Чаму ўдзел Лукашэнкі ў мірных перамовах — гэта добра?

"Гэта, хутчэй за ўсё, разблакуе ў выніку і межы, і магчымасці кантактаў, і магчымасці абменаў", — мяркуе экс-дыпламат.

Чытаць тут: euroradio.fm/chamu-udzel-lukashenki-u-mirnykh-peramovakh-geta-dobra-merkavanne-eks-dyplamata

А гэтая спасылка адкрыецца і без VPN

Вяртанне Украіны да межаў 2014 года — нерэалістычнае. Такую заяву зрабіў на сустрэчы міністраў абароны краінаў NATO ў Брусэлі кіраўнік Пентагона Піт Хэгсет.

"Мы, як і вы, хочам бачыць Украіну суверэннай і квітнеючай. Аднак мы сыходзім з рэальнай ацэнкі таго, што адбываецца на полі бою, — сказаў ён, выступаючы на сустрэчы Кантактнай групы па пытаннях абароны Украіны. — Таму мы мусім пачаць з прызнання таго, што вяртанне Украіны да межаў да 2014 года — гэта не рэалістычна. Імкненне дасягнуць гэтай ілюзорнай мэты толькі працягне вайну і прынясе больш пакутаў.

Мір для Украіны мусіць уключаць трываля гарантыі бяспекі, якія забяспечаць, што вайна не пачнецца ізноў. Гэта не мусяць быць пагадненні "Мінск 3.0".

Такім чынам, Хэгсет мімаходзь прайшоўся і па ролі Лукашэнкі як "міратворца" Усходняй Еўропы. Вярнуць яе не атрымаецца.

Таксама кіраўнік Пентагона заявіў, што ЗША не адправяць свае войскі ва Украіну, якімі бы ні былі гарантыі бяспекі, прадастаўленыя Кіеву.

У Мінску ў Серабранцы знікла электрычнасць. Вядома, што ў сераду без святла засталіся жыхары дамоў па вуліцах Якубава і Пляханава, а таксама па праспекце Ракасоўскага (Ленінскі раён).

Прычына аварыі пакуль невядомая.

Серыйную вытворчасць беларускіх электрамабіляў збіраюцца пачаць не раней за 2026 год. Пра гэта заявіў намеснік дырэктара Аб'яднанага інстытута машынабудавання Нацыянальнай акадэміі навук Беларусі Аляксандр Бялевіч.

І гэта пры тым, што Акадэмія навук працуе над "айчынным электрамабілем" ужо доўгія гады. А Лукашэнка яшчэ ў студзені 2024-га даў на пачатак серыйнай вытворчасці год. Але нешта пайшло не так.

"Яўрэяў пад кантроль". Лукашэнка — антысеміт, і гэта лёгка даказаць!

Узгадваем яго найбольш гучныя выказванні пра Ізраіль і яўрэяў.

Чытаць тут: euroradio.fm/yaureyau-pad-kantrol-lukashenka-antysemit-i-geta-lyogka-dakazac

А гэтая спасылка адкрыецца і без VPN

Невядомыя на квадрацыклах пашкодзілі гісторыка-культурную каштоўнасць — гарадзішча на Менцы. Толькі нядаўна стала вядома, што там плануецца адкрыць археалагічны музей пад адкрытым небам: прызнана, што старажытны горад Менск размяшчаўся ў раёне цяперашняй вёскі Гарадзішча.

Невядомыя "намотвалі кругі", як мяркуецца, на квадрацыклах некалькі дзён таму. Яны праігнаравалі шыльдачку, што праезд забаронены, аб'ехалі агароджу.

Навошта Лукашэнка сабраў прадстаўнікоў розных рэлігійных канфесій, калі "сваімі" ён лічыць толькі праваслаўных? На гэтае пытанне ў эфіры @euroradio адказвае гісторык, палітычны аглядальнік Аляксандр Фрыдман.

Цалкам стрым глядзіце тут: https://youtu.be/TTyJGPoGwes

Нічога незвычайнага. Проста ў Брэсце ў сярэдняй школе №13 вайскоўцы раздалі дзецям аўтаматы і пісталеты.

