Мінск. Па ўсім горадзе людзі ў форме і ў цывільным затрымліваюць раварыстаў. На фота — затрыманне на вуліцы Кульман, яшчэ адно адбылося бліжэй да Плошчы Бангалор, яшчэ два — на вуліцы Чарвякова, паведамляюць @glazacentr.

МУС:

"Малочисленные группы с незарегистрированной символикой замечены в Минске, некоторые протестующие доставлены в территориальные органы внутренних дел для разбирательства".

Таксама МУС:

*Ужо цягам двух гадзінаў без перапытку затрымлівае людзей у раёне Плошчы Бангалор*

Мінск. Затрыманая сябра асноўнага складу Каардынацыйнай рады, экс-дацэнт МДЛУ Наталля Дуліна. Пра гэта паведамляе @rada_vision.

Дуліна была госцем нашага эфіру, дзе распавядала пра страйк студэнтаў і выкладчыкаў МДЛУ.

Мінск. Затрыманы Яўген Цярэнцьеў, вакаліст і аўтар песень гурта Teleport.

“Такога вы не чулі”: гурт Teleport з трэкам “Акіян” >>>

Мінск. А гэта гісторыя са шчаслівым канцом. За раварыста, якога спрабавалі затрымаць, заступіліся жанчыны. І ён здолеў вырвацца і збегчы ад байца АМАП!

Да дзяўчыны, якая гэта ўсё здымала, са спіны падкраўся мужчына ў шэрым паліто:

— Што вы здымаеце?
— Там на чалавека нападаюць!
— Ні на кога там не нападаюць!

Ага.

Хочаш адправіць ліст палітвязню — прад’яві пашпарт!

Чытач @euroradio заўважыў на апараце для прыёму заказных лістоў абвестку, дзе гаворыцца, што прыём лістоў у турму “ажыцяўляецца з прад’яўленнем адпраўнікам дакумента, які пацвярджае асобу, і толькі ў прысутнасці работніка аб’екта паштовай сувязі”.

Праз 15 хвілінаў пачнецца чарговы суботні стрым незалежнага аналітыка Сяргея Чалага.

Глядзець тут: https://youtu.be/K0F7YCJtF80

У Беларусі 27 сакавіка затрымалі не менш за 60 чалавек, большасць з іх — у Мінску. Столькі прозвішчаў вядома праваабарончаму цэнтру @viasna96.

Па статыстыцы МУС Беларусі, сёння ў аддзяленні міліцыі прывезлі больш як 100 затрыманых.

Сяброўку Каардынацыйнай рады Наталлю Дуліну вызвалілі пасля праверкі дакументаў і асабістых рэчаў.

Мінск. Стала вядома пра затрыманне яшчэ адной журналісткі — гэта Любоў Бахурэвіч з газеты "Белорусы и рынок" (@belrynok). Найхутчэй, яе затрымалі ў раёне плошчы Бангалор, як і іншых журналістаў — Ганну Калтыгіну і Галіну Уласік з TUT.by, а таксама Ягора Марціновіча, Надзею Бужан і Кацярыну Карпіцкую з "Нашай Нівы".

UPD: Пасля некалькіх гадзінаў у Кастрычніцкім РУУС Мінска Любоў Бахурэвіч адпусцілі. Журналістка распавяла @euroradio, што не ўдзельнічала ў пратэставай акцыі. Яе затрымалі побач з домам — яна жыве непадалёк ад плошчы Бангалор.

У міліцыі на яе склалі пратакол.

Ганну Калтыгіну і Галіну Уласік з TUT.by, а таксама Надзею Бужан і Кацярыну Карпіцкую з "Нашай Нівы" адпусцілі з міліцэйскіх пастарункаў.

Галоўрэд НН Ягор Марціновіч па-ранейшаму застаецца затрыманым.

Аргкамітэт IX Міжнароднага Кангрэса даследчыкаў Беларусі абвяшчае збор заявак на стварэнне секцый і панэляў. Кангрэс адбудзецца 1-3 кастрычніка 2021 года ў Коўне (Літва).

Секцыі і панэлі могуць быць дысцыплінарнымі, тэматычнымі ці вузкаспецыялізаванымі. Заяўка можа быць як калектыўнай, так і індывідуальнай. Заяўнікамі могуць асобы, а таксама зацікаўленыя інстытуцыі і арганізацыі.

Для падачы заяўкі неабходна да 1 красавіка 2021 года запоўніць форму.

Прыклады назваў панэляў у праграмах Кангрэса 2019 года.

Дадатковыя пытанні можна задаць, напісаўшы на пошту icbs@palityka.org.

Валанцёры: 27 сакавіка ў Мінску затрымана 236 чалавек.

Cярод затрыманых як мінімум — 59 жанчын, 131 мужчына, дваіх забрала хуткая, 37 чалавек адпусцілі. Дадзеныя яшчэ па 46-ці затрыманым адсутнічаюць.

Сілавікам і супрацоўнікам дзяржСМІ пры неабходнасці дадуць целаахоўніка і нават зменяць знешнасць.

Такую магчымасць прадугледжвае праектная рэдакцыя ўнясення змяненняў у закон "Аб дзяржаўнай абароне". Дадатковыя меры абароны "дазволяць зберагчы жыцці, здароўе і маёмасць ад любых злачынных замахаў", заявілі на СТБ. Так выглядае 80% падтрымкі!

Сяргей Чалы распавёў, ці трэба бегчы ў банкі, здымаць уклады і пераводзіць іх у валюту.

Аналітык пракаментаваў словы Паўла Латушкі пра тое, што нібыта Нацбанк запусціў друкарскі станок, а яшчэ размовы, якія з'явіліся ў тэлеграм-каналах, пра таямнічую эмісію і заклікі "ратаваць тое, што засталося ад рублёвых заробкаў".

>>> https://euroradio.pl/chaly-raspavyou-ci-treba-begchy-u-banki-zdymac-uklady-i-peravodzic-ih-u-valyutu

15 сутак атрымала 23-гадовая Марыя Ціханава за тое, што здымала матэрыял з Нінай Багінскай для курсавой працы. АМАПавец подла падбег да яе ззаду і схапіў за шыю, калі яна проста ішла па праспекце Незалежнасці побач са спадарыняй Нінай.

Дзяўчына прыехала ў Мінск з Масквы. Яна вучыцца ў Інстытуце сучасных мастацтваў па спецыяльнасці "Рэжысура кіно і тэлебачання".