюджэт недалічыўся бы больш за мільён еўра.

На беларуса завялі крымінальную справу.

Беларусь прайграе ў бітве з баршчэўнікам Сасноўскага. Апошнія 5 гадоў плошча, на якой пасялілася інвазіўная расліна, не падае ніжэй за 4,6 тыс га.

Пры тым, што дзяржава траціць на барацьбу з ім па 2 млн руб штогод, а ўласнікі зямлі павінныя знішчаць баршчэўнік на патрабаванне мясцовых уладаў.

З усіх рэгіёнаў найменш баршчэўнік сустракаецца на Берасцейшчыне — магчыма, што сёлета тут удасца знішчыць яго цалкам.

Інвазіўныя расліны і жывёлы не толькі ўплываюць на мясцовыя флору і фаўну, але таксама небяспечныя для людзей. Напрыклад, той жа баршчэўнік пагражае моцнымі апёкамі, а амброзія — адзін з наймацнейшых алергенаў.

Сельскую школу пад Брэстам назвалі імем даследчыка беларускіх шляхецкіх сядзібаў. Імя Анатоля Федарука надалі СШ у вёсцы Тэльмы.

Сам Федарук — ураджэнец сусёдняй вёскі Хабы, а з Тэльмаўскай школай яго звязваюць гады навучання.

Даследчыку належаць грунтоўныя працы пра сядзібы Берасцейшчыны і Міншчыны, а таксама пра садова-паркавае мастацтва і старажытныя паркі Беларусі.

Добры прыклад, што імёны можна надаваць не толькі ў гонар усюдыісных падпольшчыкаў і партызанаў ды яблыкаў.

У беларускіх турмах за палітыку сядзяць сама меней 2 грамадзяніна Узбекістана і адзін — Казахстана. Па звестках @viasna96, іх судзілі за антываенныя пратэсты 2022 і "абразу прадстаўніка ўлады".

Гэта Ільдар Таўхітаў, Віктар Новік і Віталь Скударнаў, які адбывае тэрмін у наваполацкай калоніі.

Сярод палітзняволеных таксама значуцца грамадзяне Украіны, Латвіі, Расіі і Польшчы. А ў сакавіку ў СІЗА памёр літовец — яго падазравалі ў кантрабандзе патронаў.

Паглядзіце, які круты ролік знялі футбалісты-аматары з аграгарадка Голацк. Хлопцы з аднайменнага клуба прысвяцілі прома пачатку гульнявога сезону.

Мяркуючы па відэа, здымалі яго ў ваколіцах мінскага парка Чалюскінцаў, а ў кадры з'яўляюцца самі футбалісты.

Голацк знаходзіцца ў Пухавіцкім раёне на Міншчыне і налічвае 836 жыхароў.