Як Мінск выглядае з кабіны вайсковага самалёта? Відэа запісалі пілоты, якія ўдзельнічалі ў паветраным парадзе 9 траўня.

Пад Кобрынам 11 траўня заўважылі смерч, які ўзняў у паветра пясок і пыл. На жаль, пасля меліярацыі і высыхання балотаў такія з'явы на поўдні Беларусі робяцца ўсё больш звыклымі.

Вось, напрыклад, пясчаная бура на трасе Мінск — Гомель, два тыдні таму.

Каго глядзець/слухаць сёння на @euroradio? Трымайце анонс стрымаў на панядзелак (час пазначаны беларускі):

12:00 — паэт і музыка Алесь Плотка

13:00 — экспертка па міжнароднай палітыцы Роза Турарбекава

14:00 — прадстаўнік BELPOL Уладзімір Жыгар

15:00 — OpTeamist'ы Павел Трыпуць і Юля Марчанка

Глядзіце стрымы на ютуб-канале Еўрарадыё, задавайце пытанні!

У Расіі пачалі крымінальную справу праз пажар на буравой вышцы "Беларуснафты-Сібір". Кошт збудавання, якое загарэлася і абрынулася, складае ад 10 да 30 млн долараў.

Справа пачатая за "парушэнне патрабаванняў прамысловай бяспекі небяспечных вытворчых аб'ектаў". Следчы камітэт РФ ускладае віну за здарэнне на рабочых, якія працавалі на вышцы.

"Беларуснафта-Сібір" здабывае нафту на некалькіх радовішчах у Ямала-Ненецкай аўтаномнай акрузе Расіі. Для беларускай кампаніі гэта "Новая Венесуэла".

Што такое ленд-ліз? У ціктоку прыдумалі, як патлумачыць гэта за 5 секунд.

У Польшчы тры чалавекі затрыманыя за абыход санкцый, накладзеных Еўрасаюзам на Беларусь і Расію. Яны арганізоўвалі пастаўкі бярозавай фанеры пад выглядам прадукцыі з Казахстана.

Былі праведзеныя ператрусы ў кватэрах затрыманых і на складах кампаніі, задзейнічанай у схеме. Канфіскаваная бухгалтарская дакументацыя, электроннае абсталяванне і фанера. Узоры тавару былі ўзятыя для лабараторных даследаванняў.

Затрыманым прад'яўленыя абвінавачанні ў мытным махлярстве і ўчыненні злачынства, звязанага з парушэннем санкцый. Суд арыштаваў іх актывы для пакрыцця магчымых штрафаў і канфіскацый, а таксама санкцыянаваў іх знаходжанне пад вартай тэрмінам на тры месяцы.

Як выжываюць паэзія і постпанк у эміграцыі. Стрым з паэтам, лідарам гурта Sož Алесем Плоткам.

Гомельскі постпанк-гурт Sož выпусціў новы сінгл "Сэлявільня" — кароткі нарыс па гісторыі Беларусі апошніх пяці год. Гэта песня пра тое, як мы адзін аднаго трымаем за руку і падтрымліваем у цяперашні няпросты час.

16 траўня каманда прэзентуе сінгл нажыва ў варшаўскім клубе Voodoo Club. Разам з гамельчукамі на сцэну выйдуць музыкі гурта Relikt, якія таксама нядаўна выпусцілі новую кампазіцыю "Сцізорык".

Пра постпанк і паэзію ў эміграцыі, будучыню праекта "Беларусь" і іншае гутарым з Алесем Плоткам: https://www.youtube.com/watch?v=Y2elml8Nw1s

"Экстрэмісцкім фармаваннем" прызналі партыю, ліквідаваную два гады таму. Яна была адной з найстарэйшых у Беларусі — яе стварылі яшчэ ў час, калі існаваў СССР.

Падрабязней: https://euroradio.fm/ekstremisckim-farmavannem-pryznali-partyyu-likvidavanuyu-dva-gady-tamu

З Беларусі — без VPN

Гульні на тры фронта: ад параду ў Маскве да перамоў з ЗША і Кітаем. Стрым з Розай Турарбекавай.

Паездка ў Маскву на 9 траўня далася Лукашэнку вельмі цяжка. Ды яшчэ і расійскія журналісты вырашылі не рэтушаваць яго — і пуза паказалі, і даражэзны рэмень Hermès, якім гэтае пуза было падпаясанае. Ды яшчэ і пасадзілі "адзінага саюзніка Пуціна" побач з прэм'ер-міністрам Арменіі Пашынянам, які яму рукі не падасць.

Што засталося за кулісамі парада? Ці карысна для Лукашэнкі было проста пасядзець на адной трыбуне з Сі Цзіньпінам? Якія магчымасці для наладжвання адносінаў з ЗША дае рэжыму вызваленне Юрася Зянковіча і што стаіць за чарговым памілваннем палітвязняў? Гэтыя ды іншыя тэмы абмяркоўваем у стрыме з эксперткай па міжнароднай палітыцы Розай Турарбекавай: https://youtu.be/7d4lbLxCaWo

Таямніцы "Прэзідэнцкага спартовага клуба": У новым расследаванні BELPOL праехаўся па Машэнскім. Стрым з Уладзімірам Жыгарам.

