Вызвалены з-за кратаў грамадзянін ЗША, палітвязень Юрась Зянковіч. Ён правёў у зняволенні чатыры гады.

Пра вызваленне беларуса з амерыканскім пашпартам паведаміў Дзяржсакратар ЗША Марка Рубіа. CNN удакладняе, што вызвалены — менавіта Зянковіч. Яго ўжо вывезлі з Беларусі ў Літву.

Юрася Зянковіча затрымалі ў красавіку 2021 года за ўдзел у “змове” супраць Лукашэнкі. Ён быў асуджаны на 11 гадоў калоніі ўзмоцненага рэжыму. Потым над ім адбываліся яшчэ два суды, па выніках якіх да яго тэрміну дадалі яшчэ 2,5 года.

“Пушкін — гэта маяк імперыі”. Вялікае інтэрв'ю з украінскім паэтам Сяргеем Жаданам — з Харкава, дзе выюць сірэны паветранай трывогі.

Чытайце тут: https://euroradio.fm/pushkin-geta-mayak-imperyi-zhadan-pra-vaynu-kulturu-i-belarus

З Беларусі — без VPN

А вось тут можна паглядзець відэа з гэтай размовай

Важныя падзеі і сэнсы серады, 30 красавіка, у праграме ЕЎРАЗУМ:

00:54 “Дзень Перамогі без шахедаў: ці магчыма такое?

14:37 Навіны спорту

17:10 “Пушкінізацыя” як вялікая каланізатарская палітыка — гутарка з Сяргеем Жаданом

26:36 Навіны шоў-бізу

31:51 ВПЧ: чаму людзі не давяраюць прышчэпцы

1 траўня 1996 года ў Беларусі пачыналася не з кавы. На першамайскай дэманстрацыі пратэстоўцы спалілі партрэт Лукашэнкі. Яшчэ 29 гадоў таму яны ўсё ведалі...

Гэтае фота знайшла @historyja.

Украіна і ЗША падпісалі пагадненне па карысных выкапнях. Амаль адразу ж Дональд Трамп пагадзіўся прадаць Украіне зброю на суму $50 млн — упершыню за свой другі тэрмін.

Пагадненне датычыцца толькі новых радовішчаў і ахоплівае 57 мінералаў. Калі яно набудзе моц, Украіна пачне выдаваць ліцэнзіі на іх здабычу. Унёскам ЗША будуць, у прыватнасці, новыя пастаўкі зброі для УСУ.

Міністр эканомікі Украіны Юлія Свірыдзенка дадала падрабязнасцяў:

- пазыка Украіны перад ЗША за аказаную раней ваенную дапамогу спісваецца

- утвараецца сумесны фонд сумесны 50/50. Ён будзе напаўняцца даходамі ад здабычы па новых ліцэнзіях. Бакі разам бакі вырашаюць, у якія праекты будуць укладвацца грошы, але толькі ва Украіне. Гэта могуць быць, у прыватнасьці, здабыча, інфраструктура, нафта і газ

- "Укрнафта" і "Энергаатам" застаюцца ва ўласнасці Украіны, зменаў у працэсах прыватызацыі ці кіраванні дзяржкампаніямі не будзе

На Гродзеншчыне тушылі вялікі лясны пажар. На яго скінулі 8 тон вады з ветралёта.

Агнём было ахоплена 60 гектараў у Воранаўскім раёне.

Першае фота Юрася Зянковіча пасля вызвалення. Тут ён разам з намеснікам спецпрадстаўніка ЗША ва Украіне Джонам Коўлам, які ездзіў у Беларусь, каб забраць цяпер ужо экс-палітвязня і вывезці яго ў Літву.

Зянковіч — юрыст, былы актывіст БНФ, грамадзянін ЗША і Беларусі. За кратамі ён правёў чатыры гады.

А вось як Юрась Зянковіч выглядаў паўгода таму, калі яго здымалі для прапагандысцкага фільма на БТ. Выглядае на тое, што палітвязня адмыслова "рыхтавалі" да вызвалення.

Амаль усе іншыя вядомыя фігуранты сфабрыкаванай супраць яго "справы пра замах на Лукашэнку" ўжо на волі. За кратамі застаецца толькі літаратуразнаўца і палітолаг Аляксандр Фядута.

Каго глядзець/слухаць сёння на @euroradio? Сёння ў нас выходны, таму ў анонсе толькі адзін эфір (час пазначаны беларускі):

14:00 — актор, рэжысёр, фехтавальшчык, папулярызатар гісторыі Васіль Калач у праграме "Ідэя Х".

Глядзіце стрымы на ютуб-канале Еўрарадыё, задавайце пытанні!

У Віцебску зноў гарэў гандлёвы цэнтр. З мінулага такога пажару не прайшло і паўгода.

Вось што там здарылася цяпер: https://euroradio.fm/u-vicebsku-znou-gareu-gandlyovy-centr

З Беларусі — без VPN

"Дом кіно" ў Мінску закрываецца і пераходзіць пад кантроль БРСМ. Усе супрацоўнікі, у тым ліку касіры і тэхнічны персанал, звольненыя, піша тг-канал @holybelawood.

"Дом кіно" адкрыўся ў 2005 годзе на месцы адрамантаванага кінатэатра "Партызан". Апошні паказ тут прайшоў 30 красавіка.

Новы гаспадар пакуль не агучыў канкрэтных планаў на будынак. Аднак адно вядома дакладна — кіно тут больш паказваць не будуць.

