Новы год, вайна і караоке. @euroradio распавядае пра топ-5 фільмаў кінафестывалю “Бульбамуві-2023”, які пачынаецца ўжо сёння.

Чытаць тут: euroradio.fm/novy-god-vayna-i-karaoke-top-5-filmau-kinafestyvalyu-bulbamuvi-2023

Спасылка, якая працуе без VPN.

На наступным тыдні на @euroradio стартуюць дэбаты! Першы выпуск плануем на сераду, 29 лістапада. Ён будзе прысвечаны выбарам і будучыні Каардынацыйнай рады.

А якія ж выбары — ды без дэбатаў?

У каментарах да гэтага поста можаце дзяліцца сваімі заўвагамі! Улічым іх пры падрыхтоўцы да праграмы.

У Беларусі прыйшлі завірухі, а ў беларускія чарты стрымінгавых платформаў уварвалася песня “Last Christmas“ гурта Wham. Нават нягледзячы на тое, што да святаў больш чым месяц.

А каго б паслухаць з беларускіх артыстаў? Спасылкі на тры новыя альбомы.

Што паказаў аўдыт ByPOL? Меркаванне грамадскага дзеяча Аляксандра Кныровіча.

Эфір са спадаром Аляксандрам цалкам: https://www.youtube.com/live/dcsH5NtCFLQ?si=ERHdb1GNAWC6ALkw

ХАМАС вызваліў 25 закладнікаў: 13 грамадзян Ізраіля і 12 — Тайланду. Гэта першае вызваленне падчас абвешчанага часовага перамір'я.

Закладнікаў перадалі Чырвонаму Крыжу, які выступае як пасярэднік.

Як бы расійская апазіцыя ні зайздросціла наяўнасці ў беларусаў Святланы Ціханоўскай і Каардынацыйнай Рады, спрэчак і міжусобіцаў у дэмакратычнай супольнасці ў нас таксама хапае. І Полк Каліноўскага — не выключэнне: за паўтара года ў добраахвотнікаў хапае пытанняў да шматлікіх беларускіх апазіцыянераў.

Якія пытанні ў байцоў да палітыкаў? Чытайце тут: https://euroradio.fm/polk-nedaveru-imya-kalinouskaga-yakiya-pytanni-u-baycou-da-apazicyi

Спасылка, якая працуе без VPN.

Чыноўнікі заяўляюць, што сярэдні заробак у кастрычніку ў Беларусі склаў 1971,2 рублі “бруднымі”. Пасля падаткаў “чыстымі” атрымліваецца каля 1,7 тысячы рублёў.

Пакуль у сектары Газа вызваляюць закладнікаў, польскія дальнабойшчыкі працягваюць страйк на ўкраінскай мяжы. Што не так з паветрам Еўропы і навошта ў Іспаніі стварылі першую віртуальную мадэль?

Падрабязней пра гэта — у рубрыцы @euroradio "Іх норавы": euroradio.fm/brudnae-pavetra-europy-i-peramire-u-sektary-gaza-ikhnoravy

Спасылка, якая працуе без VPN.

Машыны Чырвонага Крыжа вывозяць закладнікаў, якіх сёння вызвалілі баевікі ХАМАС у межах дамоўленасцяў з Ізраілем.

Чырвоны Крыж не паўсюль такі ж бескарысны, як у Беларусі.

Апостальскі нунцый Антэ Ёзіч сустрэўся з міністрам замежных спраў Сяргеем Алейнікам. Яны "абмеркавалі актуальныя пытанні двухбаковага супрацоўніцтва паміж Рэспублікай Беларусь і Святым Пасадам".

У кароткім паведамленні МЗС РБ таксама адзначаецца, што паміж Алейнікам і Ёзічам "адбыўся абмен думкамі аб міжнароднай сітуацыі, у тым ліку ў кантэксце намаганняў па ўрэгуляванні рэгіянальных канфліктаў".

Важная дэталь: прадстаўнік Ватыкана прыехаў да Алейніка пасля затрыманняў ксяндзоў у Беларусі. За краты трапілі Генадзь Акалатовіч і Вячаслаў Пялінак.

Важныя падзеі пятніцы, 24 лістапада, у праграме ЕЎРАЗУМ:

01:06 Саміт АДКБ: Такаеў папрасіў Лукашэнку не нагнятаць

14:55 Навіны спорту

16: 52 Хочаце як у Венесуэле? Чаму Каракас таргуецца за санкцыі, а Мінск — не?

