Юлія Чарняўская знайшлася ў ДФР. Пра гэта паведаміла яе дачка Яўгенія.

З удзелам Чарняўскай будуць праходзіць нейкія "следчыя дзеянні" — пра гэта паведамілі яе адвакату. Падрабязнасцяў пакуль няма.

З 18 траўня, пасля разгрому рэдакцыі TUT.BY сваякі не ведалі, дзе знаходзіцца ўдава заснавальніка партала Юрыя Зісера.

Удава заснавальніка TUT.BY Юрыя Зісера Юлія Чарняўская знайшлася ў ДФР. Сувязі з ёй не было з 18 траўня. Яе дачка не выключала, што Чарняўскую могуць "трымаць у закладніках".

Але сэнсу ў гэтым няма: як высветліла @euroradio, TUT.BY ні на адсотак, ні на палову адсотка не належыць Юліі Чарняўскай. То-бок яе катуюць абсалютна проста так.

Цяпер палова ўладальнікаў партала (абведзеныя чырвоным) знаходзяцца за кратамі. Важны факт і ў тым, што далёка не ўсе затрыманыя супрацоўнікі TUT.BY увогуле маюць хаця б якое-небудзь дачыненне да юрыдычнай асобы.

Беларусь адхілілі ад "Еўрабачання" і правядзення многіх спартыўных спаборніцтваў, заходнія кампаніі згортваюць супрацоўніцтва з краінай, але... БТ рыхтуе запуск конкурсу X-Factor.

Брэнд X-Factor належыць брытанскай кампаніі Syco Entertainment. @euroradio пасылала запыт аб перспектывах супрацоўніцтва яшчэ некалькі месяцаў таму, але адказу так і не атрымала. Цяпер ясна: ні сітуацыя ў Беларусі, ні пытанні да БТ не з'яўляюцца падставай для адмовы ад прадастаўлення франшызы.

У судзе Маскоўскага раёна Мінска неўзабаве пачнецца разгляд адміністрацыйнай справы журналіста Арцёма Маёрава. Яго будуць судзіць за дробнае хуліганства.

Журналіст быў затрыманы раніцай 18 траўня ў будынку, дзе месціцца рэдакцыя партала TUT.BY. У пратаколе сказана, што міліцыянт заўважыў Маёрава і хацеў паклікаць яго на прафілактычную размову. А журналіст пры размове нібыта лаяўся і размахваў рукамі.

Адвакат Маёрава азнаёміўся са справай, пасяджэнне пачнецца ў бліжэйшыя хвіліны.

Служба бяспекі Украіны аб'явіла ў вышук дэпутата Тараса Козака, падазраванага ў дзяржаўнай здрадзе. Ён нібыта знаходзіцца ў Беларусі "на лячэнні".

Козак — блізкі паплечнік кума Пуціна Віктара Медзвядчука, супраць якога таксама распачата крымінальная справа. @euroradio раней распавядала аб іх шчыльных сувязях з беларускім алігархам Мікалаем Вараб'ём.

Суд працягвае разглядаць "справу студэнтаў". Цікавае назіранне з нагоды выступаў сведак (публікуюцца ў @dumkame):

БДУ і МДЛУ не кажуць аб нейкіх перашкодах навучальнаму працэсу ці іншых негатыўных наступствах. МДЛУ увогуле кажа, што і міліцыя ў ВНУ не была патрэбная, таму што нічога асабліва небяспечнага не адбывалася. То-бок, як могуць, але абараняюць студэнтаў.

А вось БДУІР, БДПУ і БДМУ сваіх студэнтаў "топяць".

Будзе карысна абітурыентам і іх бацькам пры выбары, куды паступаць.

Некаторым затрыманым супрацоўнікам @tutby_official сваякі ўсё-ж змаглі зрабіць перадачкі ў ІЧУ.

Гаворка ідзе пра галоўрэда Марыну Золатаву, рэдактарку Вольгу Лойка і журналістку Алену Талкачову.

