Telegram-канал "Ваўкавыск для жыцця Чат" прызнаны экстрэмісцкім. Адпаведнае рашэнне прыняў суд Ваўкавыскага раёна.

Прычыны стандартныя: "У ім змяшчаюцца заклікі да масавых беспарадкаў, хуліганскіх дзеянняў, блакавання руху транспарту, аказання супраціву супрацоўнікам праваахоўных органаў, знішчэння і пашкоджання іх маёмасці ў мэтах перашкоджання іх законнай дзейнасці альбо з помсты за выкананне службовых абавязкаў. У іх таксама ёсць каментары з абразамі і пагрозамі на адрас праваахоўнікаў і дзяржаўных службоўцаў, членаў іх сем'яў".

https://euroradio.pl/vaukavyski-tg-kanal-pryznany-ekstremisckim

Журналіста Арцёма Маёрава будуць судзіць за “дробнае хуліганства” (артыкул 19.1 КаАП). Гэта вынікае з раскладу сённяшніх пасяджэнняў у судзе Фрунзенскага раёну Мінска.

Журналіст газеты “Белорусы и рынок” перастаў выходзіць на сувязь учора раніцай, калі прыехаў да офіса TUT.by. Пазней сваякі адшукалі яго ў ІЧУ на Акрэсціна, дзе ён і правёў апошнюю ноч.

UPD: Усё ж такі цяпер судзяць не журналіста, а яго цёзку. Дзе, калі і за што будуць судзіць Арцёма Маёрава, па-ранейшаму невядома.

Мы даехалі да суда Фрунзенскага раёна і праверылі: цяпер судзяць не журналіста Арцёма Маёрава, а чалавека з такім жа прозвішчам. Прыносім прабачэнні за недакладную інфармацыю.

Дзе, калі і за што будуць судзіць затрыманага ўчора ля офіса TUT.BY журналіста газеты "Белорусы и рынок", пакуль невядома.

Федэрацыі футбола не спадабалася, што фанаты "Крумкачоў" падчас выканання гімна адварочваюцца ад футбольнага поля. Клуб атрымаў папярэджанне.

"На жаль, у апошніх матчах актыўныя заўзятары ТАА "НФК Крумкачы" пры правядзенні ўрачыстай цырымоніі адкрыцця футбольных матчаў праяўлялі непаважлівае стаўленне падчас выканання Дзяржаўнага гімна Рэспублікі Беларусь, устаючы спінай да футбольнага поля і да дзяржаўнага сцяга Рэспублікі Беларусь", — гаворыцца ў лісце федэрацыі футбола.

Футбалісты "Крумкачоў" былі аднымі з першых спартоўцаў, якія публічна падтрымалі мірныя пратэсты: яны нават выходзілі на поле ў майках "Мы з народам".

https://euroradio.pl/abff-papyaredzila-krumkachou-za-pavodziny-zauzyatarau-pry-vykananni-gimna

Мінэнерга Украіны настойвае на забароне імпарту электраэнергіі з Беларусі і Расіі. Гэта "патэнцыйна пагражае энергетычнай бяспецы" краіны, лічаць у Кіеве.

https://euroradio.pl/minenerga-ukrainy-prosic-pra-zabaronu-impartu-elektraenergii-z-belarusi-i-rasii

⚡️ У Баранавічах высока над дамамі ўздымаецца чорны дым, бачны з розных куткоў горада. Паводле папярэдняй інфармацыі, там упаў самалёт.

Побач з горадам вялікая авіяцыйная часць, там часта выконваюцца трэніровачныя палёты.

Фота @intexpress, @euroradio

Баранавічы. Фота з месца падзення самалёта. Бачна, што ён упаў наўпрост пасярод горада, побач з жылымі дамамі, на нечый гарод.

Фота @intexpress

21-22 траўня ў Баранавічах адзначаецца Дзень горада. Як даведалася @euroradio, у праграме свята было (і ёсць) авіяшоў. Амаль дакладна, што самалёт, які ўпаў, выконваў трэніровачны палёт для ўдзелу ў гэтым шоў.

Інфармацыя з дзяржаўнай баранавіцкай газеты "Наш край": пілот самалёта, які разбіўся ў Баранавічах, загінуў.

"Трагический случай произошел днем 19 мая.
Как удалось узнать «НК» самолет взлетал с аэродрома по направлению в Восточный микрорайон.
На взлете он врезался в частный дом на улице Розы Люксембург.
В катастрофе погиб летчик".

@euroradio

Версія падзення самалёта ў Баранавічах ад мясцовых жыхароў разыходзіцца з тым, што пішуць у дзяржаўнай газеце: “Ляталі спачатку чацвёркамі, потым двойкамі, потым на маіх вачах самалёт страціў кіраванне і пайшоў уніз”.

@nashaniva

Розныя крыніцы сыходзяцца ў меркаванні, што самалёт, які разбіўся ў Баранавічах, — вучэбна-баявы ЯК-130.

12 такіх самалётаў паступілі ў ВПС Беларусі па дамове з расійскім ПАТ “Навукова-вытворчая карпарацыя “Іркут” у 2019 годзе.

Адзін з загінулых лётчыкаў быў героем сюжэта “ВаенТВ”:

“Всё детство Никита Куканенко проводил у деда в населённом пункте Боровуха, где базировалась вертолётная база, поэтому разговоры об авиации в семье были постоянными...”

