Пад Гродна з'явілася мора. Насамрэч — гіганцкая лужына па дарозе ў Зарыцу ў прыгарадзе.

Тут прайшлі моцныя дажджы, і вадзе проста няма куды падзецца.

Па звестках @newgrodno, ваду ўжо адпампоўваюць.

У Слоніме ліквідуюць дабрачынную арганізацыю "Дзіцячы хоспіс. Паліятыўная дапамога дзецям". Суд пройдзе 27 кастрычніка ў Гродзенскім абласным судзе.

Іск падало галоўнае ўпраўленне юстыцыі Гродзенскага аблвыканкама. Справу разгледзіць суддзя Жанна Краўчанка.

Арганізацыя працавала з 2007 года і займалася мерапрыемствамі ў хоспісе. Таксама 11 яе ўдзельнікаў рабілі падарункі невылечна хворым дзецям за ахвяраванні.

Чаму Кітай не паклікаў Лукашэнку на свой глабальны саміт? На гэтае пытанне ў эфіры @euroradio адказвае палітычная аглядальніца Роза Турарбекава.

Цалкам стрым тут: youtube.com/watch?v=O-tCrTu5spw

З Беларусі з'ехалі 350 тысяч праціўнікаў рэжыму. Такія лічбы агучыў камандуючы ўнутранымі войскамі Мікалай Карпянкоў.

Аўдыёзапіс яго выступу перад іншымі сілавікамі здабылі журналісты @zerkalo_io. Што яшчэ там нагаварыў адыёзны сілавік?

Выбух, пры якім загінула Дар'я Дугіна, быў аперацыяй СБУ. Гэта сцвярджае са спасылкай на крыніцы ва Украіне газета The Washington Post.

Як гаворыцца ў артыкуле, мэтай замаху быў сам адыёзны філосаф Аляксандр Дугін, а ягоная дачка загінула па выпадковасці.

Сцвярджаецца, што кампаненты выбуховага прыстасавання былі ўвезены ў Расію ў кацінай пераносцы ў багажы ўкраінскай уцякачкі Наталлі Воўк, якая ўехала ў краіну з 12-гадовай дачкой. Імя Воўк фігуравала ў паведамленнях расійскіх следчых органаў аб справе Дугінай.

Кэнсэлінг у Instagram: Серэна Уільямс абрэзала Арыну Сабаленку на сумеснай фатаграфіі з імпрэзы ў Маямі.

Тэнісісткі наведалі цырымонію адкрыцця рэстарана Casadonnaі. На мерапрыемстве таксама прысутнічала Каралін Вазняцкі. Яна і выклала ў сацсетках фатаграфію, на якую акрамя яе патрапілі Уільямс, Сабаленка і саўладальнік установы Дэвід Грутман. Пазней Сабаленка апублікавала гэтае ж фота.

Серэна таксама скінула здымак, але максімальна наблізіла яго, каб прыбраць беларуску.

У ЕС ёсць стратэгія ў дачыненні да беларускіх дэмакратычных сіл? На гэтае пытанне ў эфіры @euroradio адказвае палітычная аглядальніца Роза Турарбекава.

Цалкам стрым тут: youtube.com/watch?v=O-tCrTu5spw

Мiлата дня. На канцэрце ў Абу-Дабі Робі Уільямс прысвяціў песню 4-гадовай беларусцы.

Музыка паміж песнямі завёў размову з беларускай Любай. А потым запісаў відэазварот яе дачцэ Еве і прысвяціў ёй песню "Love My Life".

Зноў запрацаваў сайт газеты "Прессбол". Ён быў заблакаваны з чэрвеня і не абнаўляўся з 20 ліпеня.

Апошнім часам "Прессбол" перажываў цяжкі ў фінансавым сэнсе перыяд. У жніўні рэдакцыя спрабавала запусціць новы сайт Re:sport, але ўлады аператыўна заблакавалі і яго.

У гэтым месяцы у "Прессбола" з'явіўся новы галоўны рэдактар — Юрый Арлоў. А таксама стала вядома, што Беларуская федэрацыя футбола атрымала поўны пакет акцый.

"Прессбол" выходзіць ад 1991 года. Пасля масавых пратэстаў 2020-га з выдання сышла частка супрацоўнікаў.

Карціну Марка Шагала "Над горадам" хочуць прадаць на аўкцыёне Sotheby's. Мяркуецца, што твор майстра пойдзе з малатка за 12-18 млн долараў.

На гэтай карціне мастак адлюстраваў сябе ў палёце над горадам са сваёй каханай і будучай жонкай Бэлай.

