Амбасада Беларусі ў Сірыі прыпыніла працу. Дыпламаты адкліканыя ў Мінск.

Амбасадар Юрый Слука "некаторы час будзе ў сталіцы на кансультацыях, па выніках якіх плануецца правесці паглыбленую ацэнку абстаноўкі". У сталіцы Лівана Бейруце "разгорнуты часовы консульскі пункт" у Сірыі для "працягу консульскай дзейнасці і аказання магчымай дапамогі" грамадзянам Беларусі.

8 снежня стала вядома пра падзенне рэжыму Башара Асада ў Сірыі. Яго ўлада ў выніку ўдалага наступу апазіцыйных сілаў была дэмантаваная менш, чым за два тыдні. Цяпер розныя часткі краіны кантралююцца рознымі сіламі: паўстанцамі, друзамі, курдамі.

Уночы на 16 снежня Ізраіль нанёс удары па складах са зброяй у сірыйскім горадзе Тартусе. Пры Асадзе там базаваліся расійскія войскі.

Каго глядзець/слухаць сёння на @euroradio? Трымайце анонс эфіраў на панядзелак (час пазначаны беларускі):

13:00 — кіраўнік Агенцтва еўраатлантычнага супрацоўніцтва Валерый Кавалеўскі

14:00 — экспертка па міжнароднай палітыцы Роза Турарбекава

15:00 — гісторык, палітычны аглядальнік Аляксандр Фрыдман

16:00 — заснавальнік культурнага руху “Спеўны сход” Сяржук Доўгушаў

Глядзіце стрымы на ютуб-канале Еўрарадыё, задавайце пытанні!

"Мяне папросту выжылі з Гродна". Інстаграм-блогер Вадзім Ермашук расказаў, што змусіла яго пакінуць Беларусь пасля выхаду з-за кратаў.

“Паступова мяне прымушалі да гэтага. Тым больш усе беларусы да гэтага часу ходзяць на дзяржпамыйкі і шабашы падчас чумы ў цэнтрах гарадоў і танчаць пад "Корни" ды Стасю Міхайлаўну", — цытуе Вадзіма @hrodnaonelove.

Яшчэ адной прычынай для эміграцыі стаў чарговы канфлікт з даносчыцай Вольгай Бондаравай. Яна напісала на Вадзімаці заяву ў міліцыю за тое, што ён нібыта абразіў яе.

Пасля амаль трох гадоў зняволення Ермашук з'ехаў з Беларусі спачату ў Грузію, а пасля ў Польшчу. Цяпер былы палітвязень адпачывае ў Тунісе.

Праз санкцыі "кашалёк Лукашэнкі" Аляксей Алексін вяртае частку "Табакерак" фабрыцы "Нёман". Праз гэтае "перафарматаванне" апошнім часам і закрыліся сотні шапікаў па ўсёй Беларусі.

Акрамя цыгарэтаў, у "Табакерках" прадаюць, напрыклад, квіточкі на праезд. Таму шмат дзе атрымалася вельмі нязручна, калі яны перасталі працаваць.

Як піша @officelife_media, большую частку шапікаў (2265) кампанія "Энерга-Ойл" Алексіна пакідае сабе. Другая частка (535) вяртаецца пад кантроль "дачкі" фабрыкі "Нёман" — прадпрыемства "Табак". Так улады хочуць падтрымаць дзяржаўную вытворчасць.

Са студзеня па травень 2024 года ў беларускіх гаспадарках памерла 61,6 тысячы кароў і цялят. Гэта на 20,2% больш, чым за такі ж перыяд летась. Статыстыка засакрэчаная — але Камітэт дзяржкантролю паведаміў яе ў адным з дакументаў, які @euroradio атрымала з дапамогай беларускіх сілавікоў з @belpol.

Не дапамагаюць ні "неаднаразовыя патрабаванні забяспечыць вытворчую дысцыпліну", ні "прыцягненне вінаватых да адказнасці", ні бясконцыя нарады і "даручэнні кіраўніка дзяржавы".

Тут жа пералічаныя і прычыны падзяжу — "элементарная безгаспадарчасць і грубыя парушэнні тэхналагічных рэгламентаў", "недастатковае забеспячэнне якаснымі і бяспечнымі кармамі", "дэфіцыт кваліфікаваных спецыялістаў" і, вядома ж, невыкананне плана, зацверджанага намеснікам прэм'ер-міністра. А таксама "бяздзеянне асобных старшынь райвыканкамаў, у тым ліку і замацаваных за праблемнымі сельгасарганізацыямі".

Міністр спорту Сяргей Кавальчук ізноў знайшоў пазітыў у санкцыях. Ён нават лічыць, што беларускім спартоўцам "многія краіны" зайздросцяць.

Вось якія добрыя навіны сёння ў былога ахоўніка Лукашэнкі: https://euroradio.fm/belaruskamu-sportu-yaki-znakhodzicca-pad-sankcyyami-zayzdroscyac-kavalchuk

З Беларусі — без VPN

Лукашэнка марыць пра перамовы з Захадам, дэмакратычныя сілы сварацца праз грошы. Стрым з Валерыем Кавалеўскім

Ніхто (рэальна ніхто) так часта не кажа пра перамовы па мір ва Украіне, як Лукашэнка і яго чыноўнікі. Вось напрыклад сёння намміністра замежных справаў заявіў, што Беларусь таксама мусіць сядзець за сталом, дзе будуць абмяркоўваць заканчэнне вайны.

