На Гомельшчыне затрымалі аршанцаў — выкрадальнікаў грузаў з фур. Пяцёра мужчын ва ўзросце ад 34 да 51 года абчышчалі прычэпы грузавікоў на стаянках уздоўж шашы Брэст-Гомель.

Цікавілі іх, у асноўным, фуры з беларускімі нумарамі. Пакуль кіроўца спаў у кабіне, злодзеі ламалі замок і перагружалі ў свой бус тавар. Маглі таксама зліваць паліва з бакаў.

Аршанцы сталі фігурантамі крымінальнай справы аб крадзяжы ў буйным памеры.

🗣 Каго глядзець/слухаць сёння на @euroradio? Трымайце наш анонс на панядзелак (час пазначаны мінскі):

12:00 — дацэнтка, кандыдатка гістарычных навук, незалежная экспертка Роза Турарбекава;

13:00 — дырэктар украінскага Інстытута сусветнай палітыкі, эксперт iSANS Яўген Магда;

14:00 — прадстаўнік аб’яднання BELPOL Уладзімір Жыгар;

15:00 — блогерка, заснавальніца руху "Хопіць баяцца" Таццяна Мартынава;

16:00 — дэбаты на Еўрарадыё! Яўген Караулаў (спіс №12: Моладзевы наступ) vs Канстанцін Акінчыц (спіс №4: Аб'яднанне "Наша справа").

Плануецца насычаны эфірны дзень, рыхтуйце пытанні!

Парад 3 ліпеня ў Мінску будзе з удзелам трактароў. Задзейнічаюць 10 машын Мінскага трактарнага завода. Абяцаюць паказаць цэлую лінейку — ад найстаршых мадэляў да сучасных. А агулам у парадзе возьмуць удзел каля 80 адзінак тэхнікі беларускай вытворчасці.

Парад, між тым, прымеркаваны да 80-годдзя вызвалення Беларусі ў Вялікай Айчыннай вайне.

Галоўная інтрыга — ці пераб'е сёлетні парад легендарную дэфіляду ўнітазаў 3 ліпеня 2017-га. Тады ж гледачам парада паказалі "трактарны балет".

Перакладчыцу Вольгу Калацкую, што дала Азаронку па вуху і ўжо адбыла за гэта пакаранне, аштрафавалі. Яе затрымалі 9 траўня і абвінавацілі ў тым, што яна “махала рукамі ў РУУС”. За гэта ёй прысудзілі штраф у 800 рублёў.

У 2021 годзе Калацкую пакаралі 2 гадамі “хатняй хіміі” за тое, што "ўдарыла ў твар журналіста тэлевізійнага канала, які ў рамках рэдакцыйнага задання выконваў абавязкі па асвятленні падзей у горадзе". Пракуратура тады не называла імя пацярпелага, але хутка выявілася, што гэта Грыгорый Азаронак з СТБ.

“105-м будзеш?”: пра “бандфармаванні”, што фармуюць КР, і развал Расіі. У жывым эфіры @euroradio – Роза Турарбекава.

Чаму лукашысты так нервова рэагуюць на выбары ў КР? Ці варта беларусам асцерагацца развалу Расіі і ці здолее Кітай пасадзіць Маскву і Кіеў за стол перамоваў? Якія профіты разлічвае атрымаць ад Аліева Лукашэнка і ці чакаць новага міграцыйнага крызіса?

Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, незалежнай эксперткай Розай Турарбекавай:

https://www.youtube.com/live/4EmB_S-hQP4?si=-B91OmFpnZf_-gWY

Карпянкоў аб’явіў пра стварэнне дабрачыннага фонда “Маладая гвардыя”. Мяркуецца, што ён будзе апекаваць моладзевыя вайскова-патрыятычныя клубы. Іх цяпер 18 па ўсёй краіне — гэта каля 2000 дзяцей.

Паводле словаў камандуючага ўнутранымі войскамі Мікалая Карпянкова, фонд будзе займацца асветай і выхаваннем. Так, як гэта разумеюць МУС і апякунчая рада, у складзе якой праўладныя бізнэсоўцы і супрацоўнікі прапагандысцкіх СМІ.

На мерапрыемстве ў вайсковай частцы 3214, дзе абвясцілі пра фонд, былі, сярод іншых, уплывовы прадпрымальнік Аляксандр Зайцаў і Іван Эйсмант, кіраўнік Белтэлерадыёкампаніі.

Кобрынскі плацдарм: пра напад з Украіны і стратэгію Кіева да дэмсіл. У жывым эфіры @euroradio — дырэктар украінскага Інстытута сусветнай палітыкі, эксперт iSANS Яўген Магда.

Чаму Лукашэнка абраў мэтай нападу Кобрын? Ці змянілася пазіцыя кіраўніцтва Украіны адносна ўдараў па аб’ектах на тэрыторыі Беларусі? Ці здолее Кітай пасадзіць Маскву і Кіеў за стол перамоваў і якой можа быць роля Лукашэнкі ў гэтым? Якія сёння адносіны ў кіраўніцтва Украіны з беларускімі дэмсіламі і ці магчыма ў будучым стварэнне праекта кшталту Балта-Чарнаморскага саюза?

