Gender Gap на @euroradio! “Традыцыйныя каштоўнасці” і “Дамастрой” — ці заўважная розніца?

Пра праблемы беларускіх сем’яў і “традыцыйныя каштоўнасці” як “мяккую сілу” пуцінізма гаворым з даследчыцай Ірынай Сідорскай: https://youtu.be/XequfcgOqPs

А як выглядае ваша праца? Работнікі культуры пераўтварыліся ў першабытных людзей, каб здзівіць дэлегацыю з чыноўнікаў у Юравічах.

Знайшоў @flagshtok

СК завёў крымінальныя справы супраць усіх кандыдатаў на выбарах у Каардынацыйную раду — агулам 257 чалавек.

Іх вінавацяць па 4-х артыкулах: змова з мэтай захопу ўлады, заклікі да санкцый, стварэнне экстрэмісцкага фармавання і спрыянне экстрэмісцкай дзейнасці.

Ніхто не зрабіў гэтым выбарам у КР больш піяру, чым беларускія сілавікі.

ЦВК здаровага чалавека. Размова @euroradio з сяброўкай камісіі па выбарах у КР.

Што ў працы выбарчай камісіі было нечаканым і ці гатовыя былі сябры камісіі да такой працы? Якія парушэнні, апроч узгаданых, былі заўважаныя і як каралі парушальнікаў? На гэтыя ды іншыя пытанні ў эфіры Еўрарадыё адказвае старшыня выбарчай камісіі па выбарах у Каардынацыйную раду Алена Прыходзька: https://youtu.be/H4z4AIm1gls

У Беларусі з ліпеня будуць па-новаму налічваць выплаты за бальнічныя. Для некаторых яны прыкметна вырастуць, але ўсё не так проста.

Як цяпер будуць лічыць — глядзіце па спасылцы.

Хакеры падламілі базу кліентаў "РыэлтБай". Пад пагрозай апынуліся даныя прыкладна 900 тысяч кліентаў.

Пра гэта паведаміў Цэнтр абароны персанальных даных (ЦАПД). Не выключана, што кампанію чакае пакаранне за тое, што яны “прапусцілі” атаку.

Як сказалі @euroradio "Кібер-партызаны", яны не маюць дачынення да гэтай атакі.

21 траўня — Дзень салідарнасці з палітзняволенымі ў Беларусі. На сёння іх 1374. А калі лічыць з 2020-га, тых, хто атрымліваў такі статус, некалькі тысяч. І гэта яшчэ не гаворачы пра тых, хто па розных прычынах не трапіў у спісы палітвязняў.

Пішыце ім лісты (рэдка, але часам яны даходзяць), дапамагайце пры магчымасці іх родным, а таксама былым палітвязням, каму трэба ўладкавацца ў жыцці пасля вызвалення і, вядома, не забывайцеся пра гэтых мужных людзей.

“Памятай, мама, што я абавязкова вярнуся дадому! Моцна-моцна цябе абдымаю! Твой сын Вітольд”, — пісаў у сваім апошнім лісце палітвязень Вітольд Ашурак. @euroradio публікавала адтуль вытрымкі.

21 траўня абранае для Дня салідарнасці з палітвязнямі, бо ў гэты дзень тры гады таму трагічна загінуў у калоніі Вітольд Ашурак.

“Моладзевы наступ” на @euroradio. Чаго маладыя палітыкі хочуць дамагчыся з дапамогай Каардынацыйнай рады?

Што падштурхнула моладзь да ўдзелу ў выбарах і ці насамрэч яны хочуць патрапіць у КР? Ці гэтая кампанія для іх не больш, як сродак заявіць пра сябе?

На гэтыя ды іншыя пытанні ў эфіры Еўрарадыё адказваюць кандыдаты ў дэлегаты Каардынацыйнай рады з выбарчага спіса №12 “Моладзевы наступ”, лідарка спіса Ліза Пракопчык і былая палітзняволеная, №3 у спісе Алана Гебрэмарыям: https://youtu.be/6YAQ_3f_N3I

У мінскіх "Васільках" у ТЦ Galileo абвалілася столь. Ва ўсім вінаватая ўчорашняя моцная залева.

"Спачатку проста была вада на падлозе, людзі нават працягвалі сядзець і есці, а потым са столі іх пачало абдаваць вадой, як з бочкі. Ну і потым ужо столь не вытрымала", — распавёў відавочца @onlinerby.

"Беларусьфільм" хоча зняць серыял пра 90-я. І просіць Саюз пісьменнікаў прапанаваць сцэнар.

А ў вас ёсць ідэі, пра што мог бы быць такі серыял?

У Гомельскім раёне рысі перакусілі горла амаль 30 ланям, якія знаходзіліся на ператрымцы. Ланяў павінны былі неўзабаве выпусціць з вальера ў паляўнічыя гаспадаркі.

Крывавая расправа здарылася ў вальеры, які знаходзіцца недалёка ад вёскі Даўгалессе пад Гомелем. З 38 ланяў ноч перажылі толькі 9.

"Хутчэй за ўсё гэта было сямейства рысяў, якое навучала сваё патомства паляваць. Таму што ўсе знойдзеныя 27 ланяў былі з перакушаным горлам", — тлумачыць намеснік старшыні Беларускага таварыства паляўнічых і рыбаловаў Юрый Лашкевіч.

Чаму ніхто з актывістаў “старой” дыяспары не балатуецца ў КР?

Ці ёсць падзел паміж беларусамі “старой” дыяспары і новапрыбылымі, у чым ён выяўляецца? Ці лічаць КР сапраўды сур’ёзнай структурай і ці чакае структуры дэмсіл, якія былі створаныя пасля 2020 года, лёс Рады БНР?

На гэтыя ды іншыя пытанні ў эфіры @euroradio адказваюць прадстаўнік беларускай дыяспары Канады, доктар Пётра Мурзёнак і лiдарка выбарчага спiсу "Голас дыяспар — Адзiнства па-над межамi", лiдарка суполкі беларусаў Сан-Францыска, сяброўка Асацыяцыі беларусаў у Амерыцы Надзея Нортан.

https://www.youtube.com/watch?v=TSgHlO7EPAM

Падлеткам пагражаюць пазбаўленнем волі да 6 гадоў за тое, што плюнулі ў Вечны агонь на плошчы Перамогі. Заведзена крымінальная справа "за выказванне відавочнай непавагі да грамадства".

А справа ў тым, што два дзевяціклассніка плюнулі ў Вечны агонь і кінулі ў яго сурвэткі і жавальную гумку.

Артыкул аб злосным хуліганстве групай асоб прадугледжвае пакаранне ў выглядзе арышта, або абмежавання волі да 3 гадоў, або пазбаўленне волі на тэрмін да 6 гадоў.

Навошта дзяржава маніпулюе паняццем "традыцыйныя каштоўнасці"? Доктарка філалагічных навук, прафесарка Ірына Сідорская ў праграме "Gender Gap" на @euroradio кажа, што гэта ключык да сэрцаў тых, хто не цікавіцца палітыкай.

Цалкам эфір глядзіце тут:
https://www.youtube.com/watch?v=XequfcgOqPs