Чаму неабходныя санкцыі і чаму некаторыя з іх у выніку "б'юць" па звычайных беларусах? Адказвае дарадца Святланы Ціханоўскай Франак Вячорка.

А цалкам эфір са спадаром Вячоркам глядзіце тут: https://youtu.be/w9ZU3qEwHTc

Пенсіянерка з Гродна аддала тэлефонным ашуканцам 200 тысяч долараў — зберажэнні ўсёй сям'і. 84-гадовай жанчыне патэлефанаваў незнаёмец, які прадставіўся "следчым" і абяцаў "дапамагчы" ўнучцы, быццам бы вінаватай у ДТЗ.

Будзьце ўважлівымі самі і абавязкова папярэджвайце сваіх сваякоў сталага веку пра магчымыя "хітрыкі" махляроў!

Каманда беларусаў ЗША Free Belarus прабегла ўльтраэстафету ў 200 міль за свабоду Украiны i Беларусi.

"Беларусы Амерыкі пры падтрымцы Асацыяцыя беларусаў Амерыкі другі год запар бяруць удзел у эстафеце HTC, бягуць за Свабодную Беларусь і Украіну, збіраюць грошы на падтрымку палітвязняў і мабільнага шпіталя імя Пірагова ва Украіне", – распавялі @euroradio удзельнікі мерапрыемства.

Камерцыйны дырэктар кінатэатраў SilverScreen Аляксандр Дземідовіч на волі. Сёння ён падзяліўся фота з прабежкі.

"Впору делать значок "Хочешь сбросить 8 кг – спроси меня как". Снова в строю. Полон идей и размышлений. Пытаюсь восстановиться и с неутомимым чувством гедониста наслаждаюсь каждым днём, последними днями лета и встречами с друзьями", – напісаў ён.

Дземідовіча затрымалі напрыканцы траўня, праваабаронцы прызналі яго палітвязнем. У чым менавіта вінавацілі Аляксандра і які цяпер у яго статус, пакуль не вядома.

Чэргі на мяжы Беларусі і краін ЕС (найперш — Польшчы) усё даўжэй. У пункце "Бераставіца" чакаць трэба некалькі дзён.

Да 60 гадзін. Беларусы расказалі, як стаяць у чэргах на мяжы.

Аляксандр Дземідовіч выйшаў на волю пасля вынясення прысуду, гэта адбылося 22 жніўня: палітвязню далі 2,5 гады "хіміі" паводле артыкула 342 КК (арганізацыя мерапрыемстваў, якія груба парушаюць парадак).

❗️ ЕС плануе прыпыніць дзеянне дамовы аб спрошчаным візавым рэжыме з Расіяй, піша FT са спасылкай на крыніцы. Атрымаць "шэнгены" расіянам стане куды больш складана, а таксама вырастуць консульскія зборы.

Яснасці адносна магчымасці такога ж кроку ў дачыненні да Беларусі пакуль няма.

"Беларуская мова — гэта не адназначна знак якасці", - культуролаг Максім Жбанкоў у інтэрв'ю праекту "Жыццё-маліна" паразважаў пра тое, ці дастаткова выкарыстоўваць беларускую, каб лічыцца беларусам.

Ці згодныя вы са спадаром Жбанковым?

Генадзя Бураўкіна 20 гадоў не друкавалі дзяржаўныя выдавецтвы, а пасля яго смерці ўлады нават не дазволілі ўсталяваць мемарыяльную дошку на доме. Пра гэта "Салідарнасці" распавяла ўдава паэта Юлія Бураўкіна.

"Ведаеце, я перачытвала не так даўно Гарэцкага і другіх пісьменнікаў пачатку ХХ стагоддзя. Здаецца: сто гадоў прайшло. А як учора напісана пра адносіны да мовы, да літаратуры, да людзей, якія апякуюцца гэтым.

Я проста ў жаху. Прыйшоў адзін з унукаў і кажа: "Ой, добра, што дзед не бачыць гэтага нічога". Вось і ўсё, што можна сказаць пра цяперашні стан", - кажа жонка знакамітага паэта, якому сёння споўнілася б 86 гадоў.

Сёння мусіла б споўніцца 50 гадоў аператару Дзмітрыю Завадскаму. Ён быў выкрадзены ў ліпені 2000 года, калі паехаў сустракаць калегу Паўла Шарамета ў аэрапорце. З таго часу яго ніхто не бачыў.

У 2002 годзе Мінскі абласны суд прызнаў вінаватай у выкраданні Завадскага групу былога байца спецназу Валерыя Ігнатовіча, які сустракаўся з журналістам у Чачні. Ігнатовіча, а таксама яшчэ аднаго абвінавачанага па гэтай справе, Максіма Маліка, асудзілі на пажыццёвае зняволенне.

У 2004 годзе пракуратура прыпыніла справу аб выкраданні “у сувязі з незнаходжаннем зніклай без вестак асобы”. У 2005 годзе расследаванне аднавілі, аднак праз год яно зноў было прыпыненае. Цела Завадскага дагэтуль не знойдзенае.

У Наваполацку затрыманы гітарыст рок-гурта Detroit Hills Захар Сабін. Па папярэдняй інфармацыі, прычынай затрымання маглі стаць рэпосты музыкі з "няправільных" каналаў.