Як захаваць сябе за кратамі і чаго гэта каштавала? Эфір @euroradio з Ірынай Шчаснай.

Што стаіць за словамі “папраўчая ўстанова” і што давялося перажыць у калоніі? Як змянялася стаўленне да “палітычных”? Чаму рэжым так зацята іх пераследуе і ці патрэбны быў 2020 год? Ці існуе магчымасць перамоў з рэжымам і што трэба рабіць, каб вызваліць людзей з-за кратаў?

На гэтыя ды іншыя пытанні ў эфіры Еўрарадыё адказвае былая палітзняволеная, актывістка, рэдактарка тэлеграм-канала "Мая краіна Беларусь" Ірына Шчасная: https://youtu.be/2EciVUBihbc

Чыноўнікі хаваюць звесткі пра якасць паветра ў Гомелі другі дзень запар. У чарговай справаздачы Белгідрамета ізноў няма гэтага горада, хоць ён там заўсёды фігураваў.

У параўнанні з учорашняй справаздачай, ізноў з’явіўся Жлобін. Па даных на 24 верасня, у паветры горада была перавышаная норма цвёрдых часцін (KD10).

Жыхары Гомельшчыны днямі зноў пачалі скардзіцца на дым і пах гару ў паветры. Прычына — пажары на ўкраінска-расійскім памежжы, іх бачна нават са спадарожнікаў. 

Дым над Беларуссю: ці ёсць небяспека і як абараніцца ад шкоды?

У Літве прызналі ненадзейнай кампанію, якая мелася друкаваць "пашпарты Новай Беларусі" і вырабляла літоўскія пашпарты. Пасля такога рашэння Дэпартамента дзяржбяспекі Літвы Цэнтр персаналізацыі дакументаў скасаваў з Garsų pasaulis кантракт на аказанне паслуг.

Раней Беларускі расследвальніцкі цэнтр зрабіў публікацыю пра магчымыя сувязі кампаніі Garsų pasaulis з рэжымам Лукашэнкі. Таксама яна фігуравала ў карупцыйных скандалах у Кыргызстане, Дэмакратычнай Рэспубліцы Конга і Малдове.

Аляксандр Фрыдман на @euroradio! Задавайце пытанні ў чаце.

Што стаіць за заявай расійскага апазіцыянера Яшына пра гандаль палітвязнямі Лукашэнкам і ці гатовы Захад да нейкіх “гандлёвых дамоваў” з Мінскам? Чаму бізнес у Беларусі ніяк не паўплываў на палітычную кар’еру нямецкага дэпутата? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам: https://youtu.be/RWGiudA3gJU

Затрымалі хлопца, які трэс палавым органам і абражаў Лукашэнку. І не, гэта не мастак Аляксей Кузьміч.

Інцэдэнт адбыўся яшчэ ўвесну ў Рэчыцы. Кампанія прыпаркавала машыну на паркоўцы каля школы мастацтваў. Пілі алкаголь і слухалі хіты расійскага гурта "Рукі ўверх". Пад песню "Крошка мая" адзін з хлопцаў зняў штаны і трусы і стаў дэманстраваць усім свой палавы орган. Ён таксама выкрыкнуў: "Міліцыя — пі**асы!" і "Лукашэнка — пі***ас!".

Затрымалі хлопца праз паўгады — яго дом штурмавалі мінімум 5 амапаўцаў.

Распачата крымінальная справа.

МЗС заклікала беларусаў пакінуць Ліван. Тым, хто пражывае ці знаходзіцца цяпер там, рэкамендуюць пакінуць краіну камерцыйнымі авіярэйсамі.

Беларусам, асабліва тым, хто знаходзіцца ў паўднёвых рэгіёнах Лівана, пры немагчымасці вылецець з краіны рэкамендуюць пераехаць на больш бяспечныя тэрыторыі.

Амбасада раіць беларусам няўхільна прытрымлівацца рэкамендацый мясцовых уладаў, выконваць правілы асабістай бяспекі, заставацца ў кантакце з беларускімі дыпламатамі ў Сірыі.

Што рабіць дэмсілам: вызваляць палітвязняў любой цаной ці ціснуць на рэжым? На гэтае пытанне ў эфіры @euroradio эмацыйна адказвае былая палітзняволеная і рэдактарка тг-канала "Мая краіна Беларусь" Ірына Шчасная.

Цалкам стрым тут: youtube.com/watch?v=2EciVUBihbc

"Што не збіралася, выцечы не можа": ці варта пераймацца праз скандал з пашпартам?

Былы памочнік Кавалеўскага пракаментаваў скандал вакол фірмы, звязанай з вытворчасцю пашпартоў “Новай Беларусі”.

