Чалы: уплыў і інструменты, якімі валодае Расія, — крайне перабольшаныя. "Мне здаецца, мы зноў самі сабе прыдумляем саламянае пудзіла. Для таго каб апраўдваць свае ўласныя страхі", — мяркуе эксперт.

Чытаць тут (з Беларусі праз VPN):
https://euroradio.fm/chaly-uplyu-i-instrumenty-yakimi-valodae-rasiya-krayne-perabolshanyya

Не адкрываецца спасылка? Тут дакладна адкрыецца!

Ці надышоў час недзяржаўным СМІ браць на ўзбраенне метады дзяржпрапаганды?

"У той сітуацыі, якую мы назіраем зараз, у той медыйнай атмасферы, калі прапагандысты з тэлеканалаў ужо адкрыта кажуць, што няма ніякай журналістыкі і ніякіх стандартаў, а ёсць толькі салдаты інфармацыйнай вайны і тыя, хто піша прагноз надвор’я, мне падаецца, што стандарты незалежнай журналістыкі таксама трэба прыводзіць у нейкі баланс з тым, што адбываецца", — лічыць медыяэксперт і аналітык iSANS Серж Харытонаў. Пра гэта і іншае ён распавёў у эфіры @euroradio.

Чытаць тут (з Беларусі праз VPN):
https://euroradio.fm/ci-nadyshou-chas-nedzyarzhaunym-smi-brac-na-uzbraenne-metady-dzyarzhprapagandy

Не адкрываецца спасылка? Тут дакладна адкрыецца!

Выжыць побач з імперыяй: чаму Беларусь і Украіна не робяць гэта разам?

Пачынаючы з 2014 года Украіна робіць усё магчымае, каб выжыць і захаваць незалежнасць. У гэтым супрацьстаянні з Расіяй Беларусь успрымалася большасцю ўкраінцаў як “гібрыдны саюзнік”. Нягледзячы на тое што наша краіна ўваходзіць і ў палітычны, і ў эканамічны, і, што галоўнае, у ваенны саюз з Расіяй. Усё змяніў 2020 год. Мы для Украіны больш не саюзнікі — гібрыдныя ці не. Тым не менш большасць беларусаў разумее, што і перад нашай краінай стаіць гэтае пытанне — выжыць побач з імперыяй і застацца суверэннай дзяржавай.

Ці сапраўды пытанне выжывання стаіць перад нашымі краінамі сёння востра як ніколі? Што трэба зрабіць, каб Украіна і Беларусь сталі саюзнікамі ў гэтым выжыванні? Каму і з кім трэба пра гэта дамаўляцца? На гэтыя ды іншыя пытанні адказвае дырэктар украінскага Інстытута сусветнай палітыкі Яўген Магда.

Узяліся і за “ВКонтакте”. Інфармацыйная прадукцыя суполкі “Прамень” прызнаная “экстрэмісцкімі” матэрыяламі.

Тэлеграм-канал з такой жа назвай прызнаны "экстрэмісцкім" яшчэ 7 чэрвеня 2021 года. Так што "Прамень" цяпер — "экстрэмісты" ў квадраце.

Пакуль што ў "ВКонтакте" меней за 10 суполак, якія пасля выбараў 2020 года беларускія ўлады прызналі “экстрэмісцкімі”. У тэлеграме — больш за 200. Поўны спіс тых, каго адзначылі ўлады, — на сайце Мінінформа.

Лідара беларускіх прадпрымальнікаў Анатоля Шумчанку, які хварэе на COVID-19, перавялі з рэанімацыі ў звычайную палату.

— Пока живой. Вид не очень, но не с курорта прибыли. В реанимации пробыл 11 дней, сил нет, но надо учиться дышать.

Я постараюсь, друзья мои. Спасибо огромное врачам и медсёстрам за их труд неимоверно тяжёлый, — распавядае Шумчанка.

Анатоль змагаецца з каранавіруснай інфекцыяй ужо месяц. Да віруса дадалася бактэрыяльная інфекцыя.

Папраўляйцеся!

Марыя Калеснікава генеруе крутыя ідэі нават за кратамі. На месцы СІЗА яна хоча зрабіць культурны хаб і музей ахвяраў рэпрэсій.

Маша ўжо распрацавала праект для Пішчалаўскага замка на Валадарскага, 2. Яна бачыць на месцы СІЗА музей скульптур пад адкрытым небам, дзе будзе таксама знаходзіцца архіў рэпрэсій. Усё гэта яна распавяла бацьку падчас учорашняга “спаткання”.

У Ізраілі рэзка знізілася распаўсюджванне COVID-19 і колькасць выпадкаў цяжкага працякання хваробы.

Праціўнікі вакцынацыі ў спрэчках любяць прыводзіць прыклад Ізраіля, дзе ў верасні назіраўся ўсплёск захворвання, нягледзячы на вялікі працэнт прышчэпленых жыхароў.

Але сёння паказчык распаўсюджвання COVID-19 знізіўся на 80%, пры гэтым колькасць цяжкіх выпадкаў знізілася ўдвая. У цяжкім або крытычным стане знаходзяцца 385 пацыентаў, 2% ад 21,5 тысячы хворых.

Гэта адбылося дзякуючы дадатковым (бустарным) дозам вакцыны ад COVID-19, пашпартам вакцынацыі і масачнаму рэжыму.

Статыстыка (нават афіцыйная): новы антырэкорд па COVID-19.