Датычнасць сям'і "галоўнага змагара з карупцыяй" у Беларусі да карупцыйных схемаў ні шоку, ні здзіўлення даўно не выклікаюць. Але дэталі заўжды цікавыя. BELPOL распавядае пра схемы адмыву грошай, у якіх задзейнічаны "Прэзідэнцкі спартовы клуб", на чале якога шмат гадоў стаіць Дзмітрый Лукашэнка.

Як пад шыльдай "спорту" абвароўваюць беларусаў, пра якія сумы ідзе гаворка і чые подпісы можна знайсці ў дакументах? Распавядае прадстаўнік ініцыятывы BELPOL Уладзімір Жыгар: https://youtu.be/Y75NRDRbKBs

Польшча закрывае расійскае консульства ў Кракаве. Гэта звязана з доказамі датычнасці расійскіх спецслужбаў да падпалу гандлёвага цэнтра ў Варшаве.

Што адбываецца: https://euroradio.fm/polshcha-zakryvae-rasiyskae-konsulstva-u-krakave

З Беларусі — без VPN

Чым гітарыст гурта Volski здзівіць беларусаў ЗША. Стрым з Паўлам Трыпуцем і выкладчыцай вакалу школы OpTeamist Vocal Studio Юляй Марчанка.

Цікавасць па палітычнай дзейнасці беларусаў у выгнанні можа і змяншаецца, але інтарэс да сваёй мовы і культуры толькі расце. Дыяспары ў розных краінах працягваюць ладзіць імпрэзы. Вось, напрыклад, гітарыста гурта Volski Паўла Трыпуця чакаюць з канцэртамі беларусы ЗША.

Ці магчыма з дапамогай музыкі захаваць беларусаў у беларускім парадку дня? Стрым з Паўлам Трыпуцем і Юляй Марчанка: https://www.youtube.com/watch?v=wRs87WRm2rs

Долар спыніўся за 0,1 капейкі ад псіхалагічнага бар’еру ў 3 рублі. Валюта ЗША працягвае падаць, а расійскі рубель, наадварот, расце.

Вось як скончыліся першыя на гэтым тыдні валютныя таргі:

1 USD 🇺🇸 = 3,001 рубля | -2,28 капейкі
1 EUR 🇪🇺 = 3,39 рубля | угодаў не было
100 RUB = 3,69 рубля | +2,48 капейкі

Belavia абсталявала свае Boeing 737-800 мультымедыйнай сістэмай. Пасажыры змогуць бясплатна глядзець фільмы, слухаць аўдыёкніжкі і гуляцца на сваіх гаджэтах. Слухаўкі, дарэчы, таксама патрэбныя свае.

Каб скарыстацца сістэмай, трэба пасля ўзлёту падключыцца да бартавой сеткі Belavia праз Wi-Fi. Далей — адсканаваць QR-код, размешчаны ў салоне, ці проста ўвесці ў браўзэры адрас: belavia.box.

З рахунку фонда Анжалікі Мельнікавай "Białoruś Liberty" выведзена каля 150 тысяч долараў. У тым ліку $107 тысяч, прызначаныя для Каардынацыйнай рады, і каля $30 тысяч для "Кіберпартызанаў".

Апошняя аперацыя па вываду сродкаў датуецца 24-м сакавіка. На наступны дзень спікерка КР перастала выходзіць на сувязь.

Першы выпадак, калі Мельнікава выдаткавала сродкі фонда на асабістыя патрэбы, зафіксаваны 22 студзеня 2025 года. Яна аплаціла з карты паслугі сэрвісу Booking.

Далей на яе асабісты рахунак сістэмна пералічваліся сродкі, якія ёй не належылі. Каб не прыцягваць увагі, сумы пераводаў не перавышалі 2,5 тысячы долараў. Грант для КР, які паступіў на рахунак фонду 13 сакавіка, быў пераведзены за некалькі буйных транзакцый.

Цяпер кантроль над фондам "Białoruś Liberty" адноўлены. Праз упаўнаважаных прадстаўнікоў "Кіберпартызаны" атрымалі даныя пра ўсе рухі па рахунку з пачатку 2024 года.

Супрацоўнікаў "Гродна Азота" правяраюць на паліграфе, каб звольніць нелаяльных. Дэтэктар хлусні даводзіцца праходзіць як пры працаўладкаванні, так і пры працягу дамовы, даведалася @nashaniva.

Хаця там і так няма чаргі з жадаючых уладкавацца: https://euroradio.fm/supracounikau-grodna-azota-pravyarayuc-na-paligrafe-kab-zvolnic-nelayalnykh

З Беларусі — без VPN