Святлана Ціханоўская выказала спачуванні ў сувязі з гібеллю лётчыкаў Андрэя Нічыпарчыка і Мікіты Куканенка:

“Сегодня под Барановичами разбился военный самолёт. Лётчики Андрей Ничипорчик и Никита Куканенко обнаружили неисправность – но не покинули борт, пока не убедились, что падение самолёта не заденет жилые дома. Они катапультировались в самый последний момент — и это стоило им жизни.

Я выражаю соболезнования родным и близким Андрея и Никиты. И восхищаюсь их поступком, ведь ставить жизнь других выше, чем свою собственную, — это настоящий героизм”.

Стала вядома пра затрыманне яшчэ некалькіх супрацоўнікаў TUT.by, якія не выходзілі на сувязь. Паводле ўдакладненай інфармацыі @tutby_official, таксама затрыманыя:

• намеснік галоўнага бухгалтара Марыя Новік
• намеснік генеральнага дырэктара па тэхнічных пытаннях Аляксандр Дайнека
• менеджэр Андрэй Аўдзееў

Журналісты, пра затрыманне якіх паведамлялася раней:

• рэдактар ​​Вольга Лойка (знаходзіцца на Акрэсціна)
• журналіст Алена Талкачова (знаходзіцца на Акрэсціна)
• галоўны рэдактар ​​Марына Золатава
• генеральны дырэктар Людміла Чэкіна
• галоўны бухгалтар Анжэла Асад
• намеснік дырэктара Ірына Рыбалко
• галоўны інжынер Ала Лапатко
• юрыст Кацярына Ткачэнка

Акрамя таго, да гэтага часу невядома, дзе знаходзіцца удава Юрыя Зісера Юлія Чарняўская.

На змену $900 тысячам за канапай прыйшлі $100 тысяч вядры з сабачым кормам. Менавіта такую карцінку паказаў прапагандысцкі тг-канал: буйную суму нібыта знайшлі пры вобшуку дома ў супрацоўніка TUT.by.

Сенсацыя: у топ-менеджара самага буйнога СМІ Беларусі дома ЗНАЙШЛІСЯ ГРОШЫ!

“Барабаншчык”, асуджаны за пратэсты на 6 гадоў, барабаншчыкам і не быў. А толькі хацеў навучыцца.

“У групе не знаходзіўся, проста ведаў гэтых хлопцаў, на маршы з імі не хадзіў, бываў на рэпетыцыях і дапамагаў прывозіць апаратуру. Хтосьці памыліўся, і панеслася", — кажа жонка Аляксея Санчука.

Ганна распавяла @euroradio пра жыццё з Аляксеем і без яго і пра 8-гадовую дачку, якая ўсё разумее.

https://euroradio.pl/na-spatkanni-plakali-u-try-ruchai-zhonka-barabanshchyka-yakomu-dali-6gadou-turmy

“Справа TUT.by”: чым яна небяспечная для ІТ і для грамадства?

Паводле афіцыйнай інфармацыі, прэтэнзіі да партала TUT.by і звязаных з іх кампаніяй выключна эканамічныя. Маўляў, незаконна ўвайшлі ў Парк высокіх тэхналогій і атрымалі падатковыя ільготы, ухіляліся ад выплаты падаткаў.

Ці павераць рэзідэнты ПВТ у рэальнасць гэтых прэтэнзій? Як на ІТ-бізнесе адаб’ецца гэты пераслед? У чым небяспека для грамадства і Беларусі страта незалежных СМІ? На гэтыя ды іншыя пытанні адказвае эксперт у галіне ІТ-тэхналогій і ІТ-бізнесу, сябра Каардынацыйнага савета Максім Баграцоў.

11 гадоў калоніі — за наезд на вайскоўцаў.

25-гадовы студэнт БНТУ Ціхан Осіпаў, па версіі абвінавачвання, у ноч з 10 на 11 жніўня удзельнічаў у акцыях пратэсту і наехаў на BMW на пяцярых вайскоўцаў. Пасля чаго утапіў аўтамабіль у вадаёме і заявіў у міліцыю аб угоне.

“З абвінавачаннем пракурора я не згодны. Я лічу, што гэта не правамерна занадта суровае пакаранне, я адэкватны чалавек, я ніколі ў жыцці не пайшоў бы на гвалт, а ўжо на забойства кагосьці — тым больш.

Я ўдзячны, скажам так, гэтай нагодзе, што ніхто з пацярпелых сур'ёзна не пацярпеў, і яшчэ раз хачу паўтарыць, што прашу ў іх прабачэння”, — заявіў у судзе Ціхан.

Чыноўнікі прапануюць увесці абавязковае размеркаванне для студэнтаў-платнікаў.

На пасяджэнні ў Парламенце міністр адукацыі Ігар Карпенка сказаў, што прадугледжана магчымасць прадастаўляць статус маладога спецыяліста і платнікам, якія звярнуліся ў Камісію па размеркаванні: “Але калі рабіць абавязковым размеркаванне для гэтай катэгорыі, незразумелы механізм кампенсацыі сродкаў, калі чалавек не паедзе на месца адпрацоўкі, механізм стымулявання туды ехаць. Напэўна, гэта заказчыкам кадраў трэба паклапаціцца, як замацоўваць у сябе кадры".

Чыноўнікі лічаць, што размеркаванне на першае працоўнае месца студэнтам трэба разглядаць як узнагароду.