Але ці можна з дапамогай “Арэшніка” ізноў прымусіць Захад лічыцца з Лукашэнкам?

Абмяркуем гэта з кіраўніком Агенцтва еўраатлантычнага супрацоўніцтва, дыпламатам Валерыем Кавалеўскім. А таксама пагаворым пра чарговы крызіс у дэмсілах — ніхто не можа патлумачыць, як і на што размяркоўваецца дапамога, якую апазіцыя атрымлівае ад заходніх краінаў.

Глядзіце стрым тут, задавайце пытанні: https://youtu.be/xt4mKiRBIHU

Хочаце паставіць ялінку ў двары паміж шматпавярховікаў? Проста не атрымаецца. Каб яе не прыбралі на наступную раніцу — патрабуецца ўзгадненне. І, магчыма, не адно.

За ўтрыманне тэрыторыі ля дамоў адказваюць таварыства ўласнікаў, жыллёвы кааператыў, ЖЭУ і г.д. Трэба даведацца, хто адказвае за канкрэтны ўчастак двара, і ўзгадняць ялінку менавіта з імі.

А іначай... практыка паказвае, што ялінкі, пастаўленыя самавольна, аператыўна прыбіраюцца арганізацыямі, якія адказваюць за стан прыдамавой тэрыторыі. Таму што не ўзгоднена, не паложана!

Долар таннее, а расійскі рубель даражэе на першых на гэтым тыдні таргах. Такая сітуацыя на Беларускай валютна-фондавай біржы другія таргі запар.

Вось якія афіцыйныя курсы будуць дзейнічаць бліжэйшыя суткі:

1 USD 🇺🇸 = 3,4658 рубля | -0,97 капейкі
1 EUR 🇪🇺 = 3,6743 рубля | курс не змяніўся
100 RUB = 3,3627 рубля | +0,69 капейкі

Ізраіль пляжыць Сірыю, а Кая Калас кажа, што Расія не гатовая да міру. Стрым з Розай Турарбекавай.

Таццяна Хоміч чакана звярнулася да еўрапейскіх палітыкаў з просьбай часткова зняць санкцыі з лукашэнкаўскага рэжыму ў абмен на вызваленне палітвязняў. Захаду фактычна прапанавалі распачаць перамовы з Мінскам.

Але ці магчымая такая змена стратэгіі? Як на адносіны Беларусі і Захаду ўплывае дынаміка падзеяў ва Украіне і вакол Украіны? У які бок развіваецца сітуацыя ў Сірыі? Абмяркоўваем з кандыдаткай гістарычных навук, эксперткай па міжнароднай палітыцы Розай Турарбекавай.

Глядзіце стрым тут, задавайце пытанні: https://youtu.be/z8_X-kUaeK8

"Непадкупным беларускім дыпламатам" у Малдове аказаўся супрацоўнік КДБ. @reformby высветліў, што яго завуць Уладзімірам Зубковым, ён скончыў Сувораўскую вучэльню і Вайсковую акадэмію (дзіўнавата для дыпламата, праўда?) і жанаты на колішняй супрацоўніцы "СБ — Беларусь сегодня".

10 снежня па БТ паказалі рэпартаж пра тое, як польскі дыпламат нібыта прапанаваў беларускаму грошы за працу на спецслужбы Польшчы. Але беларус адмовіўся ад супрацоўніцтва, змог запісаць размову і нават зняць частку сустрэчы. на відэа.

Было агучанае толькі імя беларускага дыпламата — "Валодзя". Але гэтага аказалася дастаткова, каб высветліць, што на пасадзе дарадцы ў амбасадзе Беларусі ў Малдове працаваў кадравы чэкіст.

Страхі Лукашэнкі: ад Украіны, Грузіі і Сірыі да… беларускіх гісторыкаў. Стрым якраз з адным з іх — гісторыкам Аляксандрам Фрыдманам.

Прапаганду і ідэолагаў (цікава, што ўцямнай ідэалогіі ў краіне няма, а ідэолагаў — як вошай на сабаку) перыядычна падрывае, калі нечыя выказванні альбо погляды на гісторыю адрозніваюцца ад прапісных у афіцыйных падручніках. А вось якія наступствы для Беларусі прынясе размяшчэнне "Арэшніка" на яе тэрыторыі — гэта прапаганду мала цікавіць.

Што рэальна стаіць за жаданнем Лукашэнкі атрымаць ядзерную зброю? Як падзеі ў Сірыі ўплываюць на наш рэгіён і якім чынам яны могуць закрануць Лукашэнку? Чаму прапаганда так зацята цкуе гісторыкаў?

Пра гэта і іншае разважаем з палітычным аглядальнікам, гісторыкам Аляксандрам Фрыдманам: https://youtu.be/Ns-V7hwunio