Беларускія сілавікі "ўціхамірваюць" мігрантаў, страляючы ў паветра. Гэта спатрэбілася, калі жыхары лагера на мяжы з Польшчай прыйшлі да буса, з якога раздаюць ежу.

Увогуле стаўленне сілавікоў да ўцекачоў, мякка скажам, не вельмі добрае. Раней у тг публікавалі відэа, як яны выкідваюць ежу наўпрост з дзвярэй буса, а мігранты вырываюць яе адно ў аднога з рук.

Крыху добрых навін. Чаму так радуюцца людзі на гэтым відэа? Таму, што суд нарэшце пазбавіў Брытні Спірс ад апекі яе бацькі, якая працягвалася 13 гадоў.

Вось так цяпер выглядае Tinder у дзяўчат з Гродна.

Крыніца.

Беларускія памежнікі прывезлі групу мігрантаў да мяжы з Літвой. Але тыя пайшлі зноў да польскай мяжы. Відэа публікуе Delfi.

Літоўскія памежнікі суправаджалі групу. Таксама яны далі ім гуманітарную дапамогу, у тым ліку ваду.

Польшча пагражае зачыніць мяжу для Беларусі, а якія наступствы гэта можа мець? Як тлумачыць акадэмічная дырэктарка BEROC Кацярына Барнукова, тады краіну "чакаюць яшчэ і іміджавыя згубы, калі яшчэ пра гэта можна казаць для Беларусі". Пытанні будуць і ад кітайскіх партнёраў

"З-за сітуацыі ў Беларусі мы і так ужо бачым зніжэнне ініцыятывы ад Кітая. І даўгі яны перасталі рэфінансаваць, і прыток інвестыцый не такі, як мы разлічвалі. Таму што раней заўжды быў рост", – сказала экспертка @nashaniva.

Кали межы будуць зачыненыя, адзначае яна, «гэта саспсуе нам і з Кітаем узаемаадносіны».

"Таму, калі мяжа з Польшчай закрыецца, то і ў кароткачасовай перспектыве гэта страты вялізнай колькасці экспартнай выручкі і ВУП, працы для многіх беларускіх кампаній. Сярод іх вельмі шмат і прыватных, і іх праблемы ўрад не настолькі напрамую адчувае. Ён любіць прыватнікаў ігнараваць. З іншага боку і дзяржаўныя кампаніі таксама будуць несці страты. Гэта досыць сур’ёзная пагроза".

Дзе ўлады плануюць размясціць мігрантаў, якія знаходзяцца на мяжы? @euroradio даведалася ў чыноўнікаў (з Беларусі – праз ВПН): euroradio.fm/dze-ulady-planuyuc-razmyascic-migrantau-yakiya-znahodzyacca-na-myazhy

А гэтая спасылка адкрыецца і без VPN.

Чаму не працуе рэгуляванне цэн? Тлумачыць эканаміст Яраслаў Раманчук.

Што такое інфляцыя і хто на ёй зарабляе ў Беларусі — глядзіце відэа цалкам: https://youtu.be/nFNhhFk4Neg

Як працуюць праўладныя беларускія "праваабаронцы": справа – два сілавікі, злева – камера БТ.

Сам жа "праваабаронца" – Дзмітрый Белякоў, кіраўнік "Інфоспецназ", часты спікер на "Спутніку" і самаабвешчаны "палітолаг".

Вайна, варажнеча і беднасць: ад чаго ўцякаюць іракскія курды?

Распавядаем пра складанасці, з якімі сутыкаюцца курды (з Беларусі — праз ВПН): euroradio.fm/vayna-varazhnecha-i-bednasc-ad-chago-ucyakayuc-irakskiya-kurdy

А гэтая спасылка адкрыецца і без VPN.

Тэлеканал "Гродна Плюс" зрабіў рэпартаж пра тое, як гродзенцы прыносяць рэчы для мігрантаў. Ахвотных знайшлося так шмат, што ў сюжэце зняліся самі супрацоўнікі канала.

Заўважылі @hrodnalike

Лукашэнка заявіў, што ніводны самалёт "Белавія" не прывозіў мігрантаў у Беларусь: "Яны на сваіх самалётах, на "Боінгах" лётаюць".

Але ўжо некалькі дзён па сацсетках гуляе вось гэтае відэа.

Польскі вайсковец загінуў на мяжы з Беларуссю. Пра няшчасны выпадак паведаміла 17-я Велікапольская механізаваная брыгада. Паводле папарэдняй інфармацыі, “адбыўся стрэл са службовай зброі”.