Зараз карціна захоўваецца ў прыватнай калекцыі ў Японіі. Аўкцыён пройдзе 13 лістапада.

Вроцлаўскі ўніверсітэт дазволіў браць на заняткі хатніх жывёлаў. Прыходзіць са сваімі гадаванцамі могуць як супрацоўнікі ўстановы, так і студэнты.

Аднак ёсць некаторыя патрабаванні. Пераступаць парог універсітэта могуць толькі прышчэпленыя і здаровыя жывёлы. У грамадскіх месцах яны павінны быць на павадку. І нават так яны не дапускаюцца ў памяшканні, дзе праходзяць лабараторныя работы або захоўваюцца хімікаты.

Офіс Віктара Орбана ў Будапешце аблілі чырвонай фарбай. Напэрэдадні прэм'ер-міністр Венгрыі сустракаўся з Уладзімірам Пуціным.

23 кастрычніка ў Венгрыі адзначаюць Дзень пачатку рэвалюцыі і вызваленчай барацьбы (1956) і абвяшчэнне Венгерскай Рэспублікі (1989).

На думку апазіцыянераў, Орбан абразіў герояў прыгнечанай савецкімі войскамі рэвалюцыі 1956 году. Яны таксама абвінавацілі яго ў падтрымцы вайсковага злачынца.

Гуляем у "Пытаннечкі" ў сераду, 25 кастрычніка, у 19:00 па Мінску! Гэта ўжо хутка! Рэгіструйцеся на беларускамоўны анлайн-квіз вось праз гэтую гугл-форму.

Ніякіх абмежаванняў па месцы знаходжання гульцоў няма. У дзень квіза капітаны атрымаюць спасылку на Youtube-канал, дзе будзе праходзіць гульня. Ваша каманда можа сабрацца разам ці абмяркоўваць пытанні ў любым месенджары. А адказы будуць прымацца праз гугл-формы, якія таксама будуць у капітанаў каманд.

А вось вам і пытаннечка для разагрэву. Дзяліцеся версіямі ў каментарах!

Бойка з манашкамі, паўмільярда кэша ў аэрапорце і вайна — #ІхНоравы

У Ізраілі працягваецца вайна, і канца ёй пакуль не відаць. Але жыццё ідзе сваім парадкам ва ўсім свеце, у чым можна пераканацца, чытаючы традыцыйную рубрыку @euroradio "Іх норавы".

Чытаць тут: euroradio.fm/boyka-manashak-paumilyarda-kesha-u-aeraporce-i-vayna-ikhnoravy

А гэтая спасылка адкрыецца і без VPN

Важныя падзеі панядзелка, 23 кастрычніка, у праграме ЕЎРАЗУМ:

01:17 Ці сапраўды свету бракуе жаночага лідарства?

15:47 Навіны спорту

17:35 Што будзе рабіць Кіеў, калі Лукашэнка прызначыць новага амбасадара ва Украіну

31:09 Навіны шоу-бізу

33:33 Маёмасць, канфіскаваная ў праціўнікаў Лукашэнкі і яшчэ больш грошай на абарону — чым адметны бюджэт-2024

У Мінску ў аэрапорце затрымалі расіяніна з падробленым пашпартам. Ён не разлічыўся з пазыкамі і хацеў збегчы, але затрымаўся ў Беларусі. Відаць, надоўга.

Яго выкрылі падчас афармлення на рэйс Мінск – Стамбул.

Цяпер мужчыне адказваць за спробу незаконнага перасячэння мяжы (гэта штраф) і за выкарыстанне падробленых дакументаў (гэта крымінальная справа з пакаранеем у выглядзе абмежаванне волі на тэрмін да двух гадоў).

На якім месцы Беларусь у рэйтынгу коштаў на паліва? Казахскае агенцтва Energyprom вызначыла, што самы танны бензін у Егіпце ($0,32 за літр) і Алжыры (таксама $0,32).

Беларусь у рэйтынгу краін па кошце бензіну месціцца на 18-м месцы ($0,75 за літр). Пасля нас – Узбекістан ($0,89 за літр), Арменія ($1,20) і Украіна. Ну а больш за астатніх за паліва плацяць жыхары Ганконга і Фінляндыі.

У Беларусі пачаўся аператыўны збор каманднага складу Узброеных сіл. Будуць выпрацоўвацца "адзіныя падыходы да навучання". Першы этап — практычны, другі — тэарэтычны.

Што будуць рабіць вайскоўцы на чарговых вучэннях:

https://amp-euroradio-fm.cdn.ampproject.org/c/s/amp.euroradio.fm/u-belarusi-pachausya-aperatyuny-zbor-kamandnaga-skladu-uzbroenykh-sil