Што цікавага ў свеце? Старасць падкрадаецца незаўважна, але калі і чаму мы пачынаем старэць, доўгі час заставалася загадкай. Амерыканскія навукоўцы вырашылі разабрацца ў гэтым пытанні, прааналізаваўшы дадзеныя больш як ста ўдзельнікаў даследавання. Вынікі выявіліся нечаканымі.

Гэта ды іншае — у аглядзе цікавых міжнародных навін: https://euroradio.fm/starasc-pad-kantrolem-navukoucau-i-nafta-yakaya-zabivae-ikhnoravy

Без ВПН

Важныя падзеі і сэнсы чацвярга 15 жніўня, у праграме ЕЎРАЗУМ:

01:20 Чаму рэжым спяшаецца правесці прэзідэнтскія выбары

12:34 Навіны спорту

14:34 З’яўленне ўкраінскай камендатуры: што адбываецца пад Курскам?

23:49 Навіны шоу-бізу

26:04 Будучыня сэкандаў у Беларусі: ці выжывуць пасля новых санкцыяў?

Швейцарыя дадала ў беларускі санкцыйны спіс 27 прозвішчаў. Сярод іх — кіраўнік ГУБАЗіК Андрэй Ананенка і яго намеснікі, начальнікі калоній і турмаў, 13 суддзяў. Пра гэта піша @pozirkonline.

Таксама ў спіс трапілі дырэктарка БелТА, галоўны рэдактар “СБ — Беларусь сегодня”, адзін карэспандэнт АНТ і бізнесовец Віктар Шаўцоў, які калісьці быў блізкім да Лукашэнкі.

Мінскае “Дынама” прайграла “Лінкальну” з Гібралтара. Але па суме двух матчаў праходзіць далей у кваліфікацыі Лігі Еўропы і забяспечвае сабе і заўзятарам еўракубкавую восень.

Калі наступным раундзе кваліфікацыі мінчукі пройдуць бельгійскі “Андэрлехт”, дык згуляюць у групавым этапе Лігі Еўропы. Калі не — трапяць у групавы этап Лігі канферэнцый.

Матч жа з “Лінкальнам” скончыўся для “Дынама” паразай 1:2, у тым ліку і дзякуючы аўтаголу ў сярэдзіне другога тайма. Але перамогі 2:0 у першай гульні хапіла, каб па суме двух матчаў крочыць далей.

У Літву ўсё ж можна будзе праехаць на легкавым аўтамабілі, зарэгістраваным у Беларусі. Жорсткія правілы пратрымаюцца толькі адзін дзень — сёння.

Літва забараніла ўезд легкавікоў на беларускіх нумарах з 16 жніўня, кіруючыся апошнімі абмежаваннямі на імпарт з Беларусі. Але рэгламент прадугледжвае магчымасць выключэнняў.

У выніку з 00:01 17 жніўня 2024 года ізноў будзе дазволена ўязджаць на тэрыторыю Літвы на легкавіку, што не прызначаны для продажу і належыць грамадзяніну Беларусі з дзеючай літоўскай візай ці ВНЖ, які сам кіруе транспартным сродкам. Таксама выключэнне зробленае і для ўласнікаў аўто і кіроўцаў з пашпартамі краінаў Еўрасаюза.

Літва дазволіла праязджаць на сваю тэрыторыю на легкавіках з беларускімі нумарамі. Але норма пра тое, што з 18 студзеня 2025 года аўтамабілі, зарэгістраваныя ў Беларусі, не змогуць знаходзіцца на літоўскай тэрыторыі, пакуль што захоўваецца.

Літоўская мытня нагадвае, што з гэтай даты асобы, якія кіруюць такімі аўто, будуць лічыцца парушальнікамі і прыцягвацца да адказнасці. Санкцыі — штраф і канфіскацыя аўтамабіля.

Да 18 студзеня 2025 года аўтамабілі з беларускімі уязджаць і рэгістравацца на тэрыторыі Літвы, а таксама ўдзельнічаць у дарожным руху.

Новы штам воспы малпаў дабраўся да Еўропы. Першы выпадак небяспечнай хваробы, якая да таго распаўсюджвалася толькі ў Афрыцы, выявілі ў Швецыі.

Чалавек, які прывез вірус, заразіўся mpox падчас афрыканскай вандроўкі.

Воспа малпаў перадаецца праз цялесны кантакт, полавым і паветрана-кропельным шляхам. Днямі СААЗ прызнала мутаваны штам mpox пагрозай планетарнага маштабу.

У Мінску ў аварыю трапілі два трамваі. У самым нязручным месцы — трамвайны рух паралізаваны.

Падрабязней: https://euroradio.fm/u-minsku-u-avaryyu-trapili-dva-tramvai

Без VPN

У Валожыне адкрыўся "Кветка-парк". Яго стварыў 22-гадовы жыхар Брэста Кірыл Ваўранюк — блогер-садвод, вядомы як "Кірыл Кветка".

Наведаць "Кветка-парк" можна бясплатна.

Брэсцкі абласны суд адмяніў рашэнне аб прызнанні тг-канала экстрэмісцкім. Гэта ўжо другі такі прэцэдэнт.