Абмяркоўваем гэтыя ды іншыя пытанні. Далучайцеся!

https://www.youtube.com/watch?v=ZjJsB6D75u0

Сёння за кратамі адзначае дзень народзінаў палітвязень, медыясупрацоўнік Ігар Лосік. Яму спаўняецца 32 гады. Апошнія 3 з іх ён правёў у няволі. У Лосіка адзін з самых жорсткіх прысудаў — у 2021-м па "справе Ціханоўскага" яму прызначылі пакаранне ў 15 гадоў калоніі ўзмоцненага рэжыму. Ён адбывае тэрмін у Наваполацку, і ўжо амаль паўтара года з ім няма сувязі.

Праваабаронцам было вядома пра спробу суіцыда Ігара Лосіка і галадоўку, якую ён аб'яўляў у ШЫЗА.

Жонку Ігара, Дар'ю Лосік, якая публічна выказвалася ў абарону і падтрымку мужа, пакаралі за каментар незалежнаму СМІ і прысудзілі ёй два гады калоніі. Маленькай дачкой сям'і Лосікаў цяпер апякуюцца бацькі Дар'і.

Суагрэсары: як канкрэтна лукашэнкаўскі рэжым дапамагае Расіі ў вайне. У студыі @euroradio — прадстаўнік ініцыятывы BELPOL Уладзімір Жыгар.

Што ў інфармацыі пра працу беларускіх прадпрыемстваў на расійскую абаронку зацікавіла прадстаўнікоў BELPOL — што ў гэтым новага? Якім чынам здабывалі інфармацыю і з якімі складанасцямі сутыкнуліся? Ці адрэагавалі замежныя кампаніі і палітыкі на інфармацыю пра ролю прадстаўнікоў лукашэнкаўскага рэжыму ў абыходзе санкцый?

Абмяркоўваем тут, далучайцеся:

https://www.youtube.com/watch?v=OS0kbyRpKaQ

Улады Брэста папярэджваюць, што гараджане адчуюць камунальныя пахі. Брэстаўчан можа ахапіць настальгія па тых часах, калі ў горадзе моцна смярдзела з ачышчальных збудаванняў. Цяпер там будуць праводзіцца запланаваныя тэхнічныя работы.

Ад непрыемнага паху Брэст пазбавіўся толькі некалькі гадоў таму. У канцы 2019 завяршылася пяцігадовая рэканструкцыя ачышчальных збудаванняў, на якую выдаткавалі мільёны еўра грантавых грошай ЕС. Еўрасаюз уклаўся ў гэты праект з мэтаў выратавання Балтыйскага мора: сцёкі з Брэста трапляюць у Заходні Буг, потым — у Віслу, якая сілкуе Балтыку.

Курсы валют на панядзелак: долар падрос, еўра ўпаў. Такія вынікі таргоў на валютна-фондавай біржы 20 траўня:

1 USD = 3,2221 рубля.
1 EUR = 3,4750 рубля.
100 RUB = 3,5068 рубля.

Дзе ключы ад свабоды Беларусі і чаму ў КР ёсць толькі 2 гады. У студыі @euroradio — лідарка выбарчага спісу “Хопіць баяцца” на выбарах у Каардынацыйную раду Таццяна Мартынава.

Што падштурхнула да ўдзелу ў выбарах і як фармавалася каманда? Чаго хочуць дамагчыся з дапамогай Каардынацыйна рады, з якой праграмай ідуць? Ці лічаць КР сапраўды сур’ёзнай структурай?

Гэтыя і іншыя пытанні абмяркоўваем у жывым эфіры!

https://www.youtube.com/watch?v=O7TknSSatig

Паглядзіце, як "папрыгажэла" Орша пасля 9 траўня. Да Дня Перамогі тут усталявалі дзве тапіярныя кампазіцыі — "Кацюша" і "Паланэз".

Першая абыйшлася мясцоваму бюджэту ў 11 970 рублёў , "Паланэз" — у 18 тысяч рублёў.

Дэбаты на @euroradio: Лукашэнка ізалюе Беларусь, праблемы з выдачай віз — далей толькі горш?

Дэбатуюць маладыя палітыкі Яўген Караулаў (спіс №12: Моладзевы наступ) vs Канстанцін Акінчыц (спіс №4: Аб'яднанне "Наша справа").

https://www.youtube.com/watch?v=hMOvaEm9vCc

Прэзідэнт, пракурор, кат... Хто такі Эбрахім Раісі?

Раніцай 20 траўня стала вядома пра гібель прэзідэнта Ірана. У біяграфіі Раісі ёсць моманты, якія выяўляюць яго як крывавага ката, вінаватага ў пакаранні смерцю іранскіх палітвязняў.

@euroradio сцісла расказвае яго біяграфію: euroradio.fm/khto-taki-ibragim-raisi-prezident-prakuror-kat

А гэтая спасылка адкрыецца і без VPN