23:34 Навіны шоу-бізу

25:55 Бруднае паветра Еўропы і спыненне агню ў сектары Газа — #ІхНоравы

Расія зладзіла найбуйнешы ад пачатку вайны налёт беспілотнікаў на Украіну. Галоўнай мэтай быў Кіеў. СПА здолела знішчыць 71 "Шахед" з 75 выпушчаных.

На ўкраінскую сталіцу БПЛА скіроўваліся групамі ў некалькі этапаў, прычым з розных напрамкаў і змяняючы курс.

Ад абломкаў збітых "Шахедаў" пацярпелі пяць чалавек, у тым ліку дзіцё. Праз начную атаку засталіся без святла каля 200 аб'ектаў, быў пажар на тэрыторыі дзіцячага садка ў Кіеве.

Дарэчы, сёння, як і ў кожную чацвёртую суботу лістапада, ва Украіне адзначаюць дзень памяці ахвяр Галадамора.

На Youtube з'явіўся стыльны праект пра гісторыю Брэста, агучаны спавячкай Святланай Бень. Выйшла ўжо два ролікі пра ўзнікненне і развіццё сярэднявечнага горада.

Культгід VisitBrest расказвае пра малавядомую гісторыю Брэста зразумелай мовай не з падручнікаў.

"Каштоўная і значная місія для нас — даставаць тыя пласты ведаў з архіваў, даступныя часта толькі вузкаму колу спецыялістаў, і надаваць ім новыя формы праз простую візуальную мову", — гаворыцца на канале.

А яшчэ гэта вельмі прыгожа — паглядзіце самі.

У Брэсце жанчыну затрымалі за "фінансаванне экстрэмістаў". Сілавікі сцвярджаюць, што з красавіка 2021 да снежня 2022 яна пераводзіла грошы звязаным з "незаконнай дзейнасцю" асобам.

І больш за тое — за свае грошы яна атрымала грошы ад "прадстаўнікоў замежнай дзяржавы". Як гэта магчыма — сказаць складана, але на 54-гадовую брэстаўчанку завялі крыміналку.

У кастрычніку за данаты беларускім добраахвотнікам на 6 гадоў асудзілі праграміста Леаніда Райчонка з Брэста.

22,1 рубля трацілі беларусы ў сярэднім за дзень у кастрычніку. Між іншым, ёсць чым ганарыцца — у верасні сума была роўная 22 рублям.

Чыноўнікі заяўляюць, што сярэдні заробак у кастрычніку ў Беларусі склаў 1971,2 рублі “бруднымі”. Пасля падаткаў “чыстымі” атрымліваецца каля 1,7 тысячы рублёў.

Расійскія вайскоўцы атрымалі "Ніву" ад беларускага горада Жодзіна. Пра гэта распавяла кіраўнічка расійскага гарадскога округа Мыцішчы Юлія Купецкая падчас паездкі ў акупаваныя рэгіёны Украіны.

У савецкія часы Жодзіна стаў горадам-пабрацімам Мыцішчаў.

"Сяброўства з Жодзіна нас звязвае даўно. Мы не толькі разам адзначаем дні нашых гарадоў, але дапамагаем адзін аднаму", — гаворыць Юлія Купецкая. Але не ўдакладніла, з якімі шчодрымі жодзінцамі звязвае яе даўняе сяброўства.

Машыну перадалі вайскоўцам са 180-га асобнага дэсантна-штурмавога палка расійскага войска.

Рашэння па выкладчыку ЕГУ Сяргею Сялецкаму пакуль няма — па звестках @euroradio, яго адклалі на наступную пятніцу. Учора ва ўніверсітэце мусілі вызначыцца, ці працягне ён працу ва ўніверсітэце.

Цяпер у дачыненні да мастака вядуць праверку па абвінавачваннях у харасменце — ён нібыта дазваляў антыфемінісцкія выказванні на занятках і заляцаўся да студэнтак. Праз гэты працэс яго адхілілі ад працы. На скандал адрэагавалі і ў Каардынацыйнай радзе.

Тут можна пачытаць пра сітуацыю і меркаванні бакоў канфлікту.

Беларуска з Віцебска шыла ва Украіне сукенкі ў стылі “Уладара пярсцёнкаў", а цяпер — адзенне для параненых. Пакуль муж Аліны Цвяцінскай ваюе ў тэрабароне, дзяўчына запісалася ў "швацкую роту" УСУ.

Адначасова яна робіць фэнтэзі-сукенкі на замову для ЗША і Нарвегіі і шые вопратку з ліпучкамі для пацярпелых байцоў УСУ.

Чытаць далей: https://euroradio.fm/belaruska-shyla-va-ukraine-sukenki-z-fentezi-cyaper-adzenne-dlya-paranenykh

А гэтая спасылка адкрыецца і без VPN