Юрася Зянковіча вызвалілі, бо пра гэта папрасілі з Вашынгтона. Так сказала расійскім медыям Наталля Эйсмант, прэс-сакратарка Лукашэнкі.

Дзяржсакратар ЗША Марка Рубіа, паведамляючы пра вызваленне Зянковіча, назваў яго несправядліва затрыманым грамадзянінам Злучаных Штатаў. Ён паставіў Беларусь у адзін шэраг з Афганістанам, Расіяй і Венесуэлай — краінамі, з якіх дзякуючы дыпламатычным намаганням на высокім узроўні таксама атрымалася вывезці зняволеных амерыканцаў.

Гонар і Годнасць для кожнага — вось мая беларуская нацыянальная ідэя! Сённяшні госць праграмы "Ідэя Х" — актор, рэжысёр, фехтавальшчык, папулярызатар гісторыі Васіль Калач.

У народаў, якія разам жылі ў Вялікім княстве Літоўскім, супольная гісторыя. Навошта яны сёння імкнуцца пасекчы яе на кавалкі, падзяліць паміж сабой і ганарыцца выключна “сваёй” часткай?

Пра тое, ці сапраўды беларусам асабліва няма кім ганарыцца і ў нас замалы “пантэон герояў”? А гістарычныя героі літоўцаў, палякаў ды ўкраінцаў — нашы ці не? Пра гэта ды іншае разважаем у праграме “Ідэя Х” з Васілём Калачом: https://www.youtube.com/watch?v=aPRDFE_RNkE

Некаторыя маркі цыгарэт даражэюць у Беларусі з 1 траўня. Кошты гэтым разам падняў толькі адзін беларускі вытворца — "Тытунь-інвест".

Адпаведна, "Карона слім", "Карона стыль" і "Карона эліт" прыбаўляюць у кошце па 10 капеек за пачак.

Работнікаў Беларускага металургічнага завода пачалі адпраўляць у неаплатныя адпачынкі. А яшчэ, як даведаўся @flagshtok, ім зразаюць прэміі.

Вось у чым там праблема: https://euroradio.fm/na-bmz-rabotnikau-stali-adpraulyac-u-adpachynak-za-svoy-kosht

З Беларусі — без VPN

"Сенатар" Дзмітрый Баскаў ездзіць па Мінску на Bentley без нумароў, заўважыла @tribuna_by. А вось у ДАІ гэтага не заўважаюць.

Хаця якраз сёння ў міліцэйскіх тг-каналах нагадалі пра адказнасць за рух транспартнага сродку без рэгістрацыйных знакаў. Але гэта для "звычйных" людзей.

А Баскаў сваё права ездзіць без нумароў зарабіў з бутэлькай гарэлкі "Прэзідэнт" у руках і ў ноч забойства Рамана Бандарэнкі.

Чарга на выезд з Беларусі ў Польшчу не рассмоктваецца, у ёй цяпер каля 900 легкавікоў. Мяжу сёння праходзяць тыя, хто заехаў у зону чакання 27 красавіка, чатыры дні таму.

Але пачала расці чарга і на ўезд з Польшчы ў Беларусь. На гэты момант яе яшчэ не вымералі ў аўтамабілях. Але новыя аўто, якія пад'язджаюць да мяжы, становяцца ў чаргу прыкладна ў 1 км ад пункта пропуску "Тэрэспаль".

Мастачка, якая стварае партрэты палітвязняў, шмат гадоў жыве з ракам. Ёй патрэбная наша дапамога.

Ксіша Ангелава жыве ў эміграцыі ў Варшаве, займаецца з дзецьмі — але грошай хапае толькі на аплату кватэры, дзе яна жыве з дачкой. З 2011 годзе яна пакутуе ад анкалогіі, перанесла шэраг аперацый. Але працягвае працаваць, часцей за ўсё набываючы матэрыялы для малюнкаў за ўласны кошт.

У мінулым годзе дактары занепакоіліся, што Ангелава выйшла з рэмісіі. Ёй выдалілі міндаліны і зрабілі аперацыю на звязках, пасля былі паўгода на хіміятэрапіі. Але гэта не канец: патрэбная яшчэ адна аперацыя на страваводзе.

Наша дапамога дазволіць атрымаць кансультацыі хутчэй. А таксама набыць лекі, аплаціць жыллё і ежу. Ахвяраваць можна тут: https://bysol.org/ru/private/xisha_angelova/

Мы будзем весці перамовы пра мір ва Украіне яшчэ 100 дзён, — заявіў віцэ-прэзідэнт ЗША Джэй Дзі Вэнс у інтэрв'ю Fox:

"Ёсць першы крок — агучаныя прапановы. Цяпер мы будзем прыкладаць намаганні, каб зблізіць пазіцыі Украіны і Расіі на працягу наступных 100 дзён".

І дадаў, што паміж Украінай і Расіяй захоўваецца "вялікая прорва" наконт бачання завяршэння вайны. Таму адміністрацыя Трампа будзе працаваць, каб "спрабаваць зблізіць бакі".

Сілавічкі замінаюць вяртацца ў Еўрасаюз людзям, якія з'ездзілі ў Беларусь пабачыцца са сваякамі. Іх не затрымліваюць — але заводзяць крымінальныя справы і абмяжоўваюць выезд.

Вось як: https://euroradio.fm/stryzhak-raskazau-pra-novuyu-taktyku-silavikou

З Беларусі — без VPN