“Салдат служыў у рэзерве, гэта значыць ён не выконваў заданні непасрэдна на польска-беларускай мяжы. Яго накіравалі на памежную службу крыху больш за тыдзень таму. З моманту прыкамандзіравання ён не кантактаваў з мігрантамі”, — гаворыцца ў заяве.

Прадстаўніца “Белсата” Ірына Слаўнікава і яе муж Аляксандр Лойка не выйшлі на волю пасля 15 сутак арышту.

Слаўнікаву і Лойку затрымалі 30 кастрычніка па прылёце з Егіпта ў Мінск. Іх асудзілі за рэпосты на ўласныя старонкі ў Facebook артыкулаў “Белсата”, матэрыялы якога ўлады абвясцілі “экстрэмісцкімі”.

Крыніца: @novychas

На гэтым тыдні выйшаў другі выпуск з цыкла "Рэжым чакання". Менавіта ў такім стане жывуць бацькі, якія чакаюць з турмы сваіх дзяцей-палітвязняў. У гэтым праекце @euroradio мамы і таты расказваюць пра характар, дзяцінства і захапленні тых, каго афіцыйныя ўлады назвалі злачынцамі. І вядома, пра тое, як гэта — жыць у рэжыме чакання.

Гераіня першага выпуску — Людміла Богдзя, мама палітвязня Віталя Шышлова. Жанчына раздрукавала кардонную фігуру сына на ўвесь рост і ходзіць з ёй на прагулкі і сямейныя святы…

Героямі другога выпуску сталі бацькі выкладчацы БДУІР Вольгі Філатчанкавай, затрыманай у летась. Яны распавядаюць пра гіперактыўную дачку, дэмакратыю ў сям'і і пра тое, якім стаў для іх гэты год.

Павел Севярынец працуе за кратамі над трыма новымі кнігамі. Палітвязень працягвае творчаць з турмы, паведамляе @viasna96.

У нядаўнім лісце палітык узгадаў свае новыя кнігі: раман “Беларусалім” (меркавана, гаворка ідзе пра трэцюю частку), “Дрэва жыцця” і “Ісус Хрыстос размаўляе па-беларуску”.

Яго жонка Вольга растлумачына, “Дрэва жыцця” Павел прыдумаў за кратамі, а “Ісус Хрыстос размаўляе па-беларуску” пачаў пісаць яшчэ за год да затрымання.

Вольга Севярынец была гераіняй нашага праекту “Палітвязні. Love Story”. Там жанчына распавяла, як гэта — быць жонкай апазіцыйнага палітыка ў сучаснай Беларусі.

Польшча разаслала мігрантам СМС з папярэджаннем не верыць чуткам. Пра гэта паведаміў міністр унутраных спраў і адміністрацыі Польшчы Марыюш Каміньскі:

— У сувязі з падрыхтоўкай правакацыі мігрантам накіраванае паведамленне Цэнтра дзяржаўнай бяспекі з папярэджаннем на англійскай мове не верыць чуткам, а таксама аб тым, што польская мяжа добра ахоўваецца. SMS таксама змяшчае спасылку на вэб-сайт з пашыранай інфармацыяй на 5 мовах.

Учора ў тг-чатах распаўсюджвалася чутка, што нібыта 15 лістапада Польшча адкрые мяжу і мігрантаў прапусцяць у Нямеччыну. Гэтую інфармацыю таксама падхапілі беларускія і расійскія прапагандысты.

Тым часам польская паліцыя паведамляе, што ўчора каля 50 мігрантаў "штурмам" уварваліся ў Польшчу, 22 з іх затрымалі.

Cham Wings Airlines адмяніла ўсе рэйсы ў Беларусь. Сірыйская авіякампанія спасылаецца на "крытычную сітуацыю на мяжы Беларусі і Польшчы".

Адзначаецца, што "цяжка ідэнтыфікаваць пасажыраў, якія накіроўваюцца ў Беларусь у якасці канчатковага пункта прызначэння, і імігрантаў", таму "палёты неадкладна прыпыняюцца".

Учора з’явілася інфармацыя пра магчымыя санкцыі ЕС у дачыненні да Cham Wings Airlines.

Раней спыніў прамыя палёты грамадзянскай авіяцыі ў Беларусь і Ірак. А турэцкая авіякампанія Turkish Airlines паабяцала не перавозіць грамадзян Ірака, Сірыі і Емена з Турцыі ў нашу краіну. Таксама праз пагрозу санкцый.