Дэпутат Людміла Макарына-Кібак: Увесь свет пераканаўся, што беларуская мадэль барацьбы з COVID-19 аказалася правільнай.

¯\_(ツ)_/¯

Фота з Байдэнам: якіх сюрпрызаў чакаць ад Святланы Ціханоўскай?

Графік паездак і сустрэч Святланы Ціханоўскай па-ранейшаму застаецца напружаным. І гэта не толькі сустрэчы з кіраўнікамі іншых краін, але і з мясцовымі беларускімі дыяспарамі. Падчас гэтых сустрэч на адрас Ціханоўскай гучыць шмат пытанняў: пра будучыню пратэстаў, пра стратэгію, пра адзінства лідараў, пра стаўленне да Расіі і гэтак далей. І не заўжды ў Ціханоўскай ці яе прадстаўнікоў ёсць адказы на надзённыя пытанні.

Як у Кабінеце прадстаўнікоў ацэньваюць эфектыўнасць замежных візітаў Ціханоўскай і што ў найбліжэйшых планах? Кантакты з Масквой і Кіевам — што ў прыярытэце? Адзінства лідараў — ці сапраўды яно ёсць? На гэтыя ды іншыя пытанні адказвае кіраўнік Кабінета прадстаўнікоў Святланы Ціханоўскай Валерый Кавалеўскі.

— Мы не прымаем характарыстыку дадзенай сытуацыі, асабліва вэрсію падзей, якую адлюстроўваюць СМІ, падкантрольныя дзяржаве, — так адказаў Офіс Вярхоўнага камісара ААН па правах чалавека на абвінавачванні з боку беларускіх уладаў.

Нагадаем, афіцыйны Мінск заявіў, нібыта супрацоўнікі ААН, якія працавалі ў Беларусі, аплачвалі адвакацкія паслугі для 23 грамадзянаў, якія ўдзельнічалі ў пратэстах.

Тэлеграм-канал “Святлана Ціханоўская” прызнаны “экстрэмісцкім”. Такое рашэнне прыняў суд Цэнтральнага раёна Мінска.

Гэта афіцыйны тг-канал Офіса Святланы Ціханоўскай. Да нядаўняга часу ў ім было 100 тысяч падпісчыкаў, і іх колькасць амаль не змяншалася.

У Мінску адмянілі GLOBAL WOMEN FORUM 2.0. Афіцыйная прычына — каранавірус.

Але, магчыма, справа ў некаторых “няправільных” спікерах. Праўладныя тэлеграм-каналы ўжо некалькі разоў “звярталі ўвагу” на адну з спікерак форума — Сашу Мітрошыну. Дзяўчына вядомая як расійскі грамадскі дзеяч, пісьменніца, журналістка і заснавальніца флэш-мобу супраць хатняга гвалту ў Расіі “Я не хацела паміраць”.

У адным з інтэрв'ю Саша сказала, што ёй сумна з-за рэпрэсій у Беларусі і яна баіцца, што ў Расіі будзе тое ж самае. За гэтую фразу і зачапіліся беларускія прапагандысты.

Мінчука арыштавалі перад пачаткам хакейнага матчу за вокладку пашпарта з “Пагоняй”.

23-гадовы Уладзіслаў Фёдараў учора прыйшоў у “Мінск-Арэну” на хакейны матч. Падчас агляду рэчаў у яго знайшлі пашпарт з Пагоняй, піша “Вясна”.

Хлопца адразу затрымалі і адвезлі ў Цэнтральны РУУС. Згодна з пратаколам, Фёдараў “аказаў непадпарадкаванне супрацоўнікам міліцыі”. Суддзя Вікторыя Шабуня асудзіла яго на 15 сутак па артыкуле 24.3 КаАП.

Што адбываецца з тэлеграм-каналам Офіса Святланы Ціханоўскай пасля прызнання яго “экстрэмісцкім”. Ён ужо на 3,5 тысячы апярэджвае тг-канал прэс-службы Аляксандра Лукашэнкі.

Праўду кажуць людзі: статус “экстрэміста” ад беларускіх уладаў гэта як рэклама.

Тэлеграм-канал “ПЛАТФОРМА ГОЛОС | новости” прызналі "экстрэмісцкім". Так вырашыў суд Цэнтральнага раёна Мінска.

Таксама ў Мінску адмянілі канцэрт гурта ЛСП, на які былі распрададзеныя ўсе квіткі.

Пра саліста гурта і яго падтрымку пратэстоўцаў шмат разоў пісалі праўладныя каналы.

У Беларусі +8 новых палітвязняў.

Гэта Міхаіл Чамурака, Уладзімір Сушко, Аляксандр Літвішчанка, Аляксандр Жыхарэвіч, Аляксандр Курганскі, Аксана Каспяровіч, Артур Жвірыдоўскі і Ігар Бузук, пералічвае “Вясна”.

Важныя падзеі пятніцы, 15 кастрычніка, у праграме ЕЎРАЗУМ

1:18 Выжыць побач з імперыяй: чаму Беларусь і Украіна не робяць гэта разам?

17:45 Навіны спорту

20:03 “Тузіну Гітоў — 18”: пра ўплыў парталу на пакаленні і рэпрэсаваную культуру Беларусі гаворым з Сяргеем Будкіным

30:24 Навіны шоу-бізу

33:47 “Па што ідзеш, воўча?”: пра што новая кніга Евы Вежнавец