У 111-й гвардзейскай артылерыйскай брыгадзе кажуць, што правялі "мерапрыемства да Дня абаронцаў Айчыны і Узброеных сіл Рэспублікі Беларусь".

Падобныя мерапрыемствы з раздачай дзецям "для азнаямлення" зброі праводзяцца па ўсёй Беларусі. Іх праводзяць і вайскоўцы, і міліцыянты, і нават ратавальнікі.

Андрэй Кузнечык на волі! Палітзняволены супрацоўнік Радыё Свабода ужо ў Вільні, паведамляе Святлана Ціханоўская.

Журналіст-фрылансер знаходзіўся за кратамі з лістапада 2021 года.

Таксама выйшлі на свабоду актывістка Алена Маўшук і грамадзянін ЗША, імя якога пакуль не раскрываецца.

Першыя кадры Андрэя Кузнечыка на волі! Відэа са сваім супрацоўнікам апублікавала Радыё Свабода.

Журналіст ужо знаходзіцца ў Вільні, дзе і сустрэўся з сям'ёй.

Беларуска Марына Кіявец адна гадуе трох сыноў і ганяе з Польшчы ва Украіну машыны для ЗСУ. Цяпер ёй патрэбная дапамога: у яе сярэдняга сына дыягнаставалі аўтызм.

Калі вы жывяце ў Польшчы, вы можаце пералічыць 1,5% сваіх падаткаў на рэабілітацыю хлопчыка — накіруйце іх у Fundacija Avalon. Калi будзеце плаціць падаткі, увядзіце нумар КРС 0000270809, зрабіўшы допіс KIYAVETS, 20342.

А проста заданаціць можна тут

Важныя падзеі і сэнсы аўторка, 11 лютага, у праграме ЕЎРАЗУМ:

01:15 Ці уцягне Расія Беларусь у вайну, як кажа Зяленскі?

12:26 Навіны спорту

14:16 Што такое сённяшні Белкульт і як з гэтым жыць

26:10 Навіны шоў-бізу

28:38 Крыніцы памянялі, а трубы — не. Ці праўда ўсе мінчане атрымалі чыстую ваду

Амерыканскі дыпламат пра вызваленне трох палітвязняў: “Аднабаковы жэст з боку беларускіх уладаў”. Падрабязнасці CNN раскрыў Крыс Сміт, намеснік памочніка дзяржсакратара ЗША па Еўропе.

“Гэта была спецыяльная аперацыя: мы перасеклі беларускую мяжу, сустрэліся ў Мінску з прадстаўнікамі ўладаў, якія перадалі нам трох затрыманых. Мы забралі іх і вывезлі праз Літву”.

Паводле Сміта, гэта быў “аднабаковы жэст” з боку беларускіх уладаў, якія імкнуцца палепшыць адносіны з ЗША.

“Лукашэнка не атрымаў нічога ўзамен”, – адзначыў ён.

Учора выйшлі на волю журналіст Андрэй Кузнечык, актывістка з Пінска Алена Маўшук і грамадзянін ЗША, імя якога не раскрываецца з меркаванняў прыватнасці.

У беларускіх турмах застаюцца амерыканцы. ЗША спадзяецца іх вызваліць, а пакуль вітае учорашняе вызваленне свайго несправядліва затрыманага грамадзяніна разам з двума беларусамі.

Дзяржсакратар Марка Рубіа падкрэслівае, што гэта стала магчымым дзякуючы "моцнаму лідарству прэзідэнта Трампа" і працы амерыканскіх дыпламатаў. Асобна ён падзякаваў ураду Літвы, назваўшы яго "сапраўдным саюзнікам і сябрам".

"Мы застаёмся адданымі справе вызвалення іншых амерыканскіх грамадзян у Беларусі і іншых краінах. Мы таксама заклікаем да вызвалення амаль 1300 палітычных зняволеных, якія застаюцца за кратамі па ўсёй Беларусі", — заяўляе Рубіа.