Мінск. Вось так выглядаў сыход пратэстоўцаў ад Арэна-Сіці

Мінск. Адчынілі ўсе станцыі метро.

Мінск. Нашы чытачы і карэспандэнты паведамляюць, што ў горадзе зноў запрацаваў мабільны інтэрнэт.

Мінск. На “Пушкінскай” пачаўся хапун. Затрымалі нават людзей, якія былі на прыпынку грамадскага транспарту.

МУС: у Мінску затрымана больш за 400 чалавек.

Таксама міліцыя прызнала, што яны выкарыстоўвалі агнястрэльную зброю:

"Сотрудники милиции задерживали несколько активных участников на проспекте Победителей. В это время другие люди протестной акции, не менее ста человек, пытались их отбить. Для пресечения незаконных действий был произведен предупредительный выстрел в воздух из помпового ружья".

ВАЖНЫЯ ДЭТАЛІ. Дэманстрантаў сёння абстралялі святлошумавымі гранатамі на вуліцы Ціхай, калі яны адыходзілі ад дома Лідзіі Ярмошынай.

Пра гэта паведамляе карэспандэнт Нашай Нівы, які быў сведкам гэтага эпізода.

Некалькі тысяч дэманстрантаў падышлі да дома Ярмошынай на вуліцы Ціхай, скандуючы "Баба Ліда, мы на чай!". Яны пакінулі каля агароджы яе палацыка плакаты і сімвалічныя падарункі.

Калі яны адыходзілі ад дома Ярмошынай і на Ціхай заставаліся некалькі соцень чалавек, з другога канца вуліцы прыехалі два бусы і зрабілі чатыры стрэлы ў кірунку дэманстрантаў. Тыя сталі адбягаць.

Паказальна, што іншыя жыхары Драздоў адкрылі вароты сваіх двароў, каб дэманстранты маглі схавацца.

Карэспандэнт @nashaniva не можа сказаць, ці былі там параненыя і затрыманыя, бо сітуацыя развівалася хаатычна.

Святлана Ціханоўская акурат цяпер адказвае на пытанні прыхільнікаў і апанентаў.

Гэта відэа з Драздоў, на якім чуваць і відаць выбухі, падобныя да святлошумавых гранат.

МУС абвяргае іх прымяненне супраць пратэстоўцаў 13 верасня.

Відэа: @motolkohelp

Мінск. На месцы гібелі дэманстранта Аляксандра Тарайкоўскага адноўлены надпіс "Не забудем, не простим!". Некалькі разоў улады яго зафарбоўвалі і засыпалі рэагентамі, а побач з плошчай дзяжурыў мікрааўтобус з сілавікамі.

Мінск. У бары "1067" на вуліцы Раманаўская Слабада затрыманыя як мінімум двое журналістаў-фатографаў. Супрацоўнікі АМАПа мэтанакіравана зайшлі па іх у бар, іншых наведнікаў не чапалі. Адзін з затрыманых — фрылансер Аляксандр Васюковіч. Другі, магчыма, Уладзь Грыдзін. Вось яго круты ТГ-канал з фота з мінскіх вуліц.

У праграме "Галоўны эфір" на тэлеканале "Беларусь 1" паказалі сюжэт пра тое, што Марыя Калеснікава часам адводзіць вочы, калі адказвае на пытанне. Калі вы робіце гэтаксама — ведайце, калі-небудзь па беларускім дзяржТБ могуць заявіць, што вы бралі ўрокі асабіста ў Гебельса.

Мінск. Фота зроблена на станцыі "Мінск Усходні" некалькі хвілін таму. Найхутчэй, расійскія вайскоўцы і вайсковая тэхніка едуць на вучэнні "Славянскае братэрства 2020", якія пачынаюцца 14 верасня ў Брэсцкай вобласці.

Мінск. Каля Фрунзенскага РУУС дзяжураць блізу 50 чалавек. Яны спадзяюцца, што іх сваякоў, затрыманых падчас вулічных пратэстаў, адпусцяць сёння.

13 верасня па Мінску прайшоў Марш Герояў. Бо ўсе беларусы, якія мірна змагаюцца за свае правы і больш за месяц выходзяць на вуліцы нягледзячы на гвалт і затрыманні з боку сілавікоў, — чым не героі?

Прадказальна, спецтэхніка пачала сцягвацца ў горад ад самай раніцы. Прадказальна, плошчы Незалежнасці і Кастрычніцкую закрылі для транспарту, ачапілі металічнымі рамкамі і калючым дротам. А людзей пачалі жорстка затрымліваць, як і ў мінулую нядзелю, на раёнах.

Як прайшоў гэты дзень? Глядзіце ў відэа, якое знялі карэспандэнты @euroradio: https://youtu.be/VmFEzXBoiEQ