Чытаць тут: euroradio.fm/shto-ne-zbiralasya-vycechy-ne-mozha-ci-varta-peraymacca-praz-skandal-z-pashpartam

А гэтая спасылка адкрыецца і без VPN

Улады Балгарыі адмовіліся даць прытулак грамадзяніну Беларусі. Цяпер яму пагражае дэпартацыя з краіны.

Паведамляецца, што адмоўнае рашэнне наконт прытулку прыняў 17 верасня Вярхоўны суд у Сафіі. Цяпер беларус з адвакатамі рыхтуецца абскардзіць рашэнне. Ён не выключае, што будзе звяртацца ў Еўрапейскі суд па правах чалавека

Літва дэнансуе пагадненне аб супрацы з Беларуссю ў мытнай сферы. Адпаведнае рашэнне ўхвалілі на пасяджэнні ўрада 25 верасня. Таксама Літва дэнансуе такое ж пагадненне з Расіяй.

Ініцыятыву выказала Міністэрства фінансаў, а ўрад падтрымаў.

"Улічваючы беспрэцэдэнтную ваенную агрэсію Расіі і яе саўдзельніцы Беларусі супраць Украіны, грубае парушэнне міжнароднага права, а таксама тое, што на практыцы трансгранічная гандлёва-эканамічная супраца з гэтымі дзяржавамі цалкам прыпыненая і немагчымая, мэтазгодна дэнансаваць пагадненні", — заявіла міністр фінансаў Гінтары Скайсце.

Літоўская мытня практычна спыніла супрацу з мытнымі службамі Беларусі і Расіі пасля пачатку шырокамаштабнай расійскай агрэсіі супраць Украіны.

“Полк імя Кастуся Каліноўскага” прызналі ў Беларусі “тэрарыстычнай арганізацыяй”. Адпаведане рашэнне прыняў Вярхоўны суд па па заяве генеральнага пракурора Андрэя Шведа.

Да гэтага ПКК ужо быў прызнаны “экстрэмісцкай арганізацыяй”.

На заводзе "Штадлер Мінск" можа адкрыцца сумесная вытворчасць з расіянамі. Пра такія планы заявіў міністр транспарту і камунікацый Аляксей Ляхновіч.

Чыноўнік паведаміў, што пытанне прапрацоўваецца "з двума прадпрыемствамі, буйнымі карпарацыямі". Аднак ён не ўдакладніў, якія менавіта кампаніі маюцца на ўвазе.

Завод швейцарскай кампаніі Stadler пад Мінскам вырабляе вагоны. У выніку санкцый у 2022 годзе кампанія пачала перамяшчаць заказы з беларускага прадпрыемства на заводы ў іншых краінах.

У вайсковых пенсіянераў забяруць пенсіі пры выездзе ў "недружалюбныя" краіны. Гэта вынікае з законапраекта аб зменах у закон аб выплаце пенсій вайскоўцам.

Актывіст фонду Аляксея Талая пахваліўся, як дапамагае расійскім вайскоўцам ва Украіне. Арганізацыя любіць падкрэсліваць, што збірае дапамогу для мірнага насельніцтва, якое пакутуе праз вайну. Аднак Яўген Назарэвіч прагаварыўся, што гэта не так.

Назарэвіч — спартовец-гіравік. Ён перыядычна ездзіць на ўкраінскія тэрыторыі, акупаваныя Расіяй, а таксама ўдзельнічае ў прапагандысцкіх мерапрыемствах у беларускіх школах і каледжах.

Назарэвіч пахваліўся дыпломам ад камандзіра вайсковай часці 04185. У дакуменце яму дзякуюць за матэрыяльную дапамогу, аказаную 34-й мотастралковай брыгадзе.

Куля ў канверце, зніклы эканаміст і аднаполыя шлюбы ў Тайландзе — #ІхНоравы

Цікавыя навіну свету, якія вы маглі прапусціць.

Чытаць тут: euroradio.fm/kulya-u-kanverce-znikly-ekanamist-i-adnapolyya-shlyuby-u-taylandze-ikhnoravy

А гэтая спасылка адкрыецца і без VPN

Важныя падзеі і сэнсы серады, 25 верасня, у праграме ЕЎРАЗУМ:

01:17 "Гэта не абстрактныя правы чалавека". Навошта беларусам хросныя ў Бундэстагу

07:15 Навіны спорту

09:17 Актывізцыя Карпенкі: ці хутка аб’явяць дату выбараў?

20:50 Навіны шоў-бізу

23:34 “Паразуменне ці цсік”: што дапаможа вызваліць палітзняволеных