Іспанскі візавы цэнтр у Мінску аднавіў прыём дакументаў. Ужо цяпер можна паспрабаваць запісацца на падачу.

Разглядаюць заяўку ў Маскве, але падавацца можна ў Мінску. Будзьце гатовыя да таго, што рашэнне іспанцы прымаюць даволі доўга — да 6 тыдняў.

З пачатку поўнамаштабнай вайны заходнія кампаніі атрымалі ў Расіі каля $18 млрд прыбыткаў. Але яны не могуць імі скарыстацца, бо расійскі ўрад забараніў выводзіць грошы кампаніям з "несяброўскіх краін".

Як піша Financial Times, тытунёвая карпарацыя Philip Morris назапасіла ў Расіі 775 млн долараў, вытворца напояў PepsiCo — 718 млн. Абсалютны лідар па назапашаным у Расіі прыбыткам — банкаўская група Raiffeisen, якая зарабіла за гэты час каля 2 млрд долараў.

Адмененая праз абвінавачанні ў харасменце выстава "Утопіі. Італія" беларускага мастака Сяргея Сялецкага ўсё ж адбудзецца. Пасля таго, як ад яе правядзення адмовілася прастора CreateCulture, экспазіцыю перанеслі ў Еўрапейскі гуманітарны ўніверсітэт.

Адкрыццё — 19 верасня, як і планавалася раней. @euroradio гэта пацвердзіў куратар выставы.

У ЕГУ Сялецкі займае пасаду прафесара і выкладае ў Акадэмічным дэпартаменце гуманітарных навук і мастацтваў. Менавіта студэнткі гэтага ўніверсітэта выступілі з абвінавачаннямі, якія прывялі да пераносу выставы.

ААН мусіць прыкладаць намаганні дзеля арганізацыі экспарту ўкраінскага збожжа, а не змякчэння санкцый супраць Расіі ці Беларусі. Такую заяву падчас сустрэчы з генсекам ААН зрабіў прэзідэнт Літвы Гітанас Наўседа.

"Перабоі ў ланцугах паставак харчавання звязаныя з вайной ва Украіне, якую распачала Расія. І Крэмль, і рэжым Лукашэнкі выкарыстоўваюць гэта для дасягнення сваіх палітычных мэтаў — змякчэння санкцый ЕС або магчымасцяў іх абысці", — выказаўся Наўседа.

Літоўскі прэзідэнт нагадаў: прычынай праблем з пастаўкамі харчавання на сусветныя рынкі (перш за ўсё — у Афрыку) з'яўляюцца не санкцыі, а пуцінская агрэсія.

У Беларусь прывезлі "на адпачынак" яшчэ 48 дзяцей з акупаваных Расіяй тэрыторый Украіны. Як і ў мінулы раз, арганізацыяй займаецца фонд Аляксея Талая.

Да незаконнага вывазу дзяцей з акупаваных тэрыторый ужо прыцягнутыя і ўніверсітэты: паведамляецца, што іх сустракалі "добраахвотнікі з гістарычнага факультэта БДПУ".

Лісты Марыі Калеснікавай не даходзяць да сваякоў ужо паўгода. Як распавяла сястра палітзняволенай Таццяна Хоміч, апошні ліст быў у лютым.

Хоміч паспрабавала адказаць на пытанне "што б цяпер сказала Маша ўсім нам?". Калі коратка — рабі што можаш і знаходзь нешта добрае ў кожным дні, нават калі гэта кубачак кавы ці фільм.

А вы як лічыце?

У баях ва Украіне параненыя шасцёра беларускіх добраахвотнікаў. Яны ваююць у складзе батальёнаў "Волат" і "Літвін", што ўваходзяць у склад палка Каліноўскага.

Як паведамляе прэс-служба ПКК, на мінулым тыдні "Волат" "выконваў задачы на бахмуцкім накірунку" і "падчас выканання адной з задач чацвёра ваяроў батальёна атрымалі раненні". 2 байцы "Літвіна" былі параненыя ў неназваным раёне "на ўсходзе Украіны".

У лагеры ПВК "Вагнер" пад Асіповічамі прыбралі ўсе намёты. Гэта вынікае з дадзеных спадарожнікавага здымкаў за 9 і 18 верасня, якія параўнала ўкраінская служба "Свабоды".

Важныя падзеі панядзелка, 18 верасня, у праграме ЕЎРАЗУМ:

1:29 Новая рэзідэнцыя Лукашэнкі ў Мінску: на яе патрацілі амаль 50 мільёнаў з бюджэту

19:35 Навіны спорту

21:09 Чым горш — тым лепш. Хто ўвогуле прыдумаў прымусіць беларусаў ездзіць па пашпарты ў Беларусь

28:46 Навіны шоу-бізу

30:25 У маскоўскім цырку хочуць дрэсіраваць зубра. Яны там увогуле нармальныя?

У сталічным метро прыбяруць лацінку на ўказальніках. Улады плануюць зрабіць замест яе таблічкі на рускай мове.

Пра гэта сказаў старшыня Мінгарвыканкама Уладзімір Кухараў:

– Цяпер праводзім гэтую працу на прыпыначных пунктах. Адначасова яе не зрабіць праз вялікі аб'ём. Пытанне адпрацоўваем сістэмна. У адпаведнасці з дзеючым заканадаўствам мы яго ўрэгулюем.

Літва хоча пабудаваць плот на балоце на мяжы з Беларуссю. Цяпер не агароджана каля 100 км мяжы, якая праходзіць па рэках, азёрах і багністых месцах. Там кантроль вядзецца з дапамогай відэаназірання і іншых сродкаў.

Але, як кажа прадстаўнік памежнай службы Літвы Гедрус Мішуціс, дзяржава вывучае магчымасць на усёй лініі мяжы зрабіць бар'ер. Дзеля таго, каб спыніць нелегальную міграцыю.