Улады думаюць перанесці мясцовыя выбары. Ці законна гэта?

Згодна з дзеючай Канстытуцыяй адказ відавочны – не. Але тэрмін працы мясцовых саветаў прапісаны ў тым раздзеле асноўнага закона, які па сваім жаданні можа змяняць і Палата прадстаўнікоў.

Карэктывы дэпутаты не могуць рабіць у раздзелы 1,2, 4 і 8. Астатнія яны могуць змяняць без аніякага рэферэндуму.

Суд абвесціць рашэнне па справе журналіста Арцёма Маёрава заўтра ў 9.30. Да гэтага часу ён застаецца на Акрэсціна.

Журналіст газеты "Белорусы и рынок" быў затрыманы раніцай 18 траўня ў будынку, дзе месціцца рэдакцыя партала TUT.BY. У пратаколе сказана, што міліцыянт заўважыў Маёрава і хацеў паклікаць яго на прафілактычную размову. А журналіст пры размове нібыта лаяўся і размахваў рукамі.

Юлія Чарняўская знаходзіцца пад хатнім арыштам, яе адвакат – пад падпіскай аб неразгалошванні. Пра гэта паведамляе @tutby_official.

У спадарыні Юліі ўсё добра, яна дзякуе за падтрымку і перадае прывітанні.

Удаву Юрыя Зісера не бачылі з 18 траўня, сёння яна "знайшлася" ў ДФР. Як высветліла @euroradio, цікавасць да яе з боку сілавікоў мае няшмат логікі, таму што Чарняўскай сярод уладальнікаў парталу няма.

"Не слабы пол": гісторыя фемінізму. Нулявая і першая хвалі.

Працягваем новы праект "Не слабы пол", у якім двойчы разведзеная мінская фем-актывістка Варвара Паніна распавядае, як перастаць шкадаваць феміністак і палюбіць гендэрную роўнасць.

https://www.youtube.com/watch?v=4cnatEjaaqU

Беларуская спявачка Lear выпусціла новую песню.

“Колькі каштуюць стасункі” — драматычная гісторыя пра складаныя ўзаемазалежныя стасункі, у якіх партнёры не могуць вызначыцца ў сваіх пачуццях і стаўленні адно да аднаго.

Слухаць песню (і глядзець кліп) можна тут: https://www.youtube.com/watch?v=kbXlw5uz1VQ&feature=youtu.be&ab_channel=LEAR

За квартал у Польшчы затрымалі нелегальных цыгарэт з Беларусі на $7,5 млн. Пра гэта @euroradio распавялі польскія памежнікі.

https://euroradio.pl/za-kvartal-u-polshchy-zatrymali-nelegalnyh-cygaret-z-belarusi-na-75-mln

БТ не паказвае Еўрабачанне праз дыскваліфікацыю "Галасоў ЗМеста". Але, калі вы любіце конкурс ці проста жадаеце перавесці дух у гэты няпросты час, глядзець шоу можаце па спасылцы (старт — а 22-й):

https://euroradio.pl/eurabachanne-2021-yak-i-dze-glyadzec-drugi-paufinal-konkursu

Важныя падзеі чацвярга, 20 траўня, у праграме ЕЎРАЗУМ

1:13 Якія пагрозы інфармацыйнай бяспецы і незалежнасці Беларусі нясе сітуацыя з атакай на TUT.by — разважае Пётар Кузняцоў

19:20 Навіны шоў-бізу

21:39 Што будзе з валютнымі дэпазітамі беларусаў — меркаванне Вадзіма Іосуба

32:40 Навіны спорту

34:41 Як жывуць вёскі, дзе хацелі пабудаваць, але не пабудавалі Беларускую АЭС

Здаецца, канфлікт паміж Ізраілем і Палясцінай пастаўлены на паўзу. У Тель-Авіве вырашылі спыніць удары па Газе.

Калі абодва бакі пагодзяцца, ужо з першых гадзін 21 траўня пачнецца перамір'е.