Але не спяшайцеся радавацца лібералізацыі: "пашанцавала" расійскаму прапагандысцкаму z-каналу.

Тым часам сёння стала вядома, што іншыя беларускія суды прызналі "экстрэмісцкімі" яшчэ тры тг-каналы і старонкі ў сацсетках.

У Мінску ў продажы з'явіўся мёд з Палескага радыяцыйна-экалагічнага запаведніка. Набыць яго можна ва ўніверсаме "Беларусь".

Пакаштавалі б такі?

Мёд, коні, рыбалка: што ўжо можна ў Палескім радыяцыйным запаведніку

"Беларусбанк" змяніў умовы папулярнага крэдыту, які маглі ўзяць чаргавікі.

Раней пабудаваць кватэру з дапамогай "Іпатэкі Экспрэс" пад 12,5% гадавых можна было ў любым беларускім горадзе ці мястэчку. Незалежна ад таго, дзе чалавек, які мае патрэбу ў паляпшэнні жыллёвых умоваў, прыняты на ўлік.

Цяпер жа ўмова крэдыта пад 12,5% — будавацца толькі ў межах раёна, дзе прыняты на ўлік. Інакш трэба браць іпатэку пад 15%.

Каго глядзець/слухаць сёння на @euroradio? Трымайце анонс стрымаў на пятніцу (час пазначаны беларускі):

13:00 — блогер, сябра Каардынацыйнай рады Аляксандр Кныровіч;

14:00 — украінскі палітолаг Яўген Магда.

Рыхтуйце пытанні!

У міліцыі ў Горках зладзілі камісію "па каардынацыі працы па садзейнічанні занятасці з непрацуючымі асобамі". Беспрацоўных выклікалі на "гутарку", падчас якой прапаноўвалі вакансіі і выдавалі накірванні на працу.

А мясцовая раёнка зладзіла з гэтага фотасесію.

Выканаўца абавязкаў камандзіра ПКК Павел "Дзядзька" Шурмей расказаў пра сэнс апошніх зменаў у палку.

Крыху падрабязней: https://euroradio.fm/shurmey-raskazau-ad-yakikh-lyudzey-pazbaulyaecca-polk-kalinouskaga

Без VPN

Курс долара вагаецца, а МЗС б'е па сэкандах. Стрым з Аляксандрам Кныровічам

Лукашэнка ізноў параўнаў беларусаў і расіян. І калі раней ён думаў, што беларусы — гэта расіяне са знакам якасці, дык цяпер кажа, што беларусы ад расіян нічым не адрозніваюцца.

А, калі шчыра, хацелася б усё ж адрознівацца. І ад палякаў, і ад літоўцаў, і асабліва ад расіян. Асабліва сёння.

Вось, напрыклад, па санкцыях. Сёння Літва аднолькава не ўпускае на сваю тэрыторыю легкавікі на расійскіх і на беларускіх нумарах. А ад заўтра ізноў пачне пускаць аўто, зарэгістраваныя ў Беларусі. Таму, што ў Вільні разумеюць: беларусы адрозніваюцца ад расіян. А вось у Палацы Незалежнасці ў Мінску — не разумеюць.

Пра гэта і не толькі гаворым сёння з блогерам, дэлегатам Каардынацыйнай рады Аляксандрам Кныровічам. Глядзіце стрым тут, задавайце пытанні: https://www.youtube.com/watch?v=KTpnecFnjFw

Аперацыя ўкраінскага войска ў Курскай вобласці працягваецца ўжо 10 дзён. Расія страціла кантроль амаль над сотняй населеных пунктаў.

Прапаганда ўжо рыхтуе расіян да таго, што Крэмль адмовіцца ад занятых украінцамі тэрыторый. Што будзе далей? Распытваем украінскіх вайсковых экспертаў Аляксандра Каваленку і Міхаіла Самуся: https://euroradio.fm/kreml-u-stupary-praz-usu-u-kurskay-voblasci-shto-daley-i-yakaya-rolya-lukashenki

Без VPN

У Баранавічах хлопчыка назвалі Светазарам. Кажуць, ёсць такое славянскае імя — ад словаў "светлы" і "азараць".

Як вам такое імя?

"Скончым гэтую драчку": Лукашэнка зноў хоча пабыць міратворцам, але ці павераць яму ва Украіне (ізноў)? Стрым з Яўгенам Магдам.

У чарговым інтэрв'ю Лукашэнкі чарговаму расійскаму прапагандысту не абышлося без заклікаў сесці за стол перамоваў, каб скончыць вайну ва Украіне. Якая, як высвятляецца, расіянам "не патрэбная".

А што рэальна мусіць адбыцца, каб "скончыць гэтую драчку"? Што стаіць за пагрозамі націснуць "чырвоную кнопку" і чаго насамрэч баіцца Лукашэнка? На гэтыя ды іншыя пытанні ў эфіры Еўрарадыё адказвае палітолаг, дырэктар украінскага Інстытута сусветнай палітыкі, эксперт iSANS Яўген Магда.

Глядзіце стрым тут, задавайце пытанні: https://www.youtube.com/watch?v=RY